పేరుకే ఇది నగరం. పొట్టవిప్పి చూస్తే పేట నుంచి వాడ దాకా మురుగుకాసారం. గూడు చెదిరిన పేదలు, కప్పుకూ నోచుకొని అభాగ్యులు అడుగడుగునా కనిపించారు. తమ నరక ప్రాయ జీవితాలను వినిపించి నా గుండె కరిగించారు. వీళ్లంతా వైఎస్ మాయాజాలంలో చిత్త యిన బడుగులు. ఇందిరమ్మ ఇళ్ల నుంచి రాజీవ్ స్వగృహ దాకా.. పావలా వడ్డీ నుంచి లక్షాధికారణి ప్రకటనల దాకా.. జోలపాడి తొడ గిల్లే ఆ మహానుభావుడి పథకాల వలకు చిక్కి శల్యమయ్యారు. ఆయన చూపించిన అరచేతి వైకుంఠంలో దారీతెన్నూ తెలియక బిక్కముఖం వేశారు. అప్పటి పాలన తీరది. అడగనివారే పాపాత్ములన్నట్టు లక్షల ఇళ్లు కట్టిస్తున్నామని బీరాలు పలికాడు.

తాను అధికారంలోకి వచ్చిన ఆరు నెలలలోపు దుర్గగుడి వద్ద ఫ్లై ఓవర్ నిర్మించి కాంగ్రెస్ నాయకులు చేయలేని పనిని తాను చేసి చూపిస్తానని సవాల్ విసిరారు. ఓ మహిళను కుక్కకరిచింది..ఆమెను ఆదుకునేవారెవ్వరూ లేరు. కార్పొరేషన్ సిబ్బంది నిర్లక్ష్య వైఖరిని గుర్తుచేస్తూ తమ పార్టీ నాయకులు కొందరు ఆమెకు న్యాయం చేయాలంటూ ధర్నా చేస్తే పోలీసులు వారిపై అక్రమంగా కేసులు బనాయించారన్నారు. ఇంతకన్న దౌర్భాగ్యం ఏమైనా ఉంటుందా అని చంద్రబాబు ప్రశ్నించారు. పోలీసులు అధికార పార్టీకి తొత్తులుగా వ్యవహరించకూడదని, టీడీపీ హయాంలో వారి పరిస్థితి ఎలా ఉందో, ఇప్పుడు ఎలా ఉందో బేరీజు వేసుకుని చూసుకోవాలన్నారు. వ్యాట్‌ట్యాక్స్ భారంతో దుస్తుల వ్యాపారులు తీవ్ర ఇబ్బందులు ఎదుర్కొంటున్నారని చంద్రబాబు చెబుతున్న సమయంలో ఆ వర్గాల నుంచి మంచి స్పందన వచ్చింది.

పలువురు చిరువ్యాపారులతో చంద్రబాబు ముచ్చటించారు. వారి కష్టాలను అడిగి తెలుసుకున్నారు. ఇదే సమయంలో ఇద్దరు ముస్లిం యువతులు రోడ్డు పక్కగా తోపుడు బళ్లపై చిన్నపాటి వ్యాపారం చేస్తూ చంద్రబాబు కు కన్పించారు. వారి వద్దకెళ్లిన అధినేత వారి వివరాలను అడిగి తెలుసుకున్నారు. ఒకామె ఎంబీఏ చదువుతున్నానని, మరో యువతి బీఎస్సీ చదువుతున్నానని చెప్పడంతో వారి పరిస్థితి చూసి తెలుగుదేశం పార్టీ అధినేత చలించిపోయారు. ఈ ప్రభుత్వానికి సిగ్గు ఉందా అని ప్రశ్నించారు. ఉపాధి లేక యువతులు ఇంటి ఖర్చుల నిమిత్తం రోడ్డెక్కుతుంటే ఈ ప్రభుత్వం ఏ మాత్రం చలించడం లేదని ఇలాంటి ఆణిముత్యాలకు తమ ప్రభుత్వం వచ్చిన మరుక్షణమే సరైన ఉద్యోగాలు కల్పిస్తామని స్థానికుల హర్షధ్వానాల మధ్య చంద్రబాబు ప్రకటించారు.

