ఫ్యాక్టరీ వద్దని ఎవరైనా అంటున్నారా? విశాఖ ఉక్కుకు లంకెపెట్టి మాట్లాడటమేంటి? ఇంకా అందులో వివాదం ఏముంది? కేసీఆర్ ఎంపీ. అభివృద్ధి కావాలంటే ఆయన పార్లమెంటులో మాట్లాడాలి. ఇతర పార్టీలను కలుపుకోవాలి. బయ్యారం కోసం విశాఖను ద్వేషించాల్సిన అవసరం లేదు' అన్నారు. ఓబుళాపురం గనుల్లో ఇనుప ఖనిజం తవ్వుకోవడానికి బ్రహ్మణిస్టీల్స్‌ను తెర ముందు చూపించిన విషయం చిన్నపిల్లలకు కూడా తెలుసునని, దానిని రద్దు చేయడానికి కిరణ్ సర్కారు ఇంత కాలం తీసుకోవడం విచిత్రమని అన్నారు.

విశాఖపట్నం

తనను విమర్శిస్తున్న షర్మిల, బొత్స వంటి నేతలెవ్వరికీ క్యారెక్టర్లు లేవని, అలాంటివారు చేసే విమర్శలు, ఆరోపణలను పట్టించుకోనక్కర్లేదని టీడీపీ కార్యకర్తలకు చంద్రబాబు చెప్పారు. పార్టీ కోసం కష్టపడి పనిచేసే ఇన్‌చార్జులకే వచ్చే ఎన్నికల్లో టిక్కెట్లు ఇస్తామని ఆయన ప్రకటించారు. గతంలో ఎన్నికల నోటిఫికేషన్ వెలువడిన తర్వాత అభ్యర్థులను ప్రకటించేవారమని, కానీ ఈసారి ముందే ప్రకటిస్తామని చెప్పారు. గెలవలేనివారికి టిక్కెట్లిచ్చి ప్రతిపక్షంలో కూర్చోవడానికి పార్టీ సిద్ధంగా లేదన్నారు. నియోజకవర్గ ఇన్‌చార్జులకే టిక్కెట్లు ఇస్తానని తానెక్కడా అనలేదని, గత ఎన్నికల్లో టీడీపీ ఓడిపోయినచోట్ల పార్టీ పటిష్ఠం కావడానికే ఇన్‌చార్జులను నియమించామని చెప్పారు.

వారిలో కొందరు బస్సులో సీటు కోసం తువ్వాలు వేసిన చందంగా టిక్కెట్టు తమకే అన్నట్టు ధీమాగా ఉంటున్నారని, వాళ్లు పద్ధతి మార్చుకోవాలని చంద్రబాబు సూచించారు. నిరంతరం ప్రజల మధ్యన ఉంటూ, కార్యకర్తల కష్టాల్లో పాలుపంచుకున్న వారే నిజమైన ఇన్‌చార్జులని, కష్టపడి పనిచేసేవారికే టిక్కెట్లిస్తానని స్పష్టం చేశారు. "రాష్ట్రంలో చట్టాలను అమలుచేయాల్సిన హోంమంత్రి సబితారెడ్డి ఓ నేరస్థురాలు.

ఓబుళాపురం గనుల కేసులో ఆమె ఏ-4 నిందితురాలు. ఇలాంటి వారు మంత్రులైతే ప్రజలకు ఏం న్యాయం జరుగుతుంది'' అని టీడీపీ అధినేత చంద్రబాబు ప్రశ్నించారు. 'సిమ్స్' సంస్థ వల్ల మోసపోయిన కొందరు చంద్రబాబు ఎదుట తమ గోడు వెళ్లబోసుకున్నారు. మంత్రి గంటా శ్రీనివాసరావు వల్ల తమకు తీరని అన్యాయం జరిగిందని ఆవేదన వ్యక్తంచేశారు. దీనిపై స్పందించిన చంద్రబాబు, ఈ ప్రభుత్వం గుడ్డి దున్నపోతుతో సమానమని, కాంగ్రెస్ పాలనలో ఎవరికీ న్యాయం జరగదని అన్నారు. సిమ్స్ బాధితులకు న్యాయం జరిగేవరకు టీడీపీ అండగా నిలుస్తుందన్నారు.

