February 3, 2013
అడుగడుగునా బ్రహ్మ
గొల్లపూడిలో
శనివారం జరిగిన టీడీపీ అధినేత చంద్రబాబు పాదయాత్రకు విశేష స్పందన
లభించింది. పార్టీ కార్యకర్తలు, ప్రజలు అధిక సంఖ్యలో పాల్గొని బాబుకు
బ్రహ్మరథం పట్టారు. అభిమానులు ఆయనను పూలపై నడిపించారు. మహిళలు ఎదురేగి దారి
పొడవునా ఆయనకు అడుగడుగునా హారతులిచ్చారు. పాదయాత్ర విజయవంతం కావాలని ఆయనను
దీవించారు. గొల్లపూడిలో జనస్పందన చూసి బాబు సంతోషించారు. కాగా పాదయాత్రలో
డప్పు విన్యాసాలు, విచిత్ర వేషధారణలు, కోయదొరల పలకరింపులు, జంగం దేవరల
స్వాగ త సుమాంజలులు, అభిమానుల కో లాహలం, సందడి వాతావరణంలో బాణసంచా
కాల్పులు, చిన్నపిల్లల కేరింతలు, యువకుల ఈలలు, కేకలతో ఆప్రాంతం
మారుమోగింది.
పాదయాత్ర చేస్తున్న చంద్రబాబును చూసేందుకు పెద్దలంతా అడ్డుగా ఉండడంతో చంద్రబాబు కనబడటంలేదని చెట్టులు ఎక్కి చూస్తూ చేతులు ఊపుతూ అభివాదం చేశారు. చంద్రబాబు కూడా వారికి ప్రతిగా చేతులు ఊపారు. జాతీయ రహదారి నుంచి వెళ్ళే ప్రతి కాన్వెంట్ బస్సుల్లోని విద్యార్థులు చంద్రబాబును చూడగానే ఒక్కసారిగా చేతులు బయటపెట్టి పెద్దయెత్తున అరుస్తూ అభివాదం చేస్తున్నారు. భారీ వామనాలపై వెళ్లేవారు సెల్లో ఫొటోలు తీసుకున్నారు. పొలాల్లో పనులు చేసుకునే మహిళలతో సహా చిన్నారులను ఎత్తుకుని చంద్రబాబును చూసేందుకు ఎగబడ్డారు. మహిళలు పూలు జల్లి, హారతులు ఇచ్చి బ్రహ్మర«థం పట్టారు.
Posted by
arjun
at
6:00 AM