'మీలో ఉత్సాహం ఉంది. ఆ ఉత్సాహమే ఇన్ని వందల కిలోమీటర్లు నన్ను నడిపించేలా చేసింది. ఇక ముందు కూడా ఇదే ధైర్యంతో, ఇదే ప్రోత్సాహంతో ముందుకే వెళ్తాను' అని చంద్రబాబు ప్రకటించారు. ఎట్టి పరిస్థితుల్లోనూ ర్రాష్ట అభివృద్ధి కోసం ప్రస్తుతం ఉన్న దొంగల బారి నుంచి మిమ్మల్ని అందరినీ కాపాడతానంటూ భరోసా ఇచ్చారు. ఉప్పుటేరు వంతెన దాటిన తర్వాత అక్కడ గుమ్మిగూడిన వందలాది మందిని ఉద్దేశించి ఆయన కాస్తంత ఉద్వేగంతోనే ప్రసంగించారు. ప్రత్యేకంగా పోలవరం, కొల్లేరు అంశాలను ప్రస్తావిస్తూ వైఎస్ రాజశేఖరరెడ్డి తీరును ఎండగట్టే ప్రయత్నం చేశారు. తెలుగుదేశం అధికారంలోకి వస్తే కొల్లేరు వాసులకు సంపూర్ణమైనటువంటి జీవిత భరోసా ఇస్తానని హామీ ఇచ్చారు. పోలవరం ప్రాజెక్టు పెండింగ్‌లో పెట్టి రైతులను దగా చేస్తున్నారని, ఇప్పటికే డెల్టా రైతులు దెబ్బతిన్నారని ఆయన ఆవేదన వ్యక్తం చేశారు. ఉప్పుటేరు వంతెన వద్ద నుంచి ప్రధాన మార్గం మీదుగా దుంపగడప గ్రామానికి బాబు చేరుకున్నారు.

ఈ గ్రామంలో ఆయనకు అడుగడుగునా స్థానికులు ఎదురేగి స్వాగతం పలికారు. మహిళలు హారతులిచ్చారు. ఒక చిన్నారికి చంద్రబాబు స్వయంగా నామకరణం చేశారు. మార్గమధ్యలో తనకు కన్పించిన వారిని పలకరిస్తూ వారి కష్టసుఖాలను అడిగి తెలుసుకున్నారు. 'మీరెంత కష్టపడుతున్నారో చూసేందుకే నేను క్షేత్రస్థాయిలో పరిశీలన చేస్తున్నాను. అనుభవం ఉన్నవాడిని. అన్నీ తెలిసిన వాడిని. నాపాలనలో మీకీకష్టాలు ఉండేవి కావు. ఇప్పుడు మీరు పడుతున్న కష్టాలను చూస్తుంటే బాధేస్తోంది' అని బాబు తన బాధను వెళ్లగక్కారు. అలాగే అవినీతి అంశాలపైనే ఆయన విమర్శల బాణాలు ఎక్కుపెట్టారు. 'ఈ ర్రాష్టంలో దొంగలు పడ్డారు.

కాంగ్రెస్ దొంగలు పడ్డారు. తల్లి కాంగ్రెస్, పిల్ల కాంగ్రెస్ తేడా లేకుండా తెగ తినేశారు. మనం అధికారంలోకి వస్తే వీళ్లని చూస్తూ వదిలిపెట్టం' అన్నారు. 'నేను మొదటి నుంచి చెబుతూనే ఉన్నా, ర్రాష్టాన్ని అధోగతి పాల్జేసేందుకే ఇలాంటి వాళ్లంతా తెగబడుతున్నారని, వైఎస్ రాజశేఖరరెడ్డి హయాంలో లబ్దిపొందిన వాళ్లు తిరిగి వాళ్లకు కావల్సిన వారికే పెట్టుబడులు పెట్టి ఇప్పుడు జైళ్లలో కూర్చున్నారు' అని జగన్, ఆయన అనుకూలురును ఉద్దేశించి వ్యాఖ్యానించారు. మీకు తెలుసు.. రైతులు ఎంత ఇబ్బందుల్లో ఉన్నారో, అందుకే నేను అధికారంలోకి వస్తే రైతుల రుణాలు మాఫీ చేస్తానని చెప్పాను. దానికే కట్టుబడి ఉన్నా. కాంగ్రెసేళ్లు మాత్రం ఎలా చేస్తారు అంటూ ప్రశ్నిస్తున్నారు అంటూ మీకు చెప్పాల్సిన పని లేదు.

