ప్రభుత్వం ప్రజలపై వేల కోట్ల రూపాయల భారం వేస్తున్నదని, విద్యుత్ చార్జీల పెంపును కాంగ్రెస్ పార్టీకి చెందిన నాయకులే వ్యతిరేకిస్తున్నారని అయ్యన్న పాత్రుడు తెలిపారు. ప్రస్తుత పరిస్థితుల్లో సోలార్ విద్యుత్ వ్యవస్థను ప్రోత్సహించాల్సిన అవసరం ఉందన్నారు. కిరణ్‌కుమార్‌రెడ్డి ప్రభుత్వం బడ్జెట్‌లో సోలార్ విద్యుత్‌కు కేవలం రూ.8 కోట్లు మాత్రమే కేటాయించిందన్నారు. విద్యుత్ కొరతతో చిన్న పరిశ్రమలు మూతబడుతున్నాయని ఆయన ఆందోళన వ్యక్తంచేశారు. విద్యుత్ చార్జీలు పెంచబోమని హామీ ఇచ్చి రెండోసారి అధికారంలోకి వచ్చిన కాంగ్రెస్ ప్రభుత్వం మాట తప్పిందని ఆయ్యన్న పాత్రుడు విమర్శించారు.

విద్యుత్ అవసరాలపై ప్రభుత్వానికి ఒక ప్రణాళిక లేకపోవడం సిగ్గుచేటని దుయ్యబట్టారు. రాష్ట్రంలో విద్యుత్ సంక్షోభం ఏర్పడటానికి కిరణ్‌కుమార్‌రెడ్డి సర్కార్ నైతిక బాధ్యత వహించాలని డిమాండ్ చేశారు. పెంచిన చార్జీలు తగ్గించాలని డిమాండ్ చేస్తూ పెట్టుబడిదారులకు ప్రతిపక్షాలు కొమ్ముకాస్తున్నాయని ముఖ్యమంత్రి వ్యాఖ్యానించడం దారుణమని మండిపడ్డారు. రెండువందల యూనిట్లకు పైబడి చిరు వ్యాపారులు విద్యుత్ ఉపయోగించుకుంటున్నారని... వారిని కూడా పెట్టుబడిదారులుగా గుర్తించడం ముఖ్యమంత్రికే చెల్లిందని శోభాహైమావతి ఎద్దేవా చేశారు. ప్రస్తుతం చిన్న పరిశ్రమలు మూతపడి లక్షలాది మందికార్మికులు వీధిన పడుతున్నారని ఆవేదన వ్యక్తం చేశారు.

ఇందుకు ముఖ్యమంత్రి ఏం సమాధానం చెబుతారని ఆమె ప్రశ్నించారు. ప్రభుత్వ తప్పిదానికి ప్రజలను బలిచేయడం అన్యాయమని వ్యాఖ్యానించారు. మానవత్వాన్ని మరిచి ప్రభుత్వం విద్యుత్‌చార్జీలు పెంచిందని ఆగ్రహం వ్యక్తం చేశారు. ప్రజల ఆగ్రహ జ్వాలలో ప్రభుత్వం మాడి మసైపోవడం ఖాయమన్నారు. టీడీపీ జిల్లా ప్రధాన కార్యదర్శి, పటాన్‌చెరు కార్పొరేటర్ సపానాదేవ్ మాట్లాడుతూ, విద్యుత్ చార్జీల పెంపుపై ప్రజావ్యతిరేకత వ్యక్తమవుతున్న ప్రభుత్వం స్పందించకపోవడం అన్యాయమన్నారు. ప్రజా వ్యతిరేక విధానాలు అవలంబిస్తున్న కాంగ్రెస్‌కు ఇక నూకలు చెల్లినట్టేనని హెచ్చరించారు. తెలుగు మహిళా జిల్లా అధ్యక్షురాలు జి.శశికళాయాదవరెడ్డి మాట్లాడుతూ, విద్యుత్ చార్జీలు పేద, మధ్యతరగతి వర్గాలపై తీవ్ర ప్రభావం చూపుతోందన్నారు. వారు కరెంటు బిల్లులను తలచుకుని ఆందోళన చెందుతున్నారని ఆవేదన వ్యక్తం చేశారు. కాంగ్రెస్ హయాంలో ఏ వస్తువు ధర పెంచలేదో ప్రభుత్వం స్పష్టం చేయాలని శశికళాయాదవ్‌రెడ్డి డిమాండ్ చేశారు.

