నూ తక్కి సొసైటీకి నామినేషన్ల ఉపసంహరణ పూర్తి అయ్యి అధ్యక్షుడిని ఎన్నుకోబోయే సమయంలో మంత్రి కాసు వెం కటకృష్ణారెడ్డి స్టేఇచ్చి నవ్వులపాలయ్యా రు. ఓటర్ల చేర్పుల సమయం నుంచి ఎన్నిక పూర్తి అయ్యే వరకు టీడీపీ నేత లు, కార్యకర్తలు, ఎమ్మెల్యేలు, ఎమ్మెల్సీ లు, ఎంపిీలు, మాజీ మంత్రులు, నియోజకవర్గ ఇన్‌ఛార్జ్‌లు ఐకమత్యంగా ముం దుకు కదిలారు. డీసీసీబీ, డీసీఎంఎస్‌లను సునాయాసంగా గెలుచుకున్నారు.

ఫలించిన ముమ్మనేని ప్రయోగం సహకార ఎన్నికలు ప్రకటించిన తరువాత కాంగ్రెస్ డీసీసీబీ, డీసీఎంఎస్‌లను నిలబెట్టుకుంటుందని భావించారు. టీడీపీకి 50 సొసైటీలు వచ్చే అవకాశం ఉందనుకున్నారు. ఈ దశ లో చైర్మన్ పదవి కోసం అంతగా ఆసక్తి చూపలేదు. ఒక దశలో పెదకూరపాడు బుజ్జి చైర్మన్ పదవిని ఆశించి పరసతాళ్లూరు సొసైటీలో అధ్యక్షుడుగా గెలుపొందటానికి ప్లాన్ చేసుకున్నారు. ఈ దశలో ఊహించని విధంగా ముమ్మనేని వెంకట సుబ్బ య్య పేరు తెరపైకి వచ్చింది. జంపని షుగర్ ఫ్యాక్టరీ చైర్మన్‌గా, ఆదర్శ రైతుగా, ఇంజనీరింగ్ విద్యా వేత్తగా ఆయనకు పేరుంది.

దీంతో పాటు రెండు సార్లు ఎమ్మెల్యేగా పని చేశారు. 1989-2004 మధ్య నాలుగుసార్లు రేపల్లెలో పోటీ చేశారు. నియోజకవర్గాల పునర్విభజన తరువాత కూచినపూడి రద్దయింది. దీంతో రేపల్లెను బీసీలకు కేటాయించాల్సి వచ్చింది. భవిష్యత్తులో కూడా వెంకట సుబ్బయ్యకు పోటీ చేసే అవకాశం లేదు. వీటన్నింటిని పరిశీలించిన సీనియర్ నేత లు ఆర్థికంగా బలవంతుడైన వెంకట సుబ్బయ్యను అభ్యర్థిగా ప్రకటించింది. వ్యవసాయంపై మక్కువతో ఆయన ఇప్పటికీ పెసర్లంకలోనే ఉంటున్నారు. వెంకటసుబ్బయ్య అభ్యర్థిత్వం ప్రకటించిన తరువాత పార్టీ నేతలంతా ఐకమత్యంగా పని చేశారు. ఎన్నికల ముందే కొన్ని సొసైటీలకు ఆర్థిక వనరులు సమకూర్చారు. మొత్తం మీద వెంకట సుబ్బ య్య ప్రయోగం ఫలించింది.

ఉపయోగపడిన చంద్రబాబు పాదయాత్ర

తెలుగుదేశం రాష్ట్ర అధ్యక్షుడు చం ద్రబాబు నాయుడు సహకార ఎన్నికల సమయంలోనే జిల్లాలో పాదయాత్ర నిర్వహించారు. దీంతో ఆ ప్రాంతంలో పార్టీకి మంచి ఊపు వచ్చింది. సహకార ఎన్నికల్లో నేతలు ఐకమత్యంగా పని చేసే విధంగా చంద్రబాబు అప్రమత్తం చేశారు. 63 ఏళ్ల వయసులో చంద్రబాబు పాదయాత్ర చేస్తూ పార్టీని ఉత్సాహ పరుస్తున్నా నేతల్లో కదలిక లేదంటూ కార్యకర్తలు అప్రమత్తం అయ్యారు.