రాష్ట్రంలో కరెంట్ పరిస్థితి దారుణంగా ఉండటంతో చాలామంది జనరేటర్లను కొనుగోలు చేయాల్సిన దుస్థితి వచ్చిందని, తీరా వాటిపై కూడా వ్యాట్‌ను విధించిన ఘనత కాంగ్రెస్‌కే చెల్లిందంటున్న తరుణంలో వ్యాపారుల నుంచి భారీ స్పందన కన్పించింది. జనం రానున్న ఎన్నికలలో ఓటును 'ప్రధానాస్త్రం'గా వాడాలని ఈ సందర్భంగా చంద్రబాబు పిలుపునిచ్చారు. టీడీపీ అధికారంలోకి వచ్చిన క్షణమే విజయవాడను ఏ విధంగా అభివృద్ధి ఏమిటో ఆరు నెలల్లో చేసి చూపిస్తామన్నారు.

ఇక కెనాల్ రోడ్డు కాలి నడకకు కూడా దారి దొరకడం కషఫ్టమైపోయింది. బాబూ రావాలి జాబు ఇవ్వా లంటూ ఆయన నడక సాగినంత దూరం యవ కేరింతలు, నినాదాలతో మారు మోగిపోయింది. గడప గడపా ఇళ్ళు వదిలి బాబును చూడటానికి జనం బయటకు వచ్చి నిలబడ్డారు. మహిళలు, వృద్దులు సైతం బాబుకు స్వాగతం పలకడంలో పోటీ పడ్డారు. బేతాళ నృత్యాలు, హారతులతో వీర తిలకాలు దిద్దుతూ స్వాగతం పలికారు.

భవానీపురం, కుమ్మరిపాలెం సెంటర్, అమ్మవారి కొండ దాటాక బ్రాహ్మణవీధి, కెనాల్ రోడ్డు కాళేశ్వరరావు మార్కెట్ ప్రాంతాల్లో పోగయిన జన సందోహం శివరాత్రి సందడిని తలపించింది. వస్త్ర వ్యాపారులు, తోపుడు బళ్ళ వ్యాపారులు, ఎదురొచ్చి బాబును కలసి తమ సమస్యలను ఆయనకు విన్నవించుకున్నారు. రాత్రి బస చేసే ప్రాంతమైన రాజరాజేశ్వరిపేట వీధులన్నీ జనంతో నిండిపోయాయి.

పాదయాత్ర చేస్తున్న చంద్రబాబును చూసేందుకు పెద్దలంతా అడ్డుగా ఉండడంతో చంద్రబాబు కనబడటంలేదని చెట్టులు ఎక్కి చూస్తూ చేతులు ఊపుతూ అభివాదం చేశారు. చంద్రబాబు కూడా వారికి ప్రతిగా చేతులు ఊపారు. జాతీయ రహదారి నుంచి వెళ్ళే ప్రతి కాన్వెంట్ బస్సుల్లోని విద్యార్థులు చంద్రబాబును చూడగానే ఒక్కసారిగా చేతులు బయటపెట్టి పెద్దయెత్తున అరుస్తూ అభివాదం చేస్తున్నారు. భారీ వామనాలపై వెళ్లేవారు సెల్‌లో ఫొటోలు తీసుకున్నారు. పొలాల్లో పనులు చేసుకునే మహిళలతో సహా చిన్నారులను ఎత్తుకుని చంద్రబాబును చూసేందుకు ఎగబడ్డారు. మహిళలు పూలు జల్లి, హారతులు ఇచ్చి బ్రహ్మర«థం పట్టారు.

ముఖ్యంగా రాష్ట్రంలో రాక్షస పాలన ఉందని, దీని నుంచి ప్రజలు ఎంత త్వరగా బయట పడితే అంత మంచిదన్నారు. పేదవాడికి మూడు సెంట్ల స్థలాన్ని ఇస్తే ఆనందంగా ఇల్లు నిర్మించుకుని బతుకుతాడు. ఆ పని చేయడానికి చేతులురాని కాంగ్రెస్ నాయకులు మాత్రం వేలాది ఎకరాల భూములను కబ్జా చేస్తున్నారని చంద్రబాబు దుయ్యబట్టారు. బయ్యారం గనులే అందుకు నిదర్శనమన్నారు. సుమారు 1.36 లక్షల ఎకరాల భూములను తన అల్లుడికి వరకట్నంగా సమర్పించిన ఘనత మాజీ ముఖ్యమంత్రి వై.ఎస్.రాజశేఖరరెడ్డిదేనన్నారు.

