ప్రతి పక్షాలు, ప్రజా సంఘాలు సమష్టిగా చేసిన పోరాటాల ఫలితం గా భవానీ ద్వీపం ప్రైవేటు పరం కాలేదన్నారు. ప్రజారాజ్యం, కాంగ్రెస్‌లో కలిపినందుకు నజరానాగా చిరంజీవి సలహా మేరకు మంత్రి ఘంటా శ్రీనివాసరావుకు భవానీద్వీపం లీజుకిద్దామని అనుకున్నారన్నారు. కాని దీనిపై తీ వ్రంగా వ్యతిరేకత రావడంతో ప్రభుత్వం వెనుకకు తగ్గిందన్నారు. గ్రేటర్ విజయవాడ ప్రతిపాదనలకు ఎంపీ రాజగోపాల్, అధికా
రపార్టీ ఎమ్మెల్యేలు అడ్డు పడుతున్నారన్నారు.

వైసీపీ నాయకులు సామినేని ఉదయ భాను, జోగి రమేష్‌లు ఇష్టాను సారం మాట్లాడుతున్నారన్నారు. జగన్ అంత అవినీతి పరుడు లేడన్నారు. పాదయా త్ర చేస్తున్న షర్మిల రక్షణ స్టీల్ విషయమై ఎందుకు మాట్లాడదన్నారు. ఆమె పాదయా త్ర ఫ్లాప్ షో అన్నారు. వై.ఎస్.రాజశేఖరరెడ్డి ముఖ్యమంత్రిగా ఉన్న సమయంలో బయ్యారం నుంచి తరలిం చిన వందల లారీల ఖనిజానికి ప్రభుత్వం సుంకం రాబట్టాలని దేవినేని ఉమా డిమాండ్ చేశారు.

అధికారం చేతులో వుందని ఇష్టానుసారం ప్రవర్తిస్తే ప్రజల ఉసురు తగిలి పోతారని సోమిరెడ్డి, జెన్‌కో సీఈ సత్యనారాయణపై మండిపడ్డారు. అంతకుముందు బూడిద చెరువుల విషయంపై మాట్లాడేందుకు ఆయన పార్టీ జిల్లా అధ్యక్షుడు బీదా రవిచంద్ర, దేశం ఎమ్మెల్యేలతో కలిసి జెన్‌కో సీఈ కార్యాలయంలో సమావేశమయ్యారు. నెల్లూరు రూరల్ డీఎస్పీ బాల వెంకటేశ్వరరావు, సీఐలు గంగా వెంకటేశ్వర్లు, సుధాకర్‌రెడ్డి పరిస్థితులను పర్యవేక్షించారు.

  ఒంగోలు:'దర్శి నియోజకవర్గంలో తిష్టవేసిన ప్రజా సమస్యలను పరిశీలిస్తే అభివృద్ధికి ఆమడ దూరంలో ఉందన్న విషయం తేటతెల్లమవు తుంది. రాష్ట్రంలోని అనేక ప్రాంతాలపై అవ గాహన ఉన్న నాకు దర్శి ప్రాంత ప్రజల సమస్యలు చూసిన తర్వాత ఇక్కడ ఎంతటి దయనీయ పరిస్థితి ఉందో అర్థమైంది. నియోజకవర్గ పొలిమేర నుంచే సాగర్

కాలువ ఉన్నా తాగునీటి సమస్య తాండవించడం అందుకు నిదర్శనం. దీనంతటికీ గత పదేళ్లుగా అధికారంలో ఉన్న వారే బాధ్యత వహించాలి. రాష్ట్రం లో తెదేపా పాలనలో జన్మభూమి పథ కంతో అనేక ప్రాంతాల్లోని గ్రామ సీమ లు సిమెంట్ రోడ్లతో కళకళలాడాయి. కానీ నేటికీ ఇక్కడ గ్రామాల్లో సక్ర మంగా రోడ్లు లేని దుస్థితి నెలకొంది.

అందుకే నియోజకవర్గంలో ఏ ప్రాంతా నికి వెళ్లినా ప్రజలు నాకు బ్రహ్మరథం పడుతున్నారు. నా పట్ల అపారమైన ఆద రాభిమానాలు చూపిస్తూనే చంద్రబాబు ముఖ్యమంత్రి కావాలని ఆశీర్వదిస్తున్నా రు. అందుకే వచ్చే ఎన్నికల్లో నన్ను ఆద రిస్తే ప్రభుత్వ నిధులు ఆశించిన స్థాయి లో అందకపోయినా సొంత డబ్బులు వెచ్చించి మంచినీటి సౌకర్యం, రోడ్ల నిర్మాణం కల్పించడం జరుగుతుందని హామీ ఇస్తున్నా. ఇప్పటికే నేను ట్యాంకర్ల ద్వారా నీటి సరఫరా చేపట్టినా, బోర్ల నిర్మాణానికి చర్యలు తీసుకున్నా అదం తా ప్రజల ఇబ్బందులను పరిష్కరించ డమే తప్ప ఎన్నికల్లో లబ్ధికోసం కాదు.

ఎప్పుడో వచ్చే ఎన్నికలను దృష్టిలో ఉంచుకుని డబ్బు వెదజల్లే మనస్తత్వం నాది కాదు. అదే సమయంలో ప్రజల అవసరాల కోసం సొంత నిధులను వెచ్చించేందుకు రాజకీయాలకు అతీతం గా వ్యవహరిస్తాను. అందుకు గతంలో చీమకుర్తితోపాటు, అనేక ప్రాంతాల్లో చేపట్టిన కార్యక్రమాలే దర్పణం పడతా యి'. ఇదీ తెదేపా పొలిట్ బ్యూరో సభ్యు డు, దర్శి నియోజకవర్గ పార్టీ ఇన్‌చార్జి శిద్దా రాఘవరావు వ్యక్తం చేసిన అభిప్రా యాలు.

గత కొంతకాలంగా నియోజక వర్గంలో పాదయాత్ర నిర్వహిస్తున్న శిద్దా ప్రస్తుతం దర్శిలో వీధివీధినా పర్యటి స్తున్నారు. ఆ సందర్భంగా సోమవారం సాయంత్రం పాదయాత్రలో కలిసిన ఆంధ్రజ్యోతి ప్రతినిధితో పలు అంశాల పై తన అభిప్రాయాలను స్పష్టంగా తెలియజేశారు. అందులోని ము ఖ్యాం శాలు ఇలా ఉన్నాయి.
ఎన్నికలను దృష్టిలో ఉంచుకునే పాద యాత్ర చేపట్టారా?

