ఒక ఆటోవాలా మాట్లాడుతూ డ్రైవింగ్ లైసెన్స్ పొందడానికి 10వ తరగతి విద్యార్హత అడగడంతో ఆటో డ్రైవర్లకు లైసెన్స్‌లు రావడంలేదని చెప్పడంతో బాబు స్పంది స్తూ విద్య అంతగా అబ్బని యువకులే ఆటో డ్రైవింగ్ వంటి వృత్తుల్లోకి వస్తారని లైసెన్స్‌లు మంజూరు సులభతరం చేయడానికి ప్రయత్నిస్తామని హామీ ఇచ్చారు.

భవానీ అనే మహిళ మాట్లాడుతూ ఎకరం పొలం ఉంటే రూ. 10 వేలు ఆదాయం రావడంలేదని తీసుకున్న రుణాలు చెల్లించలేకపోతున్నామని, బ్యాంక్ అధికారులు తమ ఫోటోలను పత్రికలకు ఇస్తామని హె చ్చరిస్తున్నారని, అయితే లక్షల కోట్లు అవినీతి పరులను, బ్యాంక్‌లలో రుణా లు తీసుకొని కోట్లు ఎగవేస్తున్న వారిని పట్టించుకోవడంలేదని ఆమె వాపోయారు. దీనిపై బాబు స్పందిస్తు తా ము అధికారంలోకి వస్తే రైతుల కష్టా లు తీరుస్తామన్నారు.

స్వర్ణకార వృత్తికి చెందిన ఒక వ్యక్తి మాట్లాడుతూ తమకు ప్రభుత్వం నుంచి ఏ విధమైన సహకారం అందడంలేదన్నారు. బాబు బదులిస్తూ మంగళ సూత్రాలు తయారుచేసే పవిత్ర కార్యక్రమాన్ని స్వర్ణకారులు నిర్వహిస్తారని, అటువంటి వారిపై నేటి కాంగ్రెస్ పాలనలో దొంగ బంగారం కేసులు బనాయిస్తూ ఇబ్బందులు పెడుతున్నారని స్వర్ణకారులను ఆదుకుంటామని హామీ ఇచ్చారు. నాయీ బ్రాహ్మణులు, విశ్వబ్రాహ్మణులు ఇంకా పలు సామాజిక వర్గాలకు ఆరాధ్య దైవమైన వీరబ్రహ్మేంద్రస్వామిని కించపరుస్తూ ఒక వ్యక్తి పిహెచ్‌డి చేస్తే దానికి ఆమోద ముద్ర వేశారని ఈ అంశాన్ని తాము ఖండిస్తున్నామని బాబు అన్నారు. ఆయా సామాజిక వర్గాల మనోభావాలను కించపరచవద్దని హెచ్చరించారు.

తొలి అడుగులోనే మాకు గుక్కెడు మంచినీళ్ళు దొరకడం లేదంటూ వందలాదిమంది మహిళలు ఖాళీ బిందెలతో ఆయనకు ఎదురేగారు. దీనిపై స్పందించిన ఆయన మంచి రోజులు వస్తాయి, ఇక ఊరూవాడా ఎన్‌టీఆర్ సురక్ష జల పథకం క్రింద సమృద్ధిగా మంచినీరందిస్తామంటూ మహిళలకు భరోసా ఇస్తూ ముందుకు సాగారు. అక్కడ నుంచి ప్రారంభమైన యాత్ర దారిపొడవునా వందలాది మంది ఆయనతో జతకలిశారు.

పూలపల్లి దగ్గర నుంచి రైల్వే స్టేషన్ వరకు మా ర్గం జనంతో కిటకిటలాడింది.బహుదూరపు బాటసారికి ఎదురేగి స్వాగతం పలికారు. చిన్నారులతో కలిసి వచ్చిన మహిళలు ఆయనకు మంగళహారతులిచ్చారు.తమ సమస్యలను చెప్పుకున్నారు. కరెంటు కోతలు, గ్యాస్ కొరత, తాగునీటి సమస్యలను ఏకరువు పెట్టారు. మీరొస్తేనే కష్టాలు కడతీరతాయంటూ గోడు వెల్లబోసుకున్నారు.

