పాయాత్ర మార్గంలో అందరినీ దగ్గరగా పలకరించారు. కేసుల పేరిట వేధిస్తున్న జిల్లా మంత్రులను ఖబడ్దార్...అంటూ హెచ్చరించి పార్టీ నేతలు, కార్యకర్తల్లో ఆత్మస్థయిర్యం నింపారు.

చంద్రబాబు 'వస్తున్నా.. మీకోసం' పాద యాత్రకు శుక్రవారం నాటికి 109 వ రోజు. కోదాడ పట్టణంలో సుమారు 16 కి.మీ.ల మేర సాగిన పాదయాత్రను జనం భారీగా అనుసరించారు. ఉదయాన్నే జిల్లా నలుమూలలనుంచి కార్యకర్తలు, అభిమానులు భారీగా కోదాడ చేరుకున్నారు. పట్టణంలో పా దయాత్ర ప్రారంభంనుంచి ముగింపు వరకు అధినాయకుడి వెంటే వారు నడిచారు. ఎడ్లబండ్లు, గొర్రెపిల్లలు చంద్రబాబుకు బహూకరించి తమ అభిమానాన్ని చాటుకున్నారు. ఉదయం బస్సు నుంచి దిగగానే కిట్స్ కళాశాల ప్రాంగణంలో ఎన్టీఆర్‌కు ఘనంగా నివాళులర్పించారు. కార్యక్రమానికి జిల్లా వ్యాప్తంగా నేతలు కదిలివచ్చారు.

అక్కడినుంచి కిట్స్ కళాశాలలో సదస్సుకు చేరుకోగా పెద్దసంఖ్యలో విద్యార్థినులు పూలతో చంద్రబాబును స్వాగతించా రు. జాబ్ రావాలంటే బాబు సీఎం కావాలంటూ విద్యార్థినీ విద్యార్థులు పెద్దపెట్టున నినదించారు. కోదాడ పట్టణంలోకి ప్రవేశిస్తుండగా వేదపండితులు పూర్ణకుంభంతో స్వాగతం పలికారు. ఎమ్మెల్యే చందర్‌రావు ఇంటివద్ద వంద మంది మహిళలు మంగళహారతులు పట్టారు. చెప్పులు కుట్టే పల్లె వెంకటేశ్వర్లు... చంద్రబాబు కోసం ప్ర త్యేకంగా తయారుచేసిన చెప్పులను అందజేశాడు. ఖమ్మం క్రాస్‌రోడ్డులో ఎన్టీఆర్ విగ్రహావిష్కరణకు జనం పో టెత్తారు.

కోదాడ పట్టణ ప్రధాన రహదారులు జనంతో నిండిపోయాయి. పట్టణంలో పాదయాత్ర సాగినంతసేపు మహిళలు, పిల్లలు రోడ్లపైకి వచ్చి, భవనాలపైకి ఎక్కి విక్టరీ సింబల్‌తో రెండు వేళ్లు ఊపుతూ చంద్రబాబును ఉత్సాహపరిచారు. మత్య్సకారులు చేపలు పట్టే వలతో పాటు ఓ చేపను చంద్రబాబుకు అందించారు. దళితులు రోడ్లపై నీళ్లు చల్లి, కాలనీ మొత్తం రంగురంగుల రబ్బరు బెలూన్‌లు కట్టి స్వాగతం పలికారు. యువకులు భారీ జెండాలు, పెద్ద సంఖ్యలో ద్విచక్రవాహనాలతో చంద్రబాబును అనుసరించడం ప్రత్యేక ఆకర్షణగా నిలిచింది. చంద్రబాబు పాదయాత్ర మార్గంలో ఉన్న ప్రతి విద్యాసంస్థల విద్యార్థులు రోడ్లకు ఇరువైపులా నిల్చుని స్వాగతం పలికారు.

ప్రజా సమస్యలు తెలుసుకునేందుకు పాదయాత్ర చేస్తున్న చంద్రబాబుకు కోదాడలో వినతులు వెల్లువెత్తాయి. పీఆర్సీ, పదోన్నతులు, మహి ళా ఉద్యోగుల సౌకర్యాలు సాధించేందుకు సహకరించాలని టీఎన్‌యుఎస్ ఉపాధ్యాయ సంఘం ఆధ్వర్యంలో పెద్ద సంఖ్యలో ఉపాధ్యాయులు చంద్రబాబును కలిశారు. ప్రైవేట్ పాఠశాలల్లో పనిచేసే ఉద్యోగులకు భద్రత కల్పించాలని సామాజిక కార్యకర్త కొల్లు వెంకటేశ్వరరావు విజ్ఞప్తి చేశారు. తమ సమస్యలు పరిష్కరించాలని ఆర్యవైశ్యసంఘ నాయకులు బాబుకు వినతిపత్రం సమర్పించారు. కోర్టు సమీపంలో న్యాయవాదులు తమ సమస్యల వినతిపత్రం అందించారు.

