టీడీపీ అధినేత చంద్రబాబునాయుడు చేపట్టిన 'వస్తున్నా... మీకోసం' పాదయాత్రను జిల్లాలో విజయవంతం చేసిన నేతలు మరో సక్సెస్ కోసం తపిస్తున్నారు. ఈ నెల 27న విశాఖపట్నంలో పాదయాత్ర ముగింపు సభకు జిల్లా నుంచి భారీగా కార్యకర్తలను తరలించేందుకు 'దేశం' నేతలు సన్నాహాలు చేసుకున్నారు. జిల్లాలో చంద్రబాబు యాత్ర 24 రోజులపాటు సాగింది. మార్చి 20 నుంచి ఏప్రిల్ 12వరకు జిల్లాలో 11 నియోజకవర్గాలు, 16 మండలాలు, 2 కార్పొరేషన్లు, మూడు మున్సిపాలిటీలు, 78 గ్రామాల్లో బాబు పాద యాత్ర చేశారు. రాజమండ్రిలో ప్రవేశించి కోటనందూరు మండలం కాకరాపల్లి దాటి విశాఖపట్నం జిల్లాలోకి ప్రవేశించే వరకు వందలాది మంది నేతలు, వేలాది మంది కార్యకర్తలు చంద్రబాబును వెన్నంటే ఉన్నారు. జిల్లా, నియోజకవర్గ, మండల, గ్రామ స్థాయి నేతలు, కార్యకర్తలు ఉత్సాహంగా యాత్రలో పాల్గొని విజయవంతం చేశారు.

'దేశం' ఆవిర్భావ పండుగ ఇక్కడే! చంద్రబాబు పాదయత్రలో ఉన్న సమయంలోనే టీడీపీ ఆవిర్భావ దినోత్సవాన్ని పెదపూడిలో జరుపుకున్నారు. ఆవిర్భావ దినోత్సవం పిఠాపురంలో జరపాలని నిర్ణయించి అక్కడ భారీ పైలాన్ ఏర్పాటుచేశారు. పాదయాత్ర ఆలస్యం కావడంతో ఈ కార్యక్రమం పెదపూడిలో జరిగింది. తర్వాత పిఠాపురం వచ్చిన సందర్భంగా ఆ పైలాన్‌ను చంద్రబాబు ఆవిష్కరించారు. పార్టీ ఆవిర్భావ దినోత్సవ కార్యక్రమం హైదరాబాద్ కాకుండా ఇతర ప్రాంతాల్లో నిర్వహించడం ఇదే తొలిసారి.

ఉగాది ఆనందం.. తుని నియోజకవర్గంలో చంద్రబాబు ఉగాది ఉత్సవాలు జరుపుకున్నారు. ఉగాది పచ్చడి ఆరగించారు. పంచాంగశ్రవణాన్ని అత్యంత శ్రద్ధగా విన్నారు. ఏరువాక కార్యక్రమంలో కూడా పాల్గొన్నారు.

2,500 మైలురాయి ఇక్కడే.. చంద్రబాబు పాదయాత్ర 2,500 కిలోమీటర్ల మైలురాయిని మండపేటలో అధిగమించారు. ప్రజా సమస్యల కోసం ఒక రాజకీయ నాయకుడు ఇన్ని కిలోమీటర్ల పాదయాత్ర చేయడం దేశంలోనే అరుదైన ఘట్టంగా చంద్రబాబు రికార్డు సృష్టించారు.

విద్యుత్ ఉద్యమానికి నాంది విద్యుత్ కోతలు, సర్‌ఛార్జీలకు వ్యతిరేకంగా టీడీపీ రాష్ట్ర వ్యాప్తంగా చేపట్టిన ఉద్యమానికి చంద్రబాబు ఇక్కడే శ్రీకారం చుట్టారు. కాకినాడలో ఒక రోజు ఉపవాస దీక్ష కూడా చేశారు.

కాపులకు ప్యాకేజీ ప్రకటనా ఇక్కడే అగ్రవర్ణాలలో పేదలకు రిజర్వేషన్ల హామీ ఇచ్చిన చంద్రబాబు కాపులలో పేదల కోసం రూ.5 వేల కోట్ల ప్యాకేజీని పిఠాపురం బహిరంగ సభలో ప్రకటించారు. ఈ ప్రకటన ద్వారా జిల్లాలో కాపు సామాజికవర్గం టీడీపీకి దగ్గరవుతున్నట్లు రాజకీయ విశ్లేషకులు భావిస్తున్నారు.

