ఉదయం, అర్ధరాత్రి ఎమ్మెల్యేలు, కన్వీనర్లకు చంద్రబాబు హాజరు వేశారు. దీంతో తప్పించుకోలేని వీళ్లంతా కాళ్లరిగేలా ఆయన వెంటే నడిచారు. సుమా రు 157 కిలోమీటర్ల మేర సాగిన ఈ యాత్రలో పార్టీ ముఖ్యులంతా నిరంతరం కొనసాగారు. ఎమ్మెల్యేలు బూరుగుపల్లి శేషారావు, శివరామరాజు, టీవీ రామారావు, చింతమనేని ప్రభాకర్, ఎమ్మెల్సీ అంగర రామ్మోహన్‌లు అనుసరించారు. వయసు పైబడినా ఖాతరు చేయకుండా డాక్టర్ చినమిల్లి సత్యనారాయణ, డాక్టర్ బాబ్జీ కూడా ఆది నుంచి తుది వరకు బాబు వెంటే ప్రయాణించారు. మోకాళ్లు ఇబ్బంది పెడుతున్నా తణుకు కన్వీనర్ వై.టి. రాజా పాదయాత్రలో ఆసాంతం కొనసాగారు. పార్టీ జిల్లా అధ్యక్షురాలు సీతారామలక్ష్మి, పీతల సుజాత, మేఘలాదేవి, సరళాదేవి, డాక్టర్ రాజ్యలక్ష్మి, రాధ వంటి మహిళా నేతలు ఎక్కడా వెనకడుగు వేయలేదు.

బహుదూరపు బాటసారి బాబునే అనుసరించారు. పార్టీ కన్వీనర్లు గాదిరాజు బాబు, ముళ్లపూడి బాపిరాజు, గన్ని వీరాంజనేయులు, శ్రీరాములు, అంబికా కృష్ణ, ముడియం శ్రీనివాస్ తదితరులంతా కాళ్లకు పనిచెప్పారు. అధినేత పాదయాత్ర చేస్తున్న మార్గంలో వీరంతా రోడ్డుకు ఇరువైపులా ఆయన రాకకోసం ఎదురుచూస్తున్న వందలాది మందిని సమన్వయ పరిచారు. వీరు బాబుకు చేరువయ్యేలా పన్నెండు రోజుల పాటు అర్ధరాత్రి వరకు శ్రమిస్తూనే వచ్చారు. వీళ్లంతా ఒక ఎత్తయితే పార్టీ సీనియర్ నేతలు పాలి ప్రసాద్, జగదీష్‌బాబు, నాయుడు రామచంద్రరావు, పాకలపాటి గాంధీ, ఏపూరి దాలయ్య, బడేటి బుజ్జి, కొక్కిరిగడ్డ జయరాజు, వీరవాసరం దాసు వంటి వారు అధినేతను అనుసరించిన వారిలో ఉన్నారు.

ఒక రకంగా చెప్పాలంటే వీరందరిలోనూ ఎన్నికల ఉత్సాహం కన్పించింది. చంద్రబాబు పాదయాత్ర పార్టీలో యువతలో ఉత్తేజం రేకెత్తించింది. నియోజకవర్గాల సమీక్షల్లో పార్టీ నేతల పనితీరు కూడా బట్టబయలైంది. కొన్ని నియోజకవర్గాల్లో పార్టీ ఇప్పుడే స్థితిలో ఉందో కార్యకర్తలే స్వయంగా పార్టీ ర్రాష్ట అధ్యక్షుడి దృష్టికి నేరుగా తీసుకువెళ్లారు. కొన్ని సూచనలు చేశారు. వచ్చే ఎన్నికల్లో అభ్యర్థులను ఖారారు చేసే విషయంలో జాప్యం వద్దంటూ కీలక సూచనలు అధిష్టానం ముందుంచారు. అలాగే మరికొన్ని నియోజకవర్గాల్లో పార్టీలో ఉన్న లుకలుకలు కార్యకర్తల నోట విన్న చంద్రబాబు ఆయా నియోజకవర్గాల కన్వీనర్లకు చురకలు అంటించారు. పాదయాత్ర నిరంతరాయంగా కొనసాగడం ఒక ఎత్తయితే ప్రజల నుంచి వచ్చిన మద్దతు సహజంగానే పార్టీ నేతలందరికీ పూర్తి సంతృప్తినే ఇచ్చింది. పార్టీకి మంచి రోజులు వచ్చాయన్న సంకేతాలనిచ్చింది. నాయకుల్లో ఉన్న నిరుత్సాహం స్థానంలో చురుకుదనం పుట్టించింది. దీనికి తోడు మహిళలు పెద్దసంఖ్యలో పాల్గొనడం కూడా పార్టీకి శుభసంకేతంగా భావిస్తున్నారు.

