రాష్ట్రంలో కాంగ్రెస్్ పాలన అస్తవ్యస్తంగా ఉందని, ప్రజలు అన్ని విధాలా ఇబ్బందులు పడుతున్నారని ఆవేదన వ్యక్తం చేశారు. సుస్థిర, సుపరిపాలనను అందించేందుకు తెలుగుదేశం పార్టీని తిరిగి అధికారంలోకి తీసుకురావాలని పిలుపునిచ్చారు. ఉచిత విద్యుత్ సమస్యను ప్రస్తావిస్తూ కాంగ్రెస్ ముఖ్యమంత్రుల నిర్వాకం వల్ల ఈరోజు వేలాది కోట్ల రూపాయల సర్‌ఛార్జీ భారాన్ని ప్రజలు మోయాల్సి వచ్చిందని ప్రభుత్వంపై విమర్శలు గుప్పించారు. కరెంట్ తీగలు పట్టుకుంటే షాక్ కొడుతుందో లేదో తెలియదు కానీ విద్యుత్ బిల్లు పట్టుకుంటే మాత్రం షాక్ కొట్టి తీరుతుందన్నారు. నీలం తుపానులో ర్రాష్టానికి కేవలం 417 కోట్ల రూపాయలు మంజూరు చేయడం పట్ల ఆయన ఆక్షేపణ తెలిపారు. కాంగ్రెస్ పార్టీ నుంచి 30 మంది ఎంపీలు ప్రాతినిథ్యం వహిస్తున్నప్పటికీ ఎటువంటి ప్రయోజనం లేకపోయిందని విరుచుకుపడ్డారు. పాయకరావుపేట మండలం అక్కంపేట, కందిపూడి, రాజభూపాలపురం, కుమారపురం గ్రామాల్లో ఏర్పాటుచేసిన ఎన్టీఆర్ విగ్రహాలను ఆవిష్కరించారు. ఈ సందర్భంగా తనను కలుసుకోవడానికి వచ్చిన వృద్ధులను అక్కున చేర్చుకున్నారు.

ప్రజలతో మమేకమయ్యేందుకు బాలకృష్ణ ప్రయత్నించారు. పర్యటన ఆద్యంతం భారీ సంఖ్యలో జనం తరలిరావడంతో తెలుగుదేశం పార్టీ శ్రేణులు ఆనందంతో ఉబ్బితబ్బిబ్బయ్యాయి. మహిళలు, యువత, వృద్ధులు బాలకృష్ణను చూసేందుకు ఎగబడ్డారు. రూరల్ జిల్లాలో సాగిన బాలయ్య పర్యటన ప్రజలను ఆకట్టుకోవడంతో పార్టీ శ్రేణులు హుషారుగా వున్నాయి.

పప్పుబెల్లాలు ప్రజలకు.. లక్ష కోట్లు కొడుక్కి వైఎస్ హయాంలో ప్రజలకు పప్పుబెల్లాలు పంచి.. కొడుకు జగన్‌కి మాత్రం లక్ష కోట్లు దోచిపెట్టారన్నారు. ఆ సొమ్ము పేదలకు పంచితే రాష్ట్రంలో పేదరికం ఉండదన్నారు. ప్రజల సొమ్ము దోచుకున్న జగన్ జైలులో గడుపుతున్నాడని, అక్రమాలకు పాల్పడిన వారికి ఇదే గతిపడుతుందన్నారు. వైఎస్ ఆత్మ కేవీపీ సీబీఐ విచారణలో వెల్లడి చేసే విషయాలతో మరిన్ని అక్రమాలు బయటపడతాయని చంద్రబాబు తెలిపారు.

