నందివాడ, గుడివాడరూరల్, గుడ్లవల్లేరు, పట్టణంలోని నేత లు, కార్యకర్తలు చంద్రబాబు పాదయాత్ర సమాచారాన్ని ఇంటింటికి చెరవేసి వేలాది మంది ప్రజల్ని నెహ్రూచౌక్‌లో జరిగే బహిరంగ సభకు తీసుకువచ్చి టీడీపీ సత్తా చాటాలని ఉద్బోధించారు.

వాడవాడలా పసుపు జెండా రెపరెపలాడేలా చేయాల న్నారు. 5వ తేదీ మధ్యాహ్నాం 2గంటలకు రూరల్ మండలం గాం«ధీ ఆశ్రమానికి ప్రతి నేత, కార్యకర్త చేరుకుని అధినేతకు ఘనస్వాగతం పలకాల న్నారు. టీడీపీ రాష్ట్ర కార్యదర్శి లంకదాసరి ప్రసాదరావు మాట్లాడుతూ ఎమ్మె ల్యే అంబటి బ్రహ్మణయ్యకు ఆరోగ్యం సహకరించకపోయినప్పటికీ అవనిగడ్డలో కార్యకర్తలు చంద్రబాబుకు ఘన స్వాగతం పలికి టీడీపీ సత్తా చాటారన్నారు. అదే ఉత్సాహంతో పార్టీ నేత లు, కార్యకర్తలు చంద్రబాబుకు ఘన స్వాగతం పలికి ప్రత్యర్థుల గుండెల్లో రైళ్ళు పరిగెత్తించాలన్నారు. చంద్రబాబు పాదయాత్ర విజయంతానికి అం దరూ సమిష్టిగా కృషి చేయాలని పలువురు నేతలు సూచించారు.

క్యాడర్‌ను సద్వినియోగం చేసుకోవటంలో ఇన్‌చార్జీలు విఫలమవుతున్నారన్నారు. రాబోయే రోజుల్లో కఠినంగా ఉంటాననీ, అలా ఉంటేనే నేతలు బాగుపడతారనీ, పనిచేయకుంటే తొలగించట ఖాయమని చంద్రబాబు తేల్చిచెప్పారు. వ్యక్తిగత విభేదాలు, ఇగోలతో పార్టీని దెబ్బతీయటం మంచిదికాదనీ, అది మనకే నష్టమన్నారు. ప్రతి జిల్లాల్లో సమన్వయ కమిటీ సమావేశాలు, మండలాల వారీ సమావేశాలు నిర్వహించి పార్టీ గెలుపు ఓటములపై సమీక్షించాలన్నారు.

బీసీ డిక్లరేషన్, ముస్లిం పాలసీ, వర్గీకరణ, రుణమాఫీ అంశాలు ప్రజల్లోకి ఎలా వెళ్ళాయో చూడాలనీ, అందుకు గ్రామాల్లో ప్రచారం చేపట్టాలన్నారు. నాయకులు ఇంకొంచె హుషారుగా ఉండాలని సూచించారు. రాష్ట్రాన్ని గాడిలో పెట్టేందుకు ప్రతి ఒక్కరూ ముందుకురావాలని కార్యకర్తలకు పిలుపునిచ్చారు.

కార్యకర్తలు ఏమంటున్నారంటే..

* ఘంటసాల మండలానికి చెందిన పరిశె చలపతిరావు మాట్లాడుతూ టికెట్టు ఇచ్చేముందు ఆ అభ్యర్థి సంవత్సరం నియోజకవర్గంలో పనిచేయాలన్నారు. ఎవరినో తీసుకువచ్చి నిలబెట్టడం మేము గెలిపించటం వల్ల కార్యకర్తలకు బలం చేకూరడంలేదన్నారు.

* మోపిదేవి మండలానికి చెందిన నారగం పరంజ్యోతి మాట్లాడుతూ ఉద్యోగులను దగ్గరకు తీసుకోవాలనీ, వారికున్న అపోహలను తొలగించి ఆకట్టుకోవాలని కోరారు.