నేను పాదయాత్ర ఈ రోజు చేపట్ట లేదు. ఇప్పటికే దొనకొండ, ముండ్లమూ రు మండలాల్లోని గ్రామాల్లో పర్యటిం చాను. ప్రస్తుతం నియోజకవర్గ కేంద్ర మైన దర్శిలో పాదయాత్ర చేస్తున్నా.

ఎన్నికల లక్ష్యం కాకుంటే పాదయాత్ర ఉద్దేశం ఏమిటి?

ప్రజల జీవన విధానాన్ని, వారి ఆర్థిక, సమాజిక స్థితిగతులను, నియోజకవ ర్గంలో నెలకొన్న సమస్యలను అధ్యయ నం చేసేందుకే చేపట్టా.

ఇప్పటి వరకు మీరు ఏం గుర్తించారు?
అభివృద్ధిలో నియోజకవర్గ పరిస్థితి దయనీయంగా ఉందనేది మాత్రం ని జం. అందుకు వాడవాడలా ప్రజలు చె ప్పే సమస్యలే దర్పణం పడుతున్నాయి.

ఎలాంటి సమస్యలు మీ దృష్టికి వచ్చాయి?

స్వాతంత్య్రం వచ్చి 60 ఏళ్లు దాటినా గుక్కెడు మంచినీటి కోసం ఇక్కడి ప్రజ లు పరితపిస్తున్నారు. మరోవైపు రవాణా సౌకర్యాల విషయంలోనూ నియోజక వర్గం పూర్తిగా వెనుకబడి ఉంది. గ్రామా ల్లోనే కాదు, మండల కేంద్రాలు, నియో జకవర్గ కేంద్రంలో కూడా సరైన రోడ్ల ఏర్పాటు జరగలేదు.

ఇవి మీరు చెప్పే సమస్యలా? ప్రజలు చెప్పినవా?

ఎక్కడికెళ్లినా ప్రజలు ఈ రెండు సమ స్యలను ప్రధానంగా ప్రస్తావిస్తున్నారు. ఈ విషయంలో నియోజకవర్గంలోని ఏ ఒక్కప్రాంతం మినహాయింపు కాదు.

అందుకు కారణం ఏమిటనే విష యాన్ని గుర్తించారా?

గత 10 ఏళ్లుగా అధికారంలో ఉన్న పాలకులే అందుకు కారణమని కచ్ఛితం గా చెప్పగలను. తెదేపా హయాంలో జన్మభూమి కార్యక్రమం చేపట్టిన రోజు ల్లో కూడా నియోజకవర్గంలో కాంగ్రెస్ పార్టీ ప్రజాప్రతిధి ఉన్నారు. అందువలన అప్పుడు చంద్రబాబు చేపట్టిన అభివృద్ధి కార్యక్రమాలు ఈ ప్రాంతంలో పూర్తిగా అమలుకు నోచుకోలేదు. ఇక గత రెండు పర్యాయాలుగా ప్రభుత్వ పథకాలను అటుంచితే, స్థానికంగా అధికారంలో ఉన్న వారు మాటలతో ప్రజలను మోసం చేయడం మినహా అభివృద్ధి పనులకు ఏమాత్రం ప్రాధాన్యం ఇచ్చిన దాఖలాలు లేవు.

ఇది మీ అభిప్రాయమా? ప్రజలు చెప్తున్నారా?

ఇద్దరి అభిప్రాయం. నేను చేసిన అధ్యయనంలో ఈ విషయం తేటతెల్ల మైంది. అలాగే నా పాదయాత్రలో కలు స్తున్న ప్రజల నుంచి కూడా అదే అభిప్రాయం వ్యక్తమవుతోంది.

మరి మీరేమి హామీ ఇస్తున్నారు?

నన్ను ఆదరించి గెలిపిస్తే ఈ సమస్య లను కచ్ఛితంగా పరిష్కరిస్తానని హామీ ఇస్తున్నాను.

స్థానికంగా మీరు గెలిచి రాష్ట్రంలో మీ పార్టీ ప్రభుత్వం ఏర్పడినా మీరు చెప్పిన స్థాయి అభివృద్ధి సాధ్యమేనా?

నాకున్న అవకాశాలను దృష్టిలో ఉంచుకుని ప్రభుత్వం నుంచి మరిన్ని నిధులు రాబడతా. కాదూ కూడదంటే ఓ పదోపాతిక కోట్ల రూపాయలో సొంత నిధులు వెచ్చించి అయినా సమస్యలు పరిష్కరిస్తా. ఆవిషయంలో రాజీ పడేది లేదు.

ఆ సందర్భంగా ప్రజల నుంచి ఎలాంటి స్పందన వచ్చింది?

నా హామీలకు అతీతంగానే ప్రజలు తెదేపాను, నన్ను ఆదరిస్తున్నారు. అందు కు తరతమ భేదం లేకుండా అన్ని ప్రాం తాల్లో చిన్నారుల నుంచి, వృద్ధుల వరకు రోడ్డుపైకి వచ్చి నాకు స్వాగతం పలుకు తుండటం, నేను నమస్కరిస్తే ప్రతి నమస్కారం చేయడం నిదర్శనం. చాలా ప్రాంతాల్లో మహిళలు, పెద్దలు నన్ను 'మీ సేవా భావం నచ్చింది. రాజకీయా లకు అతీతంగా మిమ్మల్ని ఆదిరిస్తాం' అంటూ ఆశీర్వదిస్తుండటం నాలో మనో ధైర్యాన్ని పెంచింది.

అలాంటి ఆదరణ ప్రజల్లో ఉంటే ప్రస్తుతం ఉచిత సేవా కార్యక్రమాలను ఎందుకు చేపట్టారు?

నేను చేపట్టిన కార్యక్రమం ఏమిటో? మీకు ఎందుకు అనుమానాలు వచ్చా యో చెప్పగలరా?