విశాఖ సభకు భారీగా జనసమీకరణ! విశాఖపట్నంలో పాదయాత్ర ముగింపు సభకు జిల్లా నుంచి భారీగా కార్యకర్తలను తరలిస్తున్నారు. ఈ మేరకు ఆయా నియోజకవర్గాల ఇన్‌చార్జిలు, పార్టీ ఎమ్మెల్యేలు, ఇతర ముఖ్య నేతలకు ఈ బాధ్యతలను అప్పగించారు. ఇక్కడ నుంచి వెళ్లే కార్యకర్తలందరికీ రవాణా, భోజన సదుపాయాలను ఆయా నేతలే సమకూరుస్తున్నారు.

వస్తున్నా మీ కోసం పేరుతో చంద్రబాబు చేపట్టిన పాదయాద్ర ఈ నెల 27న ముగియనున్న సంగతి తెలిసిందే. దీంతో, పార్టీ ఎమ్మెల్యేలు, ముఖ్యనాయకులు కొంతమంది ఇప్పటికే వైజాగ్ చేరుకోగా 28న చంద్రబాబు, హైదరాబాద్ రానున్నందున ఆయనకు ఘనస్వాగతం పలికేందుకు మరికొంత మంది నాయకులు వాహనాలు సమకూర్చడం, కార్యకర్తలను సమీకరించడంలో నిమగ్నమయ్యారు. జిల్లా నుంచి కనీసం 20 వేల మంది కార్యకర్తలు, నాయకులు శంషాబాద్ ఎయిర్‌పోర్టుకు తరలివెళ్లేలా వాహనాలు సిద్ధం చేస్తున్నారు. రాజ
ధానికి సమీప నియోజకవర్గాలైన షాద్‌నగర్, జడ్చర్ల, కల్వకుర్తి వంటి ప్రాంతాల నుంచి ఎక్కువ సంఖ్యలో, దూరంగా ఉన్న నియోజకవర్గాల నుంచి కొంత తక్కువ సంఖ్యలో కార్యకర్తలను సమీకరించేందుకు ఏర్పాట్లు చేస్తున్నారు. ఆలంపూర్, గద్వాల వంటి నియోజకవర్గాల్లో పర్యటించి స్థానిక నాయకులతో చర్చించారు. తాను ప్రాతినిధ్యం వహిస్తున్న షాద్‌నగర్ నియోజకవర్గ పరిధి నుంచి కనీసం ఆరు వేల మంది కార్యకర్తలను సమీకరించేందుకు ఏర్పాట్లు చేస్తున్నట్లు బక్కని నర్సింహులు తెలిపారు. అలాగే, అన్ని నియోజవకర్గాల నుంచి కూడా స్థానిక ఎమ్మెల్యేలు, నియోజకవర్గ ఇంచార్జీల సహకారంతో పార్టీ అధినేతకు ఘన స్వాగతం పలికేందుకు ఏర్పాట్లు చేసినట్లు వివరించారు. 28న మధ్యాహ్నం ఒంటి గంటకు శంషాబాద్ చేరుకున్న తర్వాత, పార్టీ నాయకులు, కార్యకర్తలు నిర్వహించే భారీ ర్యాలీలో పాల్గొంటారన్నారు. ఈ ర్యాలీలో, ఎంఆర్‌పీఎస్ నేత మందకృష్ణ కూడా పాల్గొంటారని టీడీపీ వర్గాలు తెలిపాయి. మరో వైపు 28నే హైదరాబాద్‌లో మందకృష్ణ ఆధ్వర్యంలో భారీ బహిరంగ సభ నిర్వహించనున్న సంగతి తెలిసిందే.

