కేంద్ర కేబినెట్ పునర్వ్యవస్థీకరణలో వెనకబడిన వర్గాలకు తీవ్ర అన్యాయం జరిగిందని టీడీపీ అధ్యక్షుడు చంద్రబాబు విమర్శించారు. రాష్ట్రంలో 50 శాతం బీసీ జనాభా ఉండగా, ఒకరికే అవకాశం కల్పించడం ఏమిటని ప్రశ్నించారు. నాలుగు మంత్రి పదవులను కూడా ఇవ్వలేకపోయారని దుయ్యబట్టారు. తెలంగాణకు తాను వ్యతిరేకం కాదని పునరుద్ఘాటించారు.

మహబూబ్‌నగర్ జిల్లా గద్వాల శివారు ప్రాంతం నుంచి 'వస్తున్నా..మీ కోసం' పాదయాత్రను చంద్రబాబు ఆదివారం పునః ప్రారంభించారు. 8.8 కిలోమీటర్ల మేర నడిచారు. మధ్యాహ్నం 2.45 గంటలకు తిరిగి పాదయాత్రకు సిద్ధమైన చంద్రబాబుకు ముఖ్యనేతలు స్వాగతం పలికారు. డప్పుల మోతలు, శ్రేణుల కేరింతల మధ్య యాత్రను ఆయన పునఃప్రారంభించారు. గద్వాల మండలం చిట్టిఆత్మకూర్, ఈదుగోనిపల్లి, పెద్దపాడు గ్రామాల్లో స్థానికులను ఉద్దేశించి ఆయన ప్రసంగించారు.

చిట్టి ఆత్మకూర్ వద్ద మహిళలు ఖాళీ బిందెలు చూపిస్తూ చంద్రబాబుకు మొరపెట్టుకున్నారు. తమకు ఏడాది నుంచి తాగునీరు లేదని వాపోయారు. అధికారంలోకి రాగానే ఎన్టీఆర్ సుజల పేరుతో ప్రత్యేక పథకాన్ని అమలు చేస్తామని, రాష్ట్రంలోని అన్ని తండాలకు, పంచాయతీలకు మంచినీటిని సరఫరా చేస్తామని చంద్రబాబు వారికి హామీనిచ్చారు. "అధికారంలోకి వచ్చిన తొలిరోజు తొలి సంతకం రుణ మాఫీ ఫైలుపైనే చేస్తాను. రెండో సంతకం బెల్టు షాపుల రద్దుపై, మూడో సంతకం ఎన్టీఆర్ సుజల పథకం అమలుపై ఉంటుంద''ని పేర్కొన్నారు. "గద్వాలలో వేదిక కూలడంతో నడుము కండరాలు బిగించుకు పోయాయి.

డాక్టర్లు మూడు రోజులు విశ్రాంతి తీసుకోమన్నారు. ప్రజల ఆశీస్సులు, భగవంతుని దయవల్ల మళ్లీ నడవగలుగుతున్నాను'' అని తెలిపారు. అక్కడే ఉన్న లక్ష్మణ్ అనే నిరుద్యోగ యువకుడి మాటలు చంద్రబాబును ఆకట్టుకున్నాయి. "మీరు తెలంగాణకు మద్దతు ఇస్తే అంతకంటే అదృష్టం లేదు సార్'' అని అన్నారు. తెలంగాణకు టీడీపీ వ్యతిరేకం కాదని వందసార్లు చెప్పామని, మళ్లీ అదే చెబుతున్నానని లక్ష్మణ్‌కు ఆయన స్పష్టం చేశారు. తాగునీటి, నిరుద్యోగ సమస్యను కేంద్ర, రాష్ట్ర ప్రభుత్వాలు ఎందుకు పరిష్కరించడం లేదని నిలదీశారు. పోలవరం, ప్రాణహిత-చేవెళ్లను ఎందుకు జాతీయ ప్రాజెక్టులుగా గుర్తించడం లేదని ప్రశ్నించారు.