నిరుద్యోగులు.. మీరే మాకు దిక్కంటూ ఆయనకు మొరపెట్టుకున్నారు.దారిపొడవునా ఉన్న దుకాణాలను సందర్శించారు. వారి కష్ట, నష్టాలను స్వయంగా అడిగి తెలుసుకున్నారు. ఎంత పెట్టుబడి పెట్టారు, ఆదాయం ఎంత వస్తుందంటూ ఆరా తీస్తూనే వాళ్ళ నుంచి వచ్చిన సమాధానం విన్న తర్వాత నాతో కలిసిరండి కష్టాలు తొలగిపోతాయంటూ భరోసా ఇచ్చారు. రైల్వే స్టేషన్ రోడ్డు దగ్గర నుంచి ఎన్‌టి ఆర్ విగ్రహం వరకు వందలాది మంది ఆయనను అనుసరించారు. కాబో యే సీఎం అంటూ జైజై ధ్వానాలు చేశారు. పూల వర్షం కురిపించారు. డప్పులు వాయిస్తూ యువకులు నృత్యాలు వేశారు. వారితో నాయకులు జత కలిశారు. పాలకొల్లు పట్టణం అయితే జనసంద్రం అయ్యింది. ఎన్‌టి ఆర్ విగ్రహం వద్ద వేలాదిమంది గుడిగూడి ఆయన ప్రసంగాన్ని ఆసక్తిగా విన్నారు. పాలకొల్లు దగ్గర నుంచి కవిటం వరకు ఇదే తరహాలో అన్ని చోట్ల భారీ ఎత్తున బాబు రాక కోసం పొద్దుపోయేంత వరకు ఎదురు చూ స్తూనే ఉన్నారు.

ఒక వైపు కాలు సహకరించకపోయినా కాస్తంత వేగంగానే ఆయన తన పాదయాత్రను కొనసాగించారు.ఈ యాత్రలో మా గంటి బాబు, సీతారామలక్ష్మీ, రామానాయుడు, గాదిరాజు బాబు,అంగర రామ్మోహన్, డాక్టర్ బా బ్జి,పీతల సుజాత, శివరామరాజు, పాలి ప్రసాద్, జయరాజు, పాందువ్వ శ్రీను ఉన్నారు.

ప్రతిపక్ష పార్టీగా తెలుగుదేశం, కొన్ని ప్రగ తిశీల పత్రికలు అలుపెరగకుండా చేసి న పోరాట ఫలితంగా జగన్ అవినీతి భాగోతం బైటపడి, జైలు పాలయ్యాడ న్నారు. కేంద్ర ప్రభుత్వం తన ప్రభుత్వాన్ని కాపాడుకోడానికి జగన్‌ను శిక్షించకుండా నాటకాలు ఆడుతోందన్నారు. జగన్‌కి శిక్ష పడకుండా ఉండేందుకు వైసీపీ రాష్ట్రపతి ఎన్నికల్లో కాంగ్రెస్‌కు మద్దతిచ్చిందన్నారు. ఎవరి ప్రయోజనాలకనుగుణంగా వారు ఎత్తులు వేస్తూ కాంగ్రెస్, వైసీపీ ప్రజలను మ భ్యపెడుతున్నరన్నారు.

వైసీపీ నిజస్వరూపం బయటపడింది

గజపతినగరం: వైసీపీ నిజ స్వరూపాన్ని విజయలక్ష్మి బయట పెట్టారని మాజీ మంత్రి పడాల అరుణ అన్నా రు. మంగళవారం ఆమె తన నివాసం లో విలేఖరులతో మాట్లాడుతూ కాంగ్రె స్‌తో వైసీపీ చీకటి ఒప్పందాలను కొనసాగిస్తోందని, టీడీపీ మొదటి నుంచి చెప్తూనే ఉందన్నారు. తమ అవినీతిని కప్పిపుచ్చుకోవడానికి ఆ పార్టీ రకరకా ల వేషాలు వేస్త్తోందన్నారు. జరుగుతు న్న పరిణామాలను అర్థం చేసుకుని ప్ర జలు వైసీపీని తరిమి కొట్టాలని పిలుపునిచ్చారు. షర్మిళకు పాదయాత్ర చేసే హక్కు ఉందా? అని ప్రశ్నించారు. అ సత్య ప్రచారాలకు షర్మిళ ఓ బాకా అని అన్నారు.

సమావేశంలో పార్టీ నాయకు లు సామంతుల పైడిరాజు, మండల పైడిరాజు, మజ్జి గోవింద, నక్కల రా మినాయుడు, మజ్జి రామునాయుడు తదితరులు పాల్గొన్నారు.

