సోమవారం చంద్రబాబు తూర్పుగోదావరి జిల్లా తుని మండలం టి.తిమ్మాపురంలో విశాఖ జిల్లా నేతలతో సమీక్ష జరిపారు. పాదయాత్ర ముగింపు, పైలాన్ నిర్మాణం, బహిరంగ సభపై చర్చించారు. ముందుగా నిర్ణయించిన షెడ్యూల్‌కు భిన్నంగా ఒక రోజు ఆలస్యంగా 12న చంద్రబాబు విశాఖ జిల్లాలో అడుగుపెడుతున్నారు. ఆదివారాలు విశ్రాంతికి కేటాయించారు. అందువల్ల ఆయన పాదయాత్ర నర్సీపట్నం, ఎలమంచిలి, అనకాపల్లి పెందుర్తి నియోజకవర్గాల మీదుగా గాజువాక వరకే సాగుతుంది.

సమయం లేనందున విశాఖ నగరంలో పాదయాత్రను రద్దు చేశారు. గాజువాక పట్టణం వరకు మాత్రమే ఆయన పర్యటిస్తారు. ఈ నెల 26తో యాత్ర ముగించాల్సి వున్నా పైలాన్ ఆవిష్కరణ కోసం రెండు కిలోమీటర్ల దూరంలో యాత్రను నిలిపివేసి 27న తిరిగి కొనసాగిస్తారు. బహిరంగ సభ విషయంలో ఇంకా వేదిక ఖరారు కాలేదు. ఏయూ ఇంజనీరింగ్ కళాశాల మైదానమా లేదా మున్సిపల్ స్టేడియమా అన్నది ఒకటి,రెండు రోజుల్లో ఖరారు చేస్తారు. బహిరంగ సభ చారిత్రాత్మకం కావాలని చంద్రబాబు ఈ సందర్భంగా నాయకులకు ఉద్బోధించారు. పార్టీ శ్రేణులంతా బహిరంగ సభను విజయవంతం చేయాలని ఆయన కోరారు. వస్తున్నా మీకోసం పాదయాత్ర ప్రారంభం నుంచి ముగింపు రోజునకు 207 రోజులు అవుతుందన్నారు. బహిరంగ సభ రాష్ట్ర రాజకీయాల్లో కీలక మలుపు తిప్పేలా జన సమీకరణ చేయాలని ఆయన సూచించారు. బహిరంగ సభ ఒక్క జిల్లాకే కాక రాష్ట్ర స్థాయిలో ఉండాలని ఆయన సూచించారు.

బహిరంగ సభ ఏర్పాట్ల పర్యవేక్షణకు రాష్ట్ర స్థాయి కమిటీని నియమించనున్నట్టు తెలిపారు. పైలాన్ నిర్మాణానికి స్థలం ఖరారు చేసి పనులు చేపడతామని పొలిట్ బ్యూరో సభ్యుడు చింతకాయల అయ్యన్నపాత్రుడు పేర్కొన్నారు.

సమావేశంలో పొలిట్‌బ్యూరో సభ్యుడు, యనమల రామకృష్ణుడు, మాజీ మంత్రి కిమిడి కళా వెంకట్రావు, పార్టీ రాష్ట్ర ఉపాధ్యక్షుడు బండారు సత్యనారాయణమూర్తి, విశాఖ జిల్లాకు చెందిన ఎమ్మెల్యేలు వెలగపూడి రామకృష్ణబాబు, గవిరెడ్డి రామానాయుడు, రూరల్, నగర అధ్యక్షులు దాడి రత్నాకర్, వాసుపల్లి గణేష్‌కుమార్, మాజీ ఎంపీ పప్పల చలపతిరావు, గుడివాడ నాగమణి, లాలం భాస్కరరావు, పెతకంశెట్టి గణబాబు, భరణికాన రామారావు, పప్పు రాజారావు, హర్షవర్ధన్ ప్రసాద్, పల్లా శ్రీనివాసరావు, గుడివాడ అమర్, పాశర్ల ప్రసాద్, ముత్యాలనాయుడు, సీతారామరాజు, తదితరులు పాల్గొన్నారు.

