హైదరాబాద్ : సభను నడపడం చేతకాకపోతే దిగిపోవాలంటూ ప్రభుత్వంపై టీడీపీ మండిపడింది. రాష్ట్ర బడ్జెట్ తొలిదఫా సమావేశాల చివరిరోజైన మంగళవారం శాసనసభ విపక్షాల నిరసనలతో దద్దరిల్లింది. ప్రారంభమైన వెంటనే గంటపాటు వాయిదా పడింది. ఉదయం 9.02 గంటలకు సభ ప్రారంభమవగానే ప్రతిపక్షాలిచ్చిన వాయిదా తీర్మానాలను స్పీకర్ మనోహర్ తిరస్కరించారు. దీంతో వైసీపీ, టీఆర్ఎస్ సభ్యులు స్పీకర్ పోడియంను చుట్టుముట్టడంతో.. సభ 10గంటలకు వాయిదాపడింది.

మరో 55 నిమిషాలు ఆలస్యంగా ప్రారంభమైంది. తొలుత రెవెన్యూ సదస్సుల గురించి మాట్లాడేందుకు మంత్రి రఘువీరాకు స్పీకర్ అనుమతిచ్చారు. దీంతో టీడీపీ సభ్యులు పోడియం వద్దకెళ్లి నిరసన వ్యక్తం చేశారు. రఘువీరా కలుగజేసుకొని తనకు అవకాశమివ్వాలని, త్వరగా ముగిస్తానని కోరడంతో టీడీపీ సభ్యులు శాంతించారు. "శాసనసభ సమావేశాల తీరు బాధ కలిగిస్తోంది. పిల్ల కాంగ్రెస్, తల్లి కాంగ్రెస్‌ల వైఖరి వల్లే ప్రజాసమస్యలు చర్చకు రాకుండా పోయాయి'' అని టీడీపీ సభ్యుడు దేవినేని ఉమా మహేశ్వరరావు మండిపడ్డారు

ఈ ఛార్జీలు సర్‌ఛార్జీలు కాదని, వైఎస్ పాలనలో దోచుకున్న దోపిడీకి ప్రస్తుతం ప్రజల నుంచి వసూలు చేస్తున్న సొమ్ములని బాబు అన్నారు. ప్రస్తుతం రాష్ట్రంలో రకరకాల దోపిడీలకు ప్రభుత్వం పాల్పడుతోందన్నారు. పన్నుల రూపంలో ఎంత సొమ్ము వసూలు చేసినప్పటికీ ప్రజలపై భారం మోపుతున్నారన్నారు. తాము అధికారంలోకి వచ్చిన వెంటనే రైతులకు రుణాలు మాఫీ చేస్తామని, ప్రతి నిరుపేదకు ఇంటి స్థలాన్ని ఇచ్చి రూ.1.50 లక్షలతో గృహ నిర్మాణం చేపడతామన్నారు. ఒక్కసారి తమ పార్టీకి అధికారం ఇచ్చి రాష్ట్రాన్ని సరైన గాడిలో పెట్టే అవకాశాన్ని కల్పించాలని ఆయన కోరారు.

పాదయాత్ర ప్రారంభం నుంచి అశేష జనవాహిని వెంట రావడంతో చంద్రబాబు రెట్టించిన ఉత్సాహంతో ముందుకు సాగారు.