విద్యుత్ చార్జీలను తగ్గించేవరకు ఆందోళన కార్యక్రమాలు కొనసాగిస్తామని ఆమె స్పష్టం చేశారు. కార్యక్రమంలో టీడీపీ నాయకులు శ్రీనివాస్‌గౌడ్, బక్కి వెంకటయ్య, దశరథరెడ్డి, మానిక్‌ప్రభు, సంజీవరెడ్డి, గంగుల సుధాకర్‌రెడ్డి, మెట్టు కుమార్‌యాదవ్, జీఆర్ఎల్ శ్రీనివాస్, ఎడ్ల రమేష్, ఎండీ యూనుస్, విశ్వనాథం, చంద్రకుమార్, జహంగీర్, మేరాజ్‌ఖాన్ తదితరులు పాల్గొన్నారు.

31 ఏళ్ల టీడీపీ చరిత్రలో పార్టీ అధ్యక్షుడు రాష్ట్ర కార్యాలయంలోనే ఉగాది ఉత్సవాలలో పాల్గొనే వారు. చంద్రబాబు ఉగాది పండుగ తుని మండలం ఎన్.సూరవరంలో జరుపుకుంటున్నారు. తూర్పు గోదావరి జిల్లాలో పాదయాత్రలో వున్నందున ఉగాది వేడుకలు ఇక్కడే జరుపుకుంటున్నారు. ప్రముఖ పండితులు ప్రభల సుబ్రహ్మణ్య శర్మ పంచాంగ శ్రవణం ఏర్పాటుచేస్తారు. కార్యక్రమంలో చంద్రబాబుతోపాటు యనమల రామకృష్ణుడు, గరికపాటి మోహనరావు, చినరాజప్ప, యనమల కృష్ణుడు, చిక్కాల రామచంద్రరావు, వర్మ, పోతుల విశ్వం, మాకి నీడి శేషుకుమారి, కలగా శివరాణి తదితరులు పాల్గొంటున్నారు.

తుని: కాంగ్రెస్‌పాలనలో రాష్ట్రం చీకటాంధ్రప్రదేశ్‌గా మారిపోయిందని 'దే శం' అధ్యక్షుడు నారా చంద్రబాబునాయుడు అన్నారు. బుధవారం ఆయన కొలిమేరు, గాంధీనగరం, ఎన్.సూరవ రం గ్రామాల్లో పాదయాత్ర నిర్వహించారు. ఈ సందర్భంగా ఆయన ఆ యా గ్రామాల్లో ప్రజలనుద్దేవించి ప్ర సంగించారు. ఏటిపట్టు గ్రామాలైనందున పుష్కలంగా భూగర్భ జలాలు న్నా వాటిని తోడుకుని పంటలు సాగుచేసుకునేందుకు కరెంటులేకుండా పో తోందని విమర్శించారు. కనీసం తాగునీటికి ఇబ్బందులు పడుతుండడం దా రుణమన్నారు.

ఎక్కడికక్కడ ఇసుక మాఫియా చెలరేగి తాండవనదిని తవ్విపారేస్తున్నారని విమర్శించారు. దీనివల్ల నదికి ముప్పు ఏర్పడుతుందన్నారు. చెరకుపంటను విస్తారంగా సాగుచేస్తున్నారని టన్నుకు ఉత్పాదక వ్యయం రూ.2,500 ఖర్చవుతుంటే ప్రభుత్వం రూ.1750ఇస్తుండడం దారుణమన్నారు. గిట్టుబాటుగాని వ్యవసాయంతో రైతులు నష్టాలపాలవుతున్నారన్నారు. రైతు సంపాదనతో తిండి కరవవుతున్నందున పిల్లలను చదివించడం కూడా కష్టమవుతున్నదన్నారు. ఆడవారి మంగళసూత్రా లు కూడా తాకట్టులో ఉండి ఇబ్బందులు పడ్తున్నారన్నారు.