పైలాన్‌కు స్థల పరిశీలన

గాజువాక: పైలాన్ నిర్మాణానికి సోమవారం ఆ పార్టీ నాయకులు గాజువాక ప్రాంతంలో స్థల పరిశీలన జరిపారు. జాతీయ రహదారికి ఆనుకొని వున్న అగనంపూడి, కూర్మన్నపాలెం, బీహెచ్‌పీవీ ప్రాంతాల్లో నాలుగైదు స్థలాలను టీడీపీ పొలిట్‌బ్యూరో సభ్యుడు యనమల రామకృష్ణుడు, రాష్ట్ర ప్రధాన కార్యదర్శి గరికపాటి మోహనరావులు స్థానిక నాయకులతో కలసి పరిశీలించారు. వీటిలో అనువైన స్థలాన్ని మంగళవారం నాటికి ఖరారు చేయనున్నారు. పైలాన్ ఏర్పాటు స్థల పరిశీలనలో మాజీ మంత్రి బండారు సత్యనారాయణమూర్తి, నియోజకవర్గ టీడీపీ ఫైవ్‌మెన్ కమిటీ ప్రతినిధులు హర్షవర్దన్‌ప్రసాద్, పల్లా శ్రీనివాసరావు, పప్పు రాజారావు, ప్రసాదుల శ్రీనివాస్, లేళ్ల కోటేశ్వరరావు తదితరులు పాల్గొన్నారు.

బీసీలను బలపరిచి, వారిని సమాజంలో రాజకీయ చైతన్యవంతులుగా తీర్చిదిద్ది, వారి అభివృద్ధికి పాటుపడిన ఏకైక వ్యక్తి టీడీపీవ్యవస్థాపకుడు ఎన్టీఆర్ అని ఆయన శ్లాఘించారు. సమాజంలో అణగారిన వర్గాలకు టీడీపీ అండగా ఉంటుందనే దానికి నిదర్శనం, ఇటు బీసీలకు, అటు మాదిగలకు టీడీపీ మద్దతుగా నిలవటమేనన్నారు. మారిన బాలకృష్ణ తీరు బాలకృష్ణ అంటే ఒక ఫైర్ బ్రాండ్ అనే పేరుంది. అలాంటిది రెండు రోజులుగా జిల్లాలో జరుపుతున్న పర్యటనలో తన శైలి మార్చుకుని, ప్రజలతో మమేకమవుతూ ఆయన వ్యవహరిస్తున్న తీరు ప్రజల్లో, పార్టీ శ్రేణుల్లో నూతన ఉత్సాహం నింపుతోంది.

విజయవాడ నుంచి ఆదివారం బయలుదేరిన బాలకృష్ణ తిరువూరు నియోజకవర్గం గంపలగూడెం మండలం చేరేవరకూ ప్రతి గ్రామంలో ఆయనకు ఘన స్వాగతం లభించింది. ప్రజలు బాలకృష్ణ కోసం గంటలకొద్దీ సమయం వేచి ఉన్నారు. ఆగిన ప్రతిచోట, బాలకృష్ణ ప్రజలకు అభివాదం చేస్తూ, కరచాలనం చేస్తూ వారితో ఫొటోలు దిగుతూ ఆటో గ్రాఫ్‌లు ఇస్తూ సందడి చేశారు. నూజివీడు, తిరువూరు నియోజక వర్గాలలో ఆదివారం బాలకృష్ణ జరిపిన పర్యటన పూపర్ హిట్ అయింది.

ఎవరికివారే యమునా తీరే నూజివీడు నియోజకవర్గంలో బాలకృష్ణ పర్యటన సందర్భంగా టీడీపీ ముఖ్యనాయకులు ఎవరికి వారే యమునా తీరే అన్నచందాన వ్యవహరించారు.