పెడపర్తి వద్ద పొలాల్లో కూలిపని చేసుకుంటున్న వారి వద్దకు వెళ్ళి కష్టసుఖాలను అడిగి తెలుసుకు
న్నారు. ఇటుక బట్టీలలో కార్మికులు తయారు చేస్తున్న ఇటుకలను పరిశీలించారు. ఈ సందర్భంగా వారి యోగ క్షేమాలను, ఇబ్బందులను అడిగి తెలుసుకున్నారు. కుతుకులూరులోని బజ్జీల దుకాణం వద్దకు వెళ్ళిన బాబు బజ్జీలను వేయించి అందరినీ అశ్చర్యపరిచారు. కుతుకులూరు గ్రామంలోని ప్రశాంత్ విద్యానికేతన్‌లో ఏర్పాటు చేసిన ముఖాముఖి కార్యక్రమంలో బాబు పాల్గొని విద్యార్థులతో ముచ్చటించారు. రామవరం గ్రామంలో మాజీ ఎమ్మెల్యే నల్లమిల్లి మూలారెడ్డి, టీడీపీ అనపర్తి నియోజకవర్గ ఇన్‌చార్జి నల్లమిల్లి రామకృష్ణారెడ్డి ఆధ్వర్యంలో ఏర్పాటు చేసిన ఎన్టీఆర్, నీలం సంజీవరెడ్డిల విగ్రహాలను బాబు ఆవిష్కరించారు. అనంతరం ఏర్పాటు చేసిన సభలో ప్రసంగించారు. పాదయాత్రలో బాబు వెంట టీడీపీ నేతలు నల్లమిల్లి మూలారెడ్డి, నల్లమిల్లి రామకృష్ణారెడ్డి, మురళీమోహన్, నిమ్మకాయల చినరాజప్ప, మండపేట ఎమ్మెల్యే వేగుళ్ళ జోగేశ్వరరావు, చిక్కాల రామచంద్రరావు, మెట్ల సత్యనారాయణరావు తదితరులు పాల్గొన్నారు.

ఈ సమయంలో ట్రాన్స్‌కో డీఈఈ శ్రీకాంత్ అక్కడికి చేరుకోవడంతో కడియం శ్రీహరి విద్యుత్ సరఫరా పరిస్థితిపై నిలదీశారు. ప్రస్తుత పరిస్థితిపై మాట్లాడుదామని డీఈఈ నాయకులను విద్యుత్ ఏడీఈ ఆఫీసులోకి తీసుకుపోయారు. కడియం శ్రీహరి, బస్వారెడ్డి తదితర టీడీపీ నాయకులు డీఈఈకి రోజుకు 3 గంటలు కూడా ఉచిత విద్యుత్ ఇవ్వకపోవడంతో వేసిన పంటలు ఎండిపోతున్నాయని తెలిపారు. డీఈఈ మాట్లాడుతూ రెండు, మూడు రోజుల్లో వ్యవసాయానికి 5 గంటల విద్యుత్ అందించడానికి తగిన చర్యలు తీసుకుంటామని హామీ ఇచ్చారు. దీంతో ఆందోళన విరమించారు. కార్యక్రమంలో పార్టీ నాయకులు గట్టు ప్రసాద్ బాబు, ఎం. ఎల్లయ్య, బూర్ల శంక ర్, వెంకటయ్య, కొంతం శ్రీను, రత్నాకర్ రెడ్డి, సు ధాకర్ రెడ్డి, శ్యాంకుమార్ రెడ్డి, ఎల్. రాజు, చింత భరత్, నీల గట్టయ్య, యా కూబ్ పాష, కోతి రాము లు, యాదగిరి, బాలస్వా మి, భిక్షపతి పాల్గొన్నారు.

(విశాఖపట్నం): మీ కోసం వస్తున్న పాదయాత్రకు తెలుగుదేశం అధినేత చంద్రబాబు ఉగాది రోజున విశాఖ జిల్లాకు రానున్నారు. ముందుగా ప్రకటించిన తేదీలల్లో స్వల్పమార్పులు చేశారు. వచ్చే నెల పదిన కొత్త అమావాస్య కావడంతో మరుసటి రోజు నుంచి పాదయాత్ర చేపట్టాలని నిర్ణయించారు. అయితే చంద్రబాబు పాదయాత్ర ముగింపుమాత్రం వచ్చేనెల 27న వుంటుంది. అందువల్ల ఆదివారాలు కూడా అధినేత పాదయాత్ర వుంటుందని పార్టీ రూరల్ జిల్లా అధ్యక్షుడు దాడి రత్నాకర్ తెలిపారు. తాజాగా సవరించిన షెడ్యూల్ మేరకు వచ్చే నెల తొమ్మిదిన తూర్పుగోదావరి జిల్లా కోటనందూరుకు చేరుకుని అక్కడే బసచేస్తారు.