ట్యాంకర్ల ద్వారా నీటి సరఫరా, బోర్ల నిర్మాణం తదితర కార్యక్రమాలు చేయ డం లేదా?
ఈ కార్యక్రమాల నిర్వహణకు, రాజకీ యాలకు ఎలాంటి సంబంధం లేదు. నియోజకవర్గంలో ప్రజలు తాగునీటి కోసం ఇబ్బంది పడటాన్ని గుర్తించాను. ఇప్పటికే ఎండలు మండుతుండటం, భూగర్భజల మట్టం తగ్గడంతో తక్షణ సమస్య పరిష్కారంగా ట్యాంకర్ల ద్వారా నీటిని సరఫరా చేస్తున్నా. ఉన్నంతలో మరింతకాలం సమస్య పరిష్కారాన్ని దృష్టిలో ఉంచుకుని ఆయా ప్రాంతాల్లో బోర్ల ఏర్పాటుకు చర్యలు తీసుకున్నా.

ప్రతిపక్ష పార్టీ నేతగా ప్రభుత్వంపై ఒత్తిడి తెచ్చి ఈ పనులు చేయించాలి కదా?

ప్రజా సమస్యలను గుర్తిస్తేనో, ప్రతి పక్షాలు ఒత్తిడి చేస్తేనో గమనించి చర్య లు తీసుకునే పరిస్థితిలో ఈ రాష్ట్ర ప్రభు త్వం ఉందంటే మీరు నమ్ముతున్నారా? సాగర్ కాలువల ద్వారా మంచినీటి చెరువులకు నీరందించాలన్న విషయం కూడా మా పార్టీ ఆందోళన చేస్తేనే పాలకపక్షానికి గుర్తొచ్చింది. వచ్చిన నీటిని సక్రమంగా చెరువులను నింపలేక పోయారన్న విషయం కూడా మేము చెబితే కాని అధికార యంత్రాంగానికి తెలియలేదు.

ఆ తర్వాత కూడా సమస్య పరిష్కారానికి చర్యలు పూర్తిస్థాయిలో తీసుకోకుండా కంటితుడుపు నిర్ణయాల తో ముందుకు సాగుతున్నారు. అందు వలన దర్శి ప్రజల మేలు కోరే నేతగా సొంత నిధులు వెచ్చించి ముందుకు వారి దాహార్తిని తీరుస్తున్నా.

నిజంగా ప్రజల కోసమే అయితే గతంలో కూడా ఇలాంటి సేవా కార్యక్ర మాలు చేసి ఉండాలి కదా?

ఇలాంటి సేవా కార్యక్రమాలు చేయ డంలో నేను కానీ, మా కుటుంబం కానీ ఎప్పుడూ ముందే ఉంటుంది.

చీమకుర్తి ప్రాంతంలో చేపట్టిన కార్యక్రమాలే అం దుకు నిదర్శనం. రాజకీయ లబ్ధిని కోరే వాళ్లం అయితే దళితులకు రిజర్వు అయి న సంతనూతలపాడు నియోజకవర్గం లోని చీమకుర్తి ప్రాంతంలో అలాంటి కార్యక్రమాలు చేసి ఉండేవాళ్లం కాదు. అంతకు మించి నా సేవా తత్పరతపై ఎక్కువ వివరణ ఇచ్చుకోవాల్సిన అవస రం లేదని భావిస్తున్నా.

దర్శి: కాంగ్రెస్ పాలనలో రాష్ట్రం అధోగతి పాలైందని తెదేపా పొలిట్ బ్యూ రో సభ్యుడు, దర్శి నియోజకవర్గ ఇన్‌చార్జీ శిద్దా రాఘవరావు విమర్శించారు. దర్శి పంచాయతీలోని సందువారిపాలెం, చింత లపాలెం వీధులలో మంగళవారం మా జీ ఎమ్మెల్యే నారపుశెట్టిపాపారావుతో కలిసి ఇంటింటికి టీడీపీ యాత్ర నిర్వహి ంచారు. ఈ సందర్భంగా శిద్దా రాఘవరావు మా ట్లాడుతూ తెదేపా హయాంలో మూడేళ్లు కరువొచ్చినా ప్రకటించిన సమయం ప్రకా రం విద్యుత్ సరఫరా చేయగలిగా మన్నా రు. ప్రస్తుతం విద్యుత్ ఎప్పుడు వస్తుందో , ఎప్పడు పోతుందో తెలియని పరిస్థితి నెలకొందన్నారు.

ప్రభుత్వరంగ సంస్థలన్నీ నిర్వీర్యమై పోయాయన్నారు. ప్రజల కష్టాలు చూస్తుంటే కడుపు తరుక్కుపో తుందన్నారు. మహిళలు తాగునీటి సమస్య గురించి వివరిస్తుంటే ఆయన ఉద్వేగభరితుడై నియోజకవర్గంలో ఇప్పటికే నాలుగు ట్యాంకర్లు ఏర్పాటు చేశామని అవసరనమైతే మరికొన్ని ట్యాంకర్లు సమ కూరుస్తామని హమీ ఇచ్చారు. టీడీపీ అధికారంలోకి వస్తే అధికనిధులు సాధించి దర్శిని ఆదర్శ నియోజకవర్గంగా తీర్చిదిద్దు తామన్నారు. మాజీ ఎమ్మెల్యే నారపుశెట్టి పాపారావు మాట్లాడుతూ బడుగు, బలహీనవర్గాల అభ్యున్నతికి తెలుగుదేశం మాత్రమే కృషి చేసిందన్నారు.

స్వర్గీయ ఎన్‌టిఆర్, టిడిపి అధినేత చంద్రబాబుల హయాంలో రాష్ట్రం అన్ని రంగాలలో అ భివృద్ధి చెందితే ప్రస్తుతం అధోగతి పాలైం దన్నారు. సందువారిపాలెం వాసులు గతంలో ఏ ఎన్నికలు వచ్చినా టిడిపికి పూర్తి అండగా నిలిచేవారిని వచ్చే ఎన్నిక లలో తెదేపా అభ్యర్థుల గెలుపునకు పూర్తి సహకారం అందించాలని కోరారు. సమైక్యాంధ్ర ఉద్యమ నాయకుడు జగదీష్ ఆధ్వర్యంలో కార్యకర్తలు సంఘీభావం ప్రకటించారు.

