ఇది కాంగ్రెస్ ప్రభుత్వ వ్యతిరేకతకు అద్దం పడుతుందన్నారు. నేడు గుంటూరులో చంద్రబాబు వస్తున్నా మీ కోసం పాదయాత్ర సిద్దార్థ గార్డెన్స్ నుంచి ప్రారంభమవుతుందన్నారు. అక్కడి నుంచి యాత్ర బృందావన్ గార్డెన్స్ మీదుగా సీతారామయ్య స్కూల్, అశోక్‌నగర్, దేవాపురం, కోబాల్డ్‌పేట, బ్రాడీపేట 4/14 వంతె న కింద నుంచి ఏటి అగ్రహారం చేరుకుంటుందన్నారు. అక్కడి నుంచి చుట్టుగుంట సెంటర్, శ్రీనివాసరావుతోట 60 అడుగుల రోడ్డు, పీర్లచావిడి, రామనామ క్షేత్రం నుంచి నల్లచెరువు వెంకటేశ్వర స్వామి వారి దేవస్థానం వద్దకు చేరుకుంటుందన్నారు.

అక్కడి నుండి దామోదర సంజీవయ్య నగర్ (డీయస్ నగర్) చేరుకుంటుందన్నా రు. అక్కడి బృందావన్ ఎన్‌క్లేవ్‌లో రా త్రికి బస చేస్తారని తెలిపారు. ఈ కార్యక్రమంలో నాయకులు జియా వుద్దీన్, బోనబోయిన శ్రీనివాస యాదవ్, మ న్నవ సుబ్బారావు, యాగంటి దుర్గారావు, ముత్తినేని రాజేష్, కొంపల్లి మా లకొండయ్య, చిట్టాబత్తిన చిట్టిబాబు, నర్రా బాలకృష్ణ, బొల్లా నాగేశ్వరరావు తదితరులు పాల్గొన్నారు.

ఇదే ఉత్సాహంతో ముందుకు సాగి డీసీసీబీ, డీసీఎంఎస్ చైర్మన్ పదవులను దక్కించుకోవాలని సూచించారు. ప్రత్యర్థులు కుట్రపూరిత విధానాలతో ఛైర్మన్ పదవిని దక్కించుకునే ప్రయత్నం చేసే అవకాశం ఉన్నందున అప్రమత్తంగా ఉండాలని హెచ్చరించారు.

సహకార సంఘాల ఎన్నికల ఫలితాలను ఆయన విశ్లేషించారు. కాంగ్రెస్ పార్టీ మోసపూరిత విధానంతో సభ్యుల చేర్పుల సమయంలోనే అక్రమాలకు పాల్పడిందన్నారు. దీని వల్ల కొన్ని స్థానాల్లో స్వల్ప తేడాతో పరాజయం పాలైనట్లు గుర్తించామన్నారు. మరి కొన్ని చోట్ల నాయకులు గెలుస్తామన్న ధీమాతో, ఇంకొన్ని చోట్ల ఓటమి తప్పదని భావించి నిర్లక్ష్యంగా ఉండటంతో చేజారిపోయాయన్నారు. ఇలాంటి చోట్ల కష్టపడి పని చేసి ఉంటే గెలుపు సాధ్యమయ్యేదని చెప్పారు. ఎన్నికల తర్వాత అభ్యర్థులను కాపాడుకోవడంపై గత విషయాలను చంద్రబాబు సమావేశంలో వివరించారు.

* పార్టీ వ్యవస్థాపకుడు ఎన్‌టీఆర్ శస్త్రచికిత్స కోసం వెళ్లిన సమయంలో జరిగిన ఓ సంఘటనను ఉదహరించారు. అప్పట్లో ఎన్‌టీఆర్ పదవిని కాపాడేందుకు 163 మంది ఎమ్మెల్యేలను ఐక్యంగా ఉంచి, నెల రోజుల పాటు క్యాంపు నిర్వహించి పార్టీని కాపాడిన విషయాన్ని గుర్తు చేశారు. ఆ రోజుల్లోనే ఇందిరాగాంధీ తనకు కేంద్ర మంత్రి పదవిని ఇస్తానని చెప్పినా లొంగకుండా పార్టీ కోసం నిలబడ్డానన్నారు.