ఉదయం ఇంజనీరింగ్ కళాశాల విద్యార్థులతో ముఖాముఖి చర్చించిన చంద్రబాబు పాదయాత్ర క్రమంలో పలువురిని పలకరించి సమస్యలు తెలుసుకున్నారు. బజ్జీలు చేసే ప్రకాశ్ అనే వ్యక్తిని పలకరించి వ్యాపరంలో కష్టనష్టాలు తెలుసుకున్నారు. అనూస్ సెలూన్‌లోకి ప్రవేశించి నరేష్‌కు చంద్రబాబు కటింగ్ చేశారు. తదుపరి నరేష్ చేతులమీదుగా బాబు గడ్డం ట్రిమ్మింగ్ చేయించుకున్నారు. కమ్మరులను పలకరించి అధికారంలోకి వస్తే ఆదుకుంటానన్నారు. బస్టాండ్ సమీపంలో చిన్నారిని ఎత్తుకుని ముద్దుచేశారు.

చంద్రబాబు తన ప్రతి ప్రసంగంలోనూ కాంగ్రెస్, వైసీపీలను లక్ష్యంగా చేసుకుని విమర్శల జడివాన కురిపించారు. కాంగ్రెస్ హయాంలో కుంభకోణాలను సవివరంగా తెలియజేశారు. వైసీపీ ఆవిర్భావం తీరు, ప్రస్తుతం డబ్బులతో రాజకీయాలను శాసిస్తున్న తీరును దునుమాడారు. ముఖ్యమంత్రి కిరణ్‌కుమార్‌రెడ్డి అసమర్థుడు, అవినీతి రక్షకుడు అని దుయ్యబట్టారు. సీఎం వైఫల్యం మూలంగానే రాష్ట్ర అభివృద్ధి కుంటుపడిందని విమర్శించారు. తండ్రిని అడ్డంపెట్టుకుని జగన్ లక్షకోట్లు మింగేశాడని, విజయలక్ష్మి వాకిట్లో అవినీతి చెట్టు మొలిచి ప్యాలెస్‌గా ఎదిగిందని భిన్నరీతిలో ప్రసంగించి చంద్రబాబు ఆకట్టుకున్నారు.

కేసీఆర్‌కు ఒక ఉద్యోగం, ఆయన కూతురు, కొడుకు, అల్లుడికి ఉద్యోగం, పోరాటం చేస్తున్న మనకు మాత్రం ఎలాంటి ఉద్యోగాలు లేవు... తమ్ముళ్లూ...! అని యువతను ఉత్సాహపరిచారు.తెలుగుదేశం నాయకులు, కార్యకర్తలకు తాను అడుగడుగునా అండగా ఉన్నానంటూ భరోసా కల్పించారు. కార్యకర్తలపై కేసులు పెట్టి వేధిస్తే ఊరుకోనంటూ జిల్లా మంత్రులకు బహిరంగ హెచ్చరికలు జారీ చేశారు. ఉదయం, సాయంత్రం జిల్లా ముఖ్యనేతలతో నేరుగా మాట్లాడి సమస్యలు తెలుసుకుంటున్నారు. వివిధ కార్యక్రమాలలో ప్రాధాన్యం ఇవ్వడం, బాబు ఆప్యాయంగా ఆహ్వానిస్తుండడంతో అటు నేతలు ఇటు కార్యకర్తలు ఆనందంలో మునిగిపోయారు.

పాదయాత్ర క్రమంలో చంద్రబాబు హామీలు ఇస్తుండడంతో వివిధ వర్గాల్లో ఆసక్తి కనిపిస్తోంది. రైతుల రుణాలు పూర్తిగా మాఫీ, వ్యవసాయానికి తొమ్మిది గంటలు నాణ్యమైన ఉచిత విద్యుత్, గ్యాస్ ధర పెంచకపోవడం, విద్యార్థినులకు కరాటేశిక్షణ, బెల్టు షాపుల రద్దు వంటి హామీలతో మహిళల్లో మంచి స్పందన కనిపిస్తోంది. అర్హతను బట్టి ఉద్యోగం, లేదంటే నిరుద్యోగభృతి కల్పిస్తాననడంతో యువకుల్లో స్పందన వ్యక్తమయింది. జిల్లాలోని అన్ని గ్రామాలకు ఎన్టీఆర్ సుజల స్రవంతి పేరుతో సాగర్ నుంచి మంచినీళ్లు అందిస్తానని ప్రకటించగానే చప్పట్లు మార్మోగాయి.