పదిన కొత్త అమావాస్య కావడంతో విశాఖ జిల్లాలో నూకాంబిక పండుగ జరుపుకుంటారు. దీంతో ఆ రోజు చంద్రబాబు కోటనందూరులోనే వుంటారు. పదకొండు ఉగాదిన ఉదయం పంచాంగం శ్రవణం, ఉగాది వేడుకలు నిర్వహించిన అనంతరం అదే రోజు సాయంత్రం విశాఖ జిల్లా గన్నవరం మెట్టలోనికి అడుగిడతారు. అక్కడ నుంచి 27 వరకు ఇప్పటికే ఖరారుచేసిన రూటు మేరకు పాదయాత్ర వుంటుందని రత్నాకర్ తెలిపారు. రూటులో ఆదివారాలు కూడా నడుస్తారని తెలిపారు. వచ్చేనెల 27న కచ్చితంగా ముగింపుసభ వుంటుందని వివరించారు. ముగింపుసభ వేదిక ఖరారుపై ఒకటి రెండురోజుల్లో ఖరారుచేస్తామని తెలిపారు.

బోధన్ : రైతులు పంటరుణాలు చెల్లించవద్దని కరెంట్ బిల్లులు కట్టవద్దని టీడీపీ రాష్ట్ర కార్యనిర్వాహక కార్యదర్శి అమర్‌నాథ్‌బాబు అన్నారు. సో మవారం సాయంత్రం బోధన్‌లో విలేకరుల సమావేశంలో మాట్లాడారు. కేం ద్ర ప్రభుత్వం రుణమాఫీ చేసేందుకు ఏర్పాట్లు చేస్తుంటే బోధన్ నియోజకవర్గంలో డీసీసీబీ చైర్మన్ స్వంత ఇలాఖాలో రైతులవద్ద నుంచి బలవంతపు వసూళ్లకు పాల్పడుతున్నారని ఆరోపించారు. నిర్బందపు వసూళ్లను సొసైటీ ల్లో నిలిపివేయాలని డిమాండ్ చేశారు. ఈ వ్యవహారంపై డీసీసీబీ చైర్మన్ స్పందించాలన్నారు. కరెంట్ ఇవ్వని పాలకులకు కరెంట్ బిల్లులు కట్టవద్దని అన్నారు. రాష్ట్రంలో సంక్షోభ పరిస్థితులు నెలకొన్నాయని రైతులకు కనీసం 5 గంటల విద్యుత్ కూడా అందే పరిస్థితులు లేక పంటలు ఎండుతున్నాయని మండిపడ్డారు.

ప్రజలకు మద్దతుగా ని లిచేందుకు ప్రజా సమస్యల్లో భాగస్వాములు అయ్యేందుకు బోధన్ నియోజకవర్గంలో టీడీపీ ఆధ్వర్యంలో పల్లెపల్లెకు తెలుగుదేశం కార్యక్రమాలు నిర్వహించనున్నట్టు తెలిపారు. టీడీపీ శ్రేణులు ప్రజల పక్షాన నిలబడి ఉద్యమాలు చేయాలని సూచించారు. ఈ సమావేశంలో టీడీపీ జిల్లా అధికార ప్రతినిధి బుద్దెరాజేశ్వర్, గోపాల్‌రెడ్డి, వెంకటేశ్వరరావు దేశాయ్, ఖలీల్, బండారుపొశెట్టి తదితరులు పాల్గొన్నారు.

29 నుంచి పల్లెపల్లెకు తెలుగుదేశం బోధన్ నియోజకవర్గంలో ఈనెల 29న పార్టీ ఆవిర్బావదినోత్సవం నుంచి పల్లెపల్లెకు తెలుగుదేశం కార్యక్రమాలను ప్రారంభిస్తున్నట్టు టీడీపీ రాష్ట్ర కార్యనిర్వాహక కార్యదర్శి అమర్‌నాథ్‌బాబు పేర్కొన్నారు.