ఆ సంద ర్భంగా ఆరోజున విశాఖలో తెలుగు దేశం పార్టీ భారీ బహిరంగ సభను నిర్వహిస్తున్నది. శనివారం సాయం త్రం నాలుగు గంటలకు యాత్ర ము గింపు చిహ్నంగా ఏర్పాటు చేసిన పైలాన్ ఆవిష్కరణ, అనంతరం బహిరంగ సభ జరగనుండగా పెద్ద సంఖ్య లో కార్యకర్తలు పాల్గొనేలా ఆధిష్ఠానం దృష్టి సారించింది. ప్రధా నంగా విశాఖకు ఇరువైపులా ఉండే నాలుగైదు జిల్లాల నుంచి జన సమీ కరణ చేస్తున్నప్పటికీ కోస్తా ప్రాం తంలో ఉండే ఇతర జిల్లాల నుంచి మండల, గ్రామ స్థాయిలో ఉండే ము ఖ్య నాయకులు హాజరయ్యేలా చూ డాలని నిర్ణయించారు. తదనుగు ణంగా జిల్లాలోను ఆపార్టీ నేతలు దృష్టి సారించారు. ఇందుకోసం వారం క్రితం పార్టీ రాష్ట్ర నేతలతో సమావేశం నిర్వహించారు. ఆ సమయంలో ఒం గోలు నుంచి విశాఖకు ఒక ప్రత్యేక రైలులో కార్యకర్తలు, నాయకులను తరలించేలా ఏర్పాటుచేయాలని నిర్ణ యించారు.

తదనుగుణంగా ప్రత్యేక రైలును ఏర్పాటు చేశారు. ఈ ప్రత్యేక రైలు ఒంగోలు నుంచి శుక్రవారం రాత్రి 8.30 గంటలకు బయలుదేరి మరుసటి రోజు ఉదయానికి విశాఖకు చేరుతుంది. తిరిగి ఆ క్కడ బహిరంగ సభ ముగిసిన అనంతరం ఆర్ధరాత్రి బయలుదేరి ఆదివారం మధాహ్ననికి ఒంగోలు చేరుకుంటుంది. ఆమేరకు రేల్వే శాఖ నుంచి జిల్లా నేతలకు సమాచారం అందింది. మొత్తం 21 బోగీలను ఈ ప్రత్యేక రైలుకు కేటా యించామన్నారు.దీంతో జిల్లాలోని వివిధ నియోజకవర్గ ఇన్‌చార్జ్‌లతో చర్చించిన పార్టీ జిల్లా అధ్యక్షుడు దామచర్ల జనార్దన్ ఒక్కో నియోజ కవర్గానికి రెండు లేదా మూడు బోగీ లను కేటాయించినట్టు సమాచారం. జిల్లాలో ఒంగోలు, చీరాల రైల్వే స్టేషన్లలో ఈ రైలు ఆగుతుంది. దీంతో ఎక్కువ నియోజకవర్గాల వారు ఒం గోలు
లో రైలు ఎక్కే విధంగా సమా చారం అందించారు. మరోవైపు పలు ప్రాంతాల నుంచి ప్రత్యేక వాహనాల లోనూ పార్టీ నాయకులు తరలుతు న్నట్లు సమాచారం.

ఇదిలా ఉండగా జిల్లాలోని పార్టీ ముఖ్య నేతలు అంతా విశాఖ సభకు తరలి వెళ్తున్నట్టు సమాచారం. పార్టీ సీనియర్ నేత కరణం బలరామకృ ష్ణమూర్తి గురువారమే విశాఖకు బయలు దేరి వెళ్ళారు. ఒంగోలు నుంచి మధ్యాహ్నం కోరమండల్ ఎక్స్ ప్రెస్‌లో బయలుదేరిన ఆయన రా త్రికి విశాఖ చేరుకున్నారు. శుక్రవారం ఆయన చంద్రబాబు నాయుడును కలిసే అవకాశం ఉంది. కందుకూరు, పర్చూరు నియోజకవర్గ ఇన్‌చార్జ్‌లు డాక్టర్ దివి శివరాం, ఏలూరి సాం బశివరావులు ఇప్పటికే విశాఖ చేరు కున్నారు. పార్టీ పొలిట్ బ్యూరో సభ్యు డు శిద్దా రాఘవరావు, జిల్లా ఆధ్య క్షుడు దామచర్ల జనార్దన్, ఎమ్మెల్యే కందుల నారాయణరెడ్డి, డెయిరీ చైర్మన్ చల్లా శ్రీనివాసరావు తదిత రులు శుక్రవారం రాత్రికి బయలుదేరి వెళ్ళనున్నట్టు సమాచారం.

