తాడేపల్లి: తెలుగుదేశం అధికారంలోకి రాగానే తొలి సంతకం రైతుల రుణమాఫీలపైనే పెడతానని నారా చంద్రబాబు నాయుడు ప్రజల హర్షధ్వానాల మధ్య ప్రకటించారు. బుధవారం వస్తున్నా.. మీకోసం పాదయాత్రకు జిల్లా విచ్చేసిన చంద్రబాబు తాడేపల్లి ప్రాంతంలోని నులకపేట, ప్రకాష్‌నగర్, ఉండవల్లి ప్రాంతాల్లో ప్రజలనుద్దేశించి ప్రసంగించారు. తెలుగుదేశం హయాంలో డ్వాక్రా గ్రూపులు ఏర్పాటు చేశామని, విద్యార్థినులకు సైకిళ్లు ఇచ్చామని, ఆడపిల్ల పుడితే రూ.5 వేలు ఇచ్చామని, పెన్షన్లు ఇచ్చామని, టెక్నాలజీ పెంచామని చెప్పారు.

రైతాంగం పరిస్థితి కాంగ్రెస్ పార్టీ హయాంలో దుర్భరంగా మారిందని, తన హయాంలో పరిస్థితులు అనుకూలంగా లేకపోయినప్పటికీ రైతాంగానికి నిరాటంకంగా నీరు, తొమ్మిది గంటల విద్యుత్తు ఇచ్చామని చెప్పారు. గ్యాస్ సిలెండర్లపై సైతం పాలకులు కోతపెట్టారని, ఇంతకంటే దౌర్భాగ్యమేముందన్నారు. ఎరువుల ధరలు ఇబ్బడిముబ్బడిగా పెరిగాయని, కాంగ్రెస్ కార్యకర్తలే గ్రామాల్లో ఆదర్శరైతులుగా చెలామణి అవుతున్నారని చెప్పారు. మద్యం బెల్టు షాపులు రద్దు చేస్తామని చెప్పారు. నిత్యావసర వస్తువులు, కూరగాయల ధరలు పెరిగిపోవడంతో పేదలు, మధ్యతరగతి ప్రజలు పడుతున్న ఇబ్బందులు వర్ణనాతీతమన్నారు. కార్యకర్తల కోలాహలం, తోపులాటల మధ్య ప్రకాశం బ్యారేజీ నుంచి ఉండవల్లి సెంటరుకు (రెండు కిలోమీటర్లు) రావడానికి బాబుకు రెండు గంటలు పట్టింది.

ఎంఎస్ఎస్‌ను గుర్తు పెట్టుకోవాలి

తెలుగుదేశం పార్టీ మంగళగిరి ప్రాంత దివంగత నాయకుడు ఎంఎస్ఎస్ కోటేశ్వరరావును అందరూ జ్ఞాప కం చేసుకోవాలని చంద్రబాబు విజ్ఞప్తి చేశారు. తన సేవా కార్యక్రమాల ద్వా రా ప్రజల గుండెల్లో చెరగని ముద్ర వేసుకున్నారనని కీర్తించారు. ఆయన తనయుడు మాదల రాజేంద్ర ఆరో గ్యం బాగోలేకపోవడం వలన పాదయాత్రకు హాజరు కాలేకపోతున్నారని, త్వరగా కోలుకొని ప్రజాసేవకు అంకి తం కావాలని ఆకాంక్షించారు.

కోడెల, యరపతినేనిపై

తప్పుడు కేసులు

సహకార ఎన్నికల్లో అక్రమాలను ప్రశ్నించేందుకు వెళ్లిన మాజీ మంత్రి డాక్టర్ కోడెల శివప్రసాదరావుపై కాంగ్రెస్ పార్టీ తప్పుడు కేసు బనాయిం చి జైలుకు పంపిందన్నారు. గురజాల ఎమ్మెల్యే యరపతినేని శ్రీనివాసరావుపై కూడా తప్పుడు కేసు పెట్టి అరెస్టు చేసిందన్నారు. ముఖ్యమంత్రి కిరణ్‌కుమార్‌రెడ్డి దొంగలను కాపాడుతూ ప్రజల కోసం పోరాటం చేస్తున్న తమ పార్టీ నేతలను ఇబ్బందులు పెడుతున్నారని ఆగ్రహించారు.

