అన్నదాత బిడ్డలకు అన్నం పెట్టిన చంద్రన్న నిండు నూరేళ్ళు చల్లగా వుండాలని కోరుకుంటు భాద్యత యుతమైన అభివృద్ధి, ముందు తరాల క్షేమం ఎలా ఉండాలో జాతికి తెలియ చెప్పిన నాయకుడు శ్రీ చంద్రబాబు నాయుడు గారి నాయకత్వం లో తెలుగు దేశం మరింత ముందుకు పోవాలి అని ఆశిస్తూ హృదయపూర్వక జన్మదిన శుభాకాంక్షలు

అనకాపల్లి
: తెలుగుదేశం పార్టీ అధ్యక్షుడు చంద్రబాబునాయుడు జన్మదిన వేడుకలను 500 మంది వికలాంగుల మధ్య నిర్వహించనున్నట్టు టీడీపీ రూరల్ జిల్లా అధ్యక్షుడు దాడి రత్నాకర్ పిలుపునిచ్చారు. గురువారం స్థానిక పార్టీ కార్యాలయంలో నిర్వహించిన అనకాపల్లి నియోజకవర్గ సమన్వయ కమిటీ సమావేశంలో ఆయన మాట్లాడారు. ఈ వేడుకలను ఈనెల 20న కశింకోట మండలం కన్నూరుపాలెంలో నిర్వహించనున్నామన్నారు. చంద్రబాబు 64వ జన్మదినం కావడంతో 64 కేజీల కేక్ ఒకటి, 200 రోజుల పాదయాత్ర పూర్తి చేసిన సందర్భంగా 200 కేజీల కేక్ మరొకటి చంద్రబాబు కట్ చేస్తారన్నారు. రాష్ట్రం నలుమూలల నుంచి నాయకులు వస్తున్నందున వారికి ఎటువంటి లోటుపాట్లు లేకుండా అవసరమైన చర్యలు తీసుకోవాలన్నారు.

ఈ సందర్భంగా చిడతలు, తప్పెటగుళ్లు, నేల వేషాలు వంటి కార్యక్రమాలు ఏర్పాటు చేశామన్నారు. అలాగే 20వతేదీ సాయంత్రం పాదయాత్ర ముందు భారీగా బాణసంచా కాల్చడానికి నిర్ణయించామన్నారు. చంద్రబాబు జన్మదినాన్ని పురస్కరించుకొని రక్తదాన శిబిరం, ఉచిత వైద్యశిబిరం ఏర్పాటు చేస్తున్నామన్నారు. ఇందుకోసం కమిటీలను వేశారు. ఈ సమావేశంలో టీడీపీ నాయకులు బుద్ద నాగజగదీశ్వరరావు, మళ్ల సురేంద్ర, మళ్ల రాజా, డాక్టర్ కేకేవీఏ నారాయణరావు, గుత్తా ప్రభాకర చౌదరి, కర్రి దివాకర్, కర్రి శివుడు, తదితరులు పాల్గొన్నారు.

అనకాపల్లి నియోజకవర్గంలో పాదయాత్ర వివరాలు

అనకాపల్లి నియోజకవర్గంలో చంద్రబాబు పాదయాత్ర వివరాలను టీడీపీ రూరల్‌జిల్లా అధ్యక్షుడు రత్నాకర్ వివరించారు. 19వతేదీ రాత్రికి కశింకోట మండలం కన్నూరుపాలెం చేరుకొని రాత్రికి బస చేస్తారన్నారు. 20వతేదీన కన్నూరుపాలెంలోనే చంద్రబాబు పుట్టినరోజు వేడుకలు జరుగుతాయని, ఆ వేడుకల్లో చంద్రబాబు తనయుడు నారా లోకేష్ పాల్గొంటారన్నారు. సాయంత్రం నాలుగుగంటలకు పాదయాత్ర ప్రారంభిస్తారన్నారు. అక్కడి నుంచి కొత్తూరు, సుందరయ్యపేట, జి.భీమవరం, అచ్చెర్ల జంక్షన్, బంగారయ్యపేట మీదుగా తాళ్లపాలెం చేరుకొని అక్కడ రాత్రి బస చేస్తారన్నారు.