నవీపేట మండలంలోని కమలాపూర్, లక్ష్మీకిసాన్ ఫారాల్లో ఎన్టీఆర్ విగ్రహావిష్కరణ లుంటాయన్నారు. మార్చి 29,30వ తేదీల్లో నవీపేట మండలంలో మార్చి 31, ఏప్రిల్ 1వ తేదీన బోధన్ పట్టణంలో ఏప్రిల్ 7,8వ తేదీల్లో బోధన్ మండలంలో, ఏప్రిల్ 9,10 తేదీల్లో ఎడపల్లి మండలంలో.13,14వ తేదీల్లో రెంజల్ మండలాల్లో పల్లెపల్లెకు కార్యక్రమాలు ఉంటాయని పేర్కొన్నారు.

రేపల్లె : పట్టణంలో పేరుకుపోయిన సమస్యలను పరిష్కరించాలంటూ తెలుగుదేశం పార్టీ ఆధ్వర్యంలో మున్సిపల్ కార్యాలయం ముట్టడి, ధర్నా కార్యక్రమం సోమవారం నిర్వహించారు. నియోజకవర్గ టీడీపీ ఇన్‌చార్జి అనగాని సత్య ప్రసాద్ మాట్లాడుతూ, ప్రజల సమస్యలు తీరుస్తామంటూ గద్దెనెక్కిన నాయకులు ఒకరు జైల్లో వుంటే.. ఎంపీ నేమో ఢిల్లీలోనే చక్కర్లు కొడుతున్నారని విమర్శించారు.

రేపల్లె, మృత్యుంజయపాలెం, నిజాంపట్నం, అల్లపర్రు, అడవులదీవిలలో ఏ వాటర్ స్కీమ్ కూడా ఒక్క పూట నీరు ఇచ్చిన పాపాన పోలేదన్నారు. రేపల్లెలో పైలెట్ వాటర్ స్కీమ్‌కు కోట్లాది రూపాయలు ఖర్చు చేసి అభివృద్ధి చేసినా ప్రజలకు సమృద్ధిగా నీరు అందించటంలో విఫలం చెందారన్నారు. ఓ పక్క విద్యుత్ కోతతతో సతమత మవుతుంటే, డ్రెయినేజ్‌లో మురుగు పేరుకుపోయి నీరు పారక దోమలతో సతమతమవుతున్నా మున్సిపల్ అధికారులు మాత్రం పట్టీపట్టనట్లుగా వ్యవహరిస్తున్నారన్నారు.

మురికివాడల్లో ఫాగింగ్ చేయడం, బ్లీచింగ్ చల్లటం లేదని, దీనివల్ల ప్రజలు అంటువ్యాధుల బారిన పడుతున్నారన్నారు. కేంద్ర సహకార బ్యాంక్ చైర్మన్ ముమ్మనేని వెంకట సుబ్బయ్య మాట్లాడుతూ పాలకులు, అధికారులు గొప్పలు చెప్పటమే తప్ప పట్టణంలో సమృద్ధిగా నీరు అందించటంలో విఫలం చెందారని ఆయన అన్నారు. ఇప్పటికైనా పురపాలక సంఘంలోని అధికారులు ప్రజలకు నీరు అందించి మురుగునీరు, విద్యుత్ దీపాల సమస్యల పరిష్కారంలో శ్రద్ధ చూపాలని ఆయన డిమాండ్ చేశారు. తొలుత పట్టణంలో వార్డుల్లోని సమస్యలను తెలుసుకునేందుకు పర్యటించారు. అనంతరం కమిషనర్‌కు వినతిప్రతం అందజేశారు.

కార్యక్రమంలో టీడీపీ నాయకులు జీపీ రామారావు, దాసరి నాగరాజు, జీవీ నాగేశ్వరరావు, కె.రమాశాంతాదేవి, కొక్కిలిగడ్డ వెంకటేశ్వరరావు,ఎన్‌వీకే ప్రసాద్, లోకం మోషే, డొక్కు వీరయ్య, పంతాని మురళీధరరావు, మెండు సుబ్బారావు, మేకా రామకృష్ణ, గుర్రం మురహరిరావు, ఆలూరి డానియేల్, శ్యామ్, మోర్ల అంజయ్య, కారుమూరు బసవరావు, షేక్ ఖాదర్ బాషా, బి.రాజకిషోర్, షేక్ మొబిన్, అంకాలు, మోర్ల అరుణ, దున్నా జయప్రద తదితరులు పాల్గొన్నారు.