.. ఒక రోజు విరామం తరువాత నడక మొదలుపెట్టాను. అడుగేయడం మొదట్లో కష్టంగానే అనిపించింది. కాలు సాగడానికి చాలాసేపు పట్టింది. మా నేతలను, డాక్టర్లను ఒప్పించి బయట పడేసరికి సూర్యుడు నడినెత్తిన ఉన్నాడు. అప్పటికీ యాత్రలో వేగం పెరగకుండా అడుగడుగునా మావాళ్లు కాళ్లకు అడ్డం పడుతూనే ఉన్నారు. "సార్.. యాత్రను ఎలాగూ మీరు పూర్తి చేస్తారు. ఆరోగ్యం కూడా చూసుకోవాలి కదా!. వేగం తగ్గినా ఫరవాలేదు. కిలోమీటర్ తక్కువా ఎక్కువా అనేదీ పట్టింపు కాదు.

చిన్నగానే వెళతాం. ఈ కొద్ది రోజుల పాటైనా మా మాట ఆలకించండి'' అంటున్న మా వాళ్లను కాదని అడుగు పెంచడం ఎప్పటిలా ఈసారి కుదరదనిపించింది. వేదిక కూలి కిందపడినప్పటి నడుం నొప్పి, మధ్య మధ్యలో "నేనున్నా'నని చెబుతోంది. దానికి కండరాల నొప్పులు కలవడం, కాళ్లకు ఒక రోజుపాటు విశ్రాంతి ఇవ్వడం, మధ్యాహ్నం నుంచి యాత్ర మొదలుపెట్టడంతో పెద్ద దూరమేమీ నడవలేకపోయాను. "సార్, కొంతకాలం ఇంతే. మీ నడక దూరం తగ్గించేశాం'' అంటున్న మా వాళ్ల ఆజ్ఞలను నవ్వుతూ పాటించక తప్పుతుందా?

తలాటున జూరాల. కానీ పొలం గానీ, పొలమారిన గొంతు గానీ తడవవు. జూరాలకు ఆరు కిలోమీటర్ల దూరంలోని శెట్టి ఆత్మకూరులో ఆ రైతును కలిసినప్పుడు.. "నేను చెప్పడం ఎందుకు సారు.. ఎదురుగ్గా కనిపిస్తుంటే'' అంటూ నన్ను తన ఆముదం పొలంలోకి తీసుకెళ్లాడు. కష్టాలను ఓర్చుకోవడం, కన్నీరు మింగేయడం అలవాటైనట్టుంది. తనను తాను తమాయించుకోడానికి తాయన్న ప్రయత్నించాడు.

"ఎంత సార్..రెండు తడులు..బంగారం పండేది'' అని చెబుతూనే నాతోపాటు మట్టిరోడ్డుపై కొద్దిదూరం నడిచాడు. ఆ తరువాత కొద్ది దూరంలోనే ఆడపడుచులు ఖాళీ బిందెలతో ఎదురుపడినప్పుడు అడక్కుండానే వాళ్ల సమస్య తెలిసిపోయింది. ఈ జిల్లాలో అడుగుపెట్టిన తొలిరోజే ప్రకటించిన 'ఎన్టీఆర్ సుజల' సాకారం కోసం నీళ్లింకిన ఇలాంటి ఎన్నో కళ్లు ఎదురు చూస్తున్నాయనిపించింది.

చంద్రబాబు 'వస్తున్నా.. మీ కోసం' పాదయాత్ర సోమవారం ధరూర్ మండలం భీంపురంలో ప్రారంభమవుతుంది. ఎంలోనిపల్లి క్రాస్‌రోడ్, రేవులపల్లి క్రాస్‌రోడ్, మనాపురం క్రాస్‌రోడ్, చిన్నచింతరేవుల ద్వారా నందిమల్ల చేరుకుంటుంది. సుమారు 13 కిలోమీటర్ల మేర ఈ పాదయాత్ర సాగనుంది.

TV9 - Chandrababu Naidu speaks at 26th day padayatra

అనంతపురంజిల్లా పాదయాత్రలో బూట్లు వేసుకోని నమాజ్..ముస్లింల వేదన..షర్మిలకి ఇతర మతలపై ఏ మాత్రం గౌరవం ఉందో ఈ విడీయెలో తెలుస్తుంది చూడండి.
..