అపూర్వ స్వాగతం: తెలుగుదేశం పార్టీ అధినేత చంద్రబాబునాయుడుకు తూర్పుగోదావరి జిల్లా ప్రజలు అపూర్వస్వాగతం పలికారు. ఏకంగా గోదావరి బ్రిడ్జి మీద నుంచి కొవ్వూరువైపునకు వెళ్లి ఆయనతో కలిపి పాదయాత్ర చేసుకుంటూ జిల్లాలో ప్రవేశించారు. మొదట చంద్రబాబు కేక్ కట్ చేసి ప్రజలు స్వాగతం అందుకున్నారు. తెలుగుదేశం పార్టీ పొలిట్‌బ్యూరో సభ్యుడు, ఎమ్మెల్సీ యనమల రామకృష్ణుడు, మాజీ మంత్రి గోరంట్ల బుచ్చయ్యచౌదరి, ప్రముఖ సినీ నటుడు మురళీమోహన్, సీనియర నేత గన్ని కృష్ణ, పార్టీ జిల్లా అధ్యక్షుడు నిమ్మకాయల చిన్నరాజప్ప, మాజీ మంత్రులు మెట్ల సత్యనారాయణ, చిక్కాల రామచంద్రరావు, పలువురు ఎమ్మెల్యేలు, మాజీ ఎమ్మెల్యేలు, అనేక మంది నేతలు ఆయనకు ఘనంగా స్వాగతం పలికారు.

గోదావరి బ్రిడ్జి మీద బాబు పాదయాత్ర: రాజమండ్రి-కొవ్వూరు మధ్య గోదావరి నదిపై నిర్మించిన రోడ్డు కం రైల్వే బ్రిడ్జి మీద చంద్రబాబు నాయుడు సుమారు రెండున్నర గంటలపాటు పాదయాత్ర చేశారు. సుమారు 4 కిలోమీటర్ల పొడవు వున్న ఈ బ్రిడ్జి మీద జన తాకిడితో ఈ పాదయాత్ర చాలా ఉత్సాహంగా సాగింది. బాబు ఉల్లాసంగా ఎవరో ఒకరితో మాట్లాడుతూ మధ్యమధ్యన ప్రజల స్వాగతాన్ని స్వీకరించి పాదయాత్ర సాగించారు. మధ్యలో ఆయనకు రైతులు నాగలి బహూకరించారు.

మహిళలు హారతి ఇచ్చారు. గోదావరిలో వందలాది పడవలకు పసుపు జెండాలు అలంకరించి మత్స్యకారులు స్వాగతం పలికారు. బ్రిడ్జికి అలంకరించిన పసుపు జెండాలు చల్లటి గాలికి రెపరెపలాడడంతో పాటు వేలాదిగా ప్రజలు తరలిరావడంతో బాబు యాత్ర ఉత్సాహంగా సాగింది. మధ్యమధ్యలో బాబు గోదావరిని చూస్తూ తగ్గిన నీరును అక్కడ మత్స్యకారులను, చుట్టు వున్న పరిసరాలను కూడా పరిశీలించారు

మహానుభావులను స్మరిస్తూ...

