'దుబాయిలో కేవీపీకి షాపింగ్ మాల్స్, నివాస అపార్టుమెంట్లు ఉన్నాయి. దుబాయిలో పెట్రోలు బావులు కొనాలని ఒక షేక్‌కు రూ. 450 కోట్లు ఇచ్చి మోసపోయాడు. వాటిని రాబట్టుకోవడానికి పెద్ద పోరాటం చేసినా ఫలించలేదు. ఆయనకు ఇన్ని కోట్లు ఎక్కడ నుంచి వచ్చాయో సీబీఐ విచారించాలి' అని ముద్దు కోరారు.

గతంలో కాంగ్రెస్ పార్టీకి సన్నిహితంగా ఉండటంతో ఆయన అవినీతిపై కొంత ఉపేక్ష వహించారని, ఇటీవల జగన్‌తో లోపాయికారీ సంబంధాలు పెట్టుకోవడంతో సీబీఐ రంగంలోకి దిగిందని గాలి వ్యాఖ్యానించారు. 'తన దగ్గరి బంధువు పార్థసారథిని ఎగ్జిక్యూటివ్ డైరెక్టర్‌గా చేయడం ద్వారా ఏపీఐఐసీని తన జేబు సంస్థగా మార్చుకొన్నారు.' అని ముద్దు ఆరోపించారు.

గుంటూరు: సహకార ఎన్నికల్లో వలే స్థానిక సంస్థల ఎన్నికల్లోనూ కాంగ్రెస్ పార్టీ అక్రమాలకు తెర లేపిందని తెలుగుదేశం పార్టీ అధికార ప్రతినిధి కోడెల శివప్రసాద రావు ఆరోపించారు. శుక్రవారం గుంటూరులో ఆయన విలేకరులతో మాట్లాడారు. ఎన్నికల్లో టీడీపీని ఎదుర్కొనే సత్తా లేని కాంగ్రెస్ పార్టీ ఓటర్ జాబితాల్లో అక్రమంగా చేర్పులను చేపడుతున్నదన్నారు. నరసరావుపేటలోని ఓటర్లను తీసుకెళ్లి టీడీపీకి పట్టు ఉన్న గ్రామాల్లో ప్రభుత్వం చేర్చిందన్నారు. దానివల్ల రెండుచోట్ల కాంగ్రెస్ వారు ఓట్లు వేయడానికి కలుగుతుందన్నారు. ఈ అక్రమాలను సవరించకపోతే ప్రభుత్వంపై రాష్ట్రవ్యాప్త ఉద్యమం చేపడతామని హెచ్చరించారు.

హైదరాబాద్ : విద్యుత్ సమస్యలపై ప్రభుత్వం అసెంబ్లీలో చర్చ జరపాలని టీడీపీ ఎమ్మెల్యేలు అసెంబ్లీలోనే చేపట్టిన దీక్షను పోలీసులు భగ్నం చేశారు. శుక్రవారం అసెంబ్లీలో విద్యుత్ ఛార్జీల పెంపుదల విషయంపై చర్చ చేపట్టాలని డిమాండ్ చేసినా ప్రభుత్వం సభను వాయిదా వేయడంతో టీడీపీ సభ్యులు అసెంబ్లీలోనే దీక్షలు చేపట్టారు. దాదాపు 56 మంది టీడీపీకి చెందిన శాసనసభ్యులు శుక్రవారం మధ్యాహ్నం 12 గంటల నుంచి దీక్షలో ఉండటంతో అసెంబ్లీ వద్ద ఉద్రిక్త వాతావరణం నెలకొంది.

మధ్యాహ్నం నుంచే పోలీసులు అసెంబ్లీ ఆవరణలో మోహరించారు. ఏ క్షణంలోనైనా పోలీసులు టీడీపీ ఎమ్మెల్యేలను అరెస్టు చేస్తారని సూచనలు కనిపించాయి. రాత్రి 11.30 గంటల సమయంలో పోలీసులు అసెంబ్లీలోకి ప్రవేశించి అన్నీ గేట్లను మూసివేసి ఒక్క గేట్‌ను మాత్రమే తెరిచి ఉంచారు. విద్యుత్ సరఫరా నిలిపివేసి పోలీసులు టీడీపీ సభ్యులను ఎన్టీఆర్ ట్రస్టు భవన్‌కు తరలించారు.