శ్రీకాకుళం తెలుగుదేశం పార్టీ అధినేత నారా చంద్రబాబు నాయుడు చేపట్టిన మీకోసం పాదయాత్ర ఈ నెల 27 న విశాఖతో ముగియనుంది. బహిరంగ సభకు ఆ పార్టీ పెద్ద ఎత్తున ఏర్పాట్లు చేస్తోంది. శ్రీకాకుళం జిల్లా నుంచి భారీ గా జనాలను సమీకరించి సత్తా చాటేందుకు జిల్లాలోని పార్టీ నాయకులు తీవ్రంగా శ్రమిస్తున్నారు. బాబు పాదయాత్ర శ్రీకాకుళంలో ఉన్నప్పటికీ ఆరోగ్య కారణాల రీత్యా రాలేకపోతున్నారు. అయినప్పటికీ శ్రీకాకుళంలో పార్టీకి ఢోకాలేదని, యువ నాయకులు, సీనియర్లు భావిస్తున్నారు. భారీగా జనసమీకరణ చేసి వాహనాల ద్వారా విశాఖకు తరలించేందుకు ఏర్పాట్లు జరుగుతున్నాయి. .

ఇందుకు సంబంధించి జిల్లాస్థాయిలో నాయకులు సమావేశమై చర్చించారు. మండల, గ్రామస్థాయి కేడర్‌ను ఉత్తేజ పరుస్తూనే మరోవైపు 27న విశాఖ వెళ్లే ఏ ర్పాట్లపై సమీక్షించారు. శ్రీకాకుళం పార్లమెంట్ ని యోజకవర్గ ఇన్‌చార్జి కింజరాపు ఆధ్వర్యంలో పెద్దఎత్తున జన స
మీకరణ కే ఏర్పాట్లు సాగుతున్నాయి. నియోజకవర్గ స్థాయిలో ఆయా ఇన్‌చార్జిలు ఏర్పాట్లు చేసుకుంటున్నారు. సీనియర్ నేతలు కిమిడి కళావెంట్రావు, కింజరపు అచ్చన్నాయుడు, గౌతు శ్యామసందర శివాజీ, పార్టీ జిల్లా అధ్యక్షుడు బాబ్జీ తదితరుల ఆధ్వర్యంలో జన సమీకరణ ఏర్పాట్లు సాగుతున్నాయి.

ఇదిలా ఉండగా గురువారం టెక్కలి ప్రాంతంలోని సాకిపల్లిలో జరిగిన షిరిడి సాయిబాబా వార్షికోత్సవ కార్యాక్రమానికి లోక్‌సభ నియోజకవర్గ పార్టీ ఇన్‌చార్జి కింజరపు రామ్మోహన్ నాయుడు, అచ్చెన్నాయుడు ముఖ్య అతి«థులుగా హాజరయ్యారు. ఈ సదర్భంగా 27న చేట్టాల్సిన వాహనాల ఏర్పాట్లపై ప్రత్యేకంగా చర్చించుకున్నారు. జిల్లాలో దేశం కేడర్ మొత్తాన్ని కదిలించాలని నిర్ణయించారు. యువతను ఎద్దఎత్తున సమీకరించేందుకు రామ్మోహన్ నాయుడు ప్రయత్నిస్తున్నారు. అన్ని నియోజకవర్గాల్లోని యువత కదిలి రావాలని ఇప్పటికే ఆయన పిలుపు నిచ్చారు.

ఆయన వారికి పలు హామీలు ఇచ్చారు. సబ్బవరం మూడురోడ్ల జంక్షన్‌లో అశేష్ జనవాహినిని ఉద్దేశించి సుమారు గంటపాటు ప్రసంగించారు. స్థానిక సమస్యలపై అనర్గళంగా మాట్లాడారు.