రాజమండ్రి: చంద్రబాబు రాజమండ్రిలో ప్రవేశించగానే ప్రకాశపంతులు, ఆదికవి నన్నయ్య, వీరేశలింగం, రాజరాజనరేంద్రుడు వంటి మహానుభావులను స్మరించారు. వారితో ఈ చారిత్రక రాజమండ్రితో వున్న సంబంధాన్ని గుర్తు చేశారు. ఎన్టీఆర్‌కు కూడా ఈ ప్రాంతమంటే ఎంతో ఇష్టమని ఆయన స్పష్టం చేశారు. ఇక్కడ తెలుగును బాగా మాట్లాడవారే, ప్రేమించేవారు ఇక్కడ అధికంగా ఉన్నారన్నారు.

మంచి సంస్కృతి, సంప్రదాయాలు ఉన్న ప్రాంతమని గోదావరి పుష్కరాల సమయంలో ఎంతో అభివృద్ధి చేశానని కాని ఇవాళ కాంగ్రెస్ దొంగలు ఈ ప్రాంతాన్ని పట్టించుకోవడం లేదని ఇక్కడ పరిస్థితిని చూస్తే బాధకలుగుతుందన్నారు. రోడ్ కం రైలు బ్రిడ్జి మీద ఎవరైనా గర్భవతి వస్తే ఆసుపత్రి అవసరం లేకుండా డెలివరి అవుతుందని బ్రిడ్జి పరిస్థితిని విశదీకరించారు. కందుకూరి వీరేశలింగం సాంఘిక విప్లం, మన్యం వీరుడు అల్లూరి సీతారామరాజు పోరాటం ఈ ప్రాంతానిక గత చరిత్రగా మిగిలిపోయాయనని కాని ఈ ఇవాళ గజదొంగల పాలనలో ఈ ప్రాంతం అణగారిపోతుందన్నారు.

చంద్రబాబు 'మీ కోసం వస్తున్నా' 170వ రోజు పాదయాత్ర తూర్పుగోదావరి జిల్లా రాజమండ్రిలో 13 కిలోమీటర్ల మేర సాగింది. ఈసందర్భంగా చంద్రబాబు విద్యుత్ కోతల గురించీ, చార్జీల వడ్డన గురించీ, గ్యాస్ సమస్యల గురించీ ప్రస్తావించారు. కాంగ్రెస్ దొంగల పాలనలో రాష్ట్రంలో వ్యవస్థలన్నీ భ్రష్టు పట్టాయన్నారు. ధరల పెరుగుదలతో పేద, సామాన్య వర్గాలు సతమతమవుతున్నాయని ఆందోళన వ్యక్తం చేశారు. 'నేను మీ ఇంట్లో పెద్దకొడుకులాంటివాడ్ని. ప్రయోజకుడైన కొడుకు ఎలా కుటుంబాన్ని ఆదుకుంటాడో.. రేపు అధికారంలోకి వచ్చాకా నేనూ ఆ పని చేస్తాను. ఎన్నికల ఒక్క రోజూ నాకివ్వండి.. ఐదేళ్లూ మిమ్మల్ని ఆదుకునేందుకు నేను కష్టపడతాను..' అన్నారు.

దేవీచౌక్ : రాజమండ్రి మెయిన్ మార్కెట్‌లోకి ప్రవేశించిన చంద్రబాబుకు ఘన స్వాగతం లభించింది. షాపులో పని చేసే మహిళలు, మార్వాడీలు చంద్రబాబుకు హారతులు పట్టారు. చంద్రబాబును చూడటానికి ఆసక్తి చూపారు. ఒక్కసారి మాట్లాడాలని కోరడంతో చంద్రబాబు వారివద్దకు వెళ్ళి పలకరించారు. వాళ్ళ యోగ క్షేమాలు అడిగి తెలుసుకున్నారు.

ఏకధాటిగా 48 నిమిషాలు పాటు సాగిన బాబు ప్రసంగంలో అనేకసార్లు ప్రజల అభిప్రాయాలను కోరారు.