21వ తేదీన విశ్రాంతి తీసుకొని విశాఖనగరంలో వున్న నియోజకవర్గాల నాయకులతో సమీక్షా సమావేశాలు నిర్వహిస్తారన్నారు. 22వతేదీన తాళ్లపాలెం నుంచి పాదయాత్ర ప్రారంభించి ఉగ్గినపాలెం, పరవాడపాలెం, బయ్యవరం మీదుగా కశింకోట చేరుకుంటారన్నారు. అక్కడ రాత్రి బస చేసి 23న కశింకోటలో పాదయాత్ర ప్రారంభించి పిసినికాడ, కొత్తూరు జంక్షన్, బైపాస్‌రోడ్డు జంక్షన్ మీదుగా ఆర్టీసీ కాంప్లెక్స్, నెహ్రూచౌక్ జంక్షన్‌కు చేరుకొని అక్కడ బహిరంగ సభలో మాట్లాడతారన్నారు.

అనంతరం చిననాలుగురోడ్ల జంక్షన్ మీదుగా రింగ్‌రోడ్డు జంక్షన్‌కు చేరుకొని అక్కడ ఎన్టీఆర్ విగ్రహాన్ని ఆవిష్కరిస్తారన్నారు. అక్కడి నుంచి గవరపాలెం, పరమేశ్వరిపార్కు, సుంకరమెట్టజంక్షన్ మీదుగా శంకరం, రేబాక చేరుకొని అక్కడ రాత్రి బస చేస్తారన్నారు. 24వతేదీన రేబాక నుంచి ప్రారంభమై కాపుశెట్టివానిపాలెం, కోడూరు జంక్షన్ మీదుగా పెందుర్తి నియోజకవర్గంలో అడుగుపెట్టి బాటజంగాలపాలెం, అసకపల్లి జంక్షన్ మీదుగా సబ్బవరం చేరుకుంటారని రత్నాకర్ తెలిపారు.

దారిపొడవునా మహిళలు చంద్రబాబుకు హారతులుపట్టి తిలకం దిద్దారు. ముఖ్యంగా విద్యార్థినీ విద్యార్థులు, యువతీ యువకులు తమ భవిష్యత్తు గురించి చంద్రబాబు వద్ద ఆందోళన వ్యక్తం చేసి తగిన ఉద్యోగ, ఉపాధి అవకాశాలు కల్పించాలని కోరడం విశేషం. తిరిగి మీరు ముఖ్యమంత్రి అయితేనే తమకు న్యాయం జరుగుతుందంటూ నిరుద్యోగ యువత, డ్వాక్రా మహిళలతోపాటు వృద్ధులు సైతం పేర్కొనడంతో చంద్రబాబు ఒకింత ఉద్వేగానికి లోనయ్యారు.

పాదయాత్రలో భాగంగా గురువారం తన ప్రసంగాలకు పెద్దగా ప్రాధాన్యం ఇవ్వకుండా ప్రజల నుంచి సమస్యలను అడిగి తెలుసుకోవడానికే చంద్రబాబు ప్రాధాన్యం ఇచ్చారు. తద్వారా వాటి పరిష్కారానికి భవిష్యత్‌లో ఏం చేయాలనేది ఒక అవగాహన వస్తుందని ఆయన పేర్కొన్నారు. గురువారంనాటి పర్యటనలో బీ
సీలకు ప్రాధాన్యం ఇస్తూ 50 వేల కోట్లతో ప్రత్యేక ప్రణాళిక, అదేవిధంగా క్రీడాకారులకు, మహిళలకు, చేతివృత్తులవారికి తగిని ఉపాధి అవకాశాలు కల్పించేందుకు అవసరమైన పథకాలను చంద్రబాబు ప్రకటించారు.