ఆట్రోడైవర్‌లా చైతన్యవంతులు కండి

'నేను విజయవాడ పర్యటనలో ఉన్న సమయంలో ఓ ఆట్రోడైవర్ వచ్చి ఆవేశంగా ప్రసంగించారు. జగన్ పార్టీ వాళ్లు ఆ యన్ని సంతకం చేయాలని అడిగారట. అందుకు ఆ ఆట్రోడైవర్ దేని కోసం సం తకం చేయాలని ప్రశ్నించగా జగన్ విడుదల కోసమని ఆ పార్టీ వాళ్లు చెప్పారట. దాంతో ఆ ఆట్రోడైవర్ రూ. లక్ష కోట్లు దోచుకొన్న వ్యక్తి జైలు నుంచి విడుదల కావాలని నేను సంతకం పెట్టాలా? పెట్టను పోం డి అని ఎదురుతిరిగాడు. ఆ ఆట్రోడైవర్‌ను వైసీపీ నాయకులు హెచ్చరించినా మీకు చేతనైంది చేసుకోండి పోండి అని నిజాయితీ పక్షాన నిలబడ్డాడు. ఆ ఆట్రోడైవర్‌కు ఉన్న చైతన్యంలో 10 శాతం కమిట్‌మెంట్ వైఎస్ కు ఉంటే ర్రాష్టానికి ఈ పరిస్థితి వచ్చేది కాదన్నారు.

గుంటూరు : వస్తున్నా మీకోసం పాదయాత్రకు అనూహ్య స్పందన వచ్చిందని టీడీపీ అధినేత చంద్రబాబు నాయుడు పేర్కొన్నారు. మంగళవారం మధ్యాహ్నం ఒంటిగంటకు జిల్లా పార్టీనాయకులతో ఆయన టెలికాన్ఫరెన్స్ నిర్వహించారు. ఈ సందర్భంగా చంద్రబాబు మాట్లాడుతూ ఆరోగ్యం సహకరించకపోయినా, గొంతునొప్పి భాధిస్తున్నప్పటికీ ప్రజలందిస్తున్న ఆదరాభిమానాలు ఉత్సాహం నింపుతున్నాయన్నారు. కానీ వారి కష్టాలు తనను బాగా కుంగదీసాయన్నారు. జిల్లాలో సొసైటీల్లో టీడీపీ ఆధిక్యత చాటటం శుభసూచికమన్నారు. జిల్లా కేంద్ర సహకార బ్యాంక్ చైర్మన్ టీడీపీ కైవసం చేసుకుంటుందని ధీమా వ్యక్తం చేశారు.

ప్రజలు, కార్యకర్తలు అండదండలతోనే తనకీ గుర్తింపు లభించదన్నారు. చివరి రక్తపు బొట్టు వరకు ప్రజలు, పార్టీ శ్రేణుల పక్షానే ఉండి పోరాడతానని స్పష్టం చేశారు. ప్రభుత్వంపై వ్యతిరేకత నివురుగప్పిన నిప్పులా ఉందన్నారు.టిడీపీ జిల్లా అధ్యక్షులు ప్రత్తిపాటి పుల్లారావు మాట్లాడుతూ పాదయాత్ర విజయవంతం కావటానికి కావల్సిన అన్నిరకాల చర్యలు చేపట్టినట్లు తెలిపారు. పాదయాత్ర కొనసాగుతున్న అన్ని ప్రాంతాలను పరిశీలించి ముఖ్య నేతలతో అనేక దఫాలు సమావేశం ఏర్పాటయ్యామని తెలిపా రు. పాదయాత్ర ఎనిమిది నియోజక వర్గ పరిధిలో 150 కిలోమీటర్లు రూపొందించినట్లు తెలిపారు. జిల్లా ప్రజానీకం తమ రాకకోసం ఎదురుచూస్తుందని పుల్లారావు అన్నారు.