ఎలా చేయాలో, ఏం చేయాలో నాకు తెలుసని కాంగ్రెస్‌పై తీవ్రస్థాయిలో విరుచుకుపడ్డారు. ఉప్పుటేరు దగ్గరే పశ్చిమ లో కాలుపెట్టానోలేదో సూపర్‌గా అదిరిందంటూ వచ్చిన జనాన్ని చూసి ఆ యన సంతోషపడ్డారు. తెలుగుదేశం పార్టీ ఎమ్మెల్యేలు, ముఖ్యులు కూడా వందల సంఖ్యలోనే బాబు యాత్రలో పాలుపంచుకున్నారు. పార్టీ జిల్లా అ ధ్యక్షురాలు తోట సీతారామలక్ష్మి, మా గంటిబాబు, ఎమ్మెల్యే శివరామరాజు తో సహా ముఖ్యనేతలంతా పాదయాత్రలో పాలుపంచుకున్నారు.

హామీలు వెల్లువ... బాబు తన పాదయాత్ర సందర్భంగా భారీగానే హామీలు ప్రకటిస్తూ ముందుకు సాగారు. డ్వాక్రా సంఘా లు నిర్వీర్యమయ్యాయని, వాటిని తిరి గి ఆదుకుంటామని భరోసా ప్రకటించారు. నిరుద్యోగులకు ఉద్యోగావకాశాలు, రైతులకు రుణాలు, సాఫ్ట్‌వేర్ రంగం అభివృద్ధి, పట్టణాల అభివృద్ధి, పోలవరం ప్రాజెక్టు నిర్మాణం, కాలువల ఆధునీకరణ పనులు, చేపల పరిశోధనా కేంద్రం, పింఛన్ల పెంపు వంటి వాటిని కూడా ఆయన తన ప్రసంగంలో పదేపదే ప్రస్తావించారు.

విద్యుత్ లేక ఇబ్బందంటూ పదో తరగతి విద్యార్ధిని ఆవేదన..

పదో తరగతి పరీక్షలు వస్తున్నాయి. కరెంట్ కోత వల్ల చదవలేకపోతున్నామని టి కుమారి అనే విద్యార్థిని చంద్రబాబు వద్ద వాపోయింది. ఆ బాలిక చెప్పే సమస్యను చంద్రబా బు ఆలకించి విద్యుత్ సమస్యను లే కుండా చూస్తానని, కాంగ్రెస్ ప్ర భు త్వం విద్యుత్ కోతతో అందరికీ ఇ బ్బ ంది పెడుతున్నారని విమర్శించారు.

చిన్న మసీదు వద్ద హారతులు..

రైల్వే స్టేషన్ సమీపంలోని చిన్న మసీదు ప్రాంతంలో మహిళలు హారతులు పట్టారు. చింతలపాటి సూర్యకుమారి, శృతి ఇచ్చిన హారతిని నవ్వుతూ స్వీకరిస్తూ అభివాదం చేశారు.

చంద్రబాబుతో మాట్లాడేందుకు మహిళలు ఉత్సాహం..

ఆకివీడు రైల్వే స్టేషన్ రోడ్డులో చంద్రబాబు వద్ద మహిళలు అడుగడుగునా స్పందించారు. తమ సమస్యలను ఏకరువు పెట్టారు. చిన్న మసీదు నుంచి రైల్వే స్టేషన్ సెంటర్ నుంచి సిద్ధాపురం రోడ్డు వరకు పలు చోట్ల మహిళలు ప్రస్తావించారు. రైల్వే స్టేష న్ సెంటర్‌లో నీలం లక్ష్మీ, కె పద్మ, షేక్ బీర్భమ్‌బేబీ, షేక్ షాన్‌బేబీ అనే మహిళలు ఇళ్ళ స్థలాలు లేక ఇబ్బందులు పడుతున్నామని వాపోయారు. విద్యుత్ కోతల వల్ల అష్టకష్టాలు పడుతున్నామన్నారు. మహిళలు గుంపులుగా వచ్చి తామంతా కష్టాలు పడుతున్నామంటూ చెప్పుకొచ్చారు.