జగదీష్ మాట్లాడుతూ తెలం గాణ వస్తే ఆంధ్ర ఎడారి అవుతుంద న్నారు. స్థానిక ఎమ్మెల్యే రాజకీయాల కోసం పార్టీలు మారుతూ ప్రజల గురిం చి పట్టించుకోలేదన్నారు. ఈ కార్యక్రమం లో తెదేపా మండల అధ్యక్షుడు బల్లగిరి శీనయ్య, మాజీ అధ్యక్షుడు పి. సంజీవ య్య, దర్శి సింగిల్ విండో అధ్యక్షుడు కె. చంద్రశేఖర్, దర్శి పట్టణ అధ్యక్షుడు యాదగిరివాసు, నాయకులు సంగా తి రుపతిరావు, సందు వెలుగొండయ్య, శోభా రాణి, రాచపూడి మోషే, పఠాన్ సుభానీ, మారెళ్ళ వెంకటేశ్వర్లు, గుర్రం బాలకృష్ణ తదితరులు పాల్గొన్నారు.

'వస్తున్నా మీకోసం' యాత్రలో భాగంగా చంద్రబాబు విశాఖ జిల్లాలో అడుగుపెట్టి మంగళవారానికి 11 రోజులైంది. రోజురోజుకీ ప్రజల నుంచి ఆదరణ పెరుగుతున్నది. అనకాపల్లి నియోజకవర్గంలో మూడు రోజుల క్రితం అడుగిడిన చంద్రబాబు మంగళవారం కశింకోట వద్ద నియోజకవర్గ ఇన్‌చార్జి దాడి రత్నాకర్ పూర్ణకుంభంతో స్వాగతం పలకడంతో పాదయాత్రను ప్రారంభించారు. కశింకోట నుంచి అనకాపల్లి వరకు జాతీయ రహదారి పొడవునా జనం ఆయన వెంట నడిచారు. వాహనాల్లో వెళుతున్నవారు చంద్రబాబును చూసి చేతులూపుతూ అభివాదం చేశారు. పలువురు సెల్ ఫోన్‌లతో ఫొటోలు తీసుకున్నారు.

పలుచోట్ల చిన్నారులను ఎత్తుకుని ముద్దాడారు. చంద్రబాబుతో కరచలనం చేసేందుకు మహిళలు పోటీ పడ్డారు. వృద్ధులు తమ గోడు చెప్పుకున్నారు. వ్యవసాయం గిట్టుబాటు కావడం లేదని పలువురు రైతులు చెప్పగా, అధికారంలోకి వచ్చిన వెంటనే పంటలకు గిట్టుబాటు ధర లభించేలా చూస్తానని హమీ ఇచ్చారు. కశింకోట, పిసినికాడ, కొత్తూరు జంక్షన్, ఉమ్మలాడ, పూడిమడక బైపాస్, నెహ్రూచౌక్, చిననాలుగురోడ్ల జంక్షన్, పార్కు సెంటర్ మీదుగా పాదయాత్ర కొనసాగింది. వర్షం పడుతున్నా లెక్కచేయకుండా వేలాదిమంది చంద్రబాబును చూసేందుకు తరలివచ్చారు.

ప్రజల నుంచి వస్తున్న స్పందనను చూసి చంద్రబాబుతోపాటు స్థానిక నాయకులు సంతోషం వ్యక్తం చేస్తున్నారు.

చంద్రబాబు కూడా ప్రజలను ఆకట్టుకునే శైలిలో ప్రసంగించారు. ఎక్కడికక్కడ స్థానిక సమస్యలను ప్రస్తావిస్తున్నారు. దీంతో ప్రజలు ఆయన ప్రసంగాలను ఆసక్తిగా విన్నారు. సిమ్స్ సంస్థ దగాను, ఇసుకమాఫియా కారణంగా శారదానది గ్రోయిన్లు దెబ్బతింటున్న అంశాన్ని చంద్రబాబు ప్రధానంగా ప్రస్తావించడంతో ప్రజల నుంచి మంచి స్పందన వచ్చింది. దీంతో చంద్రబాబు మరిన్ని స్థానిక సమస్యలను ప్రస్తావించడానికి ఆసక్తి చూపారు. మరుగు సమస్య కారణంగా మహిళలు పడుతున్న ఇబ్బందులను ప్రస్తావించారు. దారిలో తనకు వేచి వున్న మహిళలతో మాట్లాడారు. వారి సమస్యలు తెలుసుకున్నారు.

వారి నుంచి హారతులను స్వీకరించారు. తెలుగుదే
శం అధికారంలోకి వస్తే సమస్యలను ఎలా పరిష్కరిస్తానో వివరించారు. అనకాపల్లిలో పట్టణ ప్రజల సమస్యలు, బెల్లం ధర, రైతుల ఇబ్బందులపై చంద్రబాబు మాట్లాడారు. అనకాపల్లి రింగురోడ్డు జంక్షన్‌కు బాబు చేరుకునే సమయానికి అధికసంఖ్యలో జనం హాజరయ్యారు.

పాదయాత్రలో చంద్రబాబు వెంట నందమూరి తారకరత్నతోపాటు టీడీపీ రూరల్ జిల్లా అధ్యక్షుడు దాడి రత్నాకర్, పొలిట్‌బ్యూరో సభ్యుడు అయ్యన్నపాత్రుడు, మాజీ మంత్రి బండారు, రెడ్డి సత్యనారాయణ, ఎమ్మెల్యేలు కేఎస్ఎన్ఎస్ రాజు, గవిరెడ్డి రామానాయుడు, వెలగపూడి రామకృష్ణబాబు, అనకాపల్లి నియోజకవర్గం నాయకులు బుద్ద నాగజగదీశ్వరరావు, గుత్తా ప్రభాకరచౌదరి, కశింకోట నాయకులు నిమ్మదల త్రినాథరావు, పొన్నగంటి నూకరాజు, వేగి గోపీకృష్ణ, పెదపాటి కళ్యాణి, వేగి దొరబాబు, షేక్ బాబరు, పెంటకోట రాము, బొబ్బిలి సీతారామ్, గొంతిన లోవఅప్పారావు, వేగి ప్రకాష్, ముప్పిడి అప్పారావు, మళ్ల సూర్యారావు, బత్తిన వీరభద్రం తదితరులు పాల్గొన్నారు.