14.8 కి.మీ. పాదయాత్రలోవివిధ వర్గాలను కలుసుకుని మాట్లాడారు. 'నాగార్జునసాగర్‌లో ఉండే ఒక మంత్రి మా నాయకుడు చిన్నపరెడ్డి జోలికి వచ్చి తప్పుడు కేసులతో వేధిస్తున్నారు. ఎస్ఎంఎస్ పెట్టారని జైలుకు పంపారు. నేను వారిలాగే అనుకుని ఉంటే ఈ మంత్రులు ఏమయ్యేవారు? ఎక్కడుండేవారు?? ప్రజాస్వామ్య పద్ధతిలో రండి. ధైర్యంగా ఎదుర్కొంటాం' అని అన్నారు. 'మీ ప్రాణాలకు నా ప్రాణాలు అడ్డం వేస్తా' అని కార్యకర్తలకు «భరోసా ఇచ్చారు. 'నాగార్జునసాగర్‌లో డెడ్ స్టోరేజీ ఉన్నా ఎమ్మెల్యేలు, పోలీసులను కాల్వలపైపెట్టి నీళ్లు ఇప్పించా. కిరికిరి సీఎంకు అవగాహన లేదు. గోదావరి, కృష్ణా ఎక్కడ పారుతుందో తెలియదు' అని కిరణ్‌కుమార్‌రెడ్డిని ఎద్దేవా చేశారు.

డ్వాక్రా సంఘాలకు పొదుపు ఉద్యమం నేర్పించానని, కట్టెల పొయ్యితో వంట చేయడం కష్టమని ఉచితంగా గ్యాస్ కనెక్షన్లు ఇప్పించాననని టీడీపీ అధినేత చెప్పారు. తాను సీఎంగా ఉన్న తొమ్మిది సంవత్సరాల కాలంలో ఒక్కసారి కూడా గ్యాస్ ధర పెంచలేదని గుర్తు చేశారు. 'నా హయాంలో కిలోచక్కెర రూ.12 ఉంటే ఇప్పుడది రూ.48కి చేరింది. పప్పు ధర రూ.22 నుంచి రూ.80కి పెరిగింది. చింతపండు కిలో రూ.20 నుంచి రూ.90కి ఎగబాకింది.

ఇలా పెరిగితే ఏం తింటారు' అని ప్రశ్నించారు. దుస్తులు, ఇళ్లు, మంచినీళ్లపై..ఇలా అన్నిటిపైనా పన్నులు పెరిగాయి. దోభీఘాట్లపై సర్వీస్ చార్జ్ విధించి రజకుల నడ్డి విరిచారు' అని ఆగ్రహం వ్యక్తంజేశారు. పన్నులు పెంచి, కుంభ కోణాల రూపంలో సొంత ఆస్తులు పెంచుకోవడమే తప్ప కాంగ్రెస్ నేతలు ఏమైనా మేలు చేశారా తమ్ముళ్లూ...! అని చంద్రబాబు ప్రశ్నించారు.

తొమ్మిది సంవత్సరాలుగా రాష్ట్రంలో దొంగలు పడ్డారని, ఇందిరమ్మ ఇళ్లపేరుతో కాంగ్రెస్ నేతలు ఐదారు గృహాల బిల్లులు స్వాహా చేస్తున్నారని ఆరోపించారు. ఉపాధి కూలీ డబ్బులు సైతం వదలడం లేదని, ఆదర్శ రైతులుగా కాంగ్రెస్ కార్యకర్తలను పెట్టించారని, అంత్యోదయ, ఐఏవై వంటి పేదల పథకాలను ఈ చిన్న చిన్న పందికొక్కులు మింగేస్తున్నాయన్నారు. తొమ్మిది గంటలు కరెంటు ఇస్తామని అధికారంలోకి వచ్చే ముందు, ఏడు గంటలు ఇస్తామని అధికారంలోకి వచ్చాక చెప్పారని, ఇప్పుడు మూడు గంటలకు మించి ఇచ్చే పరిస్థితి లేదన్నారు.

తన హయాంలో గడియారం చూసుకుంటే కరెంటు వచ్చేదని, విద్యుత్ వ్యవస్థకు పూర్వ వైభవం రావాలంటే తెలుగుదేశంపార్టీ అధికారంలోకి రావాల్సిందేనన్నారు. రాష్ట్రంలో వస్తున్న లక్షన్నర కోట్ల రూపాయల ఆదాయం కాంగ్రెస్ దొంగల జేబుల్లోకి పోయిందని విమర్శించారు. జిల్లాలో నాలుగు వరుసల రహదారులు, సీసీ రోడ్లు, ఇలా ఏ అభివృద్ధి జరిగినా అది టీడీపీ కాలంలోనే అని తెలిపారు. ఈ ప్రభుత్వ సిద్ధాంతం చూస్తే 'మందు ఫుల్లు.. మంచినీళ్లు నిల్లు' తీరుగా ఉందన్నారు. 'సెల్ ఫోన్‌లో ఎస్ఎంఎస్ కొడితే మందు నడుచుకుంటూ వస్తుంది.

మంచి నీళ్లు మాత్రం ఫోన్ చేసినా రావడం లేదు' అని దుయ్యబట్టారు. పాదయాత్రలో ఎమ్మెల్యేలు ఉమామాధవరెడ్డి, మోత్కుపల్లి నర్సింహులు, చందర్‌రావు, జిల్లా అధ్యక్షుడు బీల్యానాయక్, తేరా చిన్నపరెడ్డి, గుండ్లపల్లి సురేష్, పాల్వాయి రజనీకుమారి, చిలువేరు కాశీనాథ్, నెల్లూరి దుర్గాప్రసాద్, బోయపల్లి కృష్ణారెడ్డి, జక్కలి అయిలయ్యయాదవ్ తదితరులు పాల్గొన్నారు.