కాంగ్రెస్, వైసీపీ విష వృక్షపు కొమ్మలే

పార్వతీపురంటౌన్: కాంగ్రెస్, వైసీ పీ ఒకే విష వృక్షానికి చెందిన కొమ్మలే నని తెలుగుదేశం పార్టీ జిల్లా అధ్యక్షు డు ద్వారపురెడ్డిజగదీష్ అన్నారు. మం గళవారం ఆయన పార్టీ కార్యాలయం లో విలేఖరులతో మాట్లాడారు. ఎన్ని కల ముందు ఏ పార్టీతో పొత్తు పెట్టుకో మని ప్రగల్భాలు పలికిన వైసీపీ నేడు కాంగ్రెస్‌కు మద్దతు ఇస్తామని చెప్పడం సిగ్గు చేటన్నారు. జైల్‌లో ఉండి పిల్ల కాంగ్రెస్, జైలు బయట తల్లి కాంగ్రెస్ విలీనం కోసం ఉవ్విళ్లూరుతున్నాయ న్నారు.

ప్రజల పక్షాన, ప్రజలకు అం డగా నిలబడి పనిచేసేది ఒక్క తెలుగు దేశం పార్టీయేనన్నారు. అధికారం కో సం ఆ రెండు పార్టీలు ఎంతకైనా తెగి స్తాయని ప్రజలు గమనిస్తున్నారన్నా రు. వైఎస్సార్ మరణం కాంగ్రెస్ కుట్ర అని పలికిన విజయమ్మ అదే కాంగ్రెస్ కు ఎలా మద్దతు ఇస్తామని చెపుతున్నా రన్నారు.

కార్యక్రమంలో టీడీపీ నాయకులు గొట్టాపు వెంకటనాయుడు, బొబ్బిలి చి రంజీవులు, మిరియాల ప్రకాష్ రావు, దేవకోటి వెంకటనాయుడు, చిన్ను తది తరులు ఉన్నారు.

ఈ రెండు పార్టీల రహస్య ఒప్పందం మేరకే జైలుకు వెళ్లకుండా అడ్డుకునేందుకు క్యాబినెట్ తీర్మానాలు చేస్తున్నారే తప్ప, ప్రజల సంక్షేమానికి పాటుపడింది శూన్యమని పేర్కొన్నారు. లక్షల కోట్లు బడ్జెట్‌తో అభివృద్ధి సంక్షేమం అని కాంగ్రెస్ చెప్పటమే తప్ప విద్యుత్ ప్రాజెక్టులకు ఇవ్వాల్సిన వాటా ధనం అందించలేని దుస్థితిలో ఉందన్నారు. తెలుగుదేశం పార్టీ పేదల అభ్యున్నతి కోసం పోరాటం చేసి, వారి పక్షాన నిలుస్తుందన్నారు. ధరలు పెరిగి సామాన్యులు ఇబ్బందులు పడుతున్నా కాంగ్రెస్, వైఎస్ఆర్ సీపీలకు పట్టడంలేదన్నారు. ఈ సందర్భంగా జిల్లా కోప్సన్ మాజీ సభ్యులు సందానంద్ రౌళో, బీ జయప్రకాష్‌లను పరామర్శించారు. సమావేశంలో టీడీపీ నాయకులు పి.కృష్ణారావు, బి.ప్రకాష్, పీఎం తిలక్, ఎస్.వెంకటరమణ, డి.శ్రీనివాసరావు, పార్టీ మండలాధ్యక్షుడు మణిచంద్ర ప్రకాష్, బి.చిన్నబాబు పాల్గొన్నారు.