కాకినాడ: కాంగ్రెస్ దొంగలపాలనలో గ్రామా ల్లో మంచినీళ్లు దొరకవు. మందు ఫు ల్లు.. మంచినీళ్లు నిల్.. అని చంద్రబా బు విమర్శించారు. 174వ రోజు పాదయాత్రలో భాగంగా సోమవారం మం డపేట, అనపర్తి నియోజకవర్గాలలో ఆయన ప్రజలను ఉద్దేశించి మాట్లాడారు. వైఎస్ హయాంలో రాష్ట్రంలో బానిసపాలన కొనసాగిందని కొడుకు జగన్‌కి లక్షల కోట్లు దోచిపెట్టి ప్రజలకు పప్పు బెల్లాలు పంచాడన్నారు.

గ్రామాలలో విచ్చలవిడిగా బెల్టుషాపులు పెట్టించి పేదల రక్తం పీల్చారని విమర్శించారు. టీడీపీ అధికారంలోకి వచ్చాకా రుణ మాఫీపై తొలి సంతకం, బెల్టుషాపుల ఎత్తివేతపై రెండో సంత కం, గ్రామాలకు సురక్షిత తాగునీటి కోసం మూడో సంతకం చేస్తానని బాబు చెప్పుకొచ్చారు.

నీళ్లులేక జనం అల్లాడిపోతున్నారని, పొలాలకు సైతం సాగునీరు ఇవ్వలేని దుస్థితిలో కాంగ్రెస్ సర్కారు కొట్టుమిట్టాడుతుందని చంద్రబాబు విమర్శించారు.

జగన్ దోచుకున్న సొమ్ము రూ.43 వేల కోట్లు ఇప్పటివరకు సీబీఐ విచారణలో బయటపడిందని.. వైఎస్ఆత్మ కేవీపీని విచారిస్తే మరిన్ని వేల కోట్ల అవినీతి బయటకు వస్తుందన్నారు.

వైఎస్ అధికారాన్ని అడ్డంపెట్టుకుని జగన్, గాలి జనార్ధనరెడ్డి దోచుకున్న సొమ్ముతో టన్నులకొద్దీ బంగారం కొన్నారన్నారు. తిరుపతి వెంకటేశ్వరస్వామికి సైతం లేని బంగారు ఊయ ల, సింహాసనం వంటివి గాలికి ఉన్నాయన్నారు. మహిళల మెడలో పుస్తెల తాడు కోసం బంగారం కొనుక్కునేందుకు స్తోమత లేకుండా పోయిందన్నారు. వైఎస్ కుటుంబం చేసిన అక్రమాలు,అరాచకాలకు రాష్ట్ర చరిత్రలో ఎన్నడూలేని రీతిలో పేదరికంలో కూ రుకుపోయిందని చంద్రబాబు విమర్శించారు.

సొంత ఇంటికి వచ్చేయండి.. టీడీపీకి వెన్నుదన్నుగా ఉన్న సామాజికవర్గం వారు ఒకాయన మా టలు నమ్మి మోసపోయారు. ఇపుడు మీరంతా టీడీపీని ఆదరిస్తున్నారు. ఇంకా ఎవరైనా కాంగ్రెస్ మాయలో ఉంటే వెనక్కి వచ్చేయండి. కాంగ్రెస్, పిల్ల కాంగ్రెస్‌లు మిమ్మల్ని మోసగించేందుకే మాయమాటలు చెప్తున్నారు. అనిచంద్రబాబు అన్నారు.

కాంగ్రెస్, వైసీపీ దున్నపోతు పార్టీలు ఓ దున్నపోతు రెండుగా విడిపోయింది. కాంగ్రెస్ ముసలి దున్న పోతు. వైసీపీ కుర్ర దున్నపోతు. వాళ్లకి ఓట్లేస్తే మిమ్మల్ని కుమ్మేస్తారు. కుర్ర దున్నపోతుకి ఓటేస్తే మరీ దారుణంగా కుమ్మేస్తుంది.. అని చంద్రబాబు స్పష్టం చేశారు.