నర్సీపట్నం నియోజకవర్గంలో చంద్రబాబు పాదయాత్ర ఘనవిజయం కావడానికి నాయకులు, కార్యకర్తల కృషి ఫలితమేనని అన్నారు. రాష్ట్రవ్యాప్తంగా పలువురు తనను అభినందిస్తున్నారని, ఆ ఘనత మీకే దక్కుతుందని అయ్యన్న ప్రశంసించారు. నియోజకవర్గంలో చంద్రబాబు పాదయాత్రకు లభించిన స్పందనను కాపాడుకోవాల్సిన బాధ్యత అందరిపైన ఉందని, పాదయాత్ర ఫలితాలు రానున్న స్థానిక సంస్థలు, సాధారణ ఎన్నికల్లో విజయానికి దోహదపడతాయని అన్నారు. స్థానిక ఎన్నికల్లో విజయావకాశాలు గల అభ్యర్థులను సమిష్టి నిర్ణయంతో ఎంపిక చేయాలని సూచించారు.

పంచాయతీల ఓటర్ల జాబితాలను ప్రతి ఒక్కరూ క్షుణ్ణంగా పరిశీలించి మిగిలిపోయిన ఓటర్లను చేర్పించాలని అయ్యన్న చెప్పారు.

ప్రతి వంద మంది ఓటర్లకు ఒక సమర్థుడైన నాయకుడిని ఎంపిక చేసి, వారి బాధ్యతను అప్పగించాలని, తగిన నాయకత్వ లక్షణాలు ఉన్నవారికి మాత్రమే ఎంపికలో ప్రాధాన్యత కల్పించాలని సూచించారు.

భవిష్యత్‌లో మండలాలు వారీగా ఏర్పాటు చేయనున్న సమన్వయ కమిటీల పాత్ర ఎంతో కీలకం కానున్నదని అయ్యన్న అన్నారు. ఈ సమావేశంలో నియోజకవర్గ పరిధిలోని నాలుగు మండలాల పార్టీ అధ్యక్షులు, అయ్యన్న సోదరుడు సన్యాసిపాత్రుడు, తనయుడు విజయ్ పాల్గొన్నారు.

27న జనసంద్రం కానున్న విశాఖ టీడీపీ అధినేత చంద్రబాబునాయుడు వస్తున్నా... మీకోసం పాదయాత్ర ముగింపు సభ విశాఖ చరిత్రలో చెరగని ముద్ర వేయనున్నదని టీడీపీ పొలిట్‌బ్యూరో సభ్యుడు అయ్యన్నపాత్రుడు అన్నారు.

మంగళవారం విలేఖర్లతో ఆయన మాట్లాడుతూ, ఈ నెల 27న విశాఖపట్నం సిటీ జనసంద్రంగా మారనున్నదని, ముగింపు సభకు ఎంతమంది ప్రజలు హాజరవుతారనేది ఊహకు అందడం లేదని చెప్పారు. ఇప్పటికే రాష్ట్రంలోని వివిధ ప్రాంతాలు నుంచి పార్టీ నాయకులు, కార్యకర్తలు, ప్రజలు తరలిరావడానికి వీలుగా 11 ప్రత్యేక రైళ్లు ఏర్పాటు చేశామని, వీటి సంఖ్య ఇంకా పెరిగే అవకాశం ఉందని అన్నారు. బస్సులు, ఇతర వాహనాలు అసంఖ్యాకమన్నారు. వచ్చే ఎన్నికల్లో టీడీపీకి అధికారం అప్పజెప్పడానికి ప్రజలు ఎదురు చూస్తున్నారని అయ్యన్న అన్నారు.

కష్టాలన్నీ మన మీదకు నెట్టి సుఖాలు మాత్రం వారు అనుభవిస్తున్నారని దుయ్యబట్టారు. అలాగే వైఎస్ రాజశేఖర్‌రెడ్డి హయాంలో ప్రజలకు పప్పు, బెల్లంపెట్టి తన కుమారుడికి మాత్రం లక్షల కోట్ల రూపాయలను పంచారన్నారు. వీటన్నిటినీ దృష్టిలో ఉంచుకుని ప్రజల కష్టాలు, సమస్యలను తెలుసుకునేందుకే తాను ఈ పాదయాత్ర ద్వారా మీ అందరి ముందుకు వచ్చానని చంద్రబాబు తెలిపారు. తనకు ఎన్ని కష్టాలు ఎదురైనా తట్టుకుని మీ కోసం వచ్చానని ఆయన గుర్తు చేశారు.

గాజువాక :'క్రమశిక్షణా రాహిత్యాన్ని సహించను.. ఎగిరెగిరి పడితే మీరేమైనా గొప్పవారు అనుకుంటున్నారా.. ఆవల్లిస్తే పేగులు లెక్కపెట్టగల సామర్థ్యం నాకుంది.. అరుపులు, కేకలు వేస్తే భయపడేది లేదు'' అని పార్టీ శ్రేణులను టీడీపీ అధినేత చంద్రబాబునాయుడు హెచ్చరించారు. మంగళవారం గాజువాక నియోజకవర్గ సమీక్షా సమావేశం వేదికపైకి కోన తాతారావును పిలవకపోవడంతో కొంతమంది కార్యకర్తలు అరుపులు, కేకలతో నిరసన తెలిపారు. దీనిపై చంద్రబాబు ఆగ్రహం వ్యక్తం చేస్తూ పైవిధంగా స్పందించారు. తెలుగుదేశం పార్టీ క్రమశిక్షణకు మారు పేరని, ఏదైనా చెప్పాలనుకుంటే ఓ పద్ధతి వుంటుందన్నారు. పార్టీ కోసం పనిచేసేవారు కావాలి తప్ప స్వప్రయోజనాల కోసం పార్టీని వినియోగించుకునే వారు అవసరం లేదన్నారు. పార్టీ బాగుంటే లీడర్లు, కింది స్థాయి కేడర్‌కు గుర్తింపు వస్తుంది. పార్టీని పటిష్ఠ పరిచేందుకు పనిచేసే నాయకుడే కావాలన్నారు.