తనకు అధికారం మీద వ్యామో హం లేదని తొమ్మిదేళ్ల పాటు ముఖ్యమంత్రిగానూ, మరో తొమ్మిదేళ్ల పాటు ప్రతిపక్ష నేతగా ఉన్నానని తన రికార్డును ఎవరైనా బ్రేక్ చేయాలనుకుంటే మరో 20ఏళ్లు పడుతుందన్నారు. తా ను చెప్పేవి నిజం కాదని మీరు చెబితే ఇక్కడి నుంచి నేరుగా హైదరాబాద్ వెళ్లిపోతానని, నేను చెప్పేవన్ని నిజమేనని ఒప్పుకుంటే చేతిలెత్తాలని ప్రజల ను కోరారు. తొమ్మిదేళ్ల కాంగ్రెస్ రాక్షస పాలనలో అందరూ ఇబ్బందులు పడుతున్నరా లేదా అని ఆయన ప్రశ్నించగా ఇబ్బందులు పడుతున్నామని ప్రజలు జవాబు ఇచ్చారు. రాజమండ్రిని పుష్కరాల సమయంలో ఎంతో అభివృద్ధి చేసానని తరువాత ఇప్పటి వరకు కాంగ్రెస్ దొంగలు ఏమైనా పట్టించుకున్నారా అని ఆవేదన వ్యక్తం చేశారు. ఇవాళ ఇక్కడ పరిస్థితులను చూస్తుంటే బాధేస్తుందన్నారు.

1999 నుంచి విద్యుత్ కొరత ఉంటే తరువాత విద్యుత్ రంగంలో సంస్కరణలు తీసుకువచ్చి విద్యుత్ కొరత లేకుండా చేసానని చెప్పారు. పేదలు, మ«ధ్యతరగతి కుటుంబాలు ఇంకా అనేక వర్గాలు వి ద్యుత్ దీపం కూడా వెలిగించుకోలేని పరిస్థితి ఏర్పడిందన్నారు. ఇటువంటి సమస్యలు మీద పోరాడాల్సిన అవస రం ఉందన్నారు. ఇవాల్టి రాష్ట్ర పరిస్థితులకు వైఎస్ రాజశేఖరరెడ్డి, సీఎం కిరణ్‌కుమార్‌రెడ్డి ఇద్దరు కారకులేనని, ము డుపులు కోసమే విద్యుత్ వ్యవహారం చేస్తున్నారని ఆరోపించారు. బొగ్గు గ నులను దోచుకున్నారని, ప్రైవేట్ వ్యక్తులకు తక్కువ ధరకే గ్యాస్‌ను సరఫరా చేస్తున్నారన్నారు. కేజీ బేసిన్ గ్యాస్‌ను దేశమంతా సరఫరా చేస్తూ ఇక్కడ ప్రజలకు మాత్రం ఇవ్వడంలేదని విమర్శిం చారు.

ఇక సైకిలే గతిని, మీరు సైకిల్‌కు రిపేరు వస్తే బాగుచేయించుకుని ముందుకు వెళ్లునట్లుగా నా కాళ్లకు నొప్పులు వస్తున్నా రిపేరు చేయించుకుని మీ కోసం ముందుకు వస్తున్నానన్నారు. ధరలు విపరీతంగా పెరిగిపోయాయని తాను ఉన్నప్పుడు కేజీ రూ.10 వున్న సన్న బియ్యం రూ.50, రూ.12 వున్న చక్కెర రూ.45, రూ.22 వున్న పప్పుడు రూ.80, రూ.2వున్న ఉప్పు రూ.12 అయిపోయాయని అన్నారు. గతంలో జేబు నిండా డబ్బు తో సంతకెళ్లి సంచినిండా సరుకులు తెచ్చుకునేవారమని కానీ ఇవాళ సంచినిండా డబ్బు తీసుకెళ్లినా జేబు నిండ సరుకులు రావడం లేదని ఇది నిజమా కాదా అని ప్రశ్నించగా నిజమే నిజమేనని జనం సమాధానం చెప్పారు.d