అందరి రుణాలూ మాఫీ చేసి ఆడపడుచుల బంగారం విడిపిస్తానన్నారు. రూ.600వృద్ధులు, వితం తు పెన్షన్లను పెంచుతామన్నారు. అన్ని సౌకర్యాలు కల్పించి ఉచిత ఇళ్ళతో కాలనీలు నిర్మించి ఇస్తామన్నారు. నకిలీ బ దిలీ పథకంతో కాంగ్రెస్‌వాళ్ళ పొట్టలే నింపుకుంటారని ఎద్దేవా చేశారు. ప్రజలకు కడుపునిండేలా ఉంటేనే నిజమైన నగదు బదిలీ పథకం అవుతుందన్నా రు. తుని అసెంబ్లీ అభ్యర్థి యనమల కృష్ణు డు, కాకినాడ పార్లమెంటు స్థానం ఇన్‌చార్జి పోతుల విశ్వం ఆయనకు స్థానిక సమస్యలను వివరించారు.

ఆంధ్రజ్యోతి - కాకినాడ:'వ్యవసాయం చేసి అప్పుల్లో కూరుకుపోతున్నాం.. బయట మార్కెట్లో కి లో ఇరవై, ముప్పయ్‌కి అమ్మే కూరగాయలు మా దగ్గర సగానికి కూడా కొనడంలేదు. ఏదైనా వుంది. వ్యవసాయం చేయడం చాలా కష్టంగా వుంది. మానేద్దామంటే వేరే పనిచేతకాదు. ఏం చేయమంటారు?'' అని పలువురు రైతులు చంద్రబాబును ప్రశ్నించారు. 'వస్తున్నా మీ కోసం' పాదయాత్ర బుధవారం సాయంత్రం 5 గంటలకు తుని మండలం కుమ్మరిలోవ నుంచి ప్రారంభమైంది. కొలిమేరు వెళ్లేదారిలో మిర ప, వంగ తోటల్లోకి వెళ్లి చంద్రబాబు రైతుల సమస్యలు తెలుసుకున్నారు.

ఈ సందర్భంగా ఒక రైతుతో చంద్రబాబు వ్యవసాయ పెట్టుబడుల గురిం చి, ధరల గురించి క్షుణ్ణంగా అడిగి తెలుసుకున్నారు. టీడీపీ అధికారంలోకి వచ్చాకా రైతులు, కౌలు రైతుల రుణాలు పూర్తిగా మాఫీ చేస్తామని హామీ ఇచ్చారు. వ్యవసాయం గిట్టుబాటు అయ్యేలా ప్రణాళికలు రూపొందించామన్నారు. రైతులు ఆనందంగా జీవితాలను సాగించేలా టీడీపీ కృషి చేస్తుందన్నారు. వ్యవసాయం చేసే రైతుల్లో ఎవరైనా బాగుపడ్డారా? అని చంద్రబాబు అక్కడి రైతులతో అన్నా రు. గీత కార్మికులతోనూ చంద్రబాబు ముచ్చటించారు. బెల్టుషాపుల వల్ల ఉపాధి కోల్పోతున్నామని గీతకార్మికులు చంద్రబాబు దృష్టికి తీసుకువచ్చారు.

ఖిీడీపీ వచ్చాకా బెల్టుషాపులు రద్దు చేయిస్తామన్నారు. కరెంటు ఎపు డు వస్తుందోనని రైతులు పొలం లో కాపలా కాయాల్సి వస్తున్నదని చంద్రబాబు అన్నారు. ఈసందర్భంగా కొలిమేరు బహిరంగ సభలో చంద్రబాబు మాట్లాడారు. తుని ప్రాంతంలో తాం డవ వున్నా తాగునీటికి ఇబ్బందులు ఎదురవుతున్నాయన్నారు.

రాష్ట్రంలో 189 రోజులు 2,677 కిలోమీటర్ల మేర చంద్రబాబు యాత్రసాగింది. జిల్లాలో 22వ రోజు పాదయాత్ర తుని మండలం కుమ్మరిలోవ, కొలిమేరు, ఎన్ సూరవరంలలో సాగిం ది. బుధవారం నాటికి జిల్లాలో చంద్రబాబు 222 కిలోమీటర్ల మేర పాదయాత్ర నిర్వహించారు.

మార్గమధ్యలో చంద్రబాబును కలిసిన ప్రజలు తాగునీరు, విద్యుత్, గుంతలుపడిన రోడ్లు, దోమలబెడద, ఆసుపత్రుల్లో మందుల కొరత, నిత్యావసర వస్తువుల ధరల పెరుగుదల తదితర సమస్యలపై విన్నవించారు.

