నాతవరం మండలం శృంగవరంలో బసచేసిన చంద్రబాబును సోమవారం నందమూరి హరికృష్ణ తనయుడు, సినీ నటుడు కల్యాణ్‌రామ్ కలిశారు. విశాఖ నుంచి ఉదయం 11.40 గంటల ప్రాంతంలో ఇక్కడకు వచ్చిన కల్యాణ్‌రామ్ 11.55 గంటలకు చంద్రబాబు ఉన్న బస్సులోకి వెళ్లారు. సుమారు గంటకుపైబడి ఆయనతో మంతనాలు జరిపారు. అనంతరం బయటకు వచ్చిన ఆయనను విలేకర్లు.. బాబుతో భేటీపై ప్రశ్నించగా సమాధానమివ్వకుండా కారెక్కి వెళ్లిపోయారు.

విశాఖపట్నం/నాతవరం : కిరణ్‌కుమార్‌రెడ్డి కిరికిరి ముఖ్యమంత్రే కాక, అబద్ధాలకోరు కూడానని తెలుగుదేశం పార్టీ అధినేత చంద్రబాబునాయుడు ఆరోపించారు. విశాఖ జిల్లా నాతవరం మండలం శృంగవరంలో ఆయన పాదయాత్ర ప్రారంభించారు. కాళ్లనొప్పులతో రెండు రోజులు విశ్రాంతి తీసుకున్న ఆయన..సోమవారం సాయంత్రం నడకను పునః ప్రారంభించారు. గాంధీనగరం, తాండవ జంక్షన్, డీ ఎర్రవరం మీదుగా యాత్ర సాగించారు. మార్గమధ్యంలో పలుచోట్ల కార్యకర్తలు, ప్రజలను ఉద్దేశించి మాట్లాడారు.

"ఈసారి ఎన్నికలు మనకు ఆఖరి అవకాశం. అందుకే ప్రతి కార్యకర్తా సైనికుని మాదిరిగా పనిచేయాలి'' అని శ్రేణులకు పిలుపునిచ్చారు. కాలినొప్పి అధికం కావడంతో శృంగవరం నుంచి గాంధీనగరం వచ్చేలోగా రెండుసార్లు విశ్రాంతి తీసుకున్నారు. డాక్టర్ భరత్ ఆయనకు ఫిజియోథెరపీ చేశారు. కాగా, తొమ్మిది సంవత్సరాలుగా నిద్దరపోతున్న కాంగ్రెస్ ప్రభుత్వానికి ఎన్నికలకు ముందు ఎస్సీ, ఎస్టీలు గుర్తుకువచ్చారా అని గాంధీనగరంలో జరిగిన సభలో ఘాటుగా ప్రశ్నించారు. వారికి కేటాయించిన నిధులు, భూములు, ఇతర సౌకర్యాలను దిగమింగి ఇప్పుడు సబ్‌ప్లాన్ అంటూ నాటకం ఆడుతున్నారని ధ్వజమెత్తారు.

ఎస్సీ, ఎస్టీ సబ్‌ప్లాన్‌ను ప్రతిపక్షాలు అడ్డుకున్నాయంటూ ముఖ్యమంత్రి అబద్ధాలు చెబుతున్నారని విమర్శించారు. సబ్‌ప్లాన్ పరిధిలో మాదిగలను కూడా చేర్చాలని ఆయన డిమాండ్ చేశారు. తొమ్మిది సంవత్సరాల కాంగ్రెస్ పాలనలో జరిగిన అవినీతిపై బహిరంగ చర్చకు సిద్ధం కావాలని ముఖ్యమంత్రికి సవాల్ విసిరారు. కేబినెట్‌లో 90 శాతం మంది మంత్రులు అవినీతిపరులుగా ముద్రపడ్డారని పేర్కొన్నారు. నిత్యావసర ధరలను గణనీయంగా పెంచి ఒక్కొక్క కుటుంబం నుంచి మూడు వేల రూపాయలకు పైగా ముక్కుపిండి వసూలు చేస్తున్న ప్రభుత్వం 'అమ్మ హస్తం' పేరుతో 185 రూపాయలకు తొమ్మిది రకాల సరుకులు అంటూ మోసం చేస్తున్నదన్నారు.

" నేను ప్రజల కష్టాలు తెలుసుకోవడానికే పాదయాత్ర చేస్తున్నాను. ముఖ్యమంత్రి కూడా నాతో పాటు రావాలి. ప్రజలకు సమస్యలు లేవని అప్పటికీ ఆయన నిరూపించగలిగితే నేను రాజకీయాల నుంచి విరమించుకుంటా''నని సవాల్ చేశారు. తమ హయాంలో తొమ్మిది డీఎస్సీల ద్వారా వేలాది ఉపాధ్యాయ పోస్టులు భర్తీ చేశామని, అయితే ప్రస్తుత ప్రభుత్వం రిక్రూట్‌మెంట్‌ల పేరుతో ఉద్యోగాలను అమ్ముకుంటున్నదని శృంగవరం సభలో విమర్శించారు.