నాయకుల కంటే కార్యకర్తల మనోభావాలను తెలుసుకునేందుకే ఈ సమీక్షా సమావేశాలను నిర్వహిస్తున్నామని చంద్రబాబు స్పష్టం చేశారు. నాయకుల మధ్య భేదాభిప్రాయాలు వస్తే పార్టీకే నష్టం వాటిల్లతుందనే విషయాన్ని ప్రతి ఒక్కరు అర్థం చేసుకోవాలన్నారు. గాజువాక నియోజకవర్గ సమీక్షా సమావేశం వేదికపైకి తొలుత గుడివాడ నాగమణిని ఆహ్వానించారు. తర్వాత ఫైవ్‌మెన్ కమిటీ సభ్యులు పల్లా శ్రీనివాసరావు, హర్ష, ప్రసాదుల శ్రీనివాస్, పప్పు రాజారావులను పిలిచి, కోన తాతారావును పిలవకపోవడంతో కార్యకర్తల నినాదాలు చేశారు. అనంతరం చంద్రబాబు సూచన మేరకు కోన తాతారావును వేదికపైకి ఆహ్వానించారు. దీంతో గొడవ సద్దుమణిగింది.

వర్గాలకు దూరంగా వుండండి తెలుగుదేశం పార్టీకి గాజువాక నియోజకవర్గం కంచుకోట అని, అక్కడ పార్టీని మరింత బలోపేతం చేసేందుకు ఐక్యంగా పనిచేయకుండా వర్గ రాజకీయాలు చేయడమేమిటని చంద్రబాబునాయుడు ఆగ్రహం వ్యక్తం చేశారు.

గాజువాక గొడవలు నాకు తెలుసని, నాయకుల్లో మార్పు రాకుంటే చర్యలు తప్పవని హెచ్చరించారు. ఏ ఒక్క నాయకుడు ప్రజలతో మమేకమై పనిచేసే పరిస్థితి లేకపోగా, నాయకత్వం కోసం పోటీ పడడం మంచి పద్ధతి కాదన్నారు. పార్టీ బలోపేతానికి ప్రజా సమస్యల పరిష్కారం కోసం ఫైవ్‌మెన్ కమిటీని నియమించామని తెలిపారు. అందరిని కలుపుకొని కార్యకర్తలతో ఎప్పటికప్పుడు సమావేశాలు ఏర్పాటు చేసి ప్రజలకు మరింత చేరువయ్యే కార్యక్రమాలు చేపట్టాల్సిన బాధ్యత కమిటీపైనే వుందన్నారు. సక్రమంగా పనిచేయకపోతే కమిటీలు ఎందుకంటూ అసహనం వ్యక్తం చేశారు.

ఐక్యంగా పనిచేయండి గాజువాకలో గత ఎన్నికల్లో టీడీపీ పోటీ చేయకపోవడం, సీపీఎం బరిలోకి దిగడంతో కొన్ని సమస్యలు తలెత్తాయని చంద్రబాబునాయుడు స్పష్టం చేశారు. ప్రస్తుతం పార్టీల పొత్తుల విషయమై ఎటువంటి నిర్ణయం చేయలేదని, పార్టీ శ్రేణుల మనోభావాలకనుగుణంగా గాజువాక విషయంలో ఆచితూచి అడుగేస్తామంటూ హామీ ఇచ్చారు.

పార్టీని దిగువ స్థాయి నుంచి పటిష్ఠ పరచడంలో భాగంగా బూత్, వార్డు, ఏరియా, నియోజకవర్గ కమిటీలను మరింత ప్రక్షాళన చేయనున్నట్టు తెలిపారు. ప్రతి ఒక్క కార్యకర్త పార్టీ బలోపేతానికి సలహాలు, సూచనలను తమకు అందజేయాలని కోరారు.

కశింకోట: శాసనమండలి ప్రతిపక్షనేత దాడి వీరభద్రరావు కుటుంబ సభ్యులు మంగళవారం ఆర్ఈసీఎస్ ప్రాంగణంలో బసచేసిన తెలుగుదేశం పార్టీ అధినేత నారా చంద్రబాబునాయుడును కలిశారు. ఎవరు ఎక్కడ ఉంటున్నారని బాబు ప్రశ్నించగా... తమది ఉమ్మడి కుటుంబమని పార్టీ అధ్యక్షుడు దాడి రత్నాకర్ చెప్పారు. ప్రస్తుత రోజుల్లో కూడా ఉమ్మడిగా ఉంటున్నారా? ఇంట్లో ఎంతమంది ఉంటారు? అని చంద్రబాబు ఆసక్తిగా అడిగారు. పెద్దలు, పిల్లలు కలిసి 22 మంది వున్నారని రత్నాకర్ చెప్పగా, వంట ఎవరు చేస్తారని బాబు అడిగారు. కుటుంబ సభ్యులమే చేస్తామని దాడి వీరభద్రరావు భార్య పద్మావతి బదులిచ్చారు.

ఏ రకం వంటకాలు చేయాలని ఎవరు నిర్ణయిస్తారని బాబు ప్రశ్నించగా... నిర్ణయాలంటూ ఎవరూ చేయరని, అయితే తమ అమ్మమ్మ రమాదేవి సూచనల మేరకు వంట చేస్తారని రత్నాకర్ చెప్పారు. ఆమె వయస్సు ఎంత ఉంటుందని బాబు ప్రశ్నించగా 80 ఏళ్లు అని చెప్పారు. ఇంత వయస్సులో కూడా ఆమె ఏ వంటకాలు చేయాలో చెప్తారా! అంటూ ఆశ్చర్యం వ్యక్తం చేస్తూ చిరునవ్వి నవ్వారు.

మా ఇంట్లో నేను, నా భార్య భువనేశ్వరి, కుమారుడు లోకేష్ , కోడలు ఉంటాం. కానీ నలుగురం కలిసి భోజనం చేసేది చాలా అరుదు. మీరంతా(22 మంది) ఒకేచోట కలిసి భోజనం చేయడం అభినందనీయమని చంద్రబాబు అన్నారు.