ఈ సందర్భంగా చంద్రబాబు మా ట్లాడుతూ.. కాంగ్రెస్ దొంగల పాలనలో పేదల సంక్షేమానికి ఖర్చుచేయాల్సిన సొమ్మును వాళ్లే తినేశారన్నారు. వైఎస్ ప్రపంచంలో ఎక్కడాలేని స్థాయి లో అక్రమాలకు ఒడిగట్టి కొడుక్కి లక్ష కోట్లు దోచిపెట్టారని విమర్శించారు.

ఉపాధి సొమ్మూ తినేశారు

కాంగ్రెస్ దొంగలు ఉపాధిహామీ, ఇళ్లలోనూ దొంగబిల్లులతో సొమ్ము కాజేశారని చంద్రబాబు ఆరోపించారు. టీడీపీ హయాంలో వచ్చిన సంక్షేమ పథకాలే తప్పఇపుడు కాంగ్రెస్ దొంగ లు ప్రజలకు చేసిందేమీలేదన్నారు.

రెండు కొండల మధ్య సూరవరం చూస్తే మా ఊరు గుర్తొస్తుంది..

సూరవరంలో భూములు, కొండ లు, తోటలు అన్నీ ఎంతో ఆహ్లాదంగా వున్నాయి. గ్రామాన్ని చూస్తే మా ఊ రు గుర్తొస్తున్నదని చంద్రబాబు అన్నా రు. వస్తున్నా మీ కోసం యాత్ర లో ఆ గ్రామస్థులతో మాట్లాడారు. చిన్నపుడు నారావారిపల్లెలో వున్నపుడు రెండు కొండలమధ్య ఎంతో ఆహ్లాదంగా వుండేదన్నారు. ఇపుడు సూరవరం కూడా అన్పిస్తున్నదన్నారు.

రాజమండ్రి సిటీ: రాష్ట్ర ప్రభుత్వం లో అవినీతి మంత్రులు జగన్ కేసులో నిందితులుగా ఉన్న వారిని తొలగించ కపోవడం భ్రష్టుపట్టిపోతున్న గవర్నర్ వ్యవస్థకు నిదర్శనమని టీడీపీ రాష్ట్ర ప్రధాన కార్యదర్శి గోరంట్ల బు చ్చయ చౌదరి విమర్శించారు. రాజమండ్రిలో బుధవారం తన నివాసంలో విలేఖరుల సమావేశంలో మాట్లాడు తూ జగన్ దోపిడీ వెనుక కాంగ్రెస్ పెద్ద ల హస్తం ఉందన్నారు. ముఖ్యమంత్రి అవినీతిపరులను రక్షించే పనిలో ఉన్నారని ఇందులో భాగంగానే ఆ ఆరుగురు అవినీతి మంత్రులపై ఇంతవరకు చర్య లు తీసుకోలేదన్నారు.

జగన్ అక్రమాలలో భాగస్వాములుగా ఉన్న మంత్రు లు రాజీనామ చేస్తున్న వాటిని ఆమోదించడంలో గవర్నర్ నిర్లక్ష్యంగా వ్యవహరించడాన్ని ఆయన విమర్శించారు. విధి నిర్వహణలో గవర్నర్ విఫలమవుతున్నారని ఆరోపించారు. సెక్షన్ 420 లో నిందితులుగా వున్న వారు హోం మంత్రిగా ఉండడానికి అనర్హులని, ఈ కేసులో ఉన్న ఆరుగురు మంత్రులను మంత్రివర్గంలో పెట్టుకుని సీఎం వారికి సహకరించడాన్ని బట్టే కాంగ్రెస్ ప్ర భుత్వం అవినీతికి ఏ స్థాయిలో కొమ్ముకాస్తుందో అర్థమవుతుందన్నారు. వెం టనే అవినీతి మంత్రులను పదవులు నుంచి తొలగించాలని డిమాండ్ చేశా రు. వైఎస్సార్ హాయాంలో ఆయనకు ముఖ్య సలహాదారుడిగా ఉండి నడిపించిన కేవీపీని కాంగ్రెస్ హై కమాండ్ కాపాడుకుంటోందన్నారు.