కీలకమైన సమస్యలను పరిష్కరిస్తామని ప్రజలకు హామీ ఇచ్చారు. గత తొమ్మిదేళ్ల కాలంలో రాష్ట్రంలో జరిగిన అవినీతి, జగన్ లక్ష కోట్లు దోచుకున్న వైనాన్ని మీకు తెయజేప్పాల్సిన అవసరం ఉందని అన్నారు. 'నాకు ఎవరిపైనా కక్ష, కోపం లేవు. అయితే ప్రజలు మోసపోవడాన్ని తట్టుకోలేకే ఈ ప్రాంతానికి వచ్చాను'' అని అన్నారు. గతంలో అనేకసార్లు ఇక్కడికి వచ్చానని ఈసారి మరింతగా ఆదరించినందుకు కృతజ్ఞతలు చెబుతున్నానని అన్నారు. స్థానిక సమస్యలను బండారు తెలియజేయగా వాటిపై ఏకధాటిగా మాట్లాడారు. మహిళలను అక్కలుచెల్లెళ్లు అని, యువకులను తమ్ముళ్లూ అంటూ సంబోధిస్తూ వారి మన్ననలు పొందేందుకు ప్రయత్నించారు.

కొడుకు తప్పు చేస్తే తల్లిదండ్రులు దండించాలని, జగన్ చేసిన తప్పును మనం సమర్థిస్తామా అంటూ ఆయన ప్రశ్నించగా, వద్దు... వద్దు... అంటూ ప్రజలు ప్రతి సమాధానం చెప్పారు. అనంతరం చంద్రబాబునాయుడు జోడుగుళ్ల జంక్షన్, సూరిరెడ్డిపాలెం మీదుగా అమృతపురం చేసుకున్నారు. ఇక్కడ ప్రజలను ఉద్దేశించి ఆయన ప్రసంగించారు. చంద్రబాబు వెంట మాజీ మంత్రి బండారు సత్యనారాయణమూర్తి, ఎమ్మెల్యే గవిరెడ్డి రామానాయుడు, టీడీపీ నగర మాజీ అధ్యక్షుడు పీలా శ్రీనివాసరావు, నాయకులు జి.మాధవరావు, సేనాపతి వసంత, సుగుణాచౌదరి, గుడివాడ అమర్, సతివాడ శంకరరావు, రెడ్డి నారాయణరావు, తదితరులు పాల్గొన్నారు.

2014లో టీడీపీ అధికారంలోకి రావడం తథ్యమన్నారు. పార్టీలో చాలాసార్లు సంక్షోభాలు వచ్చాయని, సంక్షోభం వచ్చిన ప్రతిసారీ పార్టీ మరింత రాటుతేలింది తప్ప వెనుకబడలేదన్నారు. ఎన్నికలు ఇక కేవలం ఒక్క ఏడాది మాత్రమే ఉన్నాయని, ఈలోగానే కార్పొరేషన్, స్థానిక సంస్థల ఎన్నికలు రానున్నాయన్నారు. ఈ ఎన్నికల్లో పార్టీని గెలిపించే బాధ్యత కార్యకర్తలపై ఉందని ఆయన స్పష్టం చేశారు.

పట్టణ కార్యకర్తలు ప్రజల్లో నమ్మకం పెంచుకోవాలి గ్రామీణప్రాంతాల కార్యకర్తల కంటే పట్టణాల్లో ఉన్నవారు మరింత ఎక్కువగా పనిచేయాలని చంద్రబాబు విశాఖ నగర పార్టీ కార్యకర్తలకు సూచించారు. ప్రజా సమస్యలపై పనిచేస్తామనే నమ్మకం కల్పించినపుడే పట్టణాల్లోని ప్రజలు కార్యకర్తల చెంతకు వస్తారన్నారు. సెల్‌ఫోను మెసేజ్‌లు, ఫేస్‌బుక్, ట్విట్టర్లు వంటి సాంకేతిక మాద్యమాలను వినియోగించుకోవాలని సూచించారు. అన్నింటికి మించి నోటి ప్రచారాన్ని పెంచాలని సలహాలిచ్చారు. ఎన్నికల్లో పనిచేస్తేనే ఓట్లు రాలవని,నిరంతరం ప్రజల సమస్యలపై పనిచేస్తేనే ప్రజల నుంచి స్పందన ఉంటుందని కార్యకర్తలకు దిశానిర్దేశం చేశారు.