వైఎస్ అవినీతికి పాల్పడుతున్నప్పుడు సోనియాగాంధీ చర్య తీసుకొని ఉంటే ఇన్ని ఇబ్బందులు తలెత్తివికాదన్న ఆయన.. తప్పుచేస్తున్న కొడుకును కన్నతల్లిగా విజయలక్ష్మి మందలించకపోవడం వల్లనే ఆయన ఈరోజు జైల్లో గడపాల్సి వస్తుందని వ్యాఖ్యానించారు. అధికారంలోకి వచ్చాక, కేంద్రం సహకారంతో పింఛన్లను 200 నుంచి 600కు పెంచుతామని, కౌలు రైతులకు కూడా వడ్డీలేని పంటరుణాలు అందజేస్తామని చంద్రబాబు హామీ ఇచ్చారు. మద్యం బెల్టుషాపుల రద్దుకు తమ పార్టీ కట్టుబడి ఉందన్నారు. అలాగే..మత్స్యకారులకు ప్రత్యేకంగా ఒక ప్యాకేజీ రూపొందించనున్నట్టు ప్రకటించారు. దీన్ని ఎన్నికల మానిఫెస్టోలో పొందుపరుస్తామని వెల్లడించారు. శృంగవరంలో సోమవారం ఆయన పాయకరావుపేట నియోజకవర్గ సమీక్ష నిర్వహించారు.

పార్టీ ఆవిర్భావం నుంచి అండగా వున్న మత్స్యకారులకు అన్నివిధాలా గుర్తింపు ఇస్తామని, న్యాయం చేస్తామని ఈ సందర్భంగా ఆయన భరోసా ఇచ్చారు. అగ్రవర్ణాల్లో ఉన్న పేదలను ఆదుకునేందుకు దామాషా ప్రాతిపదికన అన్ని సదుపాయాలు కల్పిస్తామని, ఈ అంశాన్నీ మానిఫెస్టోలో పొందుపరుస్తామన్నారు. అభ్యర్థులను ఎంపిక చేసేముందు ఆయా ప్రాంతాల కార్యకర్తల నుంచి ఎస్ఎంఎస్‌ల ద్వారా అభిప్రాయాలు సేకరిస్తామని చెప్పారు. ప్రభుత్వంలో అవినీతిని ఎండగట్టడంలో భాగంగా, సమాచారహక్కు చట్టం కోసం ఒక విభాగాన్ని ఏర్పాటు చేస్తున్నట్టు, దానికి విశాఖపట్నంతోనే శ్రీకారం చుడతామని చెప్పారు. రాష్ట్రంలో కొద్దికాలంగా నాయకులు 'ఆయారామ్! గయారామ్' మాదిరిగా పార్టీలు మారుతున్నారని వ్యాఖ్యానించారు. నాయకులు వెళుతున్నా కార్యకర్తలు పార్టీలోనే ఉంటున్నారన్నారు.

దీన్ని తెలుసుకున్న సీఐలు శ్రీనివాసులు, భాస్కర్‌రెడ్డి, మహబూబ్‌బాషా సిబ్బందితో బీకే పార్థసారధి ఇంటివద్దకెళ్లి హౌస్ అరెస్టు చేశారు. సమాచారం తెలుసుకున్న టీడీపీ నేతలు బీవీ వెంకట్రాముడు, నెట్టెం వెంకటేష్, కందిగోపుల మురళి, రాప్తాడు వెంకట్రాముడు, మ రూరు గోపాల్, సీపీఐ నాయకులు కేశవరెడ్డి, రాజారెడ్డి, మల్లికార్జున అక్కడి కి చేరుకున్నారు. పోలీసులతో వాగ్వాదానికి దిగి సీఎం సభకు వెళ్లడానికి ప్రయత్నించారు. దీంతో వారిని అరె స్టు చేసి టూటౌన్ స్టేషన్‌కు తీసుకెళ్లి, మధ్యాహ్నం వదిలారు. ఈ అరెస్టులపై టీడీపీ, సీపీఐ నేతలు తీవ్రంగా మండిపడ్డారు. కాల్వ శ్రీనివాసులు మాట్లాడుతూ... రాష్ట్రంలో పోలీసుల రాజ్యం నడుస్తోందని ధ్వజమెత్తారు.

ప్రజలు ఎదుర్కొంటున్న కష్టాలను సీ ఎం దృష్టికి తీసుకెళ్లడానికి వెళ్తుంటే పోలీసులు ఇళ్లవద్దకే వచ్చి అరెస్టు చే యడం దారుణమన్నారు. బీకే పార్థసారధి మాట్లాడుతూ... ఈ అరెస్టులు ఎమర్జెన్సీని తలపిస్తున్నాయని ధ్వజమెత్తారు. ఇలాంటి పాలకులకు ప్రజ లే గుణపాఠం చెబుతారని హెచ్చరించారు. ఎమ్మెల్యే పల్లె రఘునాథరెడ్డి మాట్లాడుతూ... జిల్లా రైతాంగం, తా గు, సాగునీటి సమస్యలను సీఎం దృ ష్టికి తీసుకెళ్లడానికి వెళ్తుంటే పోలీసుల ద్వారా అరెస్టులు చేయించడం దారుణమన్నారు. సీపీఐ జిల్లా కార్యదర్శి జగదీష్ మాట్లాడుతూ... గృహనిర్బం ధం చేసి అరెస్టులు చేయడం బాధాకరమన్నారు. అరెస్టుల ద్వారా విపక్షాల గొంతు నొక్కారని ధ్వజమెత్తారు.