దాడి వీరభద్రరావు తమ్ముడు కుమార్తె భారతిని ఎక్కడ ఉంటున్నావని ప్రశ్నించగా.... ఆమె ఆ్రస్టేలియాలో ఉంటున్నానని చెప్పింది. మెల్‌బోర్న్‌లో తెలుగువారిపై దాడులు జరుగుతున్నాయి కదా... మీకు ఇబ్బంది ఏమైనా ఉందా? అని బాబు ప్రశ్నించారు. తాము బ్రిస్‌బేన్ ప్రాంతంలో ఉంటున్నామని, ఇక్కడ ఎలాంటి ఇబ్బందులు లేవని భారతి చెప్పారు. సంపాదన, ఖర్చులు, తదితర విషయాల గురించి ఆయన అడిగారు. అనంతరం తమ ఇంటి నుంచి తీసుకువచ్చిన భోజన పదార్థాలను చంద్రబాబుకు అందజేశారు.

టీడీపీ అధినేతను కలిసిన వారిలో రత్నాకర్‌తోపాటు దాడి వీరభద్రరావు సతీమణి పద్మావతి, పెద్ద కుమారుడు జగన్ ప్రభాకర్, అతని భార్య షర్మిల, రెండో కోడలు రామలక్ష్మి, చిన్నకోడలు రామలక్ష్మి, వీరభద్రరావు తమ్ముడి భార్య వెంకట భాగ్యలక్ష్మి, ఆమె కుమార్తెలు, భారతి, గీత, పిల్లలు వున్నారు.

కేంద్ర, రాష్ట్ర ప్రభుత్వాలు అవినీతిలో కూరుకుపోయాయన్నా రు. ప్రజా సంక్షేమాన్ని ఈ రెండు ప్ర భుత్వాలు విస్మరించాయని ఆయన ధ్వజమెత్తారు. 2014లో విజయమే లక్ష్యంగా పనిచేయాలన్నారు. టీడీపీ సీనియర్ నేత అశోక్‌గజపతిరాజు మాట్లాడుతూ, ఈనెల 27న జరిగే చం ద్రబాబు సభను విజయవంతం చే యాలని పిలుపునిచ్చారు. విశాఖలో జరిగే సభకు తాను కూడా కార్యకర్తల తో పాటు బయలుదేరుతానని ప్రకటించారు. దీనికి కార్యకర్తల నుంచి హర్షం వ్యక్తమైంది. సమావేశంలో టీడీపీ నా యకులు ప్రసాదుల రామకృష్ణ, సైలా డ త్రినాథ్, ఎస్ఎన్ ఎం రాజు, డాక్ట రు వీఎస్ ప్రసాద్, మద్ధాల ముత్యాలరావు, ఎస్‌కెఎం భాషా, టీడీపీకి చెం దిన మాజీ కౌన్సిలర్లు, ఎంపీటీసీలు తదితరులు పాల్గొన్నారు.

గుంటూరు : కేసీఆర్ దేశ ద్రోహి, ప్రజా ద్రోహి అని, టీఆర్ఎస్ దుర్మార్గపు పార్టీ అని టీడీపీ నేత కోడెల శివప్రసాద్ తీవ్ర స్థాయిలో ధ్వజమెత్తారు. బుధవారం ఉదయం మీడియాతో మాట్లాడుతూ సినిమా, విద్య, వ్యాపార సంస్థల నుంచి కేసీఆర్ కుటుంబం డబ్బులు దండుకుంటోందని ఆరోపించారు. స్పష్టతతోనే తెలంగాణ వస్తుంది తప్ప నలుగురిని చంపితేనో...లేక నలుగురు గావుకేక పెడితేనో తెలంగాణ రాదు అని ఆయన అన్నారు.

బయ్యారం గనులను వైఎస్ అల్లుడు బ్రదర్ అనిల్‌కు దోచిపెట్టినప్పుడు నోరు మెదపని కేసీఆర్ ఇప్పుడు ఎందుకు మాట్లాడుతున్నారని ప్రశ్నించారు. టీఆర్ఎస్ దోపిడీ, అవినీతి జగన్ పార్టీలను అంతమొందించేందుకు విశాఖ సభ నాంది పలుకుతోందని ఆయన తెలిపారు. అకాల వర్షాలతో నష్టపోయిన రైతులను పట్టించుకోకుండా ఇందిరమ్మకలలు అంటూ సీఎం కిరణ్‌కుమార్‌రెడ్డి జిల్లాలో తిరుగుతున్నారని కోడెల విమర్శించారు

రాష్ట్ర ప్రజలకు నాయకుల పాదయాత్రలు కొత్తకావు. కానీ, వాటికీ 200 రోజులకు పైగా సాగుతున్న చంద్రబాబు పాదయాత్రకు సామ్యమే లేదనేది రాజకీయవర్గాల మాట. రాష్ట్ర చరిత్రలో రెండు వేల కిలోమీటర్లకు పైగా నడిచిన మరో నేత లేకపోవడం ఒక కారణం కాగా..64 ఏళ్ల వయసులో ఆయన నడకకు సిద్ధం కావడం మరో కారణం. నేరుగా ప్రజల మధ్యకు వెళ్లి వారి సమస్యలను కళ్లారా చూస్తే తప్ప ఆ తీవ్రత అర్థం కాదన్న ఉద్దేశంతో గత ఏడాది అక్టోబర్ రెండో తేదీన అనంతపురంలో పాదయాత్రకు ఆయన శ్రీకారం చుట్టారు. అప్పటినుంచీ క్షేత్రస్థాయి సమస్యలపై చూపు నిలిపి.. ప్రతి ఒక్కరి అభిమానం చూరగొన్నారు.

చంద్రబాబు ముఖ్యమంత్రి అయితేనే ఈ రాష్ట్రం గాడిలో పడుతుందనే విశ్వాసాన్ని పాదుగొల్పగలిగారు. దానికి తగినట్టే..'మీ ఇంటి పెద్దబిడ్డగా వచ్చాను. ఆదరించి ఆశీర్వదించండి' అంటూ చంద్రబాబు చేస్తున్న విజ్ఞప్తికీ మంచి స్పందన లభిస్తోంది. వ్యవసాయం మూలన పడటానికి, నిరుద్యోగానికి, దారిద్య్రానికి అవినీతే కారణమన్న విషయాన్ని జనంలోకి లోతుగా తీసుకెళ్లగలిగారు. ఆదివాసీ, దళిత, బడుగు వర్గాలకోసం విరివిగా పథకాలు, డిక్లరేషన్లు చేస్తూ ముందుకు సాగుతున్నారు. మధ్యతరగతి వారినీ బాగా ఆకట్టుకున్నారు. ఈసారి ఏదిఏమైనా అసెంబ్లీలోకి 'సైకిల్' దూసుకుపోవాల్సిందేనని కార్యకర్తలకు మార్గనిర్దేశం చేస్తూ ముందుకు సాగుతున్నారు.