పేద వాళ్ళకు గ్యాస్ బండ.. గుదిబండగా మారిందన్నారు. రాష్ట్రంలో నిత్యావసరాల ధరలు విపరీతంగా పెరిగిపోయినా ముఖ్యమంత్రి ఏమా త్రం పట్టించుకోవడం లేదని ఆవేదన వ్యక్తం చేశారు. రాష్ట్రంలో మహాదోపిడీ జరుగుతోందన్నారు. విజయవాడలోని థర్మల్ పవర్ స్టేషన్ పరిస్థితి దీనంగా మారిందన్నారు. ఉత్పాదన బాగా తగ్గిందని దీనికి కారణం కాంగ్రెస్ ప్రభుత్వం నాసిరకం బొగ్గు సరఫరా చేయడమే అని చంద్రబాబు విమిర్శించారు. ఈ సందర్భంగా స్థానికులు చంద్రబాబును పలు ప్రశ్నలు అడిగారు.

పలువురు ప్రశ్నలు.. బాబు సమా«ధానాలు వల్లూరు భరణి: మీ హయాంలో ఐటీ బాగా అభివృద్ధి చేశారు. తిరిగి అధికారంలోకి వస్తే మా అందరికీ ఉద్యోగాలు వస్తాయి.

చంద్రబాబు: నిజమే తమ్ముడూ.. అందరికీ ఉద్యోగాలు రావాలి. ఆ పని చేయగలిగింది ఒక్క తెలుగుదేశం పార్టీ మాత్రమే. అప్పుడే రాష్ట్రంలో పేదరికం పోతుంది. ఆనాడు టీడీపీ హయాంలో వేసిన రోడ్లే ఇప్పటికీ ఉన్నాయి. కొత్తగా ఒక్క రోడ్డును ఈ కాంగ్రెస్ ప్రభుత్వం అభివృద్ధి చేయలేదు. గతుకులకు కనీసం మరమ్మతులు కూడా చేయలేని దుస్థితి ఈ ప్రభుత్వానిది.

వంశీ: రాష్ట్రంలో రైతులందరూ చాలా ఇబ్బందుల్లో ఉన్నారు. వారిని మీరు ఆదుకోవాలి.

చంద్రబాబు: తప్పకుండా.. నా పాదయాత్రలో ఆధిక ప్రాధాన్యం రైతు సమస్యల పరిష్కారానికే.

చిలుకూరి శ్రీలక్ష్మి: మా అబ్బాయిని బాగా చదివించాను. మంచి మార్కులతో పాసయ్యాడు. అగ్ర కులాలకు చెందిన వారం కావడంతో ఉద్యోగం రావడం లేదు.

చంద్రబాబు: అగ్రవర్ణాల్లోనూ అనేక మంది పేదలున్నారు. నేను అధికారంలోకి రాగానే వారికి కూడా ఉద్యోగ అవకాశాలు మెరుగయ్యేలా చూస్తా.

ఆంధ్రప్రదేశ్‌లో ఐటీ (ఇన్‌ఫర్మేషన్ టెక్నాలజీ) అనగానే హైదరాబాద్‌లో హైటెక్ సిటీ చంద్రబాబు నాయుడే గుర్తుకు వస్తారు. అలాంటి బాబు పాదయాత్రలో ఐటీ ప్రత్యేకత కనిపించకపోతే ఎలా ?...అవును మరి ఈ పాదయాత్రలో ఐటీ విభాగం కీలకపాత్రే పోషిస్తుంది. హిందూపురంలో ఆయన పాద యాత్ర ప్రారంభమైన నాటి నుంచి నేటి వరకు ఈ విభాగం ప్రాధాన్యత అనుక్షణం కనిపిస్తుంది. హైదరాబాద్ ఎన్టీఆర్ భవన్‌లోని ఈ విభాగం ఇపుడు ఏకంగా బాబు నడకతో కలిసి పయనిస్తుంది. చంద్రబాబు స్నేహితులు, కుటుంబ సభ్యులు, పార్టీ నాయకులు, కార్యకర్తలు చేసే ఫోన్ కాల్స్ ఈ విభాగం తీసుకుంటుంది.