వీటి తో ఉద్యమాలను అణచలేరని హెచ్చరించారు. దమ్ము, ధైర్యం ఉంటే సీబీ ఐ కేసులో ఉన్న అవినీతి, 420 మం త్రులను వెంటనే అరెస్టు చేయాలని సీఎం, మంత్రులకు సవాల్ విసిరారు. ఎమ్మెల్సీ శమంతకమణి మాట్లాడు తూ... పాలకులు ఇలాగే వ్యవహరిస్తే ఇందిరమ్మ కలలు కలలుగామానే మారిపోతాయని హితబోధ చేశారు. జిల్లా ప్రధాన కార్యదర్శి వరదాపురం సూరి మాట్లాడుతూ... ప్రజలు సమస్యలతో సతమతమవుతుంటే పాలకులు స్వార్థంకోసం పాకులాడుతున్నారని ధ్వజమెత్తారు. ఇలాంటి పాలకులకు అనంత జనం ఉసురు తగలకమానదని శపించారు.

బత్తలపల్లి: మండలంలోని చెన్నరాయపట్నంలో కాంగ్రెస్, వైసీపీ నాయకులు ఏకమై టీడీపీ కార్యర్తలపై దాడికి దిగిన ఘటనలో పదిమంది తీవ్రంగా గాయపడ్డారు. బాధితులు తెలిపిన వివరాల మేరకు.. మండల పరిధిలోని చెన్నరాయపట్నం గ్రామంలో ప్రతి ఏడాది ఉగాదిపర్వదినం తరువాత గ్రామంలోని సత్యమ్మదేవత ఆలయంలో గ్రామస్థులంతా జాతర నిర్వహించడం ఆనవాయితీ. ఆదివారం కూడా జాతర జరుపుకున్నారు. ఉదయం ఆలయంలో సత్యమ్మకు జంతుబలులు ఇచ్చారు. వాటి చర్మాలు అమ్మే విషయంలో కాంగ్రెస్, వైసీపీ, టీడీపీ వర్గీయుల మధ్య వాగ్వాదం చోటు చేసుకుంది. వాదన చిలికిచిలికి గాలివానలా మారి ఘర్షణకు దారి తీసింది. ఉదయం 10.30 గంటల సమయంలో కాంగ్రెస్, వైసీపీ నాయకులు ఏకమై టీడీపీ వర్గీయులపై దాడికి దిగారు.

పరిస్థితి చేయిదాటకుండా గ్రామపెద్దలు కలుగజేసుకుని ఇరువర్గాలకు సర్దిచెప్పి అక్కడి నుంచి పంపివేశారు. తిరిగి మధ్యాహ్నం 3 గంటల సమయంలో టీడీపీ వర్గీయుడు నారాయణస్వామి ఒంటరిగా సత్యమ్మ ఆలయం వద్ద వెళ్తుండగా కాంగ్రెస్, వైసీపీ వర్గీయులు అతనని ధూషించారు. ఏరా పొద్దున నువ్వు, మీవాళ్లు చానా ఎగిరెగిరి గంతులేశారు అంటూ అతనిపై రాళ్లు రువ్వారు. అక్కడ నుంచి గొడవ మొదలైంది. గొడవ మొదలు కాగానే అడ్డుకోవడానికి టీడీపీ వర్గీయులు అక్కడికి చేరుకున్నారు. అప్పుడు కాంగ్రెస్, వైసీపీ వర్గీయులు ఏకమై టీడీపీ వర్గీయులు రాములమ్మ, సాయమ్మ, లక్ష్మీనారాయణమ్మ, అంజినమ్మ, సత్యమయ్య, బాలసత్యమయ్య, నారాయణస్మామి, సతీశ్‌లను చితకబాదారు. ఘర్షణలో కాంగ్రెస్‌కు చెందిన లింగమయ్య, నరేష్, శ్రీనివాసులు ముగ్గురు మాత్రమే గాయపడ్డారు.

అప్రాచెరువులో ఉన్న టీడీపీ వర్గీయులు(గాయపడ్డవారి బంధువులు) వీరనారప్ప, చిన్న సత్యమయ్య ఘర్షణ విషయం తెలుసుకుని చెన్నరాయపట్నం వెళ్తుండగానే వైసీపీ, కాంగ్రెస్‌వర్గీయులు అప్రాచెరువులో వారిపై కూడా దాడికి దిగారు. గాయపడ్డవారిని బత్తలపల్లి ఆర్డీటీ ఆస్పత్రికి తరలించారు. విషయం తెలుసుకున్న ఎస్ఐ శాంతిలాల్ తన సిబ్బందితో చెన్నరాయపట్నంకు వెళ్లి పరిస్థితిని పరిశీలించారు. ఆర్డీటీ ఆస్పత్రిలో చికిత్సలు పొందుతున్న టీడీపీ కార్యకర్తలను ఎంపీ నిమ్మల కిష్టప్ప, టీడీపీ జిల్లా ప్రధానకార ్యదర్శి వరదాపురం సూరిలు పరామర్శించారు. సూరి వెంట ఆకులేటి వీరనారప్ప, సంగాల సూరి, మాజీ తెలుగుయువత బోయపాటి ఈశ్వరయ్య, కృష్ణారెడ్డి, శ్రీనివాసులు ఉన్నారు.