డ్వాక్రా రుణభారం తగ్గించే చర్యలు తీసుకుంటామని, మహిళలకు లక్ష లోపు వడ్డీలేని రుణాలు ఇస్తామని, ఏడాదికి పది సిలిండర్లు సబ్సిడీపై అందిస్తామని, బెల్టుషాపులు రద్దుచేస్తామని, విద్యార్థినులందరికీ ఉచితంగా సైకిళ్లు పంపిణీ చేస్తామని చెప్పారు. ఆడపిల్లలకు సమాన విద్యావకాశాలు, చట్టసభ ల్లో మహిళా రిజర్వేషన్లు అమలుచేస్తామన్నారు. పని ప్రదేశాల్లో మహిళలపై వేధింపులకు అడ్డుకట్టపడేలా చర్యలు తీసుకుంటామని, అత్యాచారాల నిరోధానికి, ఈవ్‌టీజింగ్ నివారణకు ప్రత్యేకదళం ఏర్పాటుచేస్తామని, భ్రూణహత్యల నివారణకు కఠిన చట్టాలు చేస్తామని, బాలికా శిశు సంరక్షణ చర్యలు తీసుకుంటామని తెలిపారు.

మహిళల ఉపాధి అవకాశాలకు పెద్దపీట వేస్తామని, గ్రామీణ మహిళల ఆర్థికాభ్యున్నతికి డ్వాక్రా అమలును పటిష్ఠం చేస్తామని, గ్రామీణ ప్రాంతాల్లో ఉపాధికి బాటలు వేస్తామని, ఎదిగిన ఆడపిల్లలకు కుట్టు, వస్త్ర పరిశ్రమల్లో శిక్షణ ఇప్పిస్తామని, వ్యాపార, పారిశ్రామిక రంగాల్లోనూ వారిని ప్రోత్సహిస్తామని వివరించారు. ఎన్టీఆర్ సుజల స్రవంతి పథకంతో మంచినీటి సమస్యను తీరుస్తామన్నారు.చక్రం తిప్పేది మనమే కేంద్రంలో, రాష్ట్రంలో ఈసారి చక్రం తిప్పేది టీడీపీయేనని ధీమా వ్యక్తంచేశారు. టీడీపీ చెప్పినవారే ప్రధాని అవుతారని, తమపార్టీ ఎవరికి మద్దతిస్తే వారే కేంద్రంలో ప్రభుత్వం ఏర్పాటు చేస్తారన్నారు. జైలుకు పోయే పార్టీ మనకు వద్దన్నారు.

తల్లి కాంగ్రెస్, పిల్ల కాంగ్రెస్ అవినీతి ఊబిలో కూరుకుపోయాయన్నారు. మరో పార్టీ టీఆర్ఎస్ 2014 ఎన్నికల్లో గల్లంతవుతుందన్నారు. ఇది దోపిడీ రాజ్యం, దొంగల రాజ్యమని, పనికిమాలిన ప్రభుత్వమని చంద్రబాబు ధ్వజమెత్తారు. రాంకీ, ఫార్మాసిటీ, బ్రాండిక్స్ వంటి సంస్థల్లో లక్షలాదిమందికి ఉపాధి కల్పించాల్సి ఉండగా, కనీసం వేలల్లో కూడా కల్పించలేదన్నారు. లక్ష కోట్లు మింగినందుకు రాష్ట్రంలో వైఎస్ విగ్రహాలు లక్ష ఏర్పాటు చేశారా అని ప్రశ్నించారు. తప్పుడు కంపెనీలతో లక్ష కోట్లు సేకరించి కొడుకును జైలుకు పంపిన ఘనత కూడా వైఎస్‌దేనన్నారు.