అక్కడి నుంచి బాబుకు సమాచారం అందుతుంది. అలాగే బాబు ఇచ్చే ఏదైనా సమాచారం కూడా ఇక్కడి నుంచే బయటకు వెళుతుంది. కొన్ని సోషల్ నెట్ వర్క్‌కు అందించాల్సిన సమాచారం ఏమైనా ఉన్నా ఈ విభాగం ద్వారా వెంటనే వెళ్ళిపోతుంది. ఇదే సందర్భంలో ప్రపంచ, దేశ, రాష్ట్ర వ్యాప్తంగా ముఖ్యమైన సమాచారం ఎప్పటికప్పుడు ఎన్టీఆర్ ట్రస్ట్ భవన్ నుంచి ఇక్కడకు చేరుతుంది. దీని నుంచి ఆయా సమాచారాలు బాబుకు అందుతాయి. బాబు ఉదయం మేల్కొంది మొదలు రాత్రి విశ్రమించే వరకు ఈ విభాగం పనిచేస్తూనే ఉంటుంది. ఫోన్, ఎస్ఎంఎస్‌లు, ఇంటర్ నెట్ మెయిల్స్ ద్వారా ఈ సమాచారం రాక, పోకలు జరుగుతుంటాయి. ఇవే కాకుండా బాబు పాదయాత్రలో ప్రజలు ఇచ్చే విజ్ఞాపనలు, నాయకులు అందించే లేఖలన్నింటినీ స్వీకరించగానే అవి ఈ విభాగం తీసుకుంటుంది. వాటిని రికార్డు చేయడంతో పాటు విభజించి ఆయా విభాగాలకు ఇక్కడి నుంచి వెంటనే సమాచారం పంపుతారు.

విశేషం ఏమంటే ఎవరైనా సిగరెట్ పెట్టెపై సమాచారం రాసిచ్చినా దాన్ని కూడా స్వీకరించి చెత్తబుట్టలో వేయకుండా ఆ సమస్యకు సంబంధించిన విభాగానికి చేరవేస్తారు. ఇక బాబు పాదయాత్రలో ఎవరైనా అనాథలు, దీనులు విరాళాలు అడిగినపుడు వెం టనే ఆయన వారికి ప్రకటించినట్లైతే ఆ విరాళాన్ని కూడా ఈ విభాగం ద్వారా అక్కడికక్కడే అందజేస్తారు. పార్టీకి నేతలెవరైనా విరాళాలు ప్రకటించినా అవి కూడా ఈ విభాగమే స్వీకరిస్తుంది. ఈ నెట్ వర్క్ కోసం ఓ ప్రత్యేక వాహనాన్ని ఏర్పాటు చేశారు. ఇందులోనే అంతా ఏర్పాటు చేశారు. బాబుతో పాటే ఉంటూ కార్యక్రమాలన్నీ ఈ విభాగం చూసుకుంటూ అనుక్షణం కీలక విభాగంగా నిలుస్తుంది.

ఈ నెట్ వర్క్‌కోసం బీఎస్ఎన్ఎల్, ఐడియా, ఎయిర్‌టెల్‌లతో పాటు 3జీ సాంకేతిక పరిజ్ఞానాన్ని వినియోగిస్తున్నారు. బా బు పాదయాత్ర పూర్తయ్యే వరకు ఈ మొబైల్ ఐటీ విభాగం ఆయనతోనే కొనసాగుతుంది. అధికారులు, నేతలు, ప్రజలు, బాబు కుటుంబ సభ్యులు, స్నేహితులకు మధ్య ఈ విభాగం కో ఆర్డినేట్‌గా పనిచేస్తుందని చెప్పవచ్చు. అయితే ఈ వ్యవహారమంతా ఒకే ఒక వ్యక్తి నిర్వహించడం విశేషం కాగా ఆయన కృష్ణాజిల్లా వాసి కావడం మరో విశేషం. కైకలూరు నియోజకవర్గం కలిదిండి గ్రామానికి చెందిన పెరుమాళ్ళ నాగరాజు ఈ మొత్తం వ్యవహారం చూసుకుంటున్నారు. ఈయన ఎంబీఏ చదివి 2008లో హైదరాబాద్ టీడీపీ రాష్ట్ర కార్యాలయంలోని ఐటీ విభాగంలో ప్రవేశించారు. అప్పటి నుంచి అక్కడే పనిచేస్తూ ఇప్పుడు పాదయాత్రలో ఈ విభాగం మొత్తాన్ని తన చేతుల మీదుగా నడిపిస్తున్నారు. సాంకేతికపరమైన విభాగం అంతా నాగరాజు నిర్వహిస్తుండగా ఇతర వ్యవహారమంతా రాజగోపాల్ పర్యవేక్షిస్తుంటారు.