కాంగ్రెస్, వైసీపీ దాడులను సహించం : సూరి కాంగ్రెస్, వైసీపీ నాయకులు టీడీపీ వర్గీయులపై దాడులు చేస్తే సహించేదిలేదని, వాటిని ప్రజాస్వామ్య పద్ధతిలో ఎదుర్కొంటామని జిల్లా ప్రధానకార్యదర్శి వరదాపురం సూరి పేర్కొన్నారు. మండల పరిధిలోని చెన్నరాయపట్నంలో టీడీపీవర్గీయులపై కాంగ్రెస్, వైసీపీ వర్గీయులు దాడి చేసిన విషయం తెలుసుకున్న ఆయన బత్తలపల్లికి వచ్చి బాధితులను పరామర్శించారు. అనంతరం పోలీస్‌స్టేషన్‌కు వెళ్లారు. అక్కడ ఎస్ఐ లేకపోవడంతో సీఐ నరసింగప్పతో ఫోన్‌లో మాట్లాడారు. మహిళలపై కాంగ్రెస్, వైసీపీ వర్గీయులు దాడి చేశారని పేర్కొన్నారు.

అనంతరం స్టేషన్ బయటకు వచ్చి విలేఖరులతో మాట్లాడుతూ కాంగ్రెస్, వైసీపీలు రెండూ కుమ్మక్కై తమపార్టీ కార్యకర్తలపై దాడిచేసి భయభ్రాంతులకు గురిచేస్తున్నారని, మహిళలు అని కూడా చూడకుండా చితకబాది అత్యాచారం చేయడానికి ప్రయత్నించారన్నారు. యల్లనూరు, పుట్లూరు సంస్కృతిని కాంగ్రెస్, వైసీపీ నాయకులు ఇక్కడికి తెస్తున్నారని ఆరోపించారు. కార్యక్రమంలో సంగాల సూరి, బోయపాటి ఈశ్వరయ్య, శ్రీనివాసులు, ఆకులేటి వీరనారప్ప, కృష్ణారెడ్డి ఉన్నారు.

  తిరుపతి: కార్వేటినగరంలో సీఎం కిరణ్‌కుమార్‌రెడ్డి 'ఇందిరమ్మ కలలు' సభను అడ్డుకుంటారనే ఉద్దేశ్యంతో ఆదివారం తిరుపతిలో టీడీపీ నేతలను ముందుజాగ్రత్తగా పోలీసులు అరెస్టు చేశారు. అనంతరం సభ ముగిశాక విడుదల చేశారు. తొలుత నగరి ఎమ్మెల్యే గాలి ముద్దుకృష్ణమనాయుడు, చిత్తూరు ఎంపీ శివప్రసాద్‌ను పోలీసులు అరెస్టుచేసి ట్రాఫిక్ పోలీస్ స్టేషన్‌కు తరలించారు.

ఈ విషయం తెలిసిన వెంటనే తెలుగు మహిళ, యువత జిల్లా అధ్యక్షులు పుష్పావతి, శ్రీధర్‌వర్మ, టీఎస్ఎన్వీ జిల్లా అధ్యక్ష, కార్యదర్శులు శ్రీనివాస చౌదరి, కోడూరు బాలసుబ్రహ్మణ్యం, టీఎన్ఎస్ జిల్లా అధ్యక్షుడు రవినాయుడు, నేతలు నరసింహయాదవ్, బి.ఇందిర, మందలపు మోహన్‌రావు, ఆర్‌సీ మునికృష్ణ, దంపూరి భాస్కర్‌యాదవ్, శేషాద్రి, రాజారెడ్డి, కేశవులు నాయుడు, సూరా సుధాకర్‌రెడ్డి, ఎస్సీ సెల్ ప్రధాన కార్యదర్శి గుండయ్య, బాలాజి నాయుడు తదితరులు ట్రాఫిక్ పోలీస్ స్టేషన్‌కు చేరుకుని రాస్తారోకో, ధర్నా నిర్వహించారు. దీంతో వాహనాల రాకపోకలకు రెండు గంటల పాటు తీవ్ర అంతరాయం ఏర్పడింది. దీంతో పోలీసులు ఆందోళనకారులను బలవంతంగా అరెస్టు చేసి చేసి ట్రాఫిక్ పోలీస్ స్టేషన్‌కు తరలించారు. అక్కడ ఉద్రిక్తత నెలకొంది.