కార్యక్రమంలో నరసరావుపేట ఎంపీ మోదుగుల వేణుగోపాలరెడ్డి, మాజీ మంత్రి ఆలపాటి రాజేంద్రప్రసాద్, ఎమ్మెల్యేలు యరపతినేని శ్రీనివాసరావు, కొమ్మాలపాటి శ్రీధర్, జివివి ఎస్ ఆర్ ఆంజనేయులు, మాజీ ఎమ్మెల్యే ముమ్మనేని వెంకటసుబ్బ య్య, పార్టీనాయకులు తెనాలి శ్రావణ్‌కుమార్, మన్నవ సు బ్బారావు, బోనబోయిన శ్రీనివాస్‌యాదవ్, యాగంటి దుర్గారావు, నిమ్మకాయల రాజనారాయణ, షేక్ లాల్ వజీర్, మా నుకొండ శివ ప్రసాద్; కోవెలమూడి రవీంద్ర (నాని), చిట్టాబత్తిన చిట్టిబాబు, తదితరులు పాల్గొన్నారు.

సిద్ధం చేస్తున్న ప్రాంగణం చంద్రబాబునాయుడు జిల్లా పర్యట నకు సంబంధించి ఉదయం 10:30 గంటల సమయంలో ప్రకాశం బ్యారేజీ వద్దకు రాగానే దేశం జిల్లా నేతలు భారీ గా స్వాగతం పలకనున్నారు. బాబు సీతానగరం, ఉండవల్లి సెంటరు, తాడేపల్లి పట్టణం, సాయిబాబా మందిరం ఏర్పాటు చేస్తున్న భోజన వసతి ప్రాంగణానికి వచ్చి విశ్రాంతి తీసుకోనున్నారు. అనంతరం నులకపేట, డోలాస్‌నగర్ మీదుగా డా న్‌బోస్కో హైస్కూల్, మంగళగిరి చేరుకుంటారు. తాడేపల్లి పట్టణ, మండల దేశం నేతలు సాయిబాబా మందిర ఎదుట ఉన్న ప్రాంగణాన్ని జేసీబీలతో చదును చేయిస్తున్నారు. కాగా, చంద్రబాబు పాదయాత్రను విజయవంతం చేయాలని మండల దేశం అధ్యక్షులు పఠాన్ ఖాశీంఖాన్, పట్టణ దేశం అధ్యక్ష, కార్యదర్శులు మేకా పుల్లారెడ్డి, కొర్రపాటి రమణ కోరారు.

కానీ, పాదయాత్ర 17 రోజుల పాటు కొనసాగింది. మధ్యలో కాలి గాయం, ఇతర సమస్యలతో బాధపడుతున్న చంద్రబాబు నాలుగు రోజుల పాటు విశ్రాంతి తీసుకున్నారు. తిరిగి జిల్లాలోని జగ్గయ్యపేట, నందిగామ, మైలవరం నియోజకవర్గాలతో పాటు, విజయవాడ నగరం పరిధిలోని పశ్చిమ, మధ్య, తూర్పు నియోజకవర్గాలలో ఆయన నాలుగు రోజుల పాటు పాదయాత్ర నిర్వహించారు. ఈ పాదయాత్రలో మొదటి రెండు మూడు రోజులుమినహా చివరి వరకూ ఆరోగ్య సమస్యలతో ఆయన ఇబ్బందులు పడ్డారు. ముందుగా ఎడమకాలి చిటికెన వేలుకు గాయం అయింది. దానికి ఇన్ఫెక్షన్ రావటంతో వాపు మరింత పెరిగింది.

రెండు రోజుల పాటు చంద్రబాబు కుంటుకుంటూ ఓపిగ్గా నడిచారు. పాదయాత్రను ఏ దశలోనూ ఆపటానికి చంద్రబాబు అంగీకరించలేదు. వైద్యులు చెప్పినా వినలేదు. ఆఖరుకు ఆయన సతీమణి భువనేశ్వరి, తనయుడు లోకేష్‌లు కూడా వచ్చి వత్తిడి చేశారు. పరిటాల దగ్గర 117 రోజుల పాదయాత్ర పూర్తి చేసుకున్న సందర్భంగా 117 అడుగుల పైలాన్ ప్రారంభోత్సవ సభలో చంద్రబాబు పాల్గొన్న సందర్భంగా కార్యకర్తలు, అభిమానులు చంద్రబాబును విశ్రాంతి తీసుకోవాలని ఒత్తిడి చేశారు. దాంతో ఆయన వైద్య పరీక్షల కోసం ఒక్క రోజు విశ్రాంతి తీసుకున్నారు.