టీడీపీని ఏర్పాటు చేసిన తర్వాత గద్వాల పర్యటనకు వచ్చిన సందర్భంగా అప్పటి అధ్యక్షుడు ఎన్టీఆర్ కూడా ప్రమాదం నుంచి త్రుటిలో తప్పించుకున్నారు. ఆయన ప్రయాణిస్తున్న చైతన్య రథం పట్టణంలోని ప్రధాన రహదారిలో వెళ్తుండగా, వాహనంపైనే ఉన్న ఎన్టీఆర్ గొంతుకు టెలిఫోన్ తీగ అడ్డుపడింది. దీంతో ఆయన వెనక్కి పడిపోయారు. తీగలు తెగిపోయాయి. ఈ ఘటన అప్పట్లో చర్చనీయాంశమైంది. స్థానికులు శుక్రవారం రాత్రి చంద్రబాబు ప్రసంగించిన వేదిక కుప్పకూలిన ఘటనను గతంలో ఎన్టీఆర్‌కు తప్పిన ప్రమాద ఘటనతో పోల్చి చూస్తున్నారు.
టీడీపీని ఏర్పాటు చేసిన తర్వాత గద్వాల పర్యటనకు వచ్చిన సందర్భంగా అప్పటి అధ్యక్షుడు ఎన్టీఆర్ కూడా ప్రమాదం నుంచి త్రుటిలో తప్పించుకున్నారు. ఆయన ప్రయాణిస్తున్న చైతన్య రథం పట్టణంలోని ప్రధాన రహదారిలో వెళ్తుండగా, వాహనంపైనే ఉన్న ఎన్టీఆర్ గొంతుకు టెలిఫోన్ తీగ అడ్డుపడింది. దీంతో ఆయన వెనక్కి పడిపోయారు. తీగలు తెగిపోయాయి. ఈ ఘటన అప్పట్లో చర్చనీయాంశమైంది. స్థానికులు శుక్రవారం రాత్రి చంద్రబాబు ప్రసంగించిన వేదిక కుప్పకూలిన ఘటనను గతంలో ఎన్టీఆర్‌కు తప్పిన ప్రమాద ఘటనతో పోల్చి చూస్తున్నారు.

chandrababunaidu_vastunnameekosam_padayatra

పరిమితికి మించి జనం వేదికపైకి రావడం, తోపులాట జరగడమే శుక్రవారం రాత్రి చంద్రబాబు ప్రసంగించిన వేదిక కూలడానికి కారణమని తెలుస్తోంది. వాస్తవానికి, 16్ఠ30 సైజులో వేదికను ఏర్పాటు చేశారు. సాధారణంగా ఈ సైజు వేదికపై 30 నుంచి 40 మంది వరకు మాత్రమే అనుమతిస్తారు. కానీ, శుక్రవా రం రాత్రి చంద్రబాబు ప్రసంగం తర్వాత కొంతమంది స్థానిక నా యకులు, కార్యకర్తలు ఆయనతో కరచాలనం చేసేందుకు ఒక్కసారిగా వేదికపైకి వచ్చేందుకు ప్రయత్నించారు.

అప్పటికే వేదిక కిక్కిరిసి ఉండటంతో ఎమ్మెల్యేల వ్యక్తిగత భద్రత సిబ్బంది ఇద్దరు, ముగ్గురు కిందపడిపోయారు. మిగతా సిబ్బంది అప్రమత్తమై వేదికపైకి వస్తున్న వారిని అడ్డుకున్నారు. దీంతో గందరగోళం నెలకొంది. అదే సమయంలో పలువురు నాయకులు, కార్యకర్తలు వేదిక మెట్లపై నుంచి కాకుండా, వెనక నుంచి, పక్కల నుంచి పైకి ఎక్కారు.

దాంతో వేదిక ఒక్కసారిగా కుప్పకూలింది. ఈ ఘటన జరిగే సమయానికి వేదికపై సుమారు 70 నుంచి 80 మంది ఉన్నట్లు పార్టీ నాయకులు తెలిపారు. ఈ ఘటనపై నివేదిక ఇవ్వాలని ఆర్డీవో నారాయణరెడ్డిని కలెక్టర్ గిరిజా శంకర్ ఆదేశించారు.