తనకు ఇద్దరు పిల్లలని అదే ప్రాంతానికి చెందిన డోల పార్వతి అనే మహిళ చెప్పింది. ఇద్దరికీ మాటలు రావని, ఆపరేషన్ చేయించినా మెరుగు పడలేదని, తన పిల్లలకు ఏదైనా పింఛను ఇప్పిస్తే తమకు కొం త బాధలు తప్పుతాయంటూ వాపోయింది. మీకు న్యాయం చేస్తానని చంద్రబాబు హామీ ఇచ్చారు.

మరికొంత దూరం వచ్చే సరికి పలువురు ముస్లిం మహిళలు చంద్రబాబు వద్ధకు వచ్చారు. ఆయన మాట్లాడుతూ ముస్లింలకు తన హ యాంలో ఎన్నో సౌకర్యాలను కల్పించానని, ఇప్పుడు ప్రత్యేక రిజర్వేషన్ వల్ల మరింత న్యాయం జరుగుతుందని చెప్పారు.

కృష్ణాజిల్లా ఆలపాడు లో మధ్యాహ్నం 12 గంటల నుంచి ఐ దు గంటల వరకు విరామం లేకుండా పార్టీ కార్యక్రమాల్లో పాల్గొన్న చంద్రబాబు జిల్లాలో రాత్రి ఏడున్నరకు పాదం మోపారు. ఒక్క దుంపగడప లో మాత్రమే ఆయన రెండుసార్లు స్వ ల్ప విరామం తీసుకున్నారు. రైల్వే క్రా సింగ్ వద్ద గేటు పడటంతో ఆయన పా దయాత్రను కొంతసేపు నిలిపివేసి ఆ తర్వాత తిరిగి కొనసాగించారు. పాదయాత్ర సాగుతున్నంత సేపు తెలుగుదేశం ముఖ్య కార్యకర్తలు, పోలీసులు, ప్రత్యేక కమెండోలు ఆయనకు రక్షణ బాధ్యతల్లో అప్రమత్తంగా కన్పించా రు. చంద్రబాబు అక్కడక్కడ మాట్లాడుతున్నప్పుడు 'బాబు బాగా అలసిపోయినట్లున్నారు. పాపం ఈ వయసు లో ఇంతెలా నడుస్తున్నారో' అని మ హిళలు ఆయన పట్ల సానుభూతి ప్రకటించారు.

పాదయాత్ర ఆలస్యమవుతు ందని ముందుగానే గమనించిన పార్టీ నాయకులు మాత్రం అందరినీ ఉత్సాహపరుస్తూ, వారితో కలిసి పాదయాత్రలో పాల్గొన్నారు. తొలిరోజు ఆయన పాదయాత్రలో మహిళలు, యువకుల సంఖ్య అత్యధికంగా కన్పించింది. ఇ ళ్లల్లో పనులు వదిలేసిన మహిళలు కూ డా ఆయనను చూసేందుకు వీధుల్లోకొచ్చి నిలబడ్డారు. యువకులైతే కేరింతలు కొట్టడం సహజంగానే కేడర్‌లో ఉత్సాహాన్ని మరింత రెట్టింపు చేసింది.