2000 నుంచి 2004 వరకు తెలుగు యువత రాష్ట్ర ఆర్గనైజింగ్ కార్యదర్శిగా పనిచేశారు. 2004 నుంచి 2008వరకు మిర్యాలగూడ, హుజూర్‌నగర్ ఉమ్మడి నియోజకవర్గ ఇన్‌చార్జిగా అదేకాలంలో టీడీపీ జిల్లా ప్రధాన కార్యదర్శిగా కూడా పని చేశారు. 2009లో జరిగిన అసెంబ్లీ ఎన్నికల్లో హుజూర్‌నగర్ నుంచి టీడీపీ అభ్యర్థిగా ఎంపికైనప్పటికీ బీఫారం సకాలంలో అందక పోవడంతో ఎన్నికల నుంచి వైదొలిగారు.

తాజాగా ఆయన సేవలను గుర్తించిన చంద్రబాబు నిరంజన్‌రెడ్డిని రాష్ట్ర ఆర్గనైజింగ్ కార్యదర్శిగా నియమించారు.

ఈ సందర్భంగా ఆయన మా ట్లాడుతూ జిల్లాలో టీడీపీ అభివృద్ధికి తోడ్పడతానని, తన నియామకానికి కారకులైన పార్టీ అధ్యక్షుడు చంద్రబాబునాయుడు, టీడీపీ పొలిట్ బ్యూరో సభ్యురాలు ఉమామాధవరెడ్డి, ఎమ్మె ల్యే వేనేపల్లి చందర్‌రావులకు కృతజ్ఞతలు తెలిపారు.

పలువురి హర్షంటీడీపీ రాష్ట్ర కార్యనిర్వహక కార్యదర్శిగా గార్లపాటి నిరంజన్‌రెడ్డిని నియమించడం పట్ల తెలుగు యువత రాష్ట్ర అధికార ప్రతినిధి సాధినేని శ్రీనివాసరావు, టీడీపీ పట్టణ అధ్యక్ష, కార్యదర్శులు పెద్ది శ్రీనివాస్‌గౌడ్, పాతూరి ప్రసాద్, టీడీపీ నాయకులు తిరందాసు విష్ణు, మంగ్యానాయక్, విద్యాసాగర్, ప్రకాశ్, ఎండి. షఫీ, సాంబశివరావు, హతీరాం, రాములుగౌడ్ తదితరులు హర్షం వ్యక్తం చేశారు.

 తెలుగుదేశంపార్టీ అధినేత నారా చంద్రబాబునాయుడు చేపడుతున్న పాదయాత్రకు జిల్లాలో వేలాదిమందితో ఘనస్వాగతం పలుకుతామని టీడీపీ జిల్లా ప్రధానకార్యదర్శి బోయపల్లి కృష్ణారెడ్డి, రాష్ట్ర నాయకుడు కంచర్ల భూపాల్‌రెడ్డి తెలిపారు. జిల్లా పార్టీ కార్యాలయంలో బుధవారం ఏర్పాటు చేసిన విలేకరుల సమావేశంలో వారు మాట్లాడుతూ 63 ఏళ్ల వయసులో చంద్రబాబునాయుడు ప్రజల కష్టాలను స్వయంగా తెలుసుకోవడంకోసం రాష్ట్రవ్యాప్తంగా పాదయాత్ర చేస్తున్నాడన్నారు. ఇప్పటికే 1700 కి.మీ. పాదయాత్ర పూర్తయిందన్నారు.

బడుగు, బలహీన వర్గాలు, అన్ని వర్గాల ప్రజల కష్టాలు, కన్నీళ్లను తుడవడం కోసం చంద్రబాబునాయుడు చేపట్టిన ఈ పాదయాత్రను దిగ్విజయం చేస్తామని పేర్కొన్నారు. వచ్చే ఎన్నికల్లో తెలుగుదేశం పార్టీ మెజారిటీ స్థానాలను కైవసం చేసుకుంటుందని, కాంగ్రెస్ పార్టీకి ప్రజలు తగిన గుణపాఠం చెబుతారన్నారు. విలేకరుల సమావేశంలో జిల్లా కార్యనిర్వాహక కార్యదర్శి బొర్రా సుధాకర్, నాయకులు కంచనపల్లి రవీందర్‌రావు, లింగంపల్లి శ్రీధర్, పిల్లి రామరాజు, గుండు వెంకటేశ్వర్లు, తేలు రవి తదితరులు పాల్గొన్నారు.