* 1991లో చిత్తూరులో 19 మంది సహకార సంఘ ఛైర్మన్లను ఆరు నెలల పాటు క్యాంపులో ఉంచి అక్కడ ఛైర్మన్, ఉపాధ్యక్ష పదవితో పాటు అన్ని డైరెక్టర్ల స్థానాలను కైవశం చేసుకున్న సంగతిని వివరించారు.

పార్టీలో 98 శాతం మంది మంచి వారు ఉన్నారని, అయితే మిగిలిన ఇద్దరిని కాపాడుకునేందుకే ఇలాంటి క్యాంపులు అవసరమవుతున్నాయన్నారు. దీనిపై ఎవ్వరూ ఎలాంటి అపోహలు పెట్టుకోవద్దని చంద్రబాబు సూచించారు. అనంతరం నియోజకవర్గాల వారీగా ఫలితాల వివరాలు అడిగి తెలుసుకున్నారు. చిలకలూరిపేట, పొన్నూరు, వినుకొండ, పెద్దకూరపాడులో అత్యధిక స్థానాలు కైవసం చేసుకున్నందున ఆ నియోజకవర్గ బాధ్యతలు చూస్తున్న ఎమ్మెల్యేలను, ఇన్‌ఛార్జ్‌లను అభినందించారు. ఫలితాల సాధనలో వెనకబడిన నియోజకవర్గ బాధ్యులకు సున్నితంగా చురకలంటించారు.

ఇలా అయితే కష్టమని, భవిష్యత్తులో మంచి ఫలితాలు సాధించేలా కృషి చేయాలని సూచించారు. సత్తెనపల్లి నియోజకవర్గం నుంచి ఎన్నికైన సహకార సంఘ అధ్యక్షులు హాజరు కాకపోవడంపై బాబు నవ్వుతూనే చురకలేశారు. అంత అలసిపోయారా అంటూ ఇన్‌చార్జ్ నిమ్మకాయల రాజనారాయణను ప్రశ్నించారు. గత చరిత్రలో ఎల్లప్పుడూ సత్తెనపల్లి ఫలితం ఎకపక్షంగా వస్తున్న విషయాన్ని గుర్తించాలని నియోజకవర్గ బాధ్యునికి సూచించారు.

దీన్ని దృష్టిలో పెట్టుకుని అప్రమత్తంగా ఉండాలన్నారు. తాడికొండ, మంగళగిరి, రేపల్లె, ప్రత్తిపాడు నియోజకవర్గాల్లో పార్టీని మరింత బలోపేతం అయ్యేలా ఆయా నియోజకవర్గ బాధ్యులు చర్యలు తీసుకోవాలన్నారు.

ఈ సమావేశంలో టీడీపీ జిల్లా అధ్యక్షుడు ప్రత్తిపాటి పుల్లారావు, నరసరావుపేట ఎంపీ మోదుగుల వేణుగోపాల్‌రెడ్డి, మాజీ మంత్రి డాక్టర్ కోడెల శివప్రసాదరావు, ఎమ్మెల్యేలు ధూళిపాళ్ల నరేంద్రకుమార్, యరపతినేని శ్రీనివాసరావు, జీవీవీ ఆంజనేయులు, కొమ్మాలపాటి శ్రీధర్, నక్కా ఆనందబాబు, ఎమ్మెల్సీ నన్నపనేని రాజకుమారి, మాజీ మంత్రులు జె ఆర్ పుష్పరాజ్, ఆలపాటి రాజేంద్రప్రసాద్, మాజీ ఎంపీ లాల్‌జాన్ భాషా, మాజీ ఎమ్మెల్యే ఎస్ ఎం జియావుద్దీన్, పార్టీ రాష్ట్ర కార్యదర్శి మన్నవ సుబ్బారావు, నియోజకవర్గాల ఇన్‌చార్జ్‌లు చీరాల గోవర్థన్‌రెడ్డి, ముమ్మనేని వెంకట సుబ్బయ్య, అనగాని సత్యప్రసాద్‌గౌడ్, నిమ్మకాయల రాజనారాయణ, కందుకూరి వీరయ్య, చిరుమామిళ్ల మధుబాబు, రాష్ట్ర పార్టీ కార్యనిర్వాహక కార్యదర్శి దాసరి రాజామాష్టారు, రాష్ట్ర కార్యదర్శి వెన్నా సాంబశివారెడ్డి, బోనబోయిన శ్రీనివాస్‌యాదవ్, యాగంటి దుర్గారావు, మల్లి, దామచర్ల శ్రీనివాస్, కోవెలమూడి రవీంద్ర, వాసిరెడ్డి జయరామయ్య, ఎన్‌వీవీఎస్ వరప్రసాద్, ఇక్కుర్తి సాంబశివరావు, పలు సహకార సంఘాల అధ్యక్షులు పాల్గొన్నారు.