ఏలూర్రుకైం : టీడీపీ రాష్ట్ర అధ్యక్షు డు నారా చంద్రబాబునాయుడు జిల్లా పాదయాత్ర సందర్భంగా జిల్లా ఎస్పీ ఎం.రమేష్ ఆదేశాలతో భారీ బందోబస్తు ఏర్పాటు చేశారు. శనివారం సాయంత్రం జిల్లాలోకి అడుగు పెట్టిన చంద్రబాబునాయుడుకు అడుగడుగు నా భద్రత వలయాన్ని ఏర్పాటు చేశా రు. ప్రత్యేక కాన్వాయ్‌ను ఏర్పాటు చే సి ఇన్‌ఛార్జిగా ఒక డీఎస్పీని నియమించారు.ఆ కాన్వాయ్‌లో ఇద్దరు సీఐలు, ముగ్గురు ఎస్ఐలు, మరికొంత మంది పోలీసు సిబ్బందిని నియమించారు. మరో వైపు బాంబ్ స్క్వాడ్, పోలీసు జాగిలాలు రంగంలోకి దించి ఆయన పాదయాత్రకు ముందుగానే క్షుణ్ణంగా తనిఖీలు నిర్వహిస్తున్నారు. అనుమానాస్పద వస్తువులను పరిశీలిస్తున్నారు. స్థానికంగా ఉండే పోలీసు సిబ్బందితో పాటు నరసాపురం సబ్ డివిజన్‌లో ఉండే పోలీస్ సిబ్బంది బందోబస్తు నిర్వహించారు.

గతంలో తణుకు రూ రల్ మండలం పైడిపర్రులో టెక్ మ ధు నివాసంలో మావోయిస్టుల డంప్ లభించడం వంటి సంఘటనలను దృ ష్టిలో పెట్టుకుని పోలీసు ఉన్నతాధికారులు ముందస్తుగా జాగ్రత్తలు చేపట్టారు.ఎక్కడా ఎలాంటి సంఘటనలు జరగకుండా అనేక విభాగాల పోలీసులను మఫ్టీలో నియమించి జాగ్రత్తలు తీసుకున్నారు.ఇద్దరు డీఎస్పీలతో పా టు 300 మంది పోలీస్ సిబ్బందిని ఈ పాదయాత్ర బందోబస్తు కోసం వినియోగించినట్టు సమాచారం.

సుమారు గంట సమయంపాటు ఇక్కడే గడిపారు. మహిళలు మంగళ హారతులతో ఆయనకు స్వాగతం పలికారు. ఇటీవల ప్రమాదంలో మృతి చెందిన పార్టీ కార్యకర్త బాలప్ప ఇంటికి వెళ్లి ఆయన అమ్మానాన్నలను పరామర్శించి ఓదార్చారు. అక్కడినుంచి తిరిగి వచ్చే సమయంలో అదే వీధిలో ఉన్న చాలామంది గ్రామస్థులు, పిల్లలు ఆయనతో ఫొటోలు దిగడానికి ఉత్సాహపడ్డారు. అక్కడినుంచి గ్రామం నడిబొడ్డుకు వచ్చిన ఆయన, గ్రామీణులతో ఆత్మీయ సమావేశం నిర్వహించారు. వారి సమస్యలన్నింటినీ ఓపిగ్గా విన్నారు. ముందు తాను మాట్లాడకుండా గ్రామీణులచేత మాట్లాడించారు. మరీ ఎక్కువ సమస్యలను ఏకరువు పెట్టిన మహిళలను 'మనం అధికారంలో లేమమ్మా.. అన్ని సమస్యలూ మనం తీర్చలేం..' అంటూ చిరునవ్వుతోనే నిలువరించారు.

ఇంజినీరింగు, ఇతర సాంకేతిక విద్యనభ్యసించిన నిరుద్యోగ యువతకు మొదట తన కంపెనీలో ఉద్యోగాలివ్వడానికి ప్రయత్నిస్తానని, తర్వాత ద్రావిడ విశ్వవిద్యాలయంతోపాటు స్థానిక కుప్పం ఇంజినీరింగు కళాశాలలో ఉద్యోగాల కల్పనకు కృషి చేస్తానని హామీ ఇచ్చారు. అక్కడినుంచి బయలుదేరి రాళ్లగంగమాంబ ఆలయంవద్ద ఏర్పాటు చేసిన సమావేశానికి చేరుకున్నారు. ఎంపీ శివప్రసాద్ వంటి వక్తలు మాట్లాడిన తర్వాత తానేం మాట్లాడలేనంటూనే, అధికార కాంగ్రెస్, వైసీపీలపై పదునైన విమర్శలు ఎక్కుపెట్టారు. చంద్రబాబు సమర్థ నాయ కత్వంతోనే రాష్ట్రంలో అవినీతి రహిత అభివృద్ధి సాధ్యమవుతుందని ఊరించారు. ముంచుకొస్తున్న ఎన్నికలకు సిద్ధం కావాలంటూ పార్టీ శ్రేణులకు పిలుపునిచ్చారు.