నూజివీడు నియోజకవర్గం నుంచి టిక్కెట్ ఆశిస్తున్నా అట్లూరి ట్రస్ట్ బ్రదర్స్ ,కాపా శ్రీనివాసరావు, నూతక్కి వేణుగోపాలరావు, ఎవరికి వారే యమునాతీరే అన్నచందంగా వ్యవహరించారు. విజయవాడ, నున్న నుంచి అడవినెక్కలం మీదుగా నూజివీడు నియోజకవర్గంలోకి ప్రవేశించిన బాలకృష్ణ ఎదుట ఈ ముగ్గురు నాయకులు తమ సొంత బలాలను ప్రదర్శించుకున్నారు. రావిచర్ల అడ్డరోడ్డువద్ద కాపా, నూజివీడు అట్లూరిచారిటబుల్ ట్రస్ట్ కార్యాలయం వద్ద అట్లూరి వెంకట నరేంద్ర తమ బలాలను ప్రదర్శించారు.

లక్ష్మినరసింహ చిత్రపటంపై బాలకృష్ణ ఆసక్తి నూజివీడు పట్టణంలోకి ప్రవేశించగానే ప్రధాన రహదారి పక్కనే ఉన్న అట్లూరి చారిటబుల్ ట్రస్ట్ కార్యాలయం వద్ద అట్లూరి నరేంద్ర బాలకృష్ణకు ఘనస్వాగతం పలికారు. బాలకృష్ణకు అత్యంత ఇష్టదైవమైన లక్ష్మీనరసింహస్వామి ఉన్న పెద్ద చిత్రపటాన్ని ఆయనకు బహూకరించటానికి సిద్ధమై ఆయన రాకకోసం వేచి చూశారు. ట్రస్ట్ కార్యాలయం వద్ద పెద్ద సంఖ్యలో టీడీపీ అభిమానులు ఉన్నప్పటికీ నరేంద్ర ఇవ్వచూపిన లక్ష్మినరసింహస్వామి చిత్రపటాన్ని అందుకోవడానికి బాలకృష్ణ ప్రత్యేక ఆసక్తి చూపారు.

అనంతపురం అర్బన్: విద్యుత్ చా ర్జీల పెంపు, కోతలను నిరసిస్తూ మం గళవారం నిర్వహించ తలపెట్టిన జిల్లాబంద్‌ను జయప్రదం చేయాలని టీడీపీ జిల్లా అధ్యక్షుడు, పెనుకొండ ఎమ్మెల్యే బీకే పార్థసారథి పిలుపునిచ్చారు. పార్టీ జిల్లా కార్యాలయంలో సోమవారం ఆయన విలేకరుల సమావేశంలో మాట్లాడారు. విద్యుత్‌రంగం తీవ్ర సంక్షోభానికి వైఎస్ రాజశేఖర్‌రెడ్డి, రోశయ్య, కిరణ్‌కుమార్‌రెడ్డిలే కారణమన్నారు. చంద్రబాబునాయుడు హయాంలో ప్రత్యేక సంస్కరణలు చేపట్టి అభివృద్ధి చేశారన్నారు. వాటిని కాంగ్రెస్ నాయకులు భూస్థాపితం చేశారని ఆరోపించారు. 2004లో రాష్ట్రంలో విద్యుత్ మిగులులో ఉండేదన్నారు. ఇపుడు ఆ పరిస్థితి లేదని ఆవేదన వ్యక్తం చేశారు. ఇతర రాష్ట్రాలు సెంట్రల్ డిస్కౌంట్లతో రూ.1.80పైసలకు కొంటుంటే ఆంధ్రప్రదేశ్‌లో మాత్రం రూ.12కు కొంటున్నాదన్నారు. ఆ భారాన్ని ప్రజలనెత్తిన వేసి, దోపిడీ చేస్తున్నారన్నారు.