ప్రభుత్వం విద్యుత్ సరఫరా చేయకుండా ప్రజలకు నరకయాతన చూపిస్తుందని, కెజి బేసిన్‌లో సహజవాయువును ఇతర రాష్ట్రాలకు అమ్మేసుకుంటూ మన ప్రాంతంలో ఇళ్లకుగానీ, ఫ్యాక్టరీలకు గానీ గ్యాస్ ఇవ్వడంలేదని, ఇక మన గ్యాస్ మనకేనని, దీనికోసం తనతోపాటు అందరూ పోరాటానికి సిద్ధంగా ఉండాలని తెలుగుదేశం పార్టీ అధినేత ఎన్.చంద్రబాబునాయుడు పిలుపు ఇచ్చారు. వస్తున్నా మీకోసం కార్యక్రమంలో భాగంగా శనివారం కడియంలో జరిగిన పాదయాత్రలో ఆయన మాట్లాడారు. ఇక్కడి గ్యాస్ ఇక్కడ ఉపయోగించకపోవడం అన్యాయమన్నారు. ఇక్కడి గ్యాస్‌తో ఇంటింటీకి పైపులైన్ల ద్వారా వంటగ్యాస్‌ను సరఫరా చేయాలని ఆలోచించి ఏర్పాట్లు చేశానన్నారు.

తాను సిీఎంగా ఉండగా 35లక్షల గ్యాస్ సిలెండర్లు ఇచ్చానని, ఇవాళ ఆరుసిలెండర్లు కూడా సరిగ్గా ఇవ్వడంలేదని తెలిపారు.పైగా ఆధార్‌తో అనుసంధానం అంటూ బ్యాంక్ అకౌంట్లు ఓపెన్ చేసుకోవాలని చెప్పి, సరైన విధానం కూడా పాటించడంలేదని ఆయన అన్నారు.దీని కోసం పోరాటానికి సిద్ధంగా ఉండాలని ఆయన తెలిపారు. కసి పెరగాలని, సమస్యలు పరిష్కరించుకోవాలని, తాము జీవితంగా ఎదగాలనే పట్టుదల పెరగాలన్నారు. ఇక్కడ తనకు మీరంతా ఎన్నో సమస్యలు చెబుతున్నారని, పిల్లకాంగ్రెస్, తల్లి కాంగ్రెస్ అవినీతికి సంబంధించిన అనేక విషయాలు చెబుతున్నారని, ఎక్కడ ఏమి జరుగుతుందో, ఎవరో ఏంటో అర్ధంచేసుకుంటున్నారని, కానీ పోరాడకుంటే ఉంటే సమస్యలు ఎలా పరిష్కారమవుతాయని ఆయన తెలిపారు.32మంది ఎంపిలు ఉన్నారని, జిల్లాలో ఒక కేంద్రమంత్రి కూడా ఉన్నారని అయినా ఒక్క సమస్య కూడా పట్టించుకోని దద్దమ్మలన్నారు..

ప్రజల హక్కులను కూడా కాపాడలేకపోతున్నారని, ఈప్రాంతంలోని గ్యాస్‌తో ఈప్రాంత అవసరాలు తీరాలి కదా అని ఆయన ప్రశ్నించారు. నిత్యాసర సరుకులు పెరిగిపోయాయని, కుటుంబాలలో కనీస అవసరాలు కూడా తీరడంలేదని,దీనికి తోడు మద్యం, నాటు సారా ఏరులైపారడం వల్ల అనేకమంది మందుకు బానిసలైపోతున్నారన్నారు. దీనితో అనేక కుటుంబాలు అల్లకల్లోమైపోతున్నాయన్నారు. అవినీతి , అసమర్ధ ప్రభుత్వం మీద, వైఎస్ కుటుంబ దోపీడిని ప్రజలు అర్ధం చేసుకోవాలన్నారు.తెలుగుదేశం పార్టీకి మళ్లీ పూర్వవైభం వస్తుందని, ప్రజలకష్టాలు తీరుస్తానని ప్రకటించారు. ఎస్‌సిలకు వైఎస్ ఒరగబెట్టింది ఏమీ లేదని, సామాజిక న్యాయం కోసం ఎస్‌సి వర్గీకరణ తెచ్చామని, అలాగని మాలలకు అన్యాయం చేసేది లేదని,మాలలలో కూలీలేఅధికమన్నారు. అటువంటి వారికి అన్నివిధాల న్యాయం చేసి పైకి తీసుకొస్తానని చెప్పారు.