ప్రజలు దగా పడ్డారని, అవినీతి ప్రభుత్వం నుంచి రక్షించుకోవాల్సిన బాధ్యత ఉంది కాబట్టే తాను 'మీ కోసం' పాదయాత్ర చేస్తున్నానన్నారు. ఒక కుటుంబం తప్పులకు రాష్ట్రం పరువు పోయిందన్నారు. పిల్ల కాంగ్రెస్‌లో చేరడానికి కొందరు చం చల్‌గూడ జైలుకు వెళ్లి కొబ్బరికాయ కొట్టి వస్తున్నారని, అలాంటి నేతలకు బుద్ధిచెప్పాలని ప్రజలకు పిలుపునిచ్చారు. వైఎస్ ఎప్పుడూ గాలి జనార్దన్‌రెడ్డిని తన పెద్ద కుమారుడిగా, జగన్‌ను రెండో కుమారుడిగా చెప్పుకొనేవారని, ప్రస్తుతం ఇద్దరూ జైలు ఊచలు లెక్కబెడుతున్నారన్నారు. సింహాచలం అప్పన్నస్వామికి బంగారు ఊయల లేకపోయినా.. గాలి జనార్దన్‌రెడ్డి ఒళ్లు, ఇళ్లు అన్నీ బంగారంతో నిండిపోయాయన్నారు.

వైఎస్, గాలి ఎంత సంపాదించినా తినలేని పరిస్థితి ఉందన్నారు. ఫోక్స్‌వేగన్ కుంభకోణంలో ప్రజల సొమ్ము మింగిన ఆ కంపెనీ ప్రతినిధి షూష్టర్ ప్రస్తుతం జైల్లో ఉండగా అందులో ప్రధాన పాత్రధారి, లిక్కర్ డాన్ బొత్స సత్యనారాయణ కు పీసీసీ అధ్యక్ష పదవి కట్టబెట్టిన ఘనత కాంగ్రెస్‌దేనన్నారు. ముద్దాయిగా సీబీఐ పేర్కొన్నా హోంమంత్రి ఇంకా పోలీసులకు ఆదేశాలు జారీచేయడం సిగ్గుచేటన్నారు.

చంద్రబాబు గురువారంతో 2800 కిలోమీటర్ల పాదయాత్ర పూర్తిచేశారు. విశాఖజిల్లా సబ్బవరం మండలం అమృతపురంలో అడుగుపెట్టడంతో ఈ మైలురాయిని చేరుకున్నారు. ఈ సందర్భం గా పెందుర్తి పార్టీ ఇన్‌చార్జి బండారు సత్యనారాయణమూర్తి నేతృత్వంలో నేతలు స్వాగతం పలికారు. 'చంద్రబాబునాయుడుకు శుభాకాంక్షలు' అంటూ కాంతినిచ్చే బాణాసంచా కాల్చారు.

ప్రపంచంలో ఎక్కడా లేని విధంగా చంద్రబాబునాయుడు ఏడు నెలలు పాదయాత్ర పూర్తి చేశారని అ న్నారు. ఈనెల 27న చంద్రబాబు నా యుడి పర్యటన ముగింపు సందర్భం గా వైజాగ్‌లో జరిగే కార్యక్రమానికి జి ల్లాలోని పది నియోజక వర్గాల నుంచి ఐదు వేల మందిని జన సమీకరణ చేసి తరలిస్తున్నట్లు తెలిపారు. జిల్లా నుంచి ప్రజలను, కార్యకర్తలను తరలించడాని కి ఈనెల 26న ప్రత్యేక రైలులో మధ్యా హ్నం 12 గంటలకు తీసుకవెళ్తున్నట్లు తెలిపారు. ఈ శుభ పరిణామాన్ని పురస్కరించుకొని జిల్లా నుంచి పెద్ద సం ఖ్యలో తరలిస్తున్నామన్నారు.

టీఆర్ఎస్ అధినేత చంద్రశేఖర్‌రావుకు తెలంగాణపై చిత్తశుద్ధి లేదని, కేవలం ఫామ్‌హౌస్‌కే పరిమితమయ్యారన్నారు. తె లంగాణ ప్రత్యేక రాష్ట్రం కోసం జిల్లా నుంచి తనతో పాటు ఇతర ఎంపీలం క లిసి తెలంగాణ వాదాన్ని పార్లమెంటు లో వినిపించినప్పటికీ కేసీఆర్ మాత్రం పెదవి విప్పకపోవడం సిగ్గుచేటన్నారు. కేవలం రాజకీయ లబ్ది కోసం తెలంగా ణ ఉద్యమాన్ని అడ్డం పెట్టుకొని నాటకాలు ఆడుతున్నారన్నారు.