రాష్ట్ర ప్రభుత్వం విద్యుత్ విషయంలో పూర్తిగా విఫలమైందన్నా రు. వీటిని నిరసిస్తూ టీడీపీ రాష్ట్రవ్యాప్తంగా ఆందోళనలు చేపట్టిందన్నారు. వామపక్షాలు చేపట్టిన రాష్ట్రబంద్‌కు టీ డీపీ సంపూర్ణ మద్దతు ప్రకటించిందన్నారు. టీడీపీ శ్రేణులు, కార్యకర్తలు, అన్ని వర్గాల ప్రజలు పాల్గొని, బంద్ ను విజయవంతం చేసి, ప్రభుత్వం క ళ్లు తెరిపించాలని పిలుపునిచ్చారు. స మావేశంలో అనంతపురం నియోజకవర్గ ఇన్‌చార్జ్ మహాలక్ష్మిశ్రీనివాస్, నగ ర అధ్యక్షుడు కృష్ణకుమార్, తెలుగు యువత జిల్లా అధ్యక్షుడు కందిగోపుల మురళీప్రసాద్‌రెడ్డి, జిల్లా కార్యదర్శి సరిపూటి రమణ పాల్గొన్నారు.

అనంతరం ఎమ్మెల్యే కేశవ్ విలేకర్లతో మా ట్లాడుతూ.. గ్రామీణ ప్రాంతాలకు 3 గంటల కరెంటు వదలడం లేదన్నారు. కరెంటు రాక పంటలు తొలి దశలోనే ఎండిపోతుంటే ముఖ్యమంత్రి, మంత్రులు పంటలు ఎండలేదని చెబుతున్నారనీ, క్షేత్రస్థాయిలో పర్యటిస్తే సమస్యలు తెలుస్తాయన్నారు. సీఎం, మంత్రులు రావాలని సవాల్ విసిరారు. పంటల కాపాడుకోవడానికి రైతులు నానా అవస్థలు పడుతుంటే ఎక్కడ పంటలు ఎండిపోలేదని మంత్రి పోన్నాల లక్ష్మయ్య చెప్పడం దారుణమని ఎమ్మెల్యే పయ్యావుల కేశవ్ ఆవేదన వ్యక్తం చేశారు. కరెంటు సక్రమంగా ఇవ్వలేని ఈ ప్రభుత్వం తక్షణం దిగిపోవాల్సిందేనన్నారు. రైతుల సమస్యలు తెలుసుకోవడానికి స్వయంగా పల్లె నిద్రలో రైతులతో మాట్లాడుతూ.. కష్టాల గూర్చి తెలుసుకొని ముఖ్యమంత్రి మంత్రుల భరతం పడుతానన్నారు. రాత్రికి తోటలోనే బసచేసి కరెంటు ఎప్పుడొస్తుంది? ఎప్పుడు పోతుందని స్వయంగా తెలుసుకునేందుకు వచ్చానన్నారు. తోటలో కరెంటు లేని సమయంలో పంటకు నీరు పెట్టడానికి జనరేటర్, మోటర్ పంపులు వినియోగిస్తున్నారన్నారు.

ఎండిన పంటను చూసి చలించిన ఎమ్మెల్యే కేశవ్... వేరుశనగ, వరి పంటలు విద్యుత్ కోతతో ఎండిపోయిన ప్రదేశాలను చూసిన ఎమ్మెల్యే చలించిపోయారు. ప్రభుత్వం విద్యుత్ సక్రమంగా సరఫరా చేయక రైతులను అప్పుల ఊబిలోకి నెట్టిందని విమర్శించారు. క్షేత్రస్థాయిలో రైతులతో విద్యుత్ గూర్చి తోటల్లో పరిశీలిస్తే ఎండిన పంటలు, జనరేటర్లు కనిపిస్తున్నాయన్నారు. కార్యక్రమంలో వారితోపాటు కూచె నాగరాజు, మురళి, విజయభాస్కర్ గౌడ్, కన్వీనర్ దేవేంద్ర, శివయ్య, ఎస్పీ వెంకటనాయుడు, అంకె ఎర్రిస్వామి, సింగిల్ విండో సభ్యులు బాషా, బొమ్మయ్య, ఈశ్వరయ్య, ఆదెన్న, ఓబులేసు, కుసాల నాగరాజు, పరంధామ, నారాయణ, అక్కులప్ప, ఇప్పేరు శివ, శివశంకర్ నాయుడు, మలోబులు, జయప్రకాష్, రాఘవ, వెంకటనాయుడు, ఎర్రిస్వామి పాల్గొన్నారు.