జనాభాలో బీసీలు 50శాతం ఉన్నారని,శెట్టిబలిజలు అంతా పార్టీకి అండగా ఉండేవారి,ఇటీవల కొంతమంది దూరమయినా మళ్లీ పార్టీకిదగ్గ ర చేసుకుంటానన్నారు. ఇంకా యాదవులు, చేనేత కార్మికులు, కుమ్మర, వడ్డి, నాయ్రీబాహ్మణ, విశ్రబ్రాహ్మణ,శాలివాహన, రజక వంటి అనేక కులాలకు ప్రభుత్వం అన్యాయం చేసిందని అందుకే బీసీ డిక్లరేషన్ చేశామన్నారు. కాపులలో కూడా అధికంగా పేదలు ఉన్నారని,భూములు లేవని, చిన్నచిన్న పనులు చేస్తూ బతుకుతున్నారని,కుటుంబాన్ని మగవాళ్లే పోషించాలని, అందువల్ల అనేకమంది పేదలు ఇబ్బందులు పడుతున్న విషయం తనకు తెలుసన్నారు.అంతేకాక అగ్రకులాలలోని పేదలకు రిజర్వేషన్లు ఇవ్వడానికి, ఆర్ధికంగా, రాజకీయంగా ,సామాజికంగా వారిని ఆదుకోవడానికి త్వరలో ఒక నిర్ణయం తీసుకోనున్నామన్నారు.నీలం తుఫాన్ నష్టం కూడా ఇంకా ఇవ్వలేదన్నారు.అందువల్ల అందరూ పోరాటానికి సిద్ధం కావాలని పిలుపు ఇచ్చారు.

పేదల కష్టాలను తీరాలంటే టీడీపీ ప్రభుత్వం మళ్లీ రావాలని చెప్పారు. పేదల కష్టాలను తీర్చేందుకే వస్తున్నా పాదయాత్ర చేస్తున్న ట్లు ఆయన వివరించారు. పేదలకు సొంత ఇల్లు నిర్మించడానికి రూ.1,5లక్షల కేటాయించి ఇల్లు నిర్మించనున్నామని ఆయన ప్రజల ఉద్దేశించి ప్ర సంగించారు. టీడీపీ అధికారంలోకి వచ్చిన మొదటి సంతకం రైతుల రుణాలమాఫీ చేస్తానని చెప్పారు. బంగారం రుణాలను కూడా ఈ మాఫీలోకి తీసుకొచ్చి మీ బంగారాన్ని మీకు అందించే బాధ్యత నాదని చంద్రబాబు హామీ ఇచ్చారు.

ఘనస్వాగతం: కడియం నుంచి ప్రారంభమైన చంద్రబాబు నాయుడు పాదయాత్ర కొత్తపేట నియోజక వర్గం మడికి శివారు మల్లవానితోటలోనికి ప్రవేశించినప్పుడు పూలపై చంద్రబాబును నడిపించి ఘనస్వాగతం పలికారు. రాష్ట్ర బీసీ సెల్ అధ్యక్షుడు రెడ్డి సుబ్రహ్మణ్యం, పలువురు నాయకులు పాల్గొన్నారు.

బాబును కలసిన దేవేందర్‌గౌడ్; బాబూమోహన్

వస్తున్నా మీకోసం కార్యక్రమంలో భాగంగా తూర్పుగోదావరి జిల్లాలో పాదయాత్ర చేస్తున్న తెలుగుదేశం పార్టీ అధ్యక్షుడు ఎన్.,,చంద్రబాబునాయుడును ఎంపి టి.దేవేందర్‌గౌడ్, మాజీ మంత్రి, ప్రముఖ సినీనటుడు బాబూ మోహన్ కలిశారు. బాబు బసచేసిన బస్సులోకి వెళ్లి,ఆయనతో కాసేపు మాట్లాడి వెళ్లారు.

