గ్రామీణ ప్రాంతాల్లో అవసరమైన పరిశ్రమలను ఏర్పాటు చేస్తే ఇక్కడ ఉన్న నిరుద్యోగులు పట్టణ ప్రాంతాలకు వలస వెళ్లకుండా స్థానికంగానే ఉద్యోగాలు పొందవచ్చని అన్నా రు. కాంగ్రెస్ ప్రభుత్వ హయాంలో కు లవృత్తులు, చేతివృత్తుల వారు రోడ్డున పడ్డారని ఆవేదన వ్యక్తం చేశారు. ప్రస్తుతం ఉన్న పరిశ్రమలకు సైతం ప్రభుత్వం విద్యుత్‌ను అందించలేని స్థితిలో ఉందని విమర్శించారు. నిండు మనసుతో ఆశీర్వదిస్తే సుపరిపాలన అందిస్తానన్నారు.

వ్యవసాయాన్ని లాభసాటి చేస్తాటీడీపీకి అధికారాన్ని అప్పగిస్తే వ్యవసాయాన్ని లాభసాటి చేసి రైతు కళ్లలో ఆనందాన్ని నింపుతానని టీడీపీ అధినేత చంద్రబాబునాయుడు అన్నా రు. మాటేగాం సభలో మాట్లాడుతూ వ్యవసాయాన్ని లాభసాటిగా మార్చే క్రమంలో రైతుల రుణాలన్నింటినీ మాఫీ చేస్తూ తొలి సంతకం పెడతానని ప్రకటించారు. అంతేకాకుండా రైతాంగానికి తొమ్మిది గంటల పాటు నాణ్యమైన విద్యుత్‌ను అందిస్తామన్నారు. జాతీయ గ్రామీణ ఉపాధి హామీ పథకాన్ని వ్యవసాయానికి అనుసంధానం చేస్తామన్నారు. సామాన్య, మధ్యతరగతి ప్రజలకు గుదిబండగా మారిన నిత్యావసర వస్తువుల ధరలను అదుపులో ఉంచుతామన్నారు. మీ పిల్లల చదువు బాధ్యతలను తామే తీసుకొని డాక్టర్లు, ఇంజనీర్లుగా తీర్చిదిద్దుతామన్నారు. నిరుద్యోగ యువతకు నిరుద్యోగ భృతి చెల్లిస్తామన్నారు.

జనాభా దామాషా పద్ధతిన అన్ని వర్గాల ప్రజలను ఆదుకుంటామని స్పష్టం చేశారు. 2500 కోట్లతో మైనార్టీ సంక్షేమానికి ప్రత్యేకంగా కృషి చేస్తామని వెల్లడించా రు. వికలాంగులకు ప్రత్యేక పాలసీని అమలు చేస్తామన్నారు. 500 జనాభా ఉన్న ప్రతి తండాను గ్రామ పంచాయతీలుగా మారుస్తామన్నారు. దేశంలో ఆంధ్రప్రదేశ్‌కు ప్రత్యేక గుర్తింపు తెచ్చేందుకు అవసరమైన అన్ని చర్యలు చేపడతామన్నారు. తండ్రి అధికారాన్ని అడ్డం పెట్టుకొని జగన్‌మోహన్ రెడ్డి ప్రజాధనాన్ని దోచుకున్నారని విమర్శించారు. తెలంగాణపై అధికారంలో ఉన్నవారు ఏ నిర్ణయం తీసుకోకుండా టీడీపీని ఇబ్బంది పెట్టే ప్రయత్నం చేస్తున్నారని, ప్రజలు దీనిని గమనించాలని కోరారు. చంద్రబాబు నాయుడుతో పాటు జిల్లా ఎంపీ రాథోడ్ రమేష్, పార్టీ జిల్లా అధ్యక్షుడు నాగేష్, ముథోల్ నియోజక వర్గ ఇన్‌చార్జి నారాయణరెడ్డి, లోలం శ్యామ్‌సుందర్, జుట్టు అశోక్, రమాదేవి తదితరులు ఉన్నారు.

కాంగ్రెస్ అవినీతిని ఎండగట్టిన బాబుకుంటాల/లోకేశ్వరం : అధికారం చేజిక్కించుకున్న కాంగ్రెస్ ప్రభుత్వం అభివృద్ధిని మరిచి అవినీతిలో ము నిగిపోయిందని టీడీపీ అధినేత చంద్ర బాబు నాయుడు విమర్శించారు. పాదయాత్రలో శనివారం రాత్రి 9:45 గంటలకు కుంటాల మండలంలోని కల్లూర్ గ్రామంలో జరిగిన బహిరంగ సభలో ఆయన మాట్లాడారు.