ఖనిజ దోపిడీకి పాల్పడుతున్న పాలక పెద్దలు, రైతులు, ప్రజలకు అవసరమైన తాగు, సాగునీటిని కూడా దోపిడీ చేస్తున్నారని చంద్రబాబు పేర్కొన్నారు. తమ పార్టీ అధికారంలోకి వస్తే నిబంధనల ఉల్లంఘనకు పాల్పడుతున్న అన్‌రాక్‌పై తగు చర్య తీసుకుంటామని స్పష్టం చేశారు. వైఎస్ కుటుంబ అవినీతిని సామాన్య ప్రజల కష్టాలతో పోలుస్తూ చంద్రబాబు చేసిన ప్రసంగం ప్రజలను ఆకట్టుకుంది.

మాకవరపాలెం : తీవ్ర అనారోగ్యానికి గురైన తనకు చికిత్స నిమిత్తం అయ్యే ఖర్చును పార్టీ భరిస్తుందని చంద్రబాబు భరోసా ఇచ్చారని గూడెంకొత్తవీధి మండలం గొందిపాకలు మాజీ సర్పంచ్ బౌడ గోపాలరావు తెలిపారు. గురువారం మండలంలోని చంద్రయ్యపాలెంలో టీడీపీ అధినేత చంద్రబాబును కలిసిన అనంతరం ఆయన విలేఖర్లతో మాట్లాడారు. సర్పంచ్‌గా, టీడీపీ మండల అధ్యక్షుడిగా పనిచేశానని, 15 ఏళ్ల నుంచి మండలంలో పార్టీ అభివృద్ధికి పాటు పడ్డానని చెప్పారు.

తొమ్మిది సంవత్సరాల క్రితం పక్షవాతం వచ్చిందని, వైద్యం చేయించుకోవడానికి ఆర్థిక స్థోమత లేదని వాపోయారు. దీంతో చంద్రబాబునాయుడిని కలిసి తన పరిస్థితి గురించి చెప్పానని, దీంతో స్పందించిన ఆయన చికిత్స నిమిత్తం అయ్యే ఖర్చును పార్టీ భరిస్తుందని హామీ ఇచ్చారని తెలిపారు.

ఇక ఆయన ఫ్రీగా ఉంటారు. ఆయనే చూసుకుంటారు' అని నాయకులకు సర్దిచెప్పారు. ఆయన్ను కలిసిన వారిలో చిత్తూరు ఎంపీ శివప్రసాద్, టీడీపీ జిల్లా అధ్యక్షుడు జంగాలపల్లె శ్రీనివాసులు, మాజీ ఎమ్మెల్యే చదలవాడ కృష్ణమూర్తి, తెలుగు యువత జిల్లా అధ్యక్షుడు శ్రీధర్‌వర్మ, పార్టీ నాయకులు నరసింహయాదవ్, సూరా సుధాకర్‌రెడ్డి, నీలం బాలాజీ, తెలుగు మహిళ జిల్లా అధ్యక్షురాలు పుష్పలత, నగర పార్టీ అధ్యక్షుడు దంపూరి భాస్కర్, టీఎన్ఎస్ఎఫ్ అధ్యక్షుడు రవి, టీఎస్ఎన్వీ జిల్లా అధ్యక్ష, ఉపాధ్యక్షులు ఉప్పలపాటి శ్రీనివాసచౌదరి, కోడూరు బాలసుబ్ర హ్మణ్యం తదితరు లు ఉన్నారు. కాగా, ఉదయం 8.40 గం టలకు రేణిగుంట చేరుకున్న లోకేష్.. పీలేరు పర్యటన ముగించుకుని సాయంత్రం మళ్లీ హైదరాబాద్‌కు తిరుగు ప్రయాణ మయ్యారు.