వర్ధంతి సభకు సమీపంలోని జిల్లా, రాష్ట్ర నేతలు తర లి రానున్నారు. అదేవిధంగా కోదాడ సమీపంలోని బాలాజీనగర్‌తండాలో ఎస్టీ డిక్లరేషన్‌పై తెలుగుదేశం విధానానికి సంబంధించి అధినేత చంద్రబాబు గిరిజనులతో బహిరంగసభ నిర్వహించనున్నారు. పార్టీ అధికారంలోకి వస్తే ఎస్టీలకు చేయనున్న మేలుపై ఒక విధాన ప్రకటన చేస్తారు.

దీన్ని సమర్ధిస్తూ లంబాడీ హక్కుల పోరాట సమితి, గిరిజన సంఘం, తెలుగుదేశంపార్టీ ఎస్టీ సెల్ ఆధ్వర్యంలో చంద్రబాబుకు సన్మానం జరగనుంది. అనంతగిరి, కోదాడ, బాలాజీనగర్‌తండా, చిలుకూరు, నారాయణపురం, తొగర్రాయి, కాపుగల్లు, నల్లబండగూడెం వంటి ప్రధాన కేంద్రాల్లో ప్రజలనుద్దేశించి చంద్రబాబు ప్రసంగిస్తారు. జిల్లా కు చేరుకునే రోజు ఉదయాన్నే కోలాటాలు, గిరిజన నృత్యాలతో సుమారు 10 వేల మంది కార్యకర్తలు చంద్రబాబుకు ఎదురువెళ్లి ఘన స్వాగతం పలకనున్నారు. ప్రతిరోజూ మూడు నియోజకవర్గాల నేతలు, కార్యకర్తలు పాదయాత్రను అనుసరిస్తారు. మొదటి రోజు సూర్యాపేట, తుంగతుర్తి, కోదాడ నియోజకవర్గాల నేతలు బాబు పాదయాత్రలో పాలుపంచుకోనున్నారు.

వివిధ వర్గాలతో ముఖాముఖి

పాదయాత్రలో భాగంగా వివిధ రకాల కుల వృత్తుల వారితో చంద్రబాబు ముఖాముఖి నిర్వహించనున్నారు. అందుకనుగుణంగా పాదయాత్ర జరిగే ప్రాంతాల్లో కుల వృత్తుల స్టాళ్లు ఏర్పాటు చేస్తున్నారు. విద్యుత్ సమస్యపై గ్రామస్థులతో, ఇంజనీరింగ్ విద్యార్థులతో, వివిధ కారణాలతో నిలిచిపోయిన ఇందిరమ్మ ఇళ్లకు సంబంధించిన సమస్యపై లబ్ధిదారులతో చంద్రబాబు ముచ్చటించే విధంగా ఏర్పాట్లు చేస్తున్నారు.

మోత్కుపల్లితో రాయబారం

అధినేత తీరుతో అలక పాన్పు ఎక్కిన మోత్కుపల్లిని బుజ్జగించేందుకు పార్టీ దూతలు ఆయనతో సంప్రదింపులు జరుపుతున్నారు. పాదయాత్రకు హాజరై కార్యక్రమాన్ని విజయవంతం చేయాలని పార్టీ దూతలు మోత్కుపల్లిని హైదరాబాద్‌లో కోరినట్లు తెలిసింది. దీంతో మెత్తబడిన ఆయన రెండు రోజుల్లో నిర్ణయం తీసుకుంటానని చెప్పినట్లు సమాచారం.

అధినేత చంద్రబాబు పాదయాత్రతో జిల్లా పార్టీకి పూర్వ వైభవం చేకూరుతుందని టీడీపీ జిల్లా అధ్యక్షుడు బీల్యానాయక్ తెలిపారు. బుధవారం ఆయన 'ఆంధ్రజ్యోతి'తో మాట్లాడారు. వివిధ రకాల ఇబ్బందులతో అల్లాడిపోతున్న జనంతో మమేకమై వారికి భరోసా కల్పించే దిశగా చంద్రబాబు పాదయాత్ర కొనసాగుతుందన్నారు. బాబు రాకకోసం జిల్లా రైతులు, వివిధ వర్గాల ప్రజలు ఆసక్తితో ఎదురుచూస్తున్నారని తెలిపారు. పాదయాత్రను విజయవంతం చేసేందుకు మొదటి రోజు అన్ని మండలాల అధ్యక్షులు అధినాయకుడికి స్వాగతం పలుకుతారని చెప్పారు.

ప్రతిరోజు కొన్ని నియోజకవర్గాల ముఖ్య నాయకులు బాబు పాదయాత్రలో పాలు పంచుకుంటారని తెలిపారు. సుమారు 50.5 కి.మీ. మేర నాలుగు రోజులపాటు జిల్లాలో బాబు పాదయాత్ర కొనసాగుతుందన్నారు. ఇందుకోసం స్వాగతం మొదలు సభలు, ఆవిష్కరణలు, వీడ్కోలు వరకు ప్రణాళికాబద్ధంగా జిల్లా నాయకత్వం ఏర్పాట్లు చేసిందని వివరించారు. పార్టీలో ఎలాంటి గ్రూపు తగాదాలు లేవని, పాదయాత్ర విజయవంతానికి అంతా కృషి చేస్తున్నారని అన్నారు.