తర్వాత వైద్య పరీక్షల అనంతరం మరో మూడు రోజులు విశ్రాంతి తీసుకుని తిరిగి పాదయాత్రను ప్రారంభించారు. ఆ తర్వాత ఆయనకు విజయవాడలో గొంతు బాధ పెట్టింది. బహిరంగ సభలలో ఆయన మాట్లాడటానికి గొంతు సహకరించలేదు. అయినా సభకు వచ్చిన భారీ ప్రజానీకాన్ని చూసి గొంతు అతికష్టమ్మీద కూడదీసుకుని ప్రసంగించారు. జిల్లాలో అడుగు పెట్టినది మొదలు చివరి వరకూ బాబుకు ప్రజలు బ్రహ్మరథం పట్టారు. జగ్గయ్యపేట, నందిగామ నియోజకవర్గాలలో బాబు పాదయాత్రలో పల్లెల నుంచి జనం తరలి వచ్చారు. జగ్గయ్యపేట నియోజకవర్గంలోని పెనుగంచిప్రోలు బహిరంగ సభకు రికార్డు స్థాయిలో జనాలు వచ్చారు.

ఆ తర్వాత నందిగామ నియోజకవర్గంలో అంతటి స్పందన కనిపించింది. మైలవరం నియోజకవర్గంలో ప్రధానంగా ఇబ్రహీంపట్నం రింగ్ సెంటర్‌లో చంద్రబాబు సభ అత్యంత భారీగా జరిగింది. ఆ తర్వాత విజయవాడ నగరంలోకి అడుగు పెట్టిన చంద్రబాబుకు ఊహించని విధంగా ప్రజాదరణ లభించింది. గ్రామాల్లో కిలోమీటరు దూరం ఎదురేగి మహిళలు హారతులు ఇచ్చారు. చంద్రబాబు తన ప్రసంగాలలో కరెంటు చార్జీలు, నిత్యావసరాలు, వ్యవసాయం గిట్టుబాటు ధరలు, రైతుల ఇబ్బందుల గురించి ప్రధానంగా ప్రస్తావించారు. నగరంలో కార్పొరేషన్ సంబంధిత సమస్యలు, నగరాభివృద్ధికి ఆటంకం వంటి సమస్యలపై ప్రధానంగా స్పందించారు. అటు రూరల్ , ఇటు నగరంలో కామన్‌గా అవినీతిపై చంద్రబాబు విల్లు ఎక్కుపెట్టారు. జిల్లాలో బాబు పాదయాత్రతో పాటు ముఖాముఖి కార్యక్రమాలు జరిగాయి.

అవినీతిపై ఇంజనీరింగ్, సాధారణ కళాశాలల విద్యార్థులతో మీట్‌లు జరిగాయి. రైతులతో రైతు సదస్సు, ఆటోమొబైల్ - రవాణారంగ ప్రతినిధులతో మీట్ జరిగింది. పట్టభద్రులతో ప్రత్యేక కార్యక్రమాన్ని నిర్వహించారు. గుంటూరులో చంద్రబాబు దాదాపుగా 14 రోజుల పాటు పాదయాత్రను కొనసాగిస్తారు. ఆ తర్వాత మలివిడతగా రెండవ దఫా చంద్రబాబు మళ్ళీ జిల్లాకు రానున్నాను. రెండవ దఫాలో అవనిగడ్డ, మచిలీపట్నం తదితర ప్రాంతాల మీదుగా పాదయాత్ర జరుగుతుంది.

దేశం, రాష్ట్రంలో నిరుద్యోగ సమస్య, పేదరికం పెరగడానికి లక్షలాది కోట్ల రూపాయల ప్రజాధనం ప్రజాప్రతినిధుల ముసుగులో అవినీతి పరులు దండుకోవడమే కారణమని ఆగ్రహం వ్యక్తం చేశారు.