పలువురు కార్యకర్తలు మాట్లాడుతూ విభేదాల గురించి ప్రస్తావించగా, వ్యక్తిగత విబేధాలను సరిచేసుకోవాలన్నారు. పార్టీకి నష్టపరిచే చర్యలను సహించబోనన్నారు. పాదయాత్రకు వెళ్ళాల్సి ఉన్నందున వ్యక్తిగతంగా ఏమైనా చెప్పాలంటే జిల్లాలో ఆరు రోజులు ఉంటా.. విని తగు చర్యలు తీసుకుంటానని చంద్రబాబు కార్యకర్తలకు భరోసా ఇచ్చారు.

సమావేశంలో మచిలీపట్నం ఎంపీ కొనకళ్ళ నారాయణరావు, జిల్లా పార్టీ అధ్యక్షులు దేవినేని ఉమామహేశ్వరరావు, పార్టీనేతలు నలగట్ల స్వామిదాసు, కేశినేని నాని, వల్లభనేని వంశీమోహన్, కాగిత వెంకట్రావు, బచ్చుల అర్జునుడు, వర్ల రామయ్య, కంఠంనేని రవిశంకర్ తదితరులు పాల్గొన్నారు.

చల్లపల్లి-ఘంటసాల: టీడీపీ అధినేత చంద్రబాబునాయుడు వ స్తున్నా..మీకోసం పాదయాత్ర జిల్లాలో విజయవంతంగా సాగుతుండటంతో పార్టీ నేతల్లో ఉత్సాహం తొణికిసలాడుతోంది. బాబు బసచేసిన శిబిరానికి ఉదయాన్నే చేరుకుంటూ అక్కడి నేతలతో కలిసి ఉండటం, బాబును కలిసేందుకు వస్తున్న ఇతర జిల్లాల నేతలతో మాట్లాడటం, కార్యకర్తలను పలకరించటం తదితర కార్యక్రమాల్లో ముఖ్యనేతలు బిజీగా, హుషారుగా గడుపుతున్నారు. బాబు బసచేసిన ప్రాంతంలో శుక్రవారం పార్టీనేతలు హుషారుగా కనిపించారు. మరోవైపు సమీక్షలకోసం ఇతర ప్రాంతాల నుంచి వచ్చిన కార్యకర్తలు, స్థానిక నేతలు, కార్యకర్తలు తమ అభిమాన నేతలతో ఫొటోలు దిగుతూ సందడి చేశారు.

అయ్యన్నపాత్రుడితో ముచ్చట్లు

చిట్టూర్పు శివారు ప్రాంతంలో శుక్రవారం చంద్రబాబు బసచేసిన ప్రాంతానికి మాజీమంత్రి, విశాఖజిల్లా నేత చింతకాయల అయ్యన్నపాత్రుడు తన కుమారుడు విజయ్, విశాఖ ఎమ్మెల్యే వెలగపూడి రామకృష్ణతో కలిసి వచ్చారు. జిల్లా పార్టీ అధ్యక్షుడు దేవినేని ఉమామహేశ్వరరావు, మచిలీపట్నం ఎంపీ కొనకళ్ళ నారాయణరావు, ఎమ్మెల్పీ వై.వి.బి.రాజేంద్రప్రసాద్, టీడీపీ రాష్ట్రనేత వర్ల రామయ్య, విజయవాడ అర్బన్ అధ్యక్షుడు వల్లభనేని వంశీమోహన్, మాజీ ప్రభుత్వ విప్ కాగిత వెంకట్రావ్ తదితరులు అయ్యన్నపాత్రుడితో ముచ్చటించారు. .