జిల్లాలో తొమ్మిది రోజులపాటు టీడీపీ అధినేత చంద్రబాబు నిర్వహించిన 'వస్తున్నా.. మీకోసం' పాదయాత్ర ఆ పార్టీ శ్రేణుల్లో కొత్త ఉత్సాహాన్ని నింపింది. త్వరలో స్థానిక సంస్థలకు, సహకార సంఘాలకు ఎన్నికలు జరుగనున్న నేపథ్యంలో బాబు పాదయాత్ర జిల్లాలో ప్రవేశించడం టీడీపీ నేతలకు, కార్యకర్తలకు కొండంత బలాన్నిచ్చింది. పాదయాత్ర జరిగిన గ్రామాల్లో ప్రజల సమస్యలు వింటూ, వాటి పరిష్కారానికి హామీలిస్తూనే.. ఆ సమస్యలకు కాంగ్రెస్ అస్తవ్యస్త విధానాలు, వైఎస్సార్సీపీ నేతల అవినీతే కారణమంటూ చంద్రబాబు ఎండగట్టారు.

ప్రభుత్వ విధానాల వల్ల ప్రజలు ఎలా ఇబ్బందుల పాలవుతున్నారో వివరిస్తూ వారిలో చైతన్యం తెచ్చారు. టీడీపీ అధికారంలోకి వస్తే చేయబోయే కార్యక్రమాలపై స్పష్టమైన హామీలనిస్తూ పాదయాత్ర సాగింది. తిరుమలాయపాలెం మండలం మాదిరిపురం వద్ద ఈ నెల 8న రాత్రి చంద్రబాబు పాదయాత్ర జిల్లాలోకి ప్రవేశించింది. 9వ తేదీ నుంచి జిల్లాలో పాదయాత్ర ప్రారంభమైంది. పాదయాత్ర 100వ రోజుకు చేరుకున్న సందర్భాన్ని పురస్కరించుకుని మాదిరిపురంలో ఏర్పాటు చేసిన 100 అడుగుల స్తూపాన్ని చంద్రబాబు ఆవిష్కరించారు. పార్టీ రాష్ట్ర కమిటీ విస్తృత సమావేశాన్ని కూడా ఇక్కడే నిర్వహించారు. రెండో రోజు వస్తున్నా.. మీకోసం యాత్ర తిరుమలాయపాలెం మండలంలోని పలు గ్రామాల మీదుగా బచ్చోడు వరకు సాగింది. తరువాత ఐదు రోజుల్లో కూసుమంచి, లోక్యాతండ, మద్దులపల్లి మీదుగా ఖమ్మం నగరంలోకి ప్రవేశించింది.

ఖమ్మం పట్టణంలో మాజీ మంత్రి తుమ్మల సారథ్యంలో బాబుకు ఘనస్వాగతం లభించింది. పట్టణ ప్రజలతోపాటు జిల్లా నలుమూలల నుంచి టీడీపీ శ్రేణులు కూడా తరలిరావడంతో ఖమ్మం జనసంద్రమైంది. ఖమ్మం నగరంలో సంక్రాంతి సంబరాల్లో పాల్గొన్న చంద్రబాబు పండుగరోజుల్లోనూ పాదయాత్ర కొనసాగించారు. ముదిగొండ, నేలకొండపల్లి మండలాల పరిధిలోని లక్ష్మీపురం, అమ్మపేట క్రాస్‌రోడ్, వనంవారి కిష్టాపురం, బాణాపురం, వల్లభి , రాయగూడెం గ్రామాల మీదుగా సాగిన బాబు పాదయాత్ర తొమ్మిదో రోజున పైనంపల్లి వద్ద ఖమ్మం-నల్గొండ జిల్లా సరిహద్దుల్లోకి చేరుకుంది. మొత్తం మీద జిల్లాలో 55 గ్రామాల మీదుగా బాబు పాదయాత్ర 132.5 కి.మీ మేర సాగింది. ముదిగొండ, నేలకొండపల్లి మండలాల్లోనూ చంద్రబాబు పాదయాత్రకు జనం బ్రహ్మరథం పట్టారు. రాత్రివేళ కూడా చంద్రబాబు యాత్రకోసం రైతులు, వ్యవసాయ కూలీలు, కులవృత్తుల వారు, ఎమ్మార్పీఎస్, గిరిజన సంఘాలు , మహిళలు, యువకులు బాబు రాకకోసం ఓపికగా ఎదురుచూశారు. 1982 టీడీపీ ఆవిర్భావ తరుణంలో ఎన్టీఆర్ చైతన్యరథంపై నిర్వహించిన పర్యటనకు లభించిన స్థాయిలో వస్తున్నా.. మీ కోసం యాత్రకు విశేష స్పందన లభించింది.

బాధలు వింటూ.. భరోసా ఇస్తూ..