ఒక వైపు ఆందోళనలు, మరో వైపు నినాదాలతో దద్దరిల్లింది. ఈ సందర్భంగా గాలి ముద్దుకృష్ణమనాయుడు, ఎంపీ శివప్రసాద్ మాట్లాడుతూ.. పెంచిన కరెంటు చార్జీలను రద్దు చేసి, సరఫరా మెరుగ్గా ఇవ్వాలని డిమాండు చేశారు. నల్లబెల్లంపై ఆంక్షలు ఎత్తివేయాలన్నారు. త్వరలో రాష్ట్ర ప్రభుత్వం బంగాళాఖాతంలో కలసిపోవడం ఖాయమని జోస్యం చెపాఆ్పరు. నల్లబెల్లంపై నిషేధం ఎత్తివేయకుంటే రైతులు, హమాలీలు, కూలీలకు మద్దతుగా చిత్తూరులో నిరవధిక ఆందోళనకు దిగతామని ఎంపీ శివప్రసాద్ ప్రకటించారు.

అరెస్టయిన వారిలో ఇంకా రజనీకాంత్ నాయుడు, బుల్లెట్ రమణ, మాల్యాద్రి, రామమోహన్, ఆనంద్, సదాశివరెడ్డి, బాలాజి నాయుడు, శివప్రసాద్, మస్తాన్ నాయుడు, లోకేష్, సతీష్, ఊట్ల సురేంద్రకుమార్, సంపూర్ణమ్మ తదితరులున్నారు. సీఎం సభ ముగిశాక (నాలుగు గంటల తర్వాత) వీరిని వదిలిపెట్టారు. కాగా, అరెస్టయిన టీడీపీ నేతలకు సీపీఐ నాయకులు రామానాయుడు, మురళి మద్దతు ప్రకటించారు. టీడీపీ చేపట్టే ఆందోళనలకు మద్దతిస్తామన్నారు.

ఇందులో వైఎస్ఆర్, జగన్, పెద్దిరెడ్డి, కరుణాకరరెడ్డి, నారాయణస్వామి, చెవిరెడ్డి ఫొటోలతోపాటు సినీ నటుడు జూనియర్ ఎన్‌టీఆర్ ఫొటో కూడా ఏర్పాటు చేశారు. ఇది మండలంలో చర్చనీయాంశమైంది. వైసీపీ ఫ్లెక్సీలో ఎన్టీఆర్ ఫొటో ఎలా పెడతారంటూ కొందరు టీడీపీ నాయకులు ప్రశ్నిస్తున్నారు. ఈ సమావేశానికి వచ్చిన వైసీపీ నాయకులు, కార్యకర్తలు ఆ బ్యానర్ వైపే ఆసక్తిగా చూడటం గమనార్హం. వైసీపీ నేతల తీరుపై టీడీపీ శ్రేణులు మండిపడుతున్నాయి.

టీడీపీ చరిత్రలో ముఖ్యఘట్టాలైన ఆవిర్భావదినోత్సవం, ఉగాది పంచాంగ శ్రవ ణంకార్యక్రమాలు జిల్లాలో జరగడం, వాటిలో చంద్రబాబు పాల్గొనడం టీడీ పీచరిత్రలో నిలిచిపోతాయన్నారు. చం ద్రబాబు నింపిన ఉత్సాహంతో స్థానిక సంస్థల ఎన్నికలతోపాటు 2014 అసెం బ్లీ, పార్లమెంట్ ఎన్నికల్లో టీడీపీని గెలిపించాలని పిలుపునిచ్చారు. జిల్లాలో వివిధ డిక్లరేషన్లు ప్రకటించిన చంద్రబాబుకు రాజప్ప ధన్యవాదాలు తెలిపారు.

'చంద్రబాబు శ్రమ వృథా కాదు. కాళ్లు, కండరాల నొప్పి తీవ్రంగా ఉన్నా.. ప్రజల కష్టాలు తెలుసుకునేందుకు క్షేత్రస్థాయిలో అలుపెరుగక ఆరేడునెలలుగా తిరుగుతున్న అధినేత యాత్రతో జిల్లాలో పార్టీ బలోపేతమైంది. ఈ బలంతో స్థానిక ఎన్నికల్లో ఎదురులేని విజయాలు సాధించాలి..'' అంటూ టీడీపీ నేతలు ఉద్యుక్తులవుతున్నారు. జిల్ల్లాలో చంద్రబాబు 24 రోజులపాటు చేసిన పాదయాత్రకు అనూహ్య స్పందన వచ్చింది. చంద్రబాబును చూసేందుకు, ఆయన ప్రసంగాలు వినేందుకు జనం తండోపతండాలుగా తరలివచ్చారు. మొత్తం 11 నియోజకవర్గాల్లో చంద్రబాబు యాత్ర సాగింది.

ఒకటి, రెండు చోట్లమినహా మిగిలిన చోట్ల చంద్రబాబు పాదయాత్ర, సభలు సక్సెస్ అయ్యాయి. రానున్న స్థానిక సంస్థల ఎన్నికలకు ఈ పాదయాత్ర బాగా ఉపకరిస్తుందని టీడీపీ నేతలు ఆనందంతో ఉన్నారు. ఈ 24 రోజులూ చంద్రబాబు వెంటే నడిచిన నేతలూ కొంతమంది ఉన్నారు. వారు పాదయాత్ర సందర్భంగా జిల్లాలో పార్టీ స్థితిగతుల గురించి చంద్రబాబు దృష్టికి కూడా కొన్ని విషయాలు తీసుకువెళ్లారు.

