ఇక సమస్యలపై ఆందోళనలు: తలసాని

హైదరాబాద్‌సిటీ : నగరంలో ప్రజా సమస్యల పై తెలుగుదేశం పార్టీ భారీ ఆందోళనా కార్య క్రమాలుచేపట్టడానికి సిద్ధమవుతోంది. ఈమేరకు బుధవారం పార్టీకార్యాలయంలో జరిగిన నూతన కమిటీ తొలి కార్యవర్గసమావేశానికి గ్రేటర్ అధ్యక్షుడు తలసాని శ్రీనివాస్‌యాదవ్అధ్యక్షత వహించారు. ఈ సమావేశంలో వివిధ ప్రజా సమస్యలపై పోరాటం చేయడంతోపాటు, పార్టీని మరింత బలోపేతం చేసేందుకు తీసుకోవాల్సిన విషయాలపై కూడా చర్చ జరిగింది. అనంతరం తలసాని శ్రీనివాస్‌యాదవ్ విలేకరుల సమావేశంలో మాట్లాడుతూ ప్రజలు అధికంగా విద్యుత్, మంచినీటి సమస్యలను ఎదుర్కొంటున్నారని అన్నారు. ఈనెల 23న విద్యుత్‌సమస్యల పై ర్యాలీపాటు విద్యుత్‌సౌథ ముట్టడి ఉంటుందని అన్నారు. ఈ మేరకు దాదాపు వెయ్యి ల్యాంతర్లలో ర్యాలీ ఉంటుందని అన్నారు.