న్యాయ పోరాటానికి దిగిన దేశం

అధికార పార్టీ న్యాయ బద్ధంగా డీసీసీబీ, డీసీఎంఎస్‌లను గెలవలేమని భావించింది. మంత్రి కాసు ద్వారా 13 సంఘాలకు స్టే ఇచ్చారు. దీనిని తెలుగుదేశం నేతలు న్యాయ బద్ధంగా ఎదుర్కొన్నారు. హైకోర్టులో ఫిర్యాదు చేసి డీసీసీబీ, డీసీఎంఎస్ చైర్మన్ల ఎన్నికల వాయి దా వేయించారు. దీంతో తెలుగుదేశంలో నైతిక బలం పెరిగింది. కాంగ్రెస్ నేతలు టీడీపీని ఎదుర్కోవటానికి అనేక ప్రయత్నాలు చేశారు. వాటన్నింటిని చాకచక్యంగా తిప్పి కొట్టారు. సొసైటీ అధ్యక్షులతో చంద్రబాబు నేరుగా చర్చించి డీసీసీబీ, డీసీఎంఎస్ ఎన్నికలపై న్యాయ పో రాటానికి సిద్ధం చేశారు. ఈ దశలో అధికార పార్టీ ఎన్నికల తేదీని ప్రకటించింది.

క్యాంప్‌ల నిర్వహణతో లబ్ధి టిడిపి క్యాంప్‌లు ఏర్పాటు చేసి లబ్ధి పొందింది. కాంగ్రెస్ కర్నూలులో క్యాంప్ ఏర్పాటు చేస్తే టిడిపి విజయవాడలోని భవానీ ద్వీపంలో విడది చేసింది. ఒక దశలో ఎన్నికలు వాయిదా పడటం తో క్యాంపును క్లోజ్ చేశారు.

వెంటనే ఎ న్నికల తేదీ ఖరారు కావడంతో మరలా క్యాంప్ ఏర్పాటు చేశారు. విజయవాడలోని ముమ్మనేని వెంకట సుబ్బయ్య వియ్యంకుని హోటల్‌లో క్యాంప్ కొనసాగించారు. క్యాంప్‌లో ఎంత మంది ఉన్నా రు, బయట ఉన్న వారిలో పార్టీ సొసైటీ అధ్యక్షులు ఎంత మంది, మాజిక్ ఫిగర్ ఎంత, శత్రు శిబిరం నుంచి ఎన్ని ఓట్లు కొ నుగోలు చేయాలి అనే అంశంపై సుదీర్ఘం గా కసరత్తు చేశారు. జిల్లా అధ్యక్షుడు పు ల్లారావు, మాజీ మంత్రి ఆలపాటి, ఎమ్మెల్యేలు కొమ్మాలపాటి, ధూళిపాళ్ల, శివ శక్తి ఆంజనేయులు, నక్కా ఆనందబాబు, యరపతినేనిలు ఎప్పటికప్పుడు క్యాంప్ కు వెళ్ళి అధ్యక్షులకు అండగా ఉన్నారు. మరో వైపు ఎమ్మెల్సీ రాజకుమారి కూడా క్యాంప్‌ను పరిశీలిస్తూ కాం గ్రెస్ కుయుక్తల పట్ల అప్రమత్తంగా ఉండాలని హెచ్చరించారు.

కాంగ్రెస్ క్యాంప్‌లో ఉన్న కొంత మంది సొసైటీ అధ్యక్షులకు ఆర్థిక వనరులు సమకూర్చారు. ఛైర్మన్ పదవుల కోసం కాంగ్రెస్ నేతలు మాజీ ఎమ్మెల్యే గుదిబండి ద్వారా ప్రయత్నాలు చేస్తున్నారని పసికట్టా రు. వాటికి విరుగుడుగా మాజీ మంత్రి ఆలపాటి తన శిష్య గణం ద్వారా వైఎస్ ఆర్ సిపిలో ఒక వర్గంతో మంతనాలు జరిపారు. ఓట్లు చేర్పుల సమయంలో అధికారులు, కార్యదర్శులు పెట్టిన ఇబ్బందులను అధిగమించారు. ఇక్కు ర్రు, నందిరాజుపాలెం సొసైటీ అధ్యక్షులపై పోలీసులు కేసు నమోదు చేసినా తెలుగుదేశం నేతలు జంకలేదు. రెండు నెలల పాటు చేసిన సుధీర్ఘ పోరాటంతో రెండు జిల్లా స్థాయి ఛైర్మన్ పదవులను కైవసం చేసుకున్నారు.