బొగ్గు కొనుగోలులో ముఖ్యమంత్రి భారీగా అవినీతికి పాల్పడ్డారని, అందువల్లే రాష్ట్ర అంధకారమైందన్నారు. గుంటూరు సరస్వతి పవర్ కంపెనీకి 1532 ఎకరాల భూమిని కేటాయించారని, అయి తే ప్రస్తుతం ఆ ఫైల్ గల్లంతైందని ఇటువంటి మంత్రులు ఉంటే ఇలాగే జరుగుతుందని విమర్శించారు. కాంగ్రెస్ పార్టీకి ప్రజలు గుణపాఠం చెప్పాలని కోరారు.

దోపిడీదారుల పార్టీకి ఎన్టీఆర్ ఫొటో పెట్టుకునే అర్హత లేదు:లక్షల కోట్ల రూపాయల ప్రజా ధనా న్ని దోపిడీ చేసిన వైఎస్సార్ కాంగ్రెస్ పార్టీకి ప్రజల ఆరాధ్యదైవం దివంగత ఎన్టీఆర్ ఫొటోను పెట్టుకొనే అర్హత లేద ని గోరంట్ల బుచ్చయ్యచౌదరి మండిపడ్డారు. వైఎస్ఆర్ ఫొటో పక్కన ఎన్టీఆర్ ఫొటో పెట్టడాన్ని ఆయన తీవ్రంగా వ్యతిరేకించారు. విద్యాలయాల్లోను, అభిమానుల ఇళ్లల్లోను ఎన్టీఆర్ ఫొటో పె ట్టుకుంటే ఎవరికి అభ్యంతరం ఉండద ని అయితే రాష్ట్రాన్ని సర్వనాశనం చేసి లక్షల కోట్లు అక్రమార్జన చేసిన వైఎస్సార్ ఫొటో పక్కన ఎన్టీఆర్ ఫొటోను ఎలా పెడతారని ప్రశ్నించారు.

ఈ ఫొటో విషయంలో హరికృష్ణ వ్యాఖ్యలను ఆయన వ్యతిరేకించారు. సమర్థించేవారికి మతిలేదన్నారు. ఇక కాంగ్రెస్ ఎంపీ పురందేశ్వరి విషయానికి వస్తే కూతురుగా ఆమె ఎన్టీఆర్ ఫొటోను పె ట్టుకోవచ్చన్నారు. సమావేశంలో వి. రాంబాబు, రెడ్డి మణి, వర్రే శ్రీనివాసరావు, కాశీ నవీన్ పాల్గొన్నారు.

కాకినాడ,:చంద్రబాబు పాదయాత్రతో పార్టీ శ్రేణుల్లో ఉత్సాహం వచ్చింది. ప్రజల్లో ఆలోచన మొదలయింది. గ్రామస్థాయి నుంచి టీడీపీ హయాంలో సంక్షేమం, వైఎస్, కాంగ్రెస్ అవినీతిపై జనం బేరీజు వేసుకుంటున్నారు.. అని టీడీపీ ప్రధాన కార్యదర్శి, వస్తున్నా మీకోసం పాదయాత్ర రథసారధి గరికపాటి మోహనరావు అన్నారు. అక్టోబరు 2 నుంచి పాదయాత్రలో చంద్రబాబు వెంట నడుస్తున్న గరికపాటి ఈ ఆరునెలల వ్యవధిలో తన అనుభవాలు, పాదయాత్ర స్పందనపై ఆంధ్రజ్యోతి ఇంటర్వ్యూలో వివరించారు.
హిందూపురంలో ప్రారంభమైన పాదయాత్ర తూర్పుగోదావరి వచ్చేటప్పటికి ఉప్పెనలా స్పందన వస్తుందన్నారు. జిల్లా జిల్లాకు జనస్పందన అనూహ్యంగా పెరుగుతుందన్నారు. మన నాయకుడు కష్టపడుతున్నాడు మనం కూడా కష్టపడాలి .. అన్న భావన టీడీపీ నేతలు, కార్యకర్తలలో బాగా చొచ్చుకుపోయిందన్నారు.

ఆంధ్రజ్యోతి: పాదయాత్రలో చంద్రబాబు వాగ్దానాలు ఆచరణ సాధ్యమయ్యేవేనా?