అలాగే ఎన్ఎస్‌పి 3వ జోన్ తిరువూరు, నూజివీడు, మైలవరం, నందిగామ, గన్నవరం నియోకవర్గాల్లో రెండు లక్షల ముప్పై వేల ఎకరాలకు నవంబరు 15వ తేదీకి నీరు అందక ఆయా ప్రాంతాల్లో వేసిన పత్తి, మొక్కజొన్న, పొగాకు, మామిడి పం టలు ఎండిపోతున్నాయని తెలిపారు. ప్రస్తుతం నాగార్జున సాగర్ డ్యా మ్‌లో 511లు అనగా 134 టీఎంసీలు శ్రీశై లం డ్యామ్‌లో 860లు అనగా 112 టీఎంసీలు మొత్తం 246 టీఎంసీల నీరు ఉందని తెలిపారు. నాగార్జున సాగర్‌లో 490 , శ్రీశైలంలో 850 అడుగుల నీరు ఉన్నపుడు కూడా టీడీపీ హయాంలో ఆదుకున్నట్లు పేర్కొన్నా రు. ఇక నాగార్జున సాగర్‌లో అవకతవకల గురించి కూడా ఈ లేఖలో ఆయ న పేర్కొన్నారు.

గతంలో ప్యాకేజీ నంబర్ 18 నాగార్జున సాగర్ ఆధునికీకరణలో రూ.10 కోట్ల పనికి రూ.23 కోట్లు అంచనాలు పెంచి బిల్లు చేయ డం, రాఘవ, బీవీఆర్ జాయింట్ వెం చర్ చేసిన ఈ పనిలో అవినీతి జరిగి రూ.8 కోట్ల రికవరీ చేయమని విచారణ కమిటీ చెప్పిందన్నారు. కానీ ప్రభుత్వం నజరానాగా రాఘవ కన్‌స్ట్రక్షన్స్ వారికి 10 కోట్లకు నూజివీడు మేజరు, బీవీఆర్‌కు వేంపాడు రూ.52 కోట్లకు పనులు ఇచ్చారన్నారు. కానీ రికవరీ మాత్రం ఇంత వరకు జరగలేదన్నారు. జగ్గయ్యపేటలో జల యజ్ఞం లో వైఎస్ మొదలు పెట్టిన మొదటి ప్రాజెక్టు మునేరుపై పోచంపల్లి నేటికీ పూర్తవలేదని, కనీసం సిల్టు కూడా తీయకపోవటం వల్ల ఒక పంట కూడా పండటం లేదన్నారు.

డెల్టా ఆధునికీకరణ కింద 2007లో రూ.2183 కోట్లతో ప్రారంభించిన పనులు నేటికి 8 శాతం కూడా పూర్తి కాలేదని, మోబిలైజేషన్ అడ్వాన్స్‌గా రూ.70 కోట్లు తీసుకున్నట్లు చెప్పారు. డ్రయినేజీ వ్యవస్థ పూర్తిగా నిర్వీర్యమై కాలువలు బాగు చేయకపోవటంతో చివరి ప్రాంతాలకు నీరు వెళ్ళని పరిస్థితి ఉందన్నారు. పులిచింతల, తారక రామ ఎత్తిపోతల, పోలవరం పనులు పూర్తి కాలేదని, జిల్లాలో పోలవరం కాల్వలు తవ్వినా డ్యామ్ నిర్మాణం కాలేదన్నారు.