పార్టీ అభ్యర్థుల గెలుపులో కీలక పాత్ర పోషించిన టీడీపీ జిల్లా అధ్యక్షుడు ప్రత్తిపాటి పుల్లారావును నాయకులు, కార్యకర్తలు అభినందించారు.

సహకార ఎన్నికల నోటిఫికేషన్ వెలువడిన రోజు నుంచి ఎలాగైనా సరే జీడీసీసీ, డీసీఎంఎస్‌లపై తెలుగుదేశం పార్టీ జెండా ఎగిరేలా చేసేందుకు పార్టీ జిల్లా అధ్యక్షుడు పుల్లారావు నాయకత్వంలో పకడ్బందీగా వ్యూహాలు రూపొందించి నేతలు విజయవంతంగా అమలు చేశారు. పార్టీ అధినేత చంద్రబాబు టెలీకాన్ఫరెన్స్‌లో జారీ చేసిన ఆదేశాలను ఎప్పటికప్పుడు ఆచరణలో పెట్టారు. తరచుగా నేతలంతా సమావేశమౌతూ లోపాలను సవరించారు. ఎన్నికల ప్రక్రియలో అక్రమాలను ఎండగట్టారు.

అక్రమాలపై రాష్ట్ర స్థాయిలో 'కోడెల' పోరాటం

సహకార ఎన్నికల్లో మంత్రి కాసు కృష్ణారెడ్డి అక్రమాలకు మాజీ మంత్రి డాక్టర్ కోడెల శివప్రసాదరావు పెద్ద ఉద్యమమే చేశారు. నరసరావుపేటలో మంత్రి కాసు కృష్ణారెడ్డి ఇంటిని ముట్టడించిన ఉదంతం రాష్ట్ర వ్యాప్తంగా కలకలం సృష్టించింది. ఆ సంఘటనలో కోడెలతో పాటు టీడీపీ నాయకులు, కార్యకర్తలపై పోలీసులు లాఠీలు ఝుళిపించడంపై సర్వత్రా వ్యతిరేకత వ్యక్తమైంది.

ఆ సంఘటనతో నాయకులంతా ఒక్కటయ్యారు. ప్రభుత్వానికి వ్యతిరేకంగా నరసరావుపేట ఎంపీ మోదుగుల వేణుగోపాల్‌రెడ్డి, ఎమ్మెల్యేలు పుల్లారావు, ధూళిపాళ్ల నరేంద్రకుమార్, యరపతినేని శ్రీనివాసరావు, కొమ్మాలపాటి శ్రీధర్, జీ వీ ఆంజనేయులు, నక్కా ఆనంద్‌బాబు, మాజీ మంత్రులు ఆలపాటి రాజేంద్రప్రసాద్, జే ఆర్ పుష్పరాజ్, ఎమ్మెల్సీ నన్నపనేని రాజకుమారి ఉద్యమించి కార్యకర్తల్లో స్ఫూర్తి నింపారు.

ఒకవైపు పాదయాత్ర... మరోవైపు సహకారం

సహకార ఎన్నికలు జరిగే నాటికి చంద్రబాబు 'వస్తున్నా... మీకోసం' పాదయాత్ర జిల్లాలోకి ప్రవేశించింది. దాంతో పుల్లారావుతో సహా ఇతర నాయకులు చంద్రబాబు వెంట నడుస్తూనే మరోవైపు విరామ సమయంలో జిల్లా కేంద్రానికి చేరుకొని సహకార ఎన్నికల పర్యవేక్షించారు. చంద్రబాబు ప్రత్యేకించి ఎమ్మెల్యేలు, సహకార అధ్యక్షులు, ఇన్‌చార్జ్‌లతో సమావేశం నిర్వహించి ఎన్నికల్లో అనుసరించాల్సిన వ్యూహాన్ని నిర్దేశించి. ఆ ప్రకారం వ్యూహాన్ని అమలు చేసి విజయం సాధించడంలో ప్రత్తిపాటి, కోడెల, ఆలపాటి, ధూళిపాళ్ల, యరపతినేని కీలకభూమిక పోషించారు. మాజీ మంత్రి ఆలపాటి రాజేంద్రప్రసాద్ క్యాంపు బాధ్యతలను తీసుకొని సమర్థవంతంగా నిర్వర్తించారు.