విశాఖపట్నం/కశింకోట : తెలుగుదేశం పార్టీ అధికారంలోకి వస్తే రైతుల రుణాలపై వడ్డీనే కాదు..అసలునూ మాఫీ చేస్తామని ఆ పార్టీ అధినేత చంద్రబాబు హామీ ఇచ్చారు. అలాగే.. పేద, మధ్యతరగతి ప్రజల కోసం మెరుగైన ఆరోగ్య బీమా పథకం తీసుకొస్తామని భరోసా ఇచ్చారు. నగదు బదిలీని ప్రజల గొంతుకోసే పథకంగా కాంగ్రెస్ పాలకులు మారుస్తున్నారని ధ్వజమెత్తారు. విశాఖ జిల్లా కశింకోట వద్ద మంగళవారం ఆయన పాదయాత్ర ప్రారంభించారు. పిసినికాడ, కొత్తూరు జంక్షన్, పూడిమడక జంక్షన్, అనకాపల్లి, సుంకరమెట్ట జంక్షన్, శంకరం మీదుగా నడక సాగించారు.

"రైతు రుణాల మాఫీకి మా పార్టీ కట్టుబడి ఉంది. బ్యాంకుల నుంచి రైతులు తీసుకునే అప్పులన్నీ రద్దుచేస్తాం. అలాగే.. భార్యా పిల్లల నగలు తాకట్టుపెట్టి వ్యవసాయ రుణం తీసుకున్న వారినీ విముక్తులను చేస్తాం. ఆడపడుచుల వస్తువులను తిరిగి వారికి చేరుస్తాం'' అని పిసినికాడలో జరిగిన సభలో భరోసా ఇచ్చారు. వృద్ధులకు, వికలాంగులకు 600 రూపాయలు పింఛన్ ఇస్తామన్నారు. 'మీ నియోజకవర్గంలో వృద్ధుల కోసం ఆశ్రమం ఏర్పాటు చేస్తామ''ని అనకాపల్లిలో హామీ ఇచ్చారు. చదువుమీద దృష్టి సారించడంతోపాటు అవినీతిపై పోరాడాలని విద్యార్థులకు పిలుపునిచ్చారు. దారిలో ప్రజలు చెప్పిన సమస్యలు ఆలకించారు. ఈ సందర్భంగా కాంగ్రెస్ పాలనపై నిప్పులు చెరిగారు. "నగదు బదిలీ.. నకిలీ బదిలీ పథకంలా మారుతోంది. మార్కెట్‌లో 45 రూపాయలు ధర పలికే బియ్యానికి 14,15 రూపాయల ధర కట్టి చేతులు దులుపుకోవాలని చూస్తున్నారు. అదే జరిగితే ఆకలిచావులు తథ్యం'' అని ఆవేదన వ్యక్తంచేశారు.

నిత్యావసర వస్తువుల ధరలు మూడు వందల రెట్లు పెంచేసి.. 'అమ్మ హస్తం' అంటూ కంటితుడుపు చర్యలతో కాంగ్రెస్ ప్రభుత్వం సరిపెడుతోందని దుయ్యబట్టారు. " మహిళల కష్టాలు తొలగించేందుకు మా హయాంలో సబ్సిడీపై గ్యాస్ అందజేశాం. వంద రూపాయలకే సిలిండర్ ఇచ్చాం. కాంగ్రెస్ వచ్చి..దాని ధరను రూ.400పైగా పెంచేసింది. బ్లాక్‌లో వెయ్యి రూపాయల వరకూ అమ్ముతున్నా రు. పేదలను ఆదుకోవడానికి రూ.15 వేల కోట్లు నగదు బదిలీ కింద కేటాయించాలని కేంద్రానికి సూచించాను. కానీ, కాంగ్రెస్ పాలకులు దాన్నో ప్రహసనంగా మార్చివేశారు'' అని దుయ్యబట్టారు.

కాంగ్రెస్ ప్రభుత్వ హయాంలో డబ్బంతా నాయకులకు దక్కితే, కష్టాలు ప్రజలకు మిగిలాయని విమర్శించారు. కొడుకు అక్రమాస్తులు సంపాదిస్తున్నప్పుడే అతని తల్లి విజయలక్ష్మి, తండ్రి వైఎస్ హెచ్చరించి ఉంటే జగన్‌కు జైలు గతి పట్టేదా? అని ప్రశ్నించారు. ఎస్సీ, ఎస్టీ సబ్‌ప్లాన్ కు తాము మద్దతిచ్చామని, అయితే సీఎం కిరణ్ తానొక్కడే ఈ పథకానికి రూపకర్తనన్నట్లు ప్రగల్భాలు పలుకుతున్నారని ధ్వజమెత్తారు. కాపులు ఆర్థికం గా నిలదొక్కుకునేందుకు తమ పార్టీ ఒక ప్రణాళికను ప్రకటించిందని, బీసీ డిక్లరేషన్ వంటి అభ్యుదయ పథకాలను అధికారంలోకి వస్తే అమలు చేస్తామని పునరుద్ఘాటించారు. ఇదిలాఉండగా చంద్రబాబు పాదయాత్ర ముగింపునకు చిహ్నం గా అగనంపూడి టోల్‌గేటు సమీపంలోని శివాజీనగర్ వద్ద చేపట్టిన 64 అడుగుల ఎత్తయిన పైలాన్ నిర్మాణం పనులు దాదాపు పూర్తికావొచ్చాయి. పొలిట్‌బ్యూరో సభ్యుడు యనమల రామకృష్ణుడు, గరికపాటి మోహనరావు, తుమ్మల నాగేశ్వరరావు, కళా వెంకటరావు, నల్లూరి భాస్కరరావు తదితరులు దగ్గరుండి ఈ పనులను పర్యవేక్షిస్తున్నారు.