అసలు రంగు బయటపడింది

కంచిలి: తల్లి పార్టీ కాంగ్రెస్‌లోనే పిల్ల పార్టీ వైసీపీని విలీనం చేయడానికి ఆ పార్టీ అధ్యక్షురాలు విజయమ్మ పరోక్షంగా అంగీకరించారని మాజీ మంత్రి కిమిడి కళావెంకటరావు అన్నారు. మంగళవారం కంచిలిలో విలేఖరులతో మాట్లాడారు. కాంగ్రెస్‌లో వైసీపీ విలీనం కావడం తధ్యమన్నారు. విజయమ్మ ప్రకటనతో జగన్ పార్టీ అసలు రంగు బయటపడిందన్నారు. రాష్ట్ర ప్రభుత్వం జలయజ్ఞం పేరిట రూ.90 కోట్లు మంజూరు చేసి, తొమ్మిది కోట్ల రూపాయల మట్టి కూడా తీయలేదన్నారు. ప్రజా వ్యతిరేక విధానాలకు పాల్పడుతున్న కాంగ్రెస్ పార్టీకి ప్రజలు గుణపాఠం చెప్పేరోజు దగ్గర్లోనే ఉందన్నారు. ఈ సమావేశంలో టీడీపీ నాయకులు బి.కామేష్‌రెడ్డి, జగదీష్ పట్నాయిక్, పీఏసీఎస్ అధ్యక్షుడు తమరాల శోభన్‌బాబు, ఎం.రామారావు తదితరులు పాల్గొన్నారు.

ఆదిలాబాద్‌టౌన్: ఎట్టకేలకు తెలుగుదేశం పార్టీ జిల్లా కమీటీని అధ్యక్షులు, బోథ్ శాసనసభ్యుడు గోడం నగేష్ మంగళవారం విడుదల చేశారు. జిల్లా కమిటీని అధ్యక్షుడితోపాటు 158 మందితో కూర్పు చేశారు. జిల్లా అధ్యక్షుడిగా నగేస్ ఉండగా ఇద్దరిని ప్రధాన కార్యదర్శులు గతంలోనే ప్రకటించిన విషయం తెలిసిందే. జిల్లాకు చెందిన సీనియర్ నాయకులు లోలం శ్యాంసుందర్, అబ్దుల్ కలాం ఇప్పటికే ప్రధాన కార్యదర్శులుగా ఎన్నుకున్నారు.

కాగా తాజాగా ఉపాధ్యక్షులు, సంయుక్త కార్యదర్శులు, ప్రచార కార్యదర్శులు, కోశాధికారి, అధికార ప్రతినిధులు మొత్తం 159 మందితో జిల్లా కమిటీని అధికారికంగా ప్రకటించారు. పార్టీని బలోపేతం చేసేందుకే కమిటీని ఎన్నుకున్నట్లు టీడీపీ వర్గాలు తెలిపాయి.

ఉపాధ్యక్షులు వీరే...

తెలుగుదేశం పార్టీ జిల్లా కమిటీలో గణపురం ప్రకాష్, ఘన్‌శ్యాం ముండా, అత్రం భగవంత్‌రావు, ఎస్.రామేశ్వర్‌రెడ్డి, బి.లక్ష్మినారాయణ, మొహినొద్ధీన్, సిహెచ్.నాగభూషణం, జె.శ్రీనివాస్, కొప్పుల లచ్చన్న, శనిగరపు చిన్నయ్య, జీఆర్.కుర్మే, వి.మోహన్, రైసాబాను, ఎం.రామేశ్వర్‌గౌడ్, ప్రసాద్‌గౌడ్, ప్రేమ్‌నాథ్‌రెడ్డి, గోక గణేష్‌రెడ్డి ఉపాధ్యక్షులుగా ఎన్నికయ్యారు. వీరితో పాటు 28 మంది ఆర్గనైజింగ్ కార్యదర్శులు, 21 మంది అధికార ప్రతినిధులు, 17 మంది ప్రచార కార్యదర్శులు, మరో 35 మంది కార్యదర్శులు, ఓ కోశాధికారి, 32 మందితో కూడిన జిల్లా కమిటీని ఖరారు చేశామని ఈ సందర్భంగా జిల్లా అధ్యక్షుడు గోడం నగేష్ మంగళవారం తెలిపారు.

అనుబంధ సంఘాలు...

అధ్యక్షులు
జిల్లా తెలుగు యువత జిల్లా అధ్యక్షునిగా గాజుల ముఖేష్‌గౌడ్ ఎన్నికయ్యారు. తెలుగు మహిళా అధ్యక్షురాలిగా సొల్లు లక్ష్మి, జిల్లా తెలుగు రైతు విభాగం అధ్యక్షుడిగా పి.రాజేశ్వర్‌రెడ్డి, జిల్లాఎస్టీ సెల్ అధ్యక్షునిగా జాదవ్ బలిరామ్(బోథ్), జిల్లా బీసీ సెల్ విభాగం అధ్యక్షునిగా బాశెట్టి రాజన్న(ముధోల్), జిల్లా మైనార్టీ సెల్ విభాగం అధ్యక్షునిగా అబ్ధుల్లా(ఆసిఫాబాద్), జిల్లా వాణిజ్య విభాగం అధ్యక్షునిగా పాలెపు మరళీధర్(సిర్పూర్-టి) ఎన్నికైనట్లు నగేష్ తెలిపారు.