కాంగ్రెస్ ప్రభుత్వం కల్లిబొల్లి కబర్లు చెప్పి అధికారంలోకి వచ్చిందని వచ్చిన నాటి నుంచి అవినీతికి తెర లేపిందన్నారు. ఉచిత విద్యుత్ అంటూనే ప్రస్తుతం గృహ విద్యుత్‌కు సర్ చార్జీలు విధిస్తూ సామాన్యుడి నడ్డి విరుస్తోందన్నారు. కాంగ్రెస్ పాలనలో మంత్రులు, అధికా రులు సైతం నిందితులయ్యారని విమర్శించారు. లక్షల కోట్లు అక్రమం గా దండుకున్నారని పేర్కొన్నారు. నిత్యవసర సరుకుల ధరలతో పాటు డిజిల్, పెట్రోల్ ధరలు పెంచారన్నా రు. ఇప్పటికే కాంగ్రెస్‌లో నుంచి విడిపోయిన పిల్ల కాంగ్రెస్ అధికారం కోసం తహతహలాడుతోందని వారికి అధికారం ఇస్తే రాష్ట్రాన్ని అమ్మి వేస్తారన్నారు. సామాజిక న్యాయం అంటూ రాజకీయాల్లోకి వచ్చిన సినీ నటుడు చిరంజీవి మంత్రి కాగానే కాంగ్రెస్‌లో పార్టీని విలీనం చేశారని విమర్శించారు. పేదల పార్టీ టీడీపీ పార్టీ అని మరోసారి తనకు అవకాశం ఇస్తే పెద్దబిడ్డగా రాష్ట్ర అభివృద్ధి కోసం అంకితమవుతానని పేర్కొన్నారు. ప్రత్యేక తెలంగాణ కోసం తానెప్పుడూ వ్యతిరేకిని కానని స్పష్టం చేశారు.

అఖి లపక్ష సమావేశం నిర్వహిస్తే తమ వైఖరిని స్పష్టం చేస్తామన్నారు. వృద్ధు ల, వికలాంగుల, మహిళల యువత కోసం పలు సంక్షేమ పథకాలను ప్రవేశ పెట్టడానికి ముందుంటానన్నారు. కుం టాల మండలంలోని సమస్యల పరి ష్కారానికి తనవంతు కృషి చేస్తానని హామీ ఇచ్చారు. చంద్రబాబు వెంట ముథోల్ నియోజకవర్గ ఇన్‌చార్జీ ఎల్. నారాయణరెడ్డి, ఆదిలాబాద్ నియో జకవర్గ ఇన్‌చార్జీ పాయల్ శంకర్, టీడీ పీ జిల్లా నాయకులు యూనిస్ అక్బానీ, అబ్దుల్ కలాం తదితరులు ఉన్నారు.

నారాయణ్‌రెడ్డిముథోల్ టిక్కెట్ ఇవ్వాలికుంటాల/భైంసా/ముథోల్/లోకేశ్వరం : ముథోల్ టీడీపీ నియోజకవర్గ ఇన్‌చార్జిగా ఉన్న నారాయణ్‌రెడ్డికే అసెంబ్లీ టికెట్‌ను ఇవ్వాలని ఓ కార్యకర్త బాబు బహిరంగ సమావేశంలో మైకు పట్టుకుని విజ్ఞప్తి చేశారు.

పాదయాత్రలో భాగంగా మాటేగాం వద్ద ఆగిన చంద్రబాబు కార్యకర్తలకు మైకు ఇచ్చి మాట్లాడాల్సిందిగా కోరారు. దీంతో మకు అందుకున్న ఓ కార్యకర్త నీతివంతుడైన నారాయణరెడ్డికి టికెట్ ఇచ్చి గెలిపిస్తే నియోజకవర్గంలో కార్యకర్తలకు న్యాయం జరుగుతుందన్నారు. దీంతో అక్కడ ఉన్న ప్రజలు, కార్యకర్తలు చప్పట్లు కొట్టారు.

బాబు దీనిపై స్పందిస్తూ నీతివంతమైన వారికే ఓటు వేసి గెలుపించుకోవాలని అన్నారు.

చంద్రబాబు దిష్టిబొమ్మ దహనంతానూరు : మండల కేంద్రంలోని అంబేద్కర్ చౌరస్తా వద్ద శనివారం టీడీపీ అధినేత చంద్రబాబు నాయుడు దిష్టిబొమ్మను మండల మాల మహనాయకులు దహనం చేశారు. శాంతియుతంగా నిరసన కార్యక్రమం చేపడుతుండగా పోలీసులు లాఠీచార్జీ చేయడం అమానుషం అన్నారు. సాయినాథ్ బద్రే, రాందాస్ పవార్, సాహెబ్‌రావు, భీంరావు పవార్ తదితరులు ఉన్నారు.

బీడీ కా ర్కానాల్లో, జిన్నింగ్‌లలో, దారి పొడువునా రైతులతో ఆయన మా ట్లాడారు. 5 వందల జనాభా ఉన్న ప్ర తి గిరిజన గూడెం, తండాను ప్రత్యేక పంచాయతీలుగా ఏర్పాటు చేయిస్తాన నీ, గిరిజనులకు రూ. లక్షా 50 వేలతో ఇళ్లు నిర్మించి ఇస్తామనీ, ఉచితంగా రెండు ఎకరాల భూమి, గిరిజనుల పి ల్లలకు ఎల్‌కేజీ నుంచి పీజీ వరకు ఉ చిత విద్య, గిరిజనుల ఆడపిల్లలకు రూ. 50 వేలను ఇచ్చి వివాహం జరిపిస్తానని చెప్పారు. కాంగ్రెస్ పాలనలో కుల, చేతి వృత్తులు దెబ్బతిన్నాయనీ, తాను అధికారంలో ఉన్నప్పుడు ఆదరణ పథకం కింద ఇచ్చిన పనిముట్లే కనిపిస్తున్నాయన్నారు. మంగలి షాపు ల్లో కుర్చీలు, లాండ్రీషాపుల్లో ఇస్త్రీ పె ట్టెలు ఆదరణ పథకం కింద ఇచ్చామ ని, అవి ఇప్పుడు ఆ దుకాణాల్లో కనిపిస్తున్నాయన్నారు.