గరికపాటి: చంద్రబాబు ఆచరణ సాధ్యంకానివి ఏవీ మాట్లాడరు. ఆర్ధిక నిపుణులు, పార్టీ సీనియర్లతో చర్చించిన వాటిపైనే హామీలు ఇస్తున్నారు. వచ్చే ఏడాది రాష్ట్ర బడ్జెట్ రూ. 2 లక్షల కోట్ల వరకు వెళ్తుంది. బీసీ డిక్లరేషన్‌కి రూ 10 వేలకోట్లు, కాపుల్లో పేదలకు ఏటా రూ వెయ్యికోట్లు, రైతులకు, చేనేత రుణమాఫీ, ఇలా పేదలకోసం చంద్రబాబు ఇస్తున్న హామీలు అమలుచేయలేనివి మాత్రం కాదు.

ఆంధ్రజ్యోతి: నాయకుల పనితీరుపై అనేక చోట్ల ఫిర్యాదులు వస్తున్నాయి?

గరికపాటి: కిందిస్థాయిలో కార్యకర్తలు బాగా ఉత్సాహంగా పనిచేస్తున్నారు. కొన్ని చోట్ల నాయకుల్లో ఇబ్బందులు ఉన్నాయి. వాటిని ఎక్కడికక్కడ పరిష్కరిస్తున్నాం. పనితీరు బాగాలేని నాయకులకు ప్రాధాన్యత ఉండదు. ప్రజలు, కార్యకర్తలు వ్యతిరేకిస్తున్న వారిని మేమెలా ప్రోత్సహిస్తాం.

ఆంధ్రజ్యోతి: పాదయాత్ర ఏప్రిల్ 27తో ముగుస్తుంది? తర్వాత బస్సు యాత్ర అంటున్నారు?

గరికపాటి: 16 జిల్లాలలో పాదయాత్ర 27తో ముగుస్తుంది. తర్వాత జూన్ నుంచి రెండో విడత యాత్ర ఉంటుంది. అది ఇంకా పూర్తిగా ప్లాన్ చేయాలి. ఎన్నికలలోగా చంద్రబాబు 294 నియోజకవర్గాలలో తిరిగి కార్యకర్తలతో మమేకమవుతారు.

ఆంధ్రజ్యోతి: పాదయాత్రలో చంద్రబాబు రికార్డు నెలకొల్పుతున్నట్లున్నారు?

గరికపాటి: ఔను. దేశచరిత్రలో ఇన్ని కిలోమీటర్లు నడిచి ప్రజాసమస్యలు తెలుసుకున్న రాజకీయనాయకుడు ఎవరూలేరు. ఇప్పటికే 2,,650 కిలోమీటర్లు సాగింది. మరో ఇరవై రోజులు పాదయాత్ర ఉంది.

ఆంధ్రజ్యోతి: పాదయాత్రకు వస్తున్న స్పందన ఎలా ఉంది?

గరికపాటి: అక్టోబరు 2న హిందూపురంలో ప్రారంభించినపుడు.. స్పందన బాగానే ఉంది. క్రమక్రమంగా బాగా పుంజుకుంది. ప్రజలు చంద్రబాబు పాలనను కోరుకుంటున్నారు.

ఈ ప్రభుత్వ చేతకాని తనం, అవినీతికి విసిగివేసారిపోయారు. గతంలో టీడీపీ హయాంలో విద్యుత్, ఐటీ, ఇతర సంస్కరణలు, ప్రభుత్వ కార్యాలయాలలో అధికారుల పనితీరు.. ఇలా అన్నింట్లోనూ అప్పటి పాలనతో పోల్చుకోవడం మొదలైంది. దీంతో చంద్రబాబు పాదయాత్రకు అనూహ్య స్పందన వస్తుంది.

ఆంధ్రజ్యోతి: పాదయాత్ర వల్ల పార్టీకి పూర్వ వైభవం వస్తుందంటారా?

గరికపాటి: ఖచ్చితంగా. వచ్చే ఎన్నికలలో టీడీపీ గెలపు ఖాయం. . ఈ 188 రోజులు నేనూ ఈ యాత్రలో ఉన్నాను. .టీడీపీ కార్యకర్తలే కాకుండా గ్రామాలలో ప్రజలు తండోపతండాలుగా చంద్రబాబును చూడటానికి వస్తున్నారు. ముఖ్యంగా మహిళలు, యువత బాగా స్పందిస్తున్నారు. చంద్రబాబు సంక్షేమాల గురించి, విద్యుత్ సంస్కరణలపై ఎక్కడికక్కడ మాట్లాడుతున్నారు.