'ఈ కాంగ్రెస్ ప్రభుత్వం వచ్చిన తర్వాత కరెంటు లేదు, మంచినీళ్లు లేవు, సుఖశాంతులు లేవు, ఉన్నదల్లా అవినీతే' అంటూ ఎద్దేవా చేశారు. మీలో ఎవరైనా సుఖశాంతులతో గడుపుతున్నారా అంటూ అన్నిచోట్ల ప్రశ్నలు సంధిస్తూ లేదు.. లేదు అని సమాధానాలను ప్రజల నుంచి రాబట్టారు. కరెంటు కోతలతో పాటు గుండెలు అదిరే బిల్లులువస్తున్నాయని, ఇది చేతకాని ప్రభుత్వ పాలనకు మచ్చుతునక అన్నారు. వైఎస్ ర్రాష్ట సంపదను కొడుకికి దోచిపెట్టారని, కిరణ్‌కుమార్‌రెడ్డి పన్నుల రూపంలో జనం మీద పడుతున్నారని ఆరోపించారు. వైఎస్ హయాంలోను, ఇప్పుడు కూడా కాంగ్రెస్ దొంగలు ఊళ్లకు ఊళ్లే దోచేస్తున్నారని ఆరోపించారు. ముందు చూపు లేని పాలన కారణంగా ఏఒక్క వర్గం కూడా ఇప్పుడు సుఖంగా లేకుండా పోయిందన్నారు. రాజకీయాల్లో ఉండే వ్యక్తులు అంటే మీకు ఆదర్శంగా ఉండాలే తప్ప మీరు అసహ్యించుకునే మాదిరిగా ఉండకూదని, అందుకోసమే తాను నిప్పులా పాలించానని, ప్రజలకు అండగా నిలిచానని చెప్పుకొచ్చారు.

ఏ అనుభవం లేని కిరణ్‌కుమార్‌రెడ్డి వల్ల ర్రాష్టం అధోగతి పాలైందన్నారు. చీకటి రాజకీయాలు సాగుతున్నాయి, దొంగలు మళ్లీ ర్రాష్టం మీద పడాలనిచూస్తున్నారు, జాగ్రత్త అంటూ ప్రజలను సున్నితంగా హెచ్చరించారు. ర్రాష్ట ఆర్ధిక వ్యవస్థ దారుణంగా మారిపోయింది. రైతులు అప్పుల్లో కూరుకుపోయారు. మద్దతు ధర లేకుండా పోయింది. దద్దమ్మలకు ఓటేసినందుకుగాను ఇప్పుడు ఇన్నికష్టాలు వచ్చాయని, ఇప్పటికైనా ప్రజలకోసం పనిచేసే తెలుగుదేశం పార్టీని ఆదరించాలని చంద్రబాబు పిలుపునిచ్చారు. కాంగ్రెస్, వైఎస్సార్‌సీపీలపై కూడా ఆయన చాలాచోట్ల విరుచుకుపడ్డారు. 'నేను ఒక్కడినే అవినీతిపై పోరాటం చేయాలా, మీరంతా ఆ బాధ్యత నాకే వదిలేసి ఊరుకోదలిచారా?' అంటూ కొన్నిచోట్ల సభికులను ప్రశ్నించారు. రాజకీయాల్లో ఓనమాలు తెలియని వ్యక్తి జగన్ అని అపహాస్యం చేశారు.