అమ్మవారి దర్శనానంతరం విలేకరులతో కాసేపు మాట్లాడారు. తాను ఎంపీగా పోటీ చేయబోనని, ఎమ్మెల్యేగా మాత్రమే పోటీచేస్తానన్నారు. ఎక్కణ్నుంచి పోటీ చేసేది అధిష్ఠానమే నిర్ణయిస్తుందన్నారు. కొంత సమయం విశ్రాంతి తీసుకుని తుని పట్టణంలోని తన మిత్రుడు చల్లకొండ రమేష్ ఇంటికి చేరుకుని భోజనంచేసి విశ్రాంతి తీసుకున్నారు. సాయంత్రం విశాఖ జిల్లా పర్యటనకు బయలుదేరి వెళ్ళారు. ఆయన వెంట బండారు జగన్, దిబ్బా శ్రీను, దియ్యా శ్రీను, గర్లంక నానాజీ, పలివెల శివమణి తదితరులు వెళ్లారు. అడుగడుగునా అభిమానులు హర్షాతిరేకాలతో బాలయ్య పర్యటన సాగింది

1984లో క్రమశిక్షణ సంఘం సభ్యుడిగా, పే అండ్ అకౌంట్స్ విభా గం సభ్యుడిగా, తిరుమల తిరుపతి దేవస్థానం బోర్డు సభ్యుడిగా తదితర ఐదు పదవులను ఏకకాలంలో నిర్వహించారు. గతంలో ఒక పర్యాయం ఎమ్మెల్సీగా ఉన్న యాదగిరి మంచిర్యాల మున్సిపల్ చైర్మన్‌గా పోటీ చేసి ఓటమి పాలయ్యారు. ఆరు సంవత్సరాలుగా ఎమ్మెల్సీగా బాధ్యతలు నిర్వర్తిస్తూ ఎన్టీఆర్ ట్రస్టు భవన్‌లో రిసెప్షన్ కమిటీ చైర్మన్‌గా కొనసాగుతున్నారు. టీటీడీ బోర్డు సభ్యుడిగా కొనసాగుతున్న సమయంలో మంచిర్యాల టీటీడీ కళ్యాణ మండపం నిర్మాణానికి కృషి చేశారు.

యాదగిరి మృతితో టీడీపీ శ్రేణుల్లో విషాదం నెలకొంది. టీడీపీ జిల్లా మాజీ అధ్యక్షుడు గోనె హన్మంతరావు , సీనియర్ నాయకులు ముకేష్‌గౌడ్, కొండేటి సత్యం, వినయ్ ప్రకాష్‌రావు, రైసా బాను, డాక్టర్ రఘునందన్, నల్మాస్ కాంతయ్య, బెల్లంకొం డ మురళి, గాదె సత్యం, మంచిర్యాల బార్ అసోసియేషన్ అధ్యక్షుడు కొత్త సత్తయ్య, కార్యదర్శి రంగు మల్లేష్, ఉపాధ్యక్షుడు మల్లారెడ్డి తదితరులు ఆయన మృతిపై తీవ్ర దిగ్బ్రాంతిని వ్యక్తం చేశారు. యాదగిరి కుటుంబ సభ్యులకు తమ ప్రగాఢ సంతాపం తెలిపారు. కడసారి చూపు కోసం వారంతా హైదరాబాద్‌కు తరలి వెళ్లారు. యాదగిరికి భార్య సునీతతో పాటు ఇద్దరు కుమారులు, ఒక కూతురు ఉన్నారు.

'వస్తున్నా మీ కోసం' పాదయాత్ర కు ఆదివారం చంద్రబాబు విరామం ఇవ్వనున్నారు. భార్య భువనేశ్వరి, తనయుడు లోకేష్ తూర్పుగోదావరి జిల్లా వచ్చి చంద్రబాబును కలిశారు. ఆదివారం మండపేట మండలం ఏడి ద గ్రామంలో ఏర్పాటుచేసిన క్యాంప్‌లో వారి బస చేయనున్నారు. కుటుంబ సభ్యులతో గడిపి సోమవారం నుంచి చంద్ర'ాబు య'దావి'దిగా పాదయాత్ర చేపడతారు. శనివారంతో చంద్ర'ాబు పాదయాత్ర 173 రోజులు పూర్తయింది. ఇప్పటి వరకు 2,490 కిలోమీటర్ల దూరం నడిచారు.