అయ్యన్నపాత్రుడి కుమారుడు విజయ్ ప్రత్యేక ఆకర్షణగా నిలువగా, నేతలంతా వారసుడు వచ్చాడా అంటూ తండ్రీ కొడుకులతో ముచ్చటించారు. పలువురు అభిమానులు వంశీమోహన్, కాగిత వెంకట్రావ్‌లతో ఫొటోలు దిగారు. సమీక్ష ప్రాంగణంలో ఏర్పాట్లు చేస్తూ కార్యకర్తలను బచ్చుల అర్జునుడు సమన్వయం చేయగా, చంద్రబాబు పాదయాత్ర, వసతి ఏర్పాట్లు పర్యవేక్షించే గరికపాటి మోహనరావు అటు బాబుతో, ఇటు సెక్యూరిటీ, ముఖ్యనేతలతో మాట్లాడుతూ బిజీగా గడిపారు. పలువురు వ్యాపారవేత్తలు, స్థానిక ప్రముఖులు టీడీపీ నేతలతో కలిసి తిరుగుతూ సందడి చేశారు.

రాబోయే ఎన్నికల కురుక్షేత్ర సంగ్రామంలో ప్రత్యర్థులను ఎదుర్కోనడానికి అ వసరమయ్యే ఉపాయాలు, మెళకువలను వివరిస్తూ వారిని మానసికంగా సంసిద్ధం చేసే ప్రయత్నం చేశారు. రెండు నియోజకవర్గాల నుంచీ పెద్దసంఖ్యలో కార్యకర్తలు హాజరయ్యారు. సమావేశంలో కొందరు కార్యకర్తలు నిర్మొహమాటంగా పార్టీ గురించి, పడుతున్న బాధల గురించి అధినేత దృష్టికి తీసుకువెళ్లారు.

కార్యకర్తలందరిదీ ఒకే కుటుంబం..
టీడీపీ కార్యకర్తలందరూ ఒక కుటుంబంలోని సభ్యులుగానే మెలగాలన్నారు. ఆపదలో ఉన్నవారిని ఆదుకునేందుకు తలా ఒక చెయ్యి వేయాలని, పరామర్శలు, పలుకరింపులతో పాటు సెంటిమెంట్లను కాపాడుతూ వారికి ధైర్యంచెప్పాలన్నారు. విజయవాడ 56వ డివిజన్ నేత నాగమణి తనకు శస్త్రచికిత్స జరిగితే ఇన్‌చార్జి కనీసం పలుకరించలేదన్నా దానిపై బాబు స్పందించారు.

నాయకుడు ఎలా ఉండాలంటే...

రాజకీయాల్లో నాయకుడు నడవడికే ముఖ్యమని చంద్రబాబు అన్నారు. క్యాడర్‌లో ఆత్మవిశ్వాసాన్ని పెంపొందించాలన్నారు. ప్రజల్లో తిరిగి వారి సమస్యలు తెలుసుకోవాలనీ, అందరి మన్ననలు పొందాలన్నారు. పనికిరాని రాయికి పసుపు రాసి కుంకుమ బొట్లు పెడితే దేవుడిగా మారుతుందనీ, ఆ తర్వాత రాయిలో దేవుడిచూస్తూ కొలుస్తామనీ, అలాగే నాయకుడు కాకముందు ఎవరైనా రాయి వంటివారేనన్నారు. సామాన్యుడిని ఒక్కసారి నాయకుడిగా ఎదుగుతాడు ఆ తర్వాత దానిని నిలబెట్టుకోవడానికి నిత్యం శ్రమించాలి.

సాంకేతిక విజ్ఞానాన్ని వినియోగించుకోవాలి

కార్యకర్తల సమావేశాలు, సమీక్షలు తప్పనిసరిగా నిర్వహించాలి. ఆ సమాచారాన్ని ఎప్పటికప్పుడు తమకు తెలియజేయాలని చంద్రబాబు సూచించారు. ఎస్ఎంఎస్‌లు, నెట్ ద్వారా ఈ మెయిల్స్ పంపి ఎప్పటికప్పుడు సమాచారాన్ని తెలసుకోవాలన్నారు.

పార్టీకి ఇబ్బందులు కలిగిస్తే కఠిన నిర్ణయాలే...