కాపులపై గురి.. అగ్రవర్ణాలలోనూ పేదరికం ఉంద ని., కాపులలో ఎక్కువగా పేదలు ఉన్నారని చంద్రబాబు అన్నారు. కాపులలో పేదల కోసం ఆ నేతలతో మా ట్లాడి రెండ్రోజుల్లో ప్రత్యేక పథకం ప్రవేశపెడ తామన్నారు.

అవినీతిపై బెబ్బులి పులులై తిరగబడండి: వైఎస్, కాంగ్రెస్ అవినీతి, అరాచకాలపై కార్యకర్తలు, యువత కొండవీటి సింహాలై, బెబ్బులి పులులై తిరగబడాలని చంద్రబాబు పిలుపునిచ్చారు. యువత నిర్లక్ష్యంగా, నిర్లిప్తంగా ఊరుకుంటే రాబోయే రోజుల్లో మీ పిల్లల భవిష్యత్తు అంధకారమవుతుందని చంద్రబాబు హెచ్చరించారు. కాంగ్రెస్ అవినీతిపై పోరాటానికి అన్ని వర్గాల మద్దతు కూడగట్టుకోవాలని పార్టీ శ్రేణులకు చంద్రబాబు విజ్ఞప్తి చేశారు.

ఈ సందర్భంగా ఏడిదలో ఒక మహిళ మాట్లాడుతూ.. కాంగ్రెస్ అవినీతివల్ల తమకు అన్యాయం జరుగుతుందని, కరెంటులేక తాగునీరు ఉండ టం లేదని తెలిపింది. టీడీపీ అధికారంలోకి వచ్చాకా విద్యుత్ కోతల సమ స్య, అధికబిల్లుల సమస్య లేకుండా చేస్తానని హామీ ఇచ్చారు.

సోమవారం మండపేట మండలం ఏడిద నుంచి ప్రారంభమైన పాదయాత్ర మండపేట మీదుగా సాగింది. బాబుకు మహిళలు ప్రజలు, రైతులు తమ గోడును వెళ్ల బుచ్చుకున్నారు. ఏడిదలో పారిశ్రామికవేత్త బీఎస్ఆర్ చారిటబుల్ వ్యవస్థాపకులు బలుసు శ్రీనివాస్ ఏర్పాటుచేసిన మంచినీటిప«థకాన్ని బాబు ప్రారంభించారు. బాబు తన ప్రసంగం లో ప్రభుత్వం అవినీతిని ఎండగట్టడం, తమ పార్టీ అధికారంలోకివస్తే చేసే పథకాలు గురించి వివరించారు. ఏడిద నుంచి మండపేట చేరుకున్న బాబుకు ఘనస్వాగతం లభించింది. మండపేట చేరుకున్న బాబు కలువపువ్వు సెం టరులో పట్టణానికి చెందిన గ్రామ పెద్ద వల్లూ రి బొజ్జియ్య విగ్రహన్ని ఆవిష్కరించారు.

మాజీ మున్సిపల్ చైర్మన్ వేగుళ్ల వీర్రాజు విగ్రహానికి పూలమాలలు వేసి నివాళులర్పించారు. అనం తరం జరిగిన సభలో బాబు ప్రసంగించారు. ఆంధ్రప్రదేశ్‌కు అన్నం పెట్టే కోస్తా జిల్లాల్లో గతేడాది క్రాప్‌హాలిడే ప్రకటించడం సిగ్గుచేటని బాబు అన్నారు. టీడీపీ హయాంలో రైతులకు చేసిన సేవలను అయన వివరించారు. ప్రతి పేదవాడికి ఉచితంగా ఇళ్లను నిర్మించి ఇవ్వటం తోపాటు నిరుద్యోగులకు చదువును బట్టి నిరుద్యోగ భృతి అందిస్తామని హామీ ఇచ్చారు. బాబు పర్యటనకు వచ్చిన స్పందన బాబుతో పాటు పార్టీనేతలకు మంచి ఊపునిచ్చింది. అడుగడుగునా మహిళలు మంగళహారతులు తో బాబుకు స్వాగతం పలికారు. బాబు తన పాదయాత్రలో రైతులు మహిళలు వృద్దులు కర్షకులు కష్టాలను అడిగి తెలుసుకున్నారు.