నేటి నుంచే అవినీతిపై పోరాటం అవినీతిపై చంద్రబాబు చేసిన ప్ర సంగం ఎంతగానో ఆలోచింపచేసింది. నేటి నుంచే నా వంతుగా అవినీతిపై పోరాటం సలుపుతాను. ఈ విషయంలో నా మిత్రులు, బంధువులకు కూడా ఎస్ఎంఎస్‌లు పంపిస్తాను - సుమలత ఆంధ్రా అన్నా హజారే చంద్రబాబు అవినీతి ప్రక్షాళనకు న్యూఢిల్లీలో అన్నా హజారే చేపట్టిన ఉ ద్యమం దేశవ్యాప్తంగా చర్చనీయాంశమైంది. అన్నా హజారే స్పూ ర్తితో రా ష్ట్రంలో చంద్రబాబు పోరాటం చేసి యువత దృష్టిలో ఆంధ్రా అన్నా హజారేగా మారారు.

చంద్రబాబు స్పూర్తితో ఆయన ఇచ్చిన పిలుపుతో అవినీతిపై పోరాటానికి ముందుకు కదులుతాం - సుధారాణి బాబు పాలనలోనే మహిళలకు రక్షణ చంద్రబాబు పాలనలో మహిళలు, విద్యార్థినులకు పూర్తి రక్షణ ఉండేది. నేడు ఆ పరిస్థితి కనబడటం లేదు. అర్థరాత్రి కూ డా మహిళలు తిరగాలని గాంధీమహాత్ముడు కలలుగంటే నేడు పట్టపగలే ఆ పరిస్థితి లేదు. విద్యార్థినులు, యువతులు బయటకు రావాలంటేనే గుండెలరచేత పెట్టుకొనే పరిస్థితి దాపురించింది.

అవినీతి అంతంతో పాటు మహిళలకు రక్షణ చంద్రబాబుతోనే సాధ్యమవుతుంది. - స్రవంతి విద్యార్థులంతా స్పందిస్తున్నారు అవినీతిని అంతం చేయాలన్న చంద్రబాబు పిలుపు విద్యార్థి లోకా న్ని ఆలోచింపచేస్తోంది. నా స్నేహితులు అందరం దీని గురించే మాట్లాడుకుంటున్నాం. సమయం దొరికినప్పుడల్లా ఎస్ఎంఎస్‌ల ద్వారా అవినీతిపై యుద్ధం చేయడానికి సిద్ధంగా వున్నాం. 2014 ఎన్నికలలో చంద్రబాబు విద్యార్థులకు కూడా సీట్లు కేటాయిస్తే చాలా బాగుంటుంది

- రత్నకుమారి

పంపు, టీవీ, ఫ్యాన్ ఉంటే వెయ్యి రూపాయలు కరెంటు బిల్లు వస్తుంటే ఇక వారు ఎలా బతుకుతారన్నారు. అనుచితంగా కరెంటు భారం పెరిగింది. నిత్యావసర వస్తువుల ధరలు విపరీతంగా పెరిగాయి. దీనికి తోడు వ్యాట్ భారం మరొకటి. ఇక సామాన్యుడి బతుకు ఎలా సాగుతుందని ఆయన ప్రశ్నించారు. ఇలాంటి పరిస్థితుల్లో నగ ర ప్రజలపై ఆస్తి పన్ను మోపడం మోయలేని పరిస్థితిగా ఉందన్నారు. హైవే ఉన్న చోట కింద సబ్‌వే ఉండాలి. కాని ఇక్కడ కార్పొరేషన్ వాటిని నిర్మాణం చేపట్టాల్సిన బాధ్యత ఉన్నా, పట్టించుకోలేదన్నారు. కంకర కొట్టే కార్మికులకు తమ ప్రభుత్వం వచ్చాక సంక్షేమ బోర్డు ఏర్పాటు చేస్తానని ప్రకటించారు. నగరంలో సూపర్ స్పెషాలిటీ హాస్పటల్ ఏర్పాటు చేయడంతో పాటు విజయవాడను మెగా సిటీగా తీర్చి దిద్దుతానని చంద్రబాబు అన్నారు. చెప్పారు.