ఈ మధ్యలో చెట్టు కింద చదువులు సాగిస్తున్న గుడుపల్లె జడ్పీ ఉన్నత పాఠశాల విద్యార్థుల వద్దకు వాహనం ఆపించి మరీ వెళ్లారు. వారి సమస్యలు అడిగి తెలుసుకుని పరిష్కరించేం దుకు కృషి చేస్తానని హామీ ఇచ్చారు. కుప్పం లో జరిగిన తెలుగు మహిళ సమావేశానికి పెద్దఎత్తున మహిళలు హాజరైనా కేవలం రెండుమూడు నిముషాలు మాత్రమే మాట్లాడి ప్రసంగం ముగించారు. అనంతరం వారి సమస్యలను అడిగి తెలుసుకున్నారు. ఆపైన టీఎన్ఎస్ఎఫ్ సమావేశంలో తన విద్యా జీవితాన్ని వివరించారు.టెన్త్ వరకు వీక్ స్టూడెంట్‌గా ఉన్న తాను తండ్రి చంద్రబాబు పట్టించుకోవడంతో ఎలా అమెరికా చదువులు చదివి పెద్దవాడైందీ గుర్తు చేసుకున్నారు.

ఎన్టీఆర్ ట్రస్టు ఆధ్వర్యంలో కెరీర్ కౌన్సెలింగ్ సెంటర్లు, స్కిల్ డెవలప్‌మెంట్ ప్రోగ్రామ్‌లు ఏర్పాటు చేసి యువత నైపుణ్యాన్ని పెంచడం ద్వారా ఉద్యోగావకాశాలు పెరగడానికి దోహదం చేస్తానని హామీ ఇచ్చారు.అంతకుముందు గుడుపల్లె రాళ్ల గంగమాంబ ఆలయంలో జరిగిన సభలో మాట్లాడుతూ గుడుపల్లె సింగిల్‌విండోలో మొత్తం 13 సీట్లు గెలిపించినందుకు స్థానిక నాయకులను అభినందించారు. తన తండ్రి చంద్రబాబు ఇందుకోసమే, గుడుపల్లె తన గుండెకాయ అని తరచూ చెబుతుంటారని గుర్తు చేసుకున్నారు.తెలుగుయువత నియోజకవర్గ కన్వీనర్ సత్యేంద్రశేఖర్ ఆధ్వర్యంలో లోకేష్ రోడ్‌షో ఘనంగా జరిగింది.కుప్పం, గుడుపల్లె ర్యటన సందర్భంగా పరామర్శలు, ప్రసంగాలు, గ్రామ పర్యటనలు, విద్యార్థుల పలకరింపులు..

ఇలా అన్నింటిలో లోకేష్ వ్యవహార శైలి ఆయన తండ్రి చంద్రబాబును తలపించడం విశేషం. ఎంపీ శివప్రసాద్, జిల్లా పార్టీ అధ్యక్ష , ప్రధాన కార్యదర్శులు జంగాలపల్లె శ్రీనివాసులు, జి.శ్రీనివాసులు, జిల్లా తెలుగుయువత అధ్యక్షులు శ్రీధర్‌వర్మ, స్థానిక నాయకులు పి.ఎస్.మునిరత్నం, విద్యాసాగర్, సత్యేంద్రశేఖర్, గోపీనాథ్, నాను, బీసీ.నాగరాజ్, వెంకటేష్, సాంబశివం, నాను, భాగ్యరాజ్, రాజ్‌కుమార్, ఎమ్మార్ సురేష్ తదితరులు ఈ కార్యక్రమాల్లో పాల్గొన్నారు.