సమీక్షల్లో స్పష్టత:

జిల్లాలో 19 అసెంబ్లీ నియోజకవర్గాల సమీక్ష సమావేశాలు స్వయంగా చంద్రబాబు నిర్వహించారు. నాయకులెవరినీ మాట్లాడనీయకుండా.. కార్యకర్తలకే అవకాశం కల్పించారు. దీంతో ఆయా నియోజకవర్గాలు, జిల్లాలో పార్టీ పరిస్థితి చంద్రబాబుకు చాలా వరకు అవగతమైంది. సమీక్షలో ఎదురైన అనుభవాలను దృష్టిలో ఉంచుకుని చంద్రబాబు లోటుపాట్లను సరిదిద్దుకోవాలని ఇక్కడ నేతలకు సూచించారు.

సూచనలు, సలహాలకు అవకాశం:

గతంలో ఎన్నడూలేని విధంగా పార్టీ అధినేత కార్యకర్తల నుంచి సూచనలు, సలహాలు స్వీకరించారు. చెప్పడానికి అవకాశంలేని వారి నుంచి లిఖితపూర్వకంగా తీసుకున్నారు. విలువైన సూచనలు చేసిన కార్యకర్తల పేర్లతో సహా చంద్రబాబు సమీక్షా సమావేశాలలో, సభలలో ప్రస్తావించారు. దీంతో తమ సూచనలకు విలువ ఇచ్చారని కార్యకర్తలు ఉత్సాహంగా ఉన్నారు.

గ్రామస్థాయి నుంచి పటిష్టం:

చంద్రబాబు పాదయాత్ర హుషారులో ఉన్న టీడీపీ నేతలు.. ఈ జోరును కొనసాగించాలని ఉవ్విళ్లూరుతున్నారు. గ్రామాల్లో వార్డులవారీగా సమావేశాలు ఏర్పాటు చేసుకుని, లోటుపాట్లను సమీక్షించుకుని పార్టీని పంచాయతీ ఎన్నికలనాటికి మరింత బలోపేతం చేయడానికి ప్రణాళికలు రూపొందించుకుంటున్నారు.

చంద్రబాబును ముఖ్యమంత్రి చే యడమే ప్రతి ఒక్కరి లక్ష్యం కావాల న్నారు. రాష్ట్రంలో తల్లికాంగ్రెస్, పిల్ల కాంగ్రెస్‌లు ప్రజాధనాన్ని దోచుకున్నా యన్నారు. ఇదే విషయాన్ని తెదేపా రెండేళ్లుగా చెప్తున్నా కాంగ్రెస్, వైసీపీ లు తమ అవినీతిని కపిపుచ్చుకు నేందుకు ప్రయత్నించాయన్నారు. ఇటీవల రాష్ట్రంలో ఆరుగురు మంత్రు లపై సీబీఐ చార్జిషీట్ దాఖలు చేయ డంతో అసలు విషయం వెలుగులోకి వచ్చిందన్నారు. ప్రస్తుతం తెదేపాపై ప్రజల్లో సానుకూలత వ్యక్తమవుతు న్నదని, ఈ నేపథ్యంలో తెదేపా నా యకులు, కార్యకర్తలు అవినీతి నేతల భాగోతాన్ని ప్రజలకు వివరించాల న్నారు.

ఇటీవల ముఖ్యమంత్రి కిరణ్ కుమార్ రెడ్డి జిల్లా పర్యటన సంద ర్భంగా ప్రజలకు ఒనగూరిన ప్రయో జనం ఏమీ లేదన్నారు. ఎస్సీ, ఎస్టీ సబ్‌ప్లాన్‌కు చట్టబద్ధత కల్పించినా ఏఏ పథకాలకు ఎంత నిధులు కేటాయిస్తున్న విషయంలో స్పష్టత లేదన్నారు.

విద్యుత్ సమస్యపై తెదేపా ప్రజల పక్షాన పోరాడుతున్నదన్నారు. అం దులో భాగంగా ఇప్పటికే నియోజక వర్గాల వారీగా సంతకాల సేకరణ చేపట్టడం జరిగిందన్నారు. జిల్లా వ్యా ప్తంగా సేకరించిన సంతకాలను ఈ నెల 19వ తేదీకి ఒంగోలులోని పార్టీ కార్యాలయానికి పంపాలని కోరారు. రాష్ట్రంలో కాంగ్రెస్ ప్రభుత్వ ప్రజా వ్యతిరేక పాలనపై పల్లె పల్లెకు తిరిగి ప్రజలను చైతన్యం చేయాలన్నారు. జిల్లాలో తీవ్రంగా ఉన్న తాగునీటి సమస్య పరిష్కారానికి పోరాటాలు చేయాలన్నారు. రానున్న స్థానిక సంస్థల ఎన్నికల్లో పార్టీ మద్దతు దారుల విజయం కోసం శక్తి వంచన లేకుండా కృషి చేయాలని కోరారు.