36మంది ఎంపీలు, 10 మంది మంత్రులు ఉండి దద్దమ్మల్లా వ్యవహరిస్తున్నారని ధ్వజమెత్తారు. తాను అధికారంలోకి రాగానే పాత విధానం కొనసాగిస్తానని, డ్రైవర్లకు వడ్డీలేని రుణం ఇస్తామని, చనిపోయిన డ్రైవర్‌కు రూ. 5లక్షలు బీమా చేయిస్తామన్నారు. సా మాజిక న్యాయం, పేదరిక నిర్మూలనే తమ సిద్ధాంతమని, అదే ఎన్టీఆర్ సి ద్ధాంతమన్నారు. బీసీలకు రాజ్యాధికారం ఇచ్చింది తామేనని, ఎస్సీ వర్గీకరణకు కట్టుబడి ఉన్నామని, మాలలకు న్యాయం చేస్తామని, రైతులకు, గిరిజనులకు ముస్లీంలకు రక్షణగా ఉంటామని చెప్పారు. మీరంతా సహకరిస్తే ఆరు నెలల్లోనే ప్రభుత్వాన్ని గాడిలో పెడతానని చంద్రబాబు ప్రజలకు హామీ ఇచ్చారు.

శింగనమల: టీడీపీ అధినేత నారాచంద్రబాబు నాయుడు పార్టీలో కష్టపడే వారికి ఎలాంటి మోసం చేయకుండా న్యాయం చేస్తారని ఎమ్మెల్సీ పామిడి శమంతకమణి పేర్కొన్నారు. ఎమ్మెల్సీగా ఎంపికైన తరువాత ఆమె మొ దటి సారిగా జిల్లాకు రావడంతో బుధవారం టీడీపీ శింగనమల మ ండల కమిటీ అధ్యక్షుడు అమ్మలదిన్నె చితంబరిదొర ఆధ్వర్యంలో వందలాది మంది కార్యకర్తలు లోలూరు క్రాస్ వ ద్ద పూలమాలలతో బాణాసంచాలు, పూల వర్షంతో పెద్ద ఎత్తున ఘన స్వా గతం పలికారు. అనంతరం ఆమెను ఘనంగా సన్మానించారు.

ఆమె మా ట్లాడుతూ... పార్టీలో దళితులకు ప్రత్యే క స్థానం కల్పించడంతో చంద్రబాబు నాయుడుకు ఎదురులేదన్నారు. రాబో యే స్థానిక ఎన్నికల్లో పార్టీ జిల్లాలో విజయదుందుభి మోగిస్తుందన్నారు. తాను ఎ మ్మెల్సీ కావడానికి సహకరించిన తమ నియోజకవర్గ ప్రజలు, కార్యకర్తలు జి ల్లా ప్రజలకు రుణపడి ఉన్నానన్నారు. ఈ అవకాశంతో అభివృద్ధే ధ్యేయంగా ముందుకు సాగుతానన్నా రు. ప్రజలకు ఎలాంటి సమస్యలైనా ప్ర జలకు, కార్యకర్తలకు వచ్చినా వెనువెంటనే పరిష్కరిస్తామని తెలిపారు.

కార్యక్రమంలో పార్టీ జిల్లా నాయకులు ఈశ్వరరెడ్డి, మారుతి నాయుడు, మదిరేపల్లి రవీంద్రరెడ్డి, రాఘవరెడ్డి, డేగల కృష్ణమూర్తి, మాసూల చంద్రమోహన్, దాసరి గంగాధర్, అబ్దుల్ జిలానీ, ర హంతుల్లా, విజయ్‌కుమార్, సిీ వెంకటేష్, మండల నాయకులు నాగముని, విజయ్‌కుమార్, భాస్కర్‌రెడ్డి, నాగరా జు, బొల్లనాగేంద్ర, నాగభూషణ, వెం కటరమణ, రామచంద్ర, నాగేంద్ర, బా బునాయుడు, గుర్రం లక్ష్మినారాయణ, నాగేంద్ర, నల్లప్ప, రామాంజినేయు లు, వెంకటనారాయణ, అశ్వర్థ, నారాయణస్వామి, నాగరాజు, పిల్లసాయబ్, వెంకటరమణస్వామి, కుళ్ళాయప్ప, పెద్దన్న, తిరుమలదాసు, వీరనారాయణప్ప, హనుమంతు, చౌదరి, జయ రాం, శ్రీనివాసులు, గుర్రప్పస్వామి, చెన్నారెడ్డి, ఆదినారాయణ, సత్యనారాయణ, జయరాం, ఎద్దుల వెంకటపతి, ఎర్రిస్వామి, సైదా, నన్నె పాల్గొన్నారు.