పార్టీకి ఇబ్బందులొస్తాయనుకుంటే కఠిన నిర్ణయాలు తీసుకుంటామని చంద్రబాబు హెచ్చరించారు. భేదాభ్రియాలుంటే సరిచేసుకోవాలనీ, మీవల్ల కాకుంటే ఇంకొకరి వద్ద, మరొకరి దృష్టికి తీసుకువచ్చి సరిచేసుకోవాలన్నారు. గ్రామాల్లో గ్రూపులు ఉంటున్నాయని కార్యకర్తలు చెప్పడంతో బాబు ఈవిధంగా స్పందించారు. నేను ఒక్కడినే శ్రమిస్తే సక్సెస్ రాదనీ, కార్యకర్తలంతా కష్టపడాలని బాబు కోరారు. ప్రజల్లోకి వెళ్ళి పాజిటివ్ ధృక్ప«థంతో వెళ్లాలన్నారు.

తప్పులు చేస్తే జైలు కెళ్ళేవాళ్ళం...

30ఏళ్ళు రాజకీయాల్లో ఉన్నా, తొమ్మిదేళ్ళు ముఖ్యమంత్రిగా పనిచేశా.. రెండోసారి ప్రతిపక్ష నేతగా ఉన్నా నేను ఏ తప్పూ చేయలేదని చంద్రబాబు అన్నారు. ఇసుక, బొగ్గు, మైనింగ్ కుంభకోణాల్లో మనమెన్నడూ లేమనీ, తప్పులు చేసుంటే జైళ్ళలో ఉండేవారమన్నారు. తల్లి, పిల్ల కాంగ్రెస్ కార్యకర్తలకు గౌరవం లేదు. టీడీపీ కార్యకర్తలంటే ఎంతో గౌరవం ఉందనీ, మిమ్ముల్ని చూస్తే గర్వంగా ఉందంటూ చంద్రబాబు అన్నారు.

రఘురాం

సేవలు ఉపయోగించుకుంటాం...

జగ్గయ్యపేట నియోజకవర్గంలో రఘురాం సేవలు పార్టీకి ఉపయోగించుకుంటామని చంద్రబాబు అన్నారు. పాతతరం నాయకులకు ప్రాధాన్యం ఇవ్వాలనీ, గెలుపు కష్టమైన సమయంలో అందరితో చర్చించి కొత్తవారికైనా ప్రాధాన్యం ఇవ్వాల్సి ఉంటుందనీ, అందుకు జగ్గయ్యపేట ఉదాహరణ అన్నారు. రఘురాంకు తగిన గౌరవం ఇస్తామని హామీ ఇచ్చారు.

సమావేశంలో జిల్లా పార్టీ అధ్యక్షులు దేవినేని ఉమామహేశ్వరరావు, ఎమ్మెల్యే శ్రీరాం తాతయ్య, ఎమ్మెల్సీ వె.ౖవి.బి.రాజేంద్రప్రసాద్, బొండా ఉమామహేశ్వరరావు, వల్లభనేని వంశీమోహన్, కేశినేని నాని, కాగిత వెంకట్రావు, బచ్చుల అర్జునుడు, పంచుమర్తి అనూరాధ పాల్గొన్నారు.

విజయవాడలోని మూడు నియోజకవర్గాల్లో పార్టీ అభ్యర్థులనే నిలబెట్టాలి : గొట్టుముక్కల రవి

మిత్రపక్షాల వల్ల సీట్లు కోల్పోతున్నాం. తొమ్మిదేళ్లగా ప్రజలు నరకం చూస్తున్నారు : శ్రీనివాసగుప్తా

కాల్వగట్ల వాసులు ఎన్నో కష్టాలను అనుభవిస్తున్నారు. వారి సమస్యల పరిష్కారానికి పార్టీ తరుపున పోరాడాలి : సుభద్ర

ఒకటో డివిజన్‌లో సమర్థవంతమైన నాయకుడిని నిలబెటితే విజయం తధ్యం : మురళీదేవి

టీడీపీలోమహిళలను ఆదరించాలి. వాంబే కాలనీలో ఇళ్ళపై తీసుకున్న అప్పులను మాఫీచేయాలి : దేవమణి