అనేక మంది తెలుగు దేశం ద్వితియ శ్రేణి నాయకులు, విద్యార్థులు, అభిమానులు పెద్ద సంఖ్యలో గార్డెన్ వద్దకు చేరుకున్నారు. ఉదయం పది గంటల నుండి అక్కడ కార్యకర్తల, నాయకుల సందడి ప్రారంభమైంది. మధ్నాహ్నం సమయానికి జిల్లా నాయకులు, తెలుగు దేశం పార్టీ నియోజకవర్గ ఇన్‌ఛార్జిలు చంద్రబాబు బస వద్దకు చేరుకున్నారు.

మధ్నాహ్నం ఒంటి గంట సమయంలో బస్సులో నుండి బయటకు వచ్చిన బాబు కార్యకర్తలతో, అభిమానులతో కలసి ఫొటోలు దిగారు. ఈ సమయంలో వారు ఇచ్చిన వినతిపత్రాలు స్వీకరించారు. పలు సమస్యలపై వారితో మాట్లాడారు. వారి కష్టసుఖాలు తెలుసుకున్నారు.

చంద్రబాబును కలసిన రాచకొండ లక్ష్మయ్య

సిద్దార్థ గార్డెన్స్‌లో బస చేసిన చంద్రబాబును ఆదివారం 103 బిసి కులాల ఐక్య వేదిక జిల్లా అధ్యక్షుడు రాచకొండ లక్ష్మయ్య మర్యాద పూర్వకంగా కలుసుకున్నారు. ఈ సందర్భంగా లక్ష్మయ్య మాట్లాడుతూ బిసిలకు రానున్న ఎన్నికల్లో 100 సీట్లు కేటాయిస్తానన్న చంద్రబాబును మ ర్యాద పూర్వకంగా కలిసేందుకు వచ్చినట్లు తెలిపారు. తిరుమల తిరుపతి దేవస్థానంలో చంద్రబాబు జారీ చేసిన జీవో నెంబరు 802 అమలయ్యేలా చూడాలని కోరినట్లు తెలిపారు.

ఏమ్మా... మీ ఇంటికి కరెంటు బిల్లు ఎంత వచ్చింది? రూ. వెయ్యి వచ్చి ఉంటుంది. ఒక బల్బు, ఫ్యానుకే అది కూడా రాని కరెంటుకు బిల్లు వస్తోంది. దానిపై సర్‌చార్జ్ వేస్తున్నారు. ఇప్పటికి మీ మీద రెండు కరెంటు బాంబులే పడ్డాయి. మరో పెద్ద బాంబు పడబోతోంది.

తల్లీ... వంట గ్యాస్ ధర ఎంతమ్మా? రూ. 475 కడుతున్నారు కదా? మరి కొద్ది రోజుల్లో రూ. 1175 కడితే ఆ తర్వాత ఎప్పటికో మీకు ఆధార్ అకౌంట్ ఉంటే అందులో వేస్తారంట. అది కూడా సంవత్సరానికి ఆరు సిలిండర్లే ఇస్తారు.