పామిడి: శాసన సభ్యుల ఎమ్మెల్సీ కోటాలో ఎమ్మెల్సీగా ఎన్నికైన పామిడి శ మంతకమణికి టీడీపీ స్థానిక నాయకులు పామిడిలో బుధవారం ఘనంగా స్వాగతం పలికారు.

కొండాపురం రో డ్డులోని టీడీపీ వ్యవస్థాపకుడు ఎన్టీఆర్ చిత్రపట స్థూపానికి ఆమె పూలమాలలు వేశారు. స్థానిక అంబేద్కర్ సర్కిల్‌లో టీడీపీ నాయకులతో కలిసి అంబేద్కర్ విగ్రహానికి పూలమాలలు వేశా రు. అనంతరం ఆమె మాట్లాడుతూ.... టీడీపీతోనే మహిళలకు గుర్తింపు వ చ్చిందన్నారు. టీడీపీతోనే భవిష్యత్తు తరాలకు పునాదులు సాధ్యమన్నారు.

పూర్వ వి ద్యార్థి సంఘం ఆధ్వర్యంలో స్థానిక టీసీ ప్రభుత్వ ఉన్నత పాఠశాల అభివృద్ధికి సహకరించాలని పూర్వ విద్యార్థులు పట్రా శ్రీనివాసులు, ఏకనాథం, శర్మాస్ ఆమెకు వినతిపత్రం అందజేశారు. కార్యక్రమంలో టీడీపీ నాయకులు ప్రభాకర్‌చౌదరి, ఆంజనేయులుగౌడ్, సంజీవకుమార్, టైలర్ భాస్కర్, నల్లబోతుల శ్రీనివాసులు, రా మ్రాంనేయులు, లంగాలగౌస్, కరూ రు శివశంకర్, రంగస్వామి యాదవ్, హుస్సేన్‌పీరా, మోహన్ కృష్ణ, బాబా ఫకృద్ధీన్(పాపులు), హమాలీ గోపాల్, శ్రీరాములు, సుంకప్ప పలువురు కార్యకర్తలు పాల్గొన్నారు.

శమంతకమణికి స్వాగతం పలికేందుకు తరలివెళ్ళిన తెలుగు తమ్ముళ్ళు

నార్పల: ఎమ్మెల్సీ పదవి చేపట్టి హైదరాబాద్ నుంచి నార్పలకు వస్తున్న శమంతకమణికి ఘనంగా స్వాగతం పలికేందుకు సుమారు 30 వాహనాలతో తెలు గు తమ్ముళ్ళు తరలివెళ్లారు. టీడీపీ అనంతపురం మార్కెట్ యార్డ్ మాజీ చై ర్మన్ ఆలం నరసానాయుడు మాట్లాడుతూ... శమంతకమణికి ఎమ్మెల్సీ పదవి ఇవ్వడం హర్షిందగ్గ విషయమన్నారు. రాష్ట్రంలోని దళితులకు టీడీపీ పెద్ద పీట వేస్తుందనడానికి ఇదే నిదర్శనమన్నారు. కార్యక్రమంలో టీడీపీ నాయకులు ఆ కుల ఆంజనేయులు, రామ్మోహన్ చౌదరి, జాఫర్ వలి, ప్రతాప్ చౌదరి, పిట్టురంగారెడ్డి, నాయనపల్లిరాజు, బండి చంద్రమోహన్, చికెన్ గోపాల్, కొట్టం నరసింహ, పీఎల్ లక్ష్మినారాయణ, చంద్రబాబు, సుబ్బరాయుడు తదితరులు పాల్గొన్నారు.