దీక్షలో పాల్గొన్న సుమారు 56 మంది టీడీపీ సభ్యులను అర్ధరాత్రి సమయంలో వ్యాన్లలో తరలించారు. చంద్రబాబు ఎప్పటికప్పుడు టీడీపీ ఎమ్మెల్యేలకు సూచనలు అందజేస్తూనే ఉన్నారు. ఎమ్మెల్యేలను ఎక్కడికి తరలిస్తారనే విషయం వారికే అర్థం కాలేదు. రెండు బస్సులు, పలు కార్లలో వారిని తరలించారు. ఈ సందర్భంగా ఎమ్మెల్యే పయ్యావుల కేశవ్ మీడియాతో ఫోన్‌లో మాట్లాడుతూ విద్యుత్ సమస్యలపై పోరాటం చేస్తున్న తమను ప్రభుత్వం అమానుషంగా అరెస్టు చేసిందని విమర్శించారు.

ఎక్కడికి తరలంచినా తాము అక్కడే దీక్ష చేపడతామని, అక్కడి నుంచే శనివారం అసెంబ్లీకి వెళ్లతామన్నారు. శనివారం అసెంబ్లీలో ఎమ్మెల్యేలు అవలంభించాల్సిన వైఖరిపై చంద్రబాబు తగు సూచనలు చేశారని సమాచారం. శనివారం అసెంబ్లీలో బ్లాక్ పేపర్‌ను ప్రవేశపెట్టాలని సూచించినట్లు తెలిసింది. తాము ఏమి చేస్తే బాగుంటుందని ప్రజల నుంచి సలహాలను సేకరించాలని ఎమ్మెల్యేలకు చంద్రబాబు ఫోన్ల ద్వారా సూచించినట్లు సమాచారం.

  కాకినాడ : వైఎస్ సీఎంగా ఉండగా ఎక్కువ రేటుకు ప్రైవేట్ సంస్థల నుంచి విద్యుత్ కొనుగోలు చేసిన పాపం ఇపుడు పేద, మధ్యతరగతి ప్రజల్ని సర్‌చార్జీల రూపంలో వెంటాడుతోందని టీడీపీ అధినేత చంద్రబాబు ఆరోపించారు. తూర్పుగోదావరి జిల్లా రాజమండ్రి రూరల్ మండలం కొమ్మూరు వద్ద ఆయన శుక్రవారం పాదయాత్ర ఆరంభించారు. ధవళేశ్వరం, ఎర్రగుండ పప్పువారి సెంటర్, కాటన్‌దొర బ్రిడ్జి, వేమగిరి ఎస్సీపేట, కడియం దాకా నడిచారు. ఈ సందర్భంగా రాష్ట్రాన్ని అంధకారంలోకి నెడుతున్న విద్యుత్ సమస్యపై తీవ్రంగా ఆవేదన వ్యక్తం చేశారు. "1994లో సంస్కరణలు ప్రవేశపెట్టి రాష్ట్రంలో విద్యుత్ కోతలు లేకుండా చేశాను.

ఇప్పుడీ కాంగ్రెస్ దొంగలు వచ్చి రాష్ట్రాన్ని చీకటి రాజ్యంగా మార్చేశారు. సర్‌చార్జీలరూపంలో పేద, మ ధ్యతరగతి ప్రజలపై వేల కోట్ల రూపాయలు భారం పడుతోంది'' అని పేర్కొన్నారు. కరెంటు లేకపోయినా ఈ చార్జీలేమిటని ఘాటుగా ప్రశ్నించారు. "మీరొస్తే కానీ ఈ కరెంటు కష్టాలు తీరి, మాకు ఉపాధి దొరకదు సార్!'' అని ఓ యువకుడు అనగా, "తమ్ముడూ! ఈసారి మనమే అధికారంలోకి వస్తాం'' అని ధీమాగా పలికారు.

"ప్రైవేటు కంపెనీల నుంచి వైఎస్ ముడుపులు తీసుకొని.. యూనిట్ రూ. 14కి కొనుగోలు చేశారు. విద్యుత్ రంగాన్ని అతలాకుతలం చేశారు. అదే వరసలో ఇప్పుడు కిరణ్ కూడా ప్లాంట్ల నుంచి ముడుపులు అందుకుని కరెంటు కష్టాలు తెచ్చార''ని దుయ్యబట్టారు. కాగా, పార్టీ అధికారంలోకి వస్తే డ్వాక్రా మహిళలకు వడ్డీలేని రుణాలు ఇస్తామన్న ఆయన.. ఇప్పటి వరకు చెల్లించిన వడ్డీనీ తిరిగి ఇప్పిస్తామని హామీ ఇచ్చారు. రుణమాఫీ కూడా చేస్తామన్నారు.