జిల్లాలో తెదేపాకి పూర్వ వైభవం రావాలంటే నియోజకవర్గాల వారీగా సమావేశాలు నిర్వహించాల్సిన ఆవ శ్యకతను పలువురు నేతలు వివరిం చారు. నియోజకవర్గాల వారీ పార్టీ పరిస్థితులను అధ్యయనం చేయాల్సి న అవసరం ఉందన్నారు. ధర్నాలు, ర్యాలీలు, రాస్తారోకోలతో పార్టీకి ప్ర యోజనం చేకూరదని, ప్రజా సమస్య లపై పోరాటాలు సాగించాలని కొం దరు సూచించారు. పార్టీకి కార్యకర్తలే కీలకమని, అయితే అనాది నుంచి నేటి వరకు పార్టీని అంటిపెట్టుకుని ఉన్న వారిని విస్మరించి, మధ్యలో వచ్చి పదవులు అనుభవించి మధ్య లో పార్టీని వీడే వారికి ప్రాధాన్యం ఇచ్చినందువలనే సమస్యలు వస్తున్నా యన్నారు. ఈ విధానం మారాల న్నారు.

అందుకోసం ముందుగా ప న్నెండు నియోజకవర్గాల ఇన్‌చార్జిలు ముందస్తు సమావేశాలు ఏర్పాటు చేసుకొని ఆ తర్వాత ఒక్కో సెగ్మెంట్ లో ఒక్కోరోజు సమావేశం ఏర్పాటు చేసుకొని పల్లె పల్లె నుంచి పార్టీ బలోపేతానికి చర్యలు తీసుకోవాలని కోరారు. సమావేశంలో మాజీ ఎమ్మె ల్యే దివి శివరాం, ఎంఎం.కొండయ్య, చిమటా సాంబు, యర్రాకుల శ్రీనివా సరావు, డి.బి.బి.వి.స్వామి, ఎర్రగొం డపాలెం కో ఆర్డినేటర్ సిహెచ్.ఆంజనే యులు, మహిళా ప్రతినిధులు ఆర్ల వెంకటరత్నం, టి.అనంతమ్మ,భవాని, తమ్మినేని మాధవి, కత్తి పద్మ, గంగవ రపు పద్మావతి, ఆరె రత్నకుమారి, గోనె మేరీ రత్నకుమారిలతోపాటు, పలువురు ముఖ్యనేతలు, అనుబంధ సంఘాల నాయకులు, పార్టీ కార్యకర్తలు పాల్గొన్నారు.

ఆదివారం పార్టీ కార్యాలయంలో పలువురు నాయకులతో సమావేశమయ్యారు. బహిరంగ సభ నిర్వహణ కోసం ఎనిమిది కమిటీలను ఏర్పాటు చేశారు. 25వ తేదీ సాయంత్రానికి బహిరంగ వేదిక పూర్తికానున్నదని పార్టీ నేతలు చెబుతున్నారు. పైలాన్ కోసం అగనంపూడి టోల్‌గేటు సమీపంలో స్థలాన్ని నేతలు పరిశీలించారు. పైలాన్‌కు రెండు కిలోమీటర్ల దూరంలో చంద్రబాబు బస చేస్తారు. జిల్లాలో పార్టీ స్థితిగతులు, క్యాడర్ పనితీరు, నేతల మధ్య సంబంధాలపై సమీక్షించాలని చంద్రబాబు నిర్ణయించారు. సోమవారం పాయకరావుపేట నేతలతో సమావేశాన్ని నిర్వహించనున్నారు.

నర్సీపట్నం: టీడీపీ పొలిట్‌బ్యూరో సభ్యుడు చింతకాయల అయ్యన్నపాత్రుడు తనయుడు విజయ్‌బాబు తన వాగ్ధాటితో సాక్షాత్తూ టీడీపీ అధినేత చంద్రబాబునాయుడును మరోసారి ఆకట్టుకున్నారు. ఆదివారం శృంగవరంలో జరిగిన అంబేద్కర్ జయంతి సభలో అయ్యన్న తనయుడు సుమారు అర్ధగంటపాటు చేసిన ప్రసంగం పలువురిని ఆకట్టుకుంది. సందర్భం ఏదైనా కేవలం తెలుగుదేశం పార్టీని, అధినేత చంద్రబాబునాయుడును ప్రశంసించేందుకే విజయ్ ప్రాధాన్యత ఇచ్చారు. విజయ్ పొగడ్తలకు చంద్రబాబు ముసిముసిగా నవ్వుకుంటూ ఆనందపడ్డారు. నిర్వాహకులు తొలుత విజయ్‌ను వేదికపైకి పిలవకపోగా చంద్రబాబు ప్రత్యేకంగా శ్రద్ధ వహించి విజయ్‌ను వేదికపైకి పిలిపించడమే కాకుండా ప్రత్యేకంగా మాట్లాడమంటూ ప్రోత్సహించారు.