విద్యుత్ కోత వల్ల జిన్నింగ్ ఫ్యాక్టరీలు పని చేయకపోవడంతో వేలాది మంది కార్మికులు ఉ పాధి కోల్పోయారన్నారు. జిల్లాలో ల క్షలాది మంది బీడీ కార్మికులు ఉన్నార ని, వెయ్యి బీడీలకు 110 రూపాయలు ఇస్తున్నారన్నారు. బీడీలు చుట్టడం వల్ల వారి ఆరోగ్యాలు పాడైపోతున్నాయనీ, నెలకు 12 రోజులు పని కల్పించడంతో బీడీ కార్మికులు పస్తులుంటున్నారన్నారు. టీడీపీ అధికారంలోకి వ చ్చిన తరువాత వెయ్యి బీడీలకు రూ. 150, నెలకు 26 రోజులు పని కల్పించడంతోపాటు ఈఎస్ఐ ఆసుపత్రులను ఏర్పాటు ఏయడంతోపాటు బీడీ కార్మికులకు రూ. లక్షా 50 వేలతో ఇళ్లు ని ర్మించి ఇస్తామన్నారు. జిల్లాలో 10 ల క్షల ఎకరాల్లో పత్తి పంటను సాగు చే స్తున్నారని, పెరిగిన ఎరువుల ధరల వల్ల పెట్టుబడి పెరిగి, ఈ ఏడు దిగుబడి తగ్గిందన్నారు. దానికి తోడు ప్రభుత్వం పట్టించుకోకపోవడంతో గిట్టుబాటు ధర లభించడం లేదన్నారు.

క్వింటాలు పత్తికి రూ. 5 వేల మద్దతు ధర లభించేలా కృషి చేస్తానన్నారు. రైతులు తీసుకున్న అన్ని రుణాలను మాఫీ చేస్తాననీ, ముఖ్యమంత్రి అయిన తరువాత రుణ మాఫీ ఫైల్‌పైనే తొలి సంతకం చేస్తానన్నారు. బెల్ట్‌షాపులను తొలగిస్తామన్నారు. కాంగ్రెస్ నేతలు రైతుల ఇన్‌పుట్ సబ్సిడీ రూ. 4 కోట్లను కాజేస్తే ఒక ఏడీఏ జైలు పాలయ్యారనీ, కాంగ్రెస్ నేతలు మాత్రమే బయట హాయిగా తిరుగుతున్నారన్నారు. అర్హులైన వారికి పింఛన్లు ఇవ్వడం లేదనీ, కాంగ్రెస్ పార్టీ కార్యకర్తలకు మాత్రమే పింఛన్లు ఇచ్చారని ఆరోపించారు. పాఠశాలల గదుల కొరత, ప్రహారీలు లేకపోవడంతో విద్యార్థులకు ఇబ్బందులు ఎదురవుతున్నాయన్నా రు. గ్రామాల్లో సీసీ రోడ్లు, మురికి కా లువలు లేకపోవడంతో ప్రజలు ఇబ్బందులు పడుతున్నారు.

వేణుగోపాలచారిని ఎమ్మెల్యే, ఎంపీ, రాష్ట్ర, కేంద్ర మం త్రిని చేస్తే ఆయన ప్రలోభాలకు లొంగి పార్టీని వీడాడనీ, ఇలాంటి అవకాశవాద నాయకులను చిత్తుచిత్తుగా ఓ డించాలన్నారు. పార్టీని వీడిన వారు కా ర్యకర్తలను బెదిరిస్తున్నారనీ, వారికి భ యపడవద్దనీ, అవసరమైతే కార్యకర్తల కోసం తన ప్రాణాలను సైతం అర్పిస్తానన్నారు. సమావేశాల్లో ఎంపీ రమేశ్‌రాథోడ్, ఎమ్మెల్యే, టీడీపీ జిల్లా అధ్యక్షుడు నగేశ్, టీడీపీ నాయకులు లోలం శ్యాం సుందర్, పాయల శంకర్, నారాయణరెడ్డి, టీడీపీ ఎస్సీ సెల్ రాష్ట్ర అధ్యక్షుడు శ్రీశైలం, వికలాంగుల సంక్షేమ కార్పొరేషన్ మాజీ చైర్మన్ కోటేశ్వర్‌రావు జీవీ రమణ, కడెం మాజీ ఎంపీపీ రాజేశ్వర్‌గౌడ్ తదితరులు పాల్గొన్నారు.