బయ్యారం గనులపై గతంలో టీడీపీ ఎత్తి చూపిందని, న్యాయస్థానం తీర్పు ఇచ్చిన అ నంతరం కేసీఆర్ మాట్లాడడం సిగ్గుచేటన్నారు. ప్రజల్లో టీడీపీకి ఆదరణ పె రుగుతోందని, ప్రజల గుండెల్లో తెలుగుదేశం పార్టీ నిలిచే ఉందన్నారు. ప్ర త్యేక తెలంగాణ కోసం టీడీపీ కట్టుబడి ఉందని గుర్తు చేశారు. అవినీతి పరులకు టీడీపీ పార్టీ తగిన సమయంలో బుద్ధి చెబుతుందన్నారు. ప్రజా సమస్యల పరిష్కారంలో కాంగ్రెస్ ప్రభు త్వం పూర్తిగా నిర్లక్ష్యధోరణి అవలంభిస్తుందని, రాష్ట్రంలో సమస్యలతో రాజ్యమేలుతుందన్నారు.

టీడీపీ జిల్లా అధ్యక్షుడు గేడం నగేష్ మాట్లాడుతూ కాం గ్రెస్ ప్రభుత్వ హయంలో ప్రజా సమస్యలను గాలికి వదిలేసి తమ పదవుల ను కాపాడుకోవడానికే నాయకులు పరిమితమయ్యారన్నారు. రైతాంగ సమస్యలను పూర్తిగా విస్మరించడంతో రైతు లు ఇబ్బందుల్లో ఉన్నారన్నారు. రా ష్ట్రంలో ప్రభుత్వం ఉందా లేదా అనే విధంగా ఉందని విమర్శించారు. రైతు ప్రభుత్వమని చెప్పుకుంటున్న కాంగ్రె స్ ప్రభుత్వం రైతాంగ సమస్యలను పట్టించుకోవడం లేదన్నారు. ఎస్సీ, ఎస్టీ సబ్‌ప్లాన్ చేస్తామని సీఎం కిరణ్‌కుమార్ రెడ్డి చెబుతున్నప్పటికీ గిరిజ న ప్రాంతాలను విస్మరించి కంటి తు డుపు చర్యగా చేస్తామని చెప్పడం సరికాదన్నారు.

ఎస్సీ, ఎస్టీ సబ్‌ప్లాన్‌లో ఎస్సీ, ఎస్టీ ఉపకులాల్లో ఉన్న వారందరికి న్యాయం చేయాలని డిమాండ్ చేశారు. ఈ విలేకరుల సమావేశంలో నియోజక వర్గ ఇన్‌చార్జి పాయల శం కర్, నాయకులు యునూస్ అక్బాని, బుచ్చి లింగం, జాదవ్ బలరాం నా యక్, ముథోల్ నియోజక వర్గ ఇన్‌చా ర్జి నగర్ నారాయణరెడ్డి, మాజీ ఎమ్మె ల్యే పాటి సుభద్ర ఉన్నారు.

టీడీపీ నాయకులతో చంద్రబాబు టెలీకాన్ఫరెన్స్ టీడీపీ నాయకులతో ఆ పార్టీ అధినేత చంద్రబాబునాయుడు బుధవారం టెలికాన్ఫరెన్స్ నిర్వహించారు. ఈ సందర్భంగా వైజాగ్‌లో నిర్వహిం చే ముగింపు కార్యక్రమానికి కార్యకర్త ల తరలింపు, సౌకర్యాలు, ఏర్పాట్లు ఎ లా ఉన్నాయని అడిగి తెలుసుకున్నా రు. ఈ కార్యక్రమంలో ఎంపీ రాథోడ్ రమేష్, పార్టీ జిల్లా అధ్యక్షులు గెడం నగేష్, పార్టీ నాయకులు ఉన్నారు.