ఏలూరు:తెలుగుదేశం అధినేత చంద్రబాబు 'వస్తున్నా.. మీకోసం' అంటూ పశ్చిమగోదావరి జిల్లాలో శనివారం సాయంత్రం అడుగిడబోతున్నారు. ఇప్పటికే ఆయన గడిచిన 157 రోజులుగా ర్రాష్ట వ్యాప్తంగా వివిధ జిల్లాల మీదుగా పాదయాత్ర చేస్తున్నారు. బీద, బిక్కి జనాలను అక్కున చేర్చుకుంటున్నారు. కష్టసుఖాల్లో పాలుపంచుకుంటున్నారు. నేనున్నానంటూ వేలాది మందికి అండగా నిలుస్తూ.. ఆరోగ్యం సహకరించకపోయినా మండుటెండల్లోనే పాదయాత్ర కొనసాగిస్తున్నారు. శనివారం మధ్యాహ్నం నాటితో కృష్ణా జిల్లాలోపాదయాత్ర ముగించుకుని ఆ తర్వాత ఉప్పుటేరు మీదుగా పశ్చిమలో కాలిడనున్నారు.

చంద్రబాబుకు భారీ ఎత్తున స్వాగతం పలికేందుకు ఆయన వెంట దండులా తరలివెళ్లేందుకు వేలాది మంది సన్నద్ధమవుతున్నారు. బాబుకు సంపూర్ణ మద్దతు ప్రకటిస్తూ ఇప్పటికే వివిధ మండలాల నుంచి వందలాది మంది కార్యకర్తలు శుక్రవారం రాత్రే ఆకివీడుకు బయలుదేరారు. తమ ప్రియతమ నేత అడుగులో అడుగేసి నడిచేందుకు పార్టీలో యువతరం ఉత్సాహం వ్యక్తం చే స్తోంది. వీరి ఉత్సాహానికి తగ్గట్టుగానే పార్టీ సీనియర్లు, నియోజకవర్గాల నేత లు కూడా వీరినే అనుసరించేందుకు సిద్ధమవుతున్నారు. శనివారం సాయం తం ఆకివీడు మండలం దుంపగడప అడ్డరోడ్డు నుంచి ఆయన పాదయాత్ర ప్రారంభమవుతుంది. అక్కడి నుంచి సుమారు 6.7 కిలోమీటర్ల మేర తొలిరోజు చంద్రబాబు ప్రయాణించనున్నారు. మార్గమధ్యలో దుంపగడప, ఆకివీడులలో ఆయన ప్రజలను పలకరించనున్నారు.

అత్యంత ప్రతిష్టాత్మకంగా, ఉత్సాహంగా, ఉత్తేజంగా ఇప్పటికే సాగుతున్న 'వస్తున్నా.. మీ కోసం' యాత్రం పశ్చిమలో కూడా ఆసాంతం విజయవంతమయ్యేలా, ప్రశాంతంగా ముగిసేలా సకల ఏర్పాట్లు చేశారు. చంద్రబాబు రాక కోసం ఉండి నియోజకవర్గంలో ఆయన ప్రయాణించే మార్గాలన్నింటిలోనూ పసుపుదనాన్ని నింపుతూ స్వాగతానికి సన్నాహాలు చేశారు. ఇప్పటికే పగటి ఎండలు పెరిగాయి. మధ్యాహ్నం నాటికి దీనికి ఉక్కపోత తోడవుతోంది. అయినా ఖా తరు చేయకుండా ఉదయం వేళల్లో పా ర్టీ సమీక్షలు నిర్వహించడం, మధ్యా హ్నం 2 గంటల తర్వాత నుంచి నిర్దేశించిన మార్గంలో పాదయాత్రకు చం ద్రబాబు సంసిద్ధమయ్యారు.