చంద్రబాబు పాదయాత్రలో రైతులకు రుణమాఫీ పథకం, సాగుకు 9 గంటల నాణ్యమైన విద్యుత్ సరఫరా, సబ్సిడీపై సోలార్ పంప్‌సెట్లు, వ్యవసాయ పనులకు ఉపాధి హామీ అనుసంధానం తదితర హామీలిచ్చారు. నిరుపేద వర్గాల పిల్లలకు ఇంగ్లీష్‌మీడియంలో చదువులు, స్కూల్ పిల్లలకు సైకిళ్లు, ల్యాప్‌టాప్‌లు ఇస్తామని ప్రకటించారు. డ్వాక్రా మహిళలకు వడ్డీ వాపస్, బెల్ట్‌షాపులపై నిషేధం తదితర హామీలు ప్రకటించారు. బీసీలకు 100 సీట్లతోపాటు పేద గొర్రెల కాపరులకు పదెకరాల భూమి, గీత కార్మికులకు గ్రామానికి 10 ఎకరాల భూమి ఇస్తామని ప్రకటించారు. బీసీలకు 100 సీట్లుతోపాటు 10వేల కోట్లతో బడ్జెట్ ఆయా కులవృత్తుల వారికి పనిముట్లు ఇస్తామని తెలిపారు. అలాగే యువకులకు ఉద్యోగ, ఉపాధి అవకాశాలు, నిరుద్యోగ భృతి, మైనార్టీలకు 8 శాతం రిజర్వేషన్లు, ఎన్టీఆర్ సుజల స్రవంతి ద్వారా తాగునీరు ఇస్తామని హామీనిచ్చారు. పేదలకు లక్ష రూపాయలతో పక్కా ఇళ్లు నిర్మిస్తామని పేర్కొన్నారు. బాబు పాదయాత్ర సాగుతున్న గ్రామాల్లో స్థానికులు తన దృష్టికి తీసుకువచ్చిన సమస్యలపై స్పందించిన చంద్రబాబు వాటిని పరిష్కరించాలని జిల్లా కలెక్టర్‌కు లేఖలు రాశారు. మీరు పరిష్కరించకపోతే టీడీపీ అధికారంలోకి వచ్చిన ఆరు నెలల్లో ఈ సమస్యలు పరిష్కారంతోపాటు ఇచ్చిన హామీలన్ని పరిష్కరిస్తానని ప్రకటించారు.

బాబు యాత్రకు జిల్లా నేతలు కృషి

వస్తున్నా మీకోసం యాత్ర జయప్రదం చేసేందుకు మాజీ మంత్రి తుమ్మల నాగేశ్వరరావు, ఎంపీ నామ నాగేశ్వరరావు, టీడీపీ జిల్లా అధ్యక్షుడు కొండబాల కోటేశ్వరరావు, ఎమ్మెల్యేలు సండ్ర వెంకటవీరయ్య, ఊకే అబ్బయ్య, ఎమ్మెల్సీలు పోట్ల నాగేశ్వరరావు, బాలసాని లక్ష్మీనారాయణ, జిల్లాలోని ఆయా నియోజకవర్గాల నేతలు, మండల కమిటీలు, గ్రామకమిటీలు బాబు యాత్రను విజయవంతం చేసేందుకు ప్రత్యేకంగా ఏర్పాటు చేసిన కమిటీల నేతలందరూ తీవ్రంగా శ్రమించారు. తొమ్మిదిరోజుల పాటు యాత్రలో పాల్గొంటున్నవారందరికీ మంచినీటి సరఫరాతోపాటు భోజన వసతులు కల్పించారు. పోలీసు యంత్రాంగం కూడా పాదయాత్ర బందోబస్తు కోసం భారీయెత్తున బలగాలను దింపింది.

జిల్లా సమస్యలపై డిక్లరేషన్ :

చంద్రబాబు వస్తున్నా మీకోసం యాత్రలో జిల్లా సమస్యలపై డిక్లరేషన్ ప్రకటించారు. యువతను, చదువుకున్న విద్యార్థులను ఆకట్టుకునేందుకు ఖమ్మా న్ని ఐటీ కేంద్రం ఏర్పాటుచేస్తానని ప్రకటించారు. బయ్యారంలో ఉక్కు పరిశ్రమ, వ్యవసాయ అనుసంధాన పరిశ్రమలు, గ్రానైట్ హబ్,సెజ్ ఏర్పాటు, గిరిజన యూనివర్సిటీతోపాటు సాగునీటి ప్రాజెక్టులు తదితర సమస్యలపై డిక్లరేషన్ ప్రకటించారు. వాటి పరిష్కారానికి కృషిచేస్తానని పేర్కొన్నారు.