మండపేటలో బాబు కులసంఘాలతో భేటీ అయ్యారు. వారిని ఉద్దేశించి బాబు మాట్లాడు తూ తమ ప్రభుత్వంవస్తే అందరికి న్యాయం చేస్తానని భరోసా ఇచ్చారు. బట్టలపై విధించిన వ్యాట్‌ను రద్దు చేయాలని వస్త్ర వ్యాపారులు చంద్రబాబుకు మండపేటలో వినతిపత్రాన్ని సమర్పించారు. వారిని ఉద్దేశించి బాబు మా ట్లాడుతూ వ్యాపారులకు టీడీపీ అండగా ఉం టుందని చెప్పారు. తమ పార్టీ అధికారంలోకి రాగానే వ్యాట్‌ను రద్దు చేస్తామని హామీ ఇచ్చా రు. మహిళలకు వడ్డీ లేని రుణాలు, ఉచిత విద్య, రుణ మాఫీ, పేదలకు అన్ని విధాలుగా ఆదుకుంటామని ప్రకటించారు. మండపేటలో బాబు సుదీర్ఘ ప్రసంగం చేశారు. బాబు పాద యాత్ర 2500 కిలోమీటర్లు పూర్తయిన సం దర్భంగా మండపేటలో ఏర్పాటుచేసిన ప్రత్యేక ఫైలాన్‌ను ఆవిష్కరించారు.

అనంతరం భారీ కేక్‌ను కట్ చేసి 2500 కొవ్వొత్తులతో చేపట్టిన ప్రదర్శనను బాబు ప్రారంభించారు. 15 జిల్లాలు 2500 కి.మీ.,లు పూర్తి చేసుకోవడం తనకు మరపురాని అనుభూతినిచ్చిందని తన యాత్రలో ఎన్నో విషయాలు నేర్చుకున్నానని ఆయన చెప్పారు. రాత్రి 10గంటలు దాటిన తర్వాత జనం భారీగా బాబు పాదయాత్రలో పాల్గొని సంఘీభావం ప్రకటించారు. బాబు పాదయాత్రలో వివిధ కుల సంఘాలు మద్దతు ప్రకటించాయి.

బాబు వెంట స్థానిక ఎమ్మెల్యే వేగుళ్ల జోగేశ్వరరావు, జిల్లా టీడీపీ అధ్యక్షుడు నిమ్మకాయల చినరాజప్ప, ప్రత్తిపాడు ఎమ్మెల్యే పర్వత చిట్టిబాబు, మాజీ మంత్రి గొల్లపల్లి సూర్యారావు, ఆర్‌టీసీ మాజీ ఛైర్మన్ నెక్కంటి బాలక ృష్ణ, జిల్లా టీడీపీ ఉపాధ్యక్షుడు నల్లమిల్లి వీర్రెడ్డి, కుమార్‌బాబు, గోదావరి డీసీ ఛైర్మన్ రెడ్డి బాబూరావు, మాజీ మంత్రి కోడెల శివప్రసాదరావు, ఎర్రపోతిన వెంకటేశ్వరరావు, ఎరగతపు బాబ్జీ, గొడవర్తి పూర్ణప్రసాద్, దాట్ల బుచ్చిబాబు, రాష్ట్ర బీసీ సెల్ అధ్యక్షుడు రెడ్డి సుబ్రహ్మణ్యం, బండారు సత్తిబాబు, సయ్యపు రాజు రామకృష్ణం రాజు, మున్సిపల్ మాజీ వైస్ ఛైర్మన్ చుండ్రు వెంకట్రావు, ఎమ్మార్పీఎస్ రాష్ట్ర కార్యదర్శి దూళి జయరాజు, వల్లూరి నారా యణమూర్తి, భారీ సంఖ్యలో అభిమానులు, కార్యకర్తలు పాల్గొన్నారు.