టీడీపీ శ్రేణులే ఎమ్మెల్సీని ఓడించారు. స్మార్ట్‌కార్డు వ్యవస్థను రద్దుచేయాలి : జిల్లేపల్లి సుధీర్‌బాబు, జగ్గయ్యపేట

గ్రామంలో నాలుగైదు గ్రూపులు ఏర్పడ్డాయి. దాంతో పార్టీ బలహీన పడుతుంది : తాళ్ళూరి వెంకటేశ్వర్లు

రైల్వే కార్మికుల సమస్యల పరిష్కారానికి పార్టీ అండగా నిలవాలి : శ్రీనివాస్

సీనియర్ కార్యకర్తలను గుర్తించాలి. ప్రతి నియోజకవర్గంలో ఎమ్మెల్యేలు, పార్టీనేతలు తిరగాలి : శ్రీనివాసరావు(వాసు)

గ్రామస్థాయిలో నేతలు తిరుగుతూ కష్టపడాలి: నాగమల్లేశ్వరరావు

తన భర్త చనిపోయి ఇబ్బందుల్లో ఉంటే పార్టీనేతలు ఆర్థికంగా ఆదుకున్నారు. పదో తరగతి చదివే తన కుమారుడిని ఎన్టీఆర్ ట్రస్ట్ ద్వారా చదివించాలి: మండాది కరుణకుమారి

పార్టీలో విబేధాలు క్యాన్సర్‌కంటే ప్రమాదం. పార్టీకి నష్టంచేసే పరిస్థితి వస్తే సహించేది లేదంటూ టీడీపీ అధినేత నారా చంద్రబాబునాయుడు స్పష్టంచేశారు. కార్యకర్తల సలహాలను, సూచనలను ఓపికగా విన్న చంద్రబాబు వాటిని నోట్ చేసుకున్నారు.

అప్పుల్లో ఉన్న రైతులను ఆదుకునేందుకు కష్టసాధ్యమైనా రుణమాఫీ చేసేందుకు కంకణం కట్టుకున్నానన్నారు. అందరూ కష్టాలు పడుతున్నారనీ, మహిళలైతే మిషన్‌ల మాదిరి పనిచేస్తున్నారని ఆవేదన వ్యక్తంచేశారు. అధికారంలోకి వస్తే అందరి కష్టాలనూ గట్టెక్కిస్తానని హామీ ఇచ్చారు. నేను అధికారంలో ఉన్న సమయంలో అభివృద్ధి చేస్తే.. కాంగ్రెస్ ప్రభుత్వం వచ్చి నాశనం చేస్తోందన్నారు. అందుకు ఉదాహరణ విద్యుత్ రంగాన్ని సంక్షోభంలోకి నెట్ట డమేనన్నారు. పట్టణాలు, పల్లెలు తేడాలేకుండా కరెంటుకోత విధిస్తున్నారనీ, వ్యవసాయానికి ఎప్పుడిస్తారో తెలియని పరిస్థితికి తీసుకువచ్చారన్నారు. టీడీపీ ప్రభుత్వ పనితీరు కారణంగా విద్యార్ధులు మంచి చదువుచదివి ఇక్కడే పరిశ్రమలు స్థాపించారనీ, లేకుంటే ఇతర ప్రాంతాలకు వెళ్ళేవారన్నారు.

సభలో మచిలీపట్నం ఎంపీ కొనకళ్ళ నారాయణరావు, దేవినేని ఉమామహేశ్వరరావు, గద్దె రామ్మోహన్, వల్లభనేని వంశీ, కంఠంనేని రవిశంకర్, మండల నేతలు తుమ్మల చౌదరిబాబు, జి.వి.రామకృష్ణ,అత్తలూరి గోపీచంద్, సూరపనేని శివాజీ, వేమూరి సాయి వెంకట రమణ, బొందలపాటి గంగారత్నం, అందె జగదీష్ తదితరులు పాల్గొన్నారు.