ఆరో సిలిండర్ దాటితే రూ. 1175 కట్టాలి. నేను తొమ్మిదేళ్ల పాటు రూ. 235 గ్యాస్ సిలిండర్ ధర పెరగకుండా చేశాను. మా ఎంపీలను గెలిపిస్తే గ్యాస్ ధర తగ్గించేలా చేస్తా.

బియ్యం ధర ఎంత? రూ. 50 అయింది కదా. ఉల్లిపాయలు మీరు తలుచుకొంటేనే వాటి ధర(రూ.40) కన్నీళ్లు తెప్పించేలా చేస్తోంది. నూనె రూ. 100 దాటింది. ఉప్పు రూ. 10కి చేరుకొన్నది. కందిపప్పు రూ. 80 అయ్యింది. మీ సంపాదనేమో రోజంతా కష్టపడినా రూ. 100 దాటడం లేదు. మీరు ఏమి తింటున్నారు... ఏమి కొంటున్నారు. నాడు జేబులో డబ్బులు తీసుకెళితే సంచి నిండా సరుకులు వచ్చేవి. నేడు సంచిలో డబ్బులు తీసుకెళితే జేబు నిండా సరుకులు రాని పరిస్థితి. మీరే ఆరోజుకు, నేటికి మధ్య తేడాని ఆలోచించుకోండి.

ఇలా టీడీపీ అధినేత చంద్రబాబునాయు డు ప్రసంగిస్తూ మహిళలు స్పందించేలా చేస్తున్నారు. జిల్లాలో ఇప్పటివరకు నాలుగు రోజుల పాటు జరిగిన పాదయాత్రలో చంద్రబాబు ఏ వీధికి వెళ్లినా మహిళలతో సంభాషించేందుకు అధిక ప్రాధాన్యం ఇస్తున్నారు. మహిళలు తాము పడుతోన్న కష్టాలను ఆయన వద్ద వ్యక్తపరుస్తున్నారు.

రూపాయికి కేజీ బియ్యం ఇచ్చి మిగతా ధరలు అన్ని పెంచారంటూ ఆవేదన వ్యక్తం చేస్తున్నారు. సన్నబియ్యం కేజీ రూ. 44 పెట్టి కొనలేకపోతున్నామని, కరెంటు బిల్లులపై మహిళలు ఆవేశంగా స్పందిస్తున్నారు. సిలిండర్ మరో రూ. 50 పెంచుతారా ంట. ఇక మేము మ ళ్లీ కట్టెల పొయ్యిలు పెట్టుకొంటామని పేర్కొంటున్నారు.

చినకాకాని మొదలుకొని జిల్లా కేంద్రం వర కు చంద్రబాబు పాదయాత్ర సాగిన మార్గమంతటా మహిళలు తమ సమస్యలను ఏకరువు పెట్టారు. ముఖ్యంగా దళిత వాడల్లో చంద్రబా బు పాదయాత్రకు లభిస్తోన్న స్పందన తెలుగుదేశం పార్టీ నాయకులనే ఆశ్చర్యంలో ముంచెత్తుతోంది. ఎన్నికలు ఎప్పుడు జరిగినా కచ్చితంగా మహిళలు నిత్యవసర సరుకుల ధరలు, కరెంటు చార్జీలు, వంట గ్యాస్ ధరపై ఓటు రూపంలో చూపిస్తారని నాయకులు విశ్వసిస్తున్నారు.

ఎక్కడికెళ్లినా ఎంఆర్‌పీఎస్ కార్యకర్తలు సంఘీభావం తెలుపుతున్నారు. చంద్రబాబు కూడా తన పాదయాత్రకు మహిళల నుంచి వస్తోన్న స్పందనపై తొలిసారిగా ఆదివారం పెదవి విప్పారు. పబ్లిక్ లో విపరీతమైన స్పందన కనిపిస్తోందని, ఎవ రూ సమీకరించకుండానే స్వచ్ఛందంగా రోడ్లపైకి వస్తున్నారని, ప్రభుత్వ వ్యతిరేకత స్పష్టంగా కనిపిస్తోందని వ్యాఖ్యానించారు.