దాంతో విజయ్ వీరావేశంతో గంభీరంగా చేసిన ప్రసంగం సభను ఆకట్టుకుంది. చంద్రబాబు పాలన రాష్ట్రంలో సువర్ణ అధ్యాయాన్ని సృష్టించిందని, భవిష్యత్తులో మరోసారి సువర్ణయుగం రాబోతుందని ఆయన కొనియాడారు. గ్రామాల్లో మత్తులో జోగుతూ నిర్వీర్యమైపోతున్న యువతను తట్టిలేపడానికే 63సంవత్సరాల వయస్సులో చంద్రబాబు పాదయాత్ర చేపడుతున్నారన్నారు. నర్సీపట్నం కంచుకోటను మరలా చంద్రబాబు చేతుల్లో పెట్టబోతున్నామని, అయ్యన్నపాత్రుడును మరోసారి ఎమ్మెల్యేగా చూడబోతున్నామని విజయ్ అన్నారు. ఈ సందర్భంగా నర్సీపట్నం ఎమ్మెల్యే తదితరులను తీవ్రస్థాయిలో ఆయన విమర్శించారు.

తెలంగాణ విషయంలో మంత్రులు, ఎంపీలు పగటి వేషాలు వే స్తున్నారన్నారు. రాష్ట్రం ఇస్తున్నామం టూ ప్రజలను మోసం చేస్తున్నారన్నా రు. వారిని నమ్మించి సన్మానాలు చే యించుకుంటున్న ఎంపీలు ఢిల్లీలో మాత్రం తెలంగాణపై ఒక్క మాట మా ట్లాడడం లేదన్నారు. ఈనెల 22 నుం చి ప్రారంభం అవుతున్న లోకసభ సమావేశాలు చివరివి. రాజ్యాంగాన్ని స్ఫూర్తిగా తీసుకొని ఆర్టికల్ 3ను ఉపయోగించి తెలంగాణపై పార్లమెంట్‌లో బిల్లు పెడితే టీడీపీ మద్దతు ఇవ్వడానికి సిద్ధంగా ఉందని శ్రీహరి స్పష్టం చేశా రు.అర్ధశతాబ్దంగా నాడు ఇందిరా గాంధీ, ఇప్పుడు సోనియా గాంధీ తెలంగాణ ప్రజలను మోసం చేస్తూ వచ్చారని విమర్శించారు.

ఎస్సీ, ఎస్టీల కోసం రూపొందించిన పథకాలు, చట్టాలు అమలు చేయడం లో చిత్తశుద్ధి లేనప్పుడు ఇటువంటివి ఎన్ని కార్యక్రమాలు చేపట్టినా ప్రయోజనం శూన్యం అన్నారు. టీడీపీ ప్రధాన కార్యదర్శి ఈగ మల్లేశం మాట్లాడుతూ డాక్టర్ బాబా సాహేబ్ అంబేద్కర్‌కు నివాళులర్పించారు. సమావేశం టీడీపీ జిల్లా అధ్యక్షుడు ఎడబోయిన బస్వారెడ్డి, టీడీపీ అర్బన్ అధ్యక్షుడు అనిశెట్టి మురళి పాల్గొన్నారు.

విశాఖ ఏజెన్సీలో బాక్సైట్ తవ్వకాలకు సంబంధించి ప్రాంతానికో విధంగా ప్రకటనలు చేస్తూ గిరిజనులను మభ్యపెడుతున్న సీఎం కిరణ్‌కి ఆ పదవిలో కొనసాగే అర్హత లేదని చంద్రబాబునాయుడు అన్నారు. ఏజెన్సీ ప్రాంతానికి వచ్చినప్పుడు గిరిజనులకు అనుకూలంగా, హైదరాబాద్‌లో ఉన్నప్పుడు పారిశ్రామికవేత్తలకు అనుకూలంగానూ మాట్లాడుతున్న కాంగ్రెస్ పాలకులకు వెనుకబడిన వర్గాల సంక్షేమంపై ఎంత చిత్తశుద్ధి ఉందో స్పష్టమవుతోందని చంద్రబాబు ధ్వజమెత్తారు.

రాష్ట్రంలో రాజ్యాంగ నిబంధనలకు విరుద్ధంగా బాక్సైట్ తవ్వకానికి ప్రయత్నాలు జరుగుతున్నాయంటూ అదే పార్టీకి చెందిన కేంద్ర మంత్రి కిశోర్ చంద్రదేవ్ పేర్కొన్నారని, అదే వాస్తవమైతే రాజ్యాంగ ఉల్లంఘనకు పాల్పడుతున్న సీఎంకు ఆ పదవిలో కొనసాగే అర్హత లేదని చంద్రబాబు వ్యాఖ్యానించారు. గిరిజనుల పొట్టకొడుతూ, పర్యావరణ పరిరక్షణకు ఆటంకం కలిగిస్తున్న కాంగ్రెస్ ప్రభుత్వం.. కొందరికి డబ్బు చెల్లించి బాక్సైట్ అనుకూల ప్రచారాన్ని కొనసాగిస్తోందని ఆయన ఆరోపించారు.