వాళ్ల అమ్మ మాత్రం తన కొడుకుని సీ ఎం చేయాలని తెగ ఆరాటపడిపోతోందని, ఇప్పటివరకు దోచుకుంది చాలక, మళ్లీ మళ్లీ దోచుకుందామని పిల్ల కాంగ్రెస్ ఆరాటపడిపోతోందని అపహాస్యం చేశారు. రైతులకు రుణాలు మాఫీ చేసే విషయంలో తన వద్ద ఒక ప్రణాళిక ఉందని, అది అధికారంలోకి రాగానే అమలులోకి తెస్తానని అన్నారు. వీరవాసరంలో మురికినీళ్లనే మంచినీళ్లుగా ఇస్తున్నారు.. అయితే మందు కావాలంటే మాత్రం క్షణాల్లో మీ ముందు వుంచుతున్నారు. ప్రజలకు నీళ్లు కావాలా.. మందుకావాలా కూడా తెలియనంతగా ఈ గుడ్డి ప్రభుత్వం వ్యవహరిస్తోందని కాంగ్రెస్ సర్కార్‌పై విరుచుకుపడ్డారు. ముఖ్యమంత్రి కిరణ్‌కుమార్‌రెడ్డిని కిరికిరి సీఎంగా ఆయన పదే పదే అభివర్ణించారు.

ఇక ముందు ఎప్పుడైనా ఎన్నికలు రావచ్చు. మీరంతా సిద్ధంగా ఉండాలని కూడా పార్టీ కార్యకర్తలకు పిలుపునిస్తూనే ఒకప్పుడు ఏ చిన్న విషయంపైనైనా కార్యకర్తలు, నాయకులు ప్రతిస్పందించేవారు. ఇప్పుడా పరిస్థితి నుంచి చూద్దాంలే అనే స్థాయికి ఎవరూ వెళ్లవద్దు. తప్పుని తప్పుగానే ప్రజల్లోకి తీసుకువెళ్లాలన్నారు. 2014 ఎన్నికల నాటికి జగన్‌పై ఉన్న కేసులను మాఫీ చేసేందుకు ఆ పార్టీ కుతంత్రాలకు దిగుతోందని, రాజీపడుతోందని చంద్రబాబు మండిపడ్డారు. ఆమె(విజయలక్ష్మి) ప్రతిసారీ ప్రధాన ప్రతిపక్షం విఫలమైందని ఆరోపిస్తోంది.. అంటే మీరు డబ్బుదోచుకున్నారు, జనం సొమ్ము దోచుకున్నారు.. అని మేము బహిర్గతం చేసినందుకేనా ప్రతిపక్షం విఫలమైందంటూ ఆయన ప్రశ్నల వర్షంకురిపంచారు. వైఎస్ బతికున్నప్పుడే ఆయన గుండెల్లో రైళ్లు పరిగెత్తించాం.

ఇప్పుడు తల్లి కాంగ్రెస్, పిల్ల కాంగ్రెస్ మాకేమీ కొత్త కాదని ప్రజల హర్షధ్వానాల మధ్య అన్నారు.పార్టీలో కొందరు ఎమ్మెల్యేలు బాగా పనిచేస్తున్నారు. ఎమ్మెల్యేలు లేని నియోజకవర్గాల్లో ఇక కార్యకర్తలకు పని కల్పించేందుకు కూడా పార్టీపరంగా చర్యలు తీసుకుంటామని మరికొన్నిచోట్ల చెప్పారు.వీరవాసరం బహిరంగ సభలో అవినీతికి దాసోహం అయ్యేలా కొందరు వ్యవహరిస్తున్నారు, వీరి పట్ల అప్రమత్తంగా ఉండాలని కోరారు. కాపులు, బ్రాహ్మణులు, వైశ్యులతో సహా అగ్రవర్ణాల్లో కూడా పేద కుటుంబాలు ఉన్నాయి. ఈ కుటుంబాలకు చెందిన పిల్లలకు ఫీజు రీయింబర్స్‌మెంట్ కల్పించడానికి తాము సిద్ధంగా ఉన్నామని ప్రకటించారు. కాపులకు ఖచ్చితంగా న్యాయం చేస్తామని, ఇప్పటికే బీసీలకు, మైనార్టీలకు ప్రత్యేక ప్యాకేజీ కల్పించిన విషయాన్ని ఆయన గుర్తు చేశారు.

పోలవరం ప్రాజెక్టును నిర్మించే సత్తా మాకే ఉంది, మీరెవరూ అధైర్యపడాల్సిన పనిలేదు. అధికారంలోకి రాగానే దీనిని పూర్తి చేస్తామని, రైతులకు పూర్తిగా సాగునీరు అందిస్తామన్నారు. బాబు వెంట జిల్లా పార్టీ అధ్యక్షురాలు సీతారామలక్ష్మి, మాగం టి బాబు, పాలి ప్రసాద్, వై.టి.రాజా తదితరులు ఉన్నారు.