చంద్రబాబుకు ఘనంగా వీడ్కోలు :

జిల్లాలో చంద్రబాబు పాదయాత్ర తొమ్మిదో రోజైన గురువారం ఉదయం పైనంపల్లి వద్ద నల్గొండ జిల్లాలోకి ప్రవేశించింది. జిల్లా టీడీపీ ఎమ్మెల్యేలు, ఎమ్మెల్సీలు, ఇతర ముఖ్యనాయకులు చంద్రబాబుకు వీడ్కోలు పలికారు. అప్పటికే అక్కడకు చేరుకున్న నల్గొండ జిల్లా టీడీపీ నాయకులు చంద్రబాబుకు ఘనస్వాగతం పలికారు. ఈ సందర్భంగా చంద్రబాబు జిల్లా నేతలు, కార్యకర్తలు, పోలీసు ఉన్నతాధికారులకు మరో సారి కృతజ్ఞతలు తెలిపారు.

నల్లగొండ జిల్లాలోకి అడుగుపెట్టిన నాకు ఎదురైన తొలి పల్లెలో అది ఒకటి. బండలు పగలేసి బతుకుతున్న కుటుంబాలకు నీడనిస్తున్న గ్రామమది. పేరు శాంతినగర్. అక్కడంతా వడ్డెరలే కనిపించారు. వాళ్ల కష్టాలూ కడగండ్లే ముందుగా నన్ను పలకరించాయి. గుడిసెల్లో గూడుకట్టుకున్న బాధలగాథలు మనసున్న ప్రతిఒక్కరినీ కదిలించేలా ఉన్నాయి. కాకులను కొట్టి గద్దలకు పెట్టే ఈ ప్రభుత్వాలు.. కొండలు కొట్టే ఈ బడుగు జీవులను పట్టించుకున్న దాఖలా లేదు. చాలీచాలని గుడిసెల్లో కట్టుకునే బట్ట నుంచి కడుపునకు తిండి దాకా అంతా కరువే.

రాళ్లను సైతం పిండిచేసే వీళ్లు బండబారిన తమ బతుకును మాత్రం పొడి చేయలేకపోతున్నారనిపించింది.పొద్దుకు ముందే ఒక ముద్ద తిని కొండెక్కే వీళ్ల జీవితాల్లోకి ఏ వెలుగులూ తొంగి చూడవు. అసలు వీళ్లసలు జనాభా లెక్కల్లో ఉన్నారా? ప్రమాదంలో తన భర్త చనిపోయాడని చెప్పిందామె. వయసు చిన్నదే. పిల్లలు మరీ చిన్నవాళ్లు. ఎలా బతుకుతుందో? " కూలి చేసుకుంటున్నాను సార్.. కష్టం ఎక్కువ, ఇచ్చేది తక్కువ. నా గతి ఇలా అయింది. ఇప్పుడు నా దిగులంతా ఈ పిల్లల గురించే. చదివించాలని ఉన్నా స్తోమత ఏదీ?'' అన్న ఆ వితంతువు ప్రశ్నకు జవాబు చెప్పడం కష్టమే!

అనంతగిరి దారిలో కొంతమంది నన్ను కలిశారు. నాగార్జునసాగర్ ఆయకట్టు భూముల రైతులు వాళ్లంతా. వాళ్ల భూములకు సాగర్ నీళ్లు వదలలేదు. పైన మబ్బులాగే సర్కారీ కరెంటు కూడా దైవాదీనమే. ఏం చేయాలి? వాళ్లనే కాదు, నన్నూ ఆ సమస్య ఆలోచింపజేసింది. ఉన్న పరిస్థితిని ఆ రైతు ఉన్నది ఉన్నట్టు కుల్లాగా చెప్పేశాడు.

"సార్.. నా పేరు ఉప్పలయ్య. రైతును. సాగర్‌ను నమ్ముకొని ఈ ఏడాది ఐదెకరాల్లో మిరప, వేరుసెనగ నాటాను. డ్యాం నుంచి నీళ్లు రాలేదు. అయినా బాధపడలేదు. పొలంలో బోరు పంపు ఎలాగూ ఉంది. బావిలో నీళ్లూ ఉన్నాయి. లేనిదల్లా బావిలోని నీళ్లను బోరు ద్వారా తోడేందుకు అవసరమైన కరెంటే. దాంతో పంటంతా పోయింది. ఇప్పటికే యాభై వేలు పెట్టాను. పైసా తిరిగొచ్చేది కనిపించడం లేదు'' అని వాపోతుంటే ఓదార్చడం ఎలాగో అర్థం కాలేదు. కష్టాలన్నీ పాపం ఈ కష్టజీవులకేనా!

అన్న గారి అడుగు జాడలో ,

అన్న గారి అసీసులతో ,

అన్న గారి అనుగ్రహం తో !

తెలుగు జాతి కి వన్నె తెచ్చి,

తెలుగు తనం చాటి చెప్పి,

తెలుగు దేశం పార్టీ స్తాపించిన

మన యుగ పురుషుడు , కారణజన్ముడు

మన నట విశ్వ విక్యాత నట సౌరభ

అన్నగారి కి ఇదే మా నీరాజనం

జోహార్ ఎన్ .టి .అర్ ...జోహార్ ఎన్ .టి. అర్