ఎలమంచిలి ఎమ్మెల్యే అవినీతిపై పోరాడండి సమీక్షా సమావేశం సందర్భంగా ఎలమంచిలిలో బహుళనాయకత్వ సమస్యపైనా, ఏ ఇన్‌చార్జికి టిక్కెట్ ఇవ్వాలన్న అంశంపై కార్యకర్తలు లేవనెత్తిన ప్రశ్నలు డిమాండ్లకు చంద్రబాబు తీవ్రంగానే స్పందించారు. ఎలమంచిలిలో ఎవరికి టిక్కెట్ ఇవ్వాలి? ఎవరిని గెలిపించుకోవాలనేది? పార్టీ ఆలోచిస్తుందన్నారు. అంతకంటే ముందు కార్యకర్తలు, నాయకులు ఎలమంచిలి ఎమ్మెల్యే కన్నబాబురాజు అవినీతికి వ్యతిరేకంగా పోరాటం చేయాలని ఆదేశించారు. కన్నబాబురాజు అవినీతిని ప్రజలముందు బట్టబయలు చేయాలన్నారు. అటువంటి ఎమ్మెల్యేపై నియోజకవర్గ ప్రజలంతా తిరుగుబాటు చేయాలని ఆయన పిలుపునిచ్చారు.తక్షణమే పల్లె పల్లెకు కార్యకర్తలంతా తిరిగి ప్రజలకు టీడీపీ చరిత్రను పార్టీ విధానాలను తెలియజేయాలని ఆయన కోరారు. సమావేశంలో పలుమార్లు సాక్షి పత్రికపై ధ్వజమెత్తారు. అదో దిక్కుమాలిన పేపర్ అంటూ అభివర్ణించారు.

సాక్షి పత్రికపై బాబు మాట్లాడుతున్నంతసేపు కార్యకర్తలు జేజేలు కొట్టారు.

సమీక్షా సమావేశంలో వేదికపై ఎమ్మెల్యే వెలగపూడి రామకృష్ణబాబు, అర్బన్ అధ్యక్షుడు వాసుపల్లి గణేష్‌కుమార్, మాజీఎంపీ పప్పల చలపతిరావు, రూరల్ జిల్లా అధ్యక్షుడు దాడి రత్నాకర్, తెలుగుమహిళా అధ్యక్షురాలు శోభా హైమావతి, ఎలమంచిలి నాయకులు లాలం భాస్కరరావు, సుందరపు విజయకుమార్ కూర్చున్నారు. కార్యకర్తల సమావేశానికి విశాఖ తూర్పు ఎమ్మెల్యే వెలగపూడి భారీగా కార్యకర్తలతో ర్యాలీగా హాజరయ్యారు. ఈ సమావేశంలో నల్లూరి భాస్కరరావు, చోడె వెంకట పట్టాభిరాం, ఆళ్ల శ్రీనివాసరావు, ఒమ్మి సన్యాసిరావు, బొట్టా నీలిమ, కోన తాతారావు, లేళ్ల కోటేశ్వరరావు, తాళ్ల ఆనంద్, రెడ్డి నారాయణరావులు పాల్గొన్నారు. ఇక, ఎలమంచిలి నియోజకవర్గం నుంచి గొంతిన నాగేశ్వరరావు, లాలం భాస్కరరావు, ఆదిరి రమణ, రాజానరమేష్‌కుమార్, దాడి ముసలినాయుడు, విజయ్‌బాబు, దిన్‌బాబు, ఎస్.నాగేశ్వరరావు, బాపినాయు
డు, దాడి కృష్ణ, రఘు, గనగళ్ల వివేక్, పిళ్లా రమాకుమారి, ఆడారి మంజు, మొల్లేటి సరళ, ఆడారి నరసింగరావు, తదితరులు పాల్గొన్నారు.

అరకులోయ సమీక్ష వాయిదా

ఎలమంచిలి, విశాఖ తూర్పు, అరకులోయ నియోజకవర్గాల సమీక్ష సమావేశం నిర్వహించాల్సి ఉన్నప్పటికీ, అరకులోయ సమీక్ష సమావేశం గురువారం జరగలేదు. మరోసారి అరకులోయ, సిటీలో మిగిలిన రెండు నియోజకవర్గాల సమీక్ష నిర్వహిస్తామని చంద్రబాబు ప్రకటించారు.