షెడ్యూల్‌లో స్వల్ప మార్పు: చంద్రబాబు రోజువారీ నడకలో స్వల్ప మార్పులు చేశారు. వీలైనంత త్వరగా గమ్యాన్ని చేరేందుకు ఆయన రోజుకు 12 నుంచి 16 కిలోమీటర్ల మేర నడిస్తున్న విషయం తెలిసిందే. అయితే.. రాబోయే వేసవి ఎండల తీవ్రతను దృష్టిలో ఉంచుకుని ముందు జాగ్రత్తగా చంద్రబాబు పాదయాత్రలో స్వల్ప మార్పులు చేయాలని టీడీపీ నేతలు నిర్ణయించారు. ఇకపై ఆయన 10 కిలోమీటర్ల లోపే పాదయాత్ర చేయరని వారు చెబుతున్నారు.

దీనివల్ల తూర్పుగోదావరి జిల్లాల్లో ఆయన యాత్ర అదనంగా మూడు రోజులు ( 16) సాగనుంది. మరోవైపు, అర్ధరాత్రి దాటినా పాదయాత్రలో జనం రద్దీ ఏమాత్రం తగ్గడం లేదు. విద్యుత్ కోతల సమస్యను ఎక్కువగా ఆయన దృష్టికి తీసుకువస్తున్నారు. ఇదిలాఉండగా, సమీక్షల్లోనూ చంద్రబాబు కొత్త పుంతలు తొక్కు తున్నారు. రోజూ మధ్యాహ్నం 12 గంటల నుంచి 2 గంటల వరకు ఒకటి, రెండు అసెంబ్లీ నియోజకవర్గాల సమీక్ష సమావేశం నిర్వహిస్తున్నారు.

అమ్మవారికి ప్రత్యేక పూజలు నిర్వహిస్తారు. తునిలో మిత్రుడి ఇంట్లో బాలకృష్ణ మధ్యాహ్నం భోజనం చేస్తారు. అనంతరం పాయకరావుపేట నియోజకవర్గంలోని అంకంపేట, కందిపూడి, రాజగోపాలపురం, కుమారపురం గ్రామాల్లో టీడీపీ నాయకులు, ఎన్టీఆర్, బాలకృష్ణ అభిమానులు ఏర్పాటు చేసిన ఎన్టీఆర్ విగ్రహాలను ఆవిష్కరించి బహిరంగసభలో మాట్లాడతారు. అనంతరం విశాఖ విమానాశ్రయం చేరుకుని హైదరాబాద్ వెళతారని బాలకృష్ణ మిత్రుడు, టీడీపీ మైనారిటీ విభాగం రాష్ట్ర కార్యనిర్వాహక కార్యదర్శి ఎండీ జహీరుద్దీన్ జిలానీ చెప్పారు.

విశాఖపట్నం : ప్రముఖ హీరో బాలకృష్ణ శుక్రవారం ఉదయం విశాఖకు చేరుకున్నారు. ఎయిర్‌పోర్టులో ఆయనకు టీడీపీ కార్యకర్తలు, అభిమానులు ఘనస్వాగతం పలికారు. రేపు(శనివారం) పాయకరావుపేటలో బాలకృష్ణ పర్యటించనున్నారు. అక్కడ వివిధ కార్యక్రమాలలో బాలకృష్ణ పాల్గొననున్నారు.

హైదరాబాద్: శాసనసభ బడ్జెట్ సమావేశాలు శనివారం నాటికి వాయిదా వేయడంతో తెలుగుదేశం పార్టీ నేతలు నిరసన వ్యక్తం చేశారు. సభ వాయిదా పడినప్పటికీ సభలోనే బైఠాయించి నిరసన తెలిపారు. సభను ఎలా వాయిదా వేస్తారంటూ టీడీపీ ఎమ్మెల్యేలు అక్కడే బైఠాయించారు.

మరోవైపు సభలో ఎలాంటి చర్చలు జరపకుండా వాయిదా వేసుకుంటూపోతే ప్రజాధనం వృథా అవుతుందని, అసలు ప్రజాసమస్యలపై ఇంకెప్పుడు చర్చిస్తారని సీపీఎం, టీఆర్‌ఎస్‌ సభ్యులు ప్రశ్నించారు.