ఒకవైపు ర్రాష్టంలో కీలక రాజకీయ పరిణామాలు జరుగుతున్న నేపధ్యంలో ఆయన క్షణం తీరిక లేకుండానే పార్టీ వ్యవహారాలను సమీక్షిస్తూనే ఇంకోవైపు సాధారణ ప్రజలను, కార్యకర్తలను కలుసుకోవడానికి ఎండను, తన ఆరోగ్యాన్ని కూడా ఖాతరు చేయకుండా ముందుకు సాగుతుండటంతో ఆయనకు చేదోడుగా నిలిచేందుకు పార్టీ యంత్రాంగం యావత్తు సిద్ధమైంది.

పార్టీ జిల్లా అధ్యక్షురాలు సీతారామలక్ష్మి, ఎమ్మెల్యే శివరామరాజు, సీనియర్ నేత మాగంటి బాబు, పార్టీ కార్యాలయ సమన్వయ కార్యదర్శి పాలి ప్రసాద్, పార్టీ ముఖ్యులు గాదిరాజు బాబు వంటి వారు కూడా ఇప్పటికే ఏర్పాట్లలో మునిగి తేలారు. చంద్రబాబు పాదయాత్ర జిల్లాలో ఏకబిగిన ఏడురోజుల పాటు తణుకు వరకు సాగనుంది. వాస్తవానికి తణుకు నుంచి తూర్పుగోదావరి జిల్లాలోకి ఏ వైపు నుంచే చేరుకోవాలనేదానిపై ర్రాష్ట పార్టీ నుంచి ఇంకా గ్రీన్‌సిగ్నల్ రాలేదు. అందుకనే ఇప్పటిదాకా ఆకివీడు నుంచి తణుకు వరకు 82.7 కిలోమీటర్ల నిడివిన ఆయన పాదయాత్రకు రంగం సిద్ధమైంది. ఆకివీడు, ఉండి, కాళ్ల, భీమవరం రూరల్, భీమవరం టౌన్, పాలకోడేరు, వీరవాసరం, పాలకొల్లు, పోడూరు, పెనుమంట్ర, పెనుగొండ, ఇరగవరం, తణుకు మండలాల పరిధిలోని నిర్దేశించిన ప్రాం తాల్లో చంద్రబాబు పాదయాత్ర సాగనుంది.

ఒక్క ఉండి నియోజకవర్గం మినహాయిస్తే ఆయన పర్యటించే ప్రాంతాలన్నీ కాంగ్రెస్ ఎమ్మెల్యేలు ప్రాతినిధ్యం వహిస్తున్న ప్రాంతాల్లోనే ఎక్కువ భాగం ఉంది. దీనిని సవాల్‌గా తీసుకుని మరీ పార్టీ యంత్రాంగం అన్ని గ్రామాల్లో క్యాడర్‌ను ఇప్పటికే ఉత్తేజపరిచింది. శనివారం రాత్రి ఆయన అర్జమూరు వద్ద బసచేస్తారు. ఆదివారం శివరాత్రి కావడంతో ఉదయం పూట ఎలాంటి సమీక్షలు ఉండవు. ఆయన ర్రాష్ట పార్టీ వ్యవహారాలపైనే ఉదయం నుంచి మ ధ్యాహ్నం వరకు దృష్టి పెట్టనున్నారు.

ఆ తర్వాత యధావిధిగా శివరాత్రి అయినప్పటికీ మధ్యాహ్నం చెరుకువాడ నుంచి పాదయాత్రకు సంసిద్ధమవుతున్నారు.

ఈ నెల 13వ తేదీ నుంచి రోజుకు రెండు నియోజకవర్గాలు చొప్పున ఉదయం పూట పార్టీ సమీక్షకు చంద్రబాబు ఓకే చేశారు. నియోజకవర్గాల వారీగా ఆయన పార్టీ పనితీరును సమీక్షించనున్నారు. తొలిరోజు పశ్చిమలో కాలిడనున్న చంద్రబాబు ఆకివీడులోజరిగే బహిరంగసభలో తొలి ప్రసంగం చేయనున్నట్లు పార్టీ వర్గాలు ప్రకటించాయి.