చంద్రబాబుతో ఫోన్‌లో మాట్లాడిన నాయకులు

జీడీసీసీ, డీసీఎంఎస్ ఎన్నికల్లో గెలుపొందిన వెంటనే పార్టీ జిల్లా నాయకులు కృష్ణాజిల్లా పర్యటనలో ఉన్న చంద్రబాబుకు ఫోన్ చేసి సమాచారం చేరవేశారు. తొలుత పుల్లారావు ఫోన్‌లో మాట్లాడి అందరం సమష్టిగా పని చేసి విజయం సాధించామన్నారు. చంద్రబాబు ఫోన్‌లోనే పార్టీ విజయానికి కృషి చేసిన నాయకులందరిని అభినందించారు. రా బోయే ఎన్నికలకు ఇదే నాంది అని చెప్పా రు. ఇదే పోరాట స్ఫూర్తిని రానున్న ప్రతీ ఎన్నికల్లో గెలిపించాలని సూచించారు.

నేడు 'బాబు' వద్దకు నాయకులు, సొసైటీల అధ్యక్షులు తెనాలి సెంట్రల్ బ్యాంక్‌లో శనివారం ఉదయం ఉదయం 9 గంటలకు జరిగే సమావేశానికి టీడీపీ జిల్లా నాయకులు, సహకార సంఘాల అధ్యక్షులు తప్పక హాజరు కావాలని ఛైర్మన్ పదవి అభ్యర్థి ముమ్మనేని వెంకట సుబ్బయ్య విజ్ఞప్తి చేశారు. సమావేశం తర్వాత అందరూ కలిసి కృష్ణా జిల్లాలో పాదయాత్ర కొనసాగిస్తోన్న చంద్రబాబు వద్దకు వెళ్ళాల్సి ఉంటుందన్నారు. తన విజయానికి కృషి చేసిన నేతలందరికి ఆయన కృతజ్ఞతలు తెలిపారు.

22 రోజుల పాటు జరిగిన పాదయాత్రను విజయవం తం చేసిన జిల్లా ప్రజానీకానికి, టీడీపీ నాయకులు, కార్యకర్తలకు పు ల్లారావు కృతజ్ఞతలు తెలిపా రు. పాదయాత్రలో ఎక్కడికెళ్లినా రైతులు సాగునీటి సమస్యను ప్రస్తావించారని, దానిపై తాము ఆందోళనలు కొనసాగిస్తామన్నారు. సా గర్, డెల్టా ఆయకట్టులో ఆరుతడి పం టలకు సాగునీరు విడుదల చేయించేవరకు పోరాడుతుమన్నారు. ప్రజాస్వా మ్య పద్ధతిలో జీడీసీసీ, డీసీఎంఎస్‌ల ఎన్నికలు నిర్వహించాలన్న చిత్తశుద్ధి కాంగ్రెస్ పార్టీకి లేదు. టీడీపీకి స్పష్టమైన సంఖ్యాబలం ఉన్నా కాంగ్రెస్ ప్రలోభాలకు గురి చేస్తూ గిమ్మికులకు పాల్పడుతోంది. మా పార్టీ సహకార అధ్యక్షులెవరూ వాళ్లకు లొంగరని పుల్లారావు ధీమా వ్యక్తం చేశారు. వేమూరు ఎమ్మెల్యే నక్కా ఆనందబాబు మాట్లాడుతూ డెల్టా రైతులకు తక్షణం మరో తడికి నీరు విడుదల చేయాలని డిమాండ్ చేశారు. లేకుంటే రూ.500 కోట్ల విలువైన మొక్కజొన్న, మినుము పంట ఎండిపోతుందన్నా రు. నూటికి 70 మంది కౌలురైతులు ఉన్న నేపథ్యంలో ప్రభుత్వం మీనమేషాలు లెక్కించరాదన్నారు.

సహకార ఎన్నికల్లో కాంగ్రెస్, వైసీపీ నిజాయితీగా పాల్గొనాలని డిమాండ్ చేశారు. సమావేశంలో గురజాల ఎమ్మెల్యే య రపతినేని శ్రీనివాసరావు, టీడీపీ జిల్లా నాయకులు మన్నవ సుబ్బారావు, యాగంటి దుర్గారావు, నిమ్మకాయల రాజనారాయణ, మానుకొండ శివప్రసాద్, ఎస్ఎల్ వజీర్, చంద్రగిరి ఏడుకొండలు పాల్గొన్నారు.