తెలుగుదేశంపార్టీలో పని చేసే అధినాయకుడి నుంచి కార్యకర్త వరకూ ఒకే కుటుంబం అంటూ కొత్త నిర్వచనం ఇచ్చారు. పార్టీలో ఎవరికి ఏ ఆపద వచ్చినా అందరూ వెన్నెంటే ఉండాలని చెబుతున్న చంద్రబాబు సుదీర్ఘ పాదయాత్రలో ప్రతి చోటా అక్కడి ముఖ్యనాయకుల కుటుంబాలను ప్రత్యేకంగా కలుసుకుంటున్నారు. ప్రతి నియోజకవర్గంలో ఎమ్మెల్యే, ఇన్‌చార్జి, ఇతర ముఖ్య నాయకుల కుటుంబాలను క్యాంపువద్దకు పిలుపించుకొని వారితో కొద్దిసేపు ముచ్చటిస్తున్నారు. వారి యోగక్షేమాలు తెలుసుకుంటు

వారితోకలిసి ఫొటోలు దిగుతున్నారు. జిల్లాలో తొలుత నర్సీపట్నంలో చింతకాయల అయ్యన్నపాత్రుడు కుటుంబసభ్యులను శృంగవరం క్యాంపులో కలుసుకున్నారు. వారితో అరగంటకుపైగా మాట్లాడి ఉల్లాసంగా కనిపించారు. అనకాపల్లి నియోజకవర్గం వచ్చేసరికి మంగళవారం కశింకోటలో దాడి వీరభద్రరావు కుటుంబసభ్యులతో కలిసి ముచ్చటించారు. ఇంకా పలువురు ముఖ్యనాయకుల కుటుంబసభ్యులను బాబు క్యాంపు వద్ద కలిశారు. సమావేశాల్లో కూడా చంద్రబాబు మాట్లాడుతూ కుటుంబాన్ని, పార్టీని వేరుగా చూడకూడదన్న అభిప్రాయాన్ని పదేపదే వెల్లడిస్తున్నారు. కుటుంబ బాంధవ్యాలు మనదగ్గరే ఎక్కువంటూ ఆయన చెప్పడం పార్టీ కార్యకర్తల్లో కొత్త ఉత్సాహాన్ని నింపుతోంది.

పలువురు తమ మనసులో భావాలను, బాధను అధినేతతో పంచుకుంటున్నారు. కొందరికైతే ఆయన కొద్దో గొప్పో నగదు రూపేనా సాయపడుతున్నారు. ఈ సందర్భంగా ఆయన భారతీయ వివాహ వ్యవస్థ, కుటుంబ వ్యవస్థపై కార్యకర్తలకు వివరణిస్తూ భారతీయ కుటుంబ వ్యవస్థ ప్రపంచానికి ఆదర్శమంటూ విశ్లేషించారు. అటువంటి సాంప్రదాయం తెలుగుదేశంపార్టీలో కొనసాగుతుందని చెప్పడం చంద్రబాబులో 'ఫ్యామిలీ సెంట్‌మెంట్ ' స్పష్టమవుతున్నది.

హైదరాబాద్

ఇప్పటికే కరెంటు చార్జీలు విపరీతంగా పెంచి ప్రజలను ఇబ్బందులకు గురి చేస్తున్న ప్రభుత్వం మళ్లీ సర్‌చార్జ్‌ల పెంపుతో ప్రజలపై మోయలేని భారం పడుతుందని, ఈ బిల్లులను పేద ప్రజలు ఎలా కడతారని ఆగ్రహం వ్యక్తం చేశారు. కరెంటు కోత సమస్యలు, చార్జీల పెరుగుదల సమస్యలను వెంటనే పరిష్కరించాలని ఆయన అన్నారు.

విశాఖపట్నం

గురువారం విశాఖ జిల్లా సబ్బవరం సమీపంలో జరిగిన ఎలమంచిలి, విశాఖ తూర్పు నియోజకవర్గాల సమీక్ష సమావేశంలో మాట్లాడుతూ, వైఎస్ ముఖ్యమంత్రిగా వున్నప్పుడు రాష్ట్రంలో జరిగిన వనరుల దోపిడీ దేశంలో మరెక్కడ జరగలేదన్నారు. అక్రమాస్తుల కేసుల్లో జైలులో వున్న జగన్ అక్కడి నుంచే రాజకీయాలు చేస్తున్నారని ఆరోపించారు. జగన్ ఆస్తులను జప్తు చేస్తే భవిష్యత్తులో ఎవరూ ఇటువంటి అక్రమాలకు, మోసాలకు పాల్పడరని ఆయన అభిప్రాయపడ్డారు.