పార్టీకి కార్యకర్తలే శ్రీరామరక్ష అన్నారు. గ్రామస్థాయి నుంచి పార్టీని పటిష్ట పరిచి అధికారంలోకి వచ్చేలా కృషి చేయాలని కో రారు. ప్రస్తుతం కరెంటు, విద్య, తాగునీరు లభించకపోగా, ధరలు విపరీతం గా పెరిగిపోయి నష్టపోతున్నామని ఓ గీత కార్మికుడు చెప్పడం తనకు ఆవేదనను కలిగించిందన్నారు. ఇదే విషయాన్ని కార్యకర్తలు ప్రజల్లోకి తీసుకువెళ్లాలని సూచించారు. ప్రస్తుత ప్రభుత్వంలో పెరిగిపోయిన అవినీతిని ప్రజలకు వివరించాలని ఆ భాధ్యత మనందరిపై ఉందని కొంతమంది చేసిన సూచనను బాబు అంగీకరించారు.

తమ హయాంలో రౌడీయిజం, కుల,మత ఘర్షణలకు తావులేకుండా పాల న అందించామని చెప్పారు. అభ్యర్థుల ఎన్నికలో రహస్య ఎస్ఎంఎస్‌ల పద్దది పాటించాలని ఓ యువకుడు బాబుకు సూచించారు. దీనిపై బాబు మాట్లాడుతూ అభ్యర్థుల విషయంలో జాగ్రత్తలు తీసుకుని యువతకు, మంచివారికి అవకాశం ఇస్తామన్నారు. టీడీపీ జిల్లా సమావేశాలు నియోజకవర్గ స మావేశాలు మండలాలోను, మండల సమావేశాలు గ్రామాల్లోను నిర్వహిస్తే పార్టీని పటిష్ట పరిచేందుకు వీలు కలుగుతుందని పలువురు సూచించారు. ఎస్సీలకు టీడీపీ ఇచ్చిన ప్రాధాన్యతను బాబు గుర్తు చేశారు. మాలలకు వర్గీకరణ ద్వారా అన్యాయం జరగదని చె ప్పారు.

ముస్లింలకు సీటుల శాతం పెంచాలని యువతకు పెద్దపీట వేయాలని, విద్యార్థులకు విద్య, ఉద్యోగ అవకాశాలపై అవగాహన కల్పించాలని పలువురు సూచించారు. స్థానికంగా ఏర్పాటు చేసే పరి శ్రమల్లో ఉద్యోగావకాశాలు స్థానికులకే కల్పించాలని పలువురు కోరగా, వాటిని పరిశీలిస్తున్నామని బాబు హామీ ఇచ్చారు. సమావేశంలో రెండు నియోజకవర్గాల కార్యకర్తలు విక్టరీ చిహ్నం చూపాలంటూ చేసిన విన్నపాన్ని సున్నితంగా తిరస్కరించారు. సమావేశంలో రాజమండ్రి మాజీ ఎమ్మెల్యే గోరంట్ల బుచ్చయ్యచౌదరి, రూరల్ ఎమ్మెల్యే చందన రమేష్, ప్రత్తిపాడు ఎమ్మెల్యే పర్వత చిట్టిబా బు, స్థానిక ఎమ్మెల్యే వేగుళ్ల జోగేశ్వరరావు, మాజీమంత్రి గొల్లపల్లి సూర్యారావు, నాయకులు గన్ని కృష్ణ, తదితరులు పాల్గొన్నారు.

ఒక వైపు విద్యుత్ సమస్యతో రైతులు, పెరిగిన ధరలతో సామన్య ప్రజలు తల్లడిల్లుతున్నా కాంగ్రెస్ ప్రభుత్వం ఉలుకుపలుకు లేకుండా వుంటోందని విమర్శించారు. రాష్ట్ర ప్రజలు సుభిక్షంగా వుండాలంటే టీడీపీ పాలనలోనే సాధ్యమవుతుందన్నారు. కాగా గగినేపల్లె, దేవదొడ్డి, తీర్థం, గడ్డూరు, ఎం.కొత్తూరు, దాసార్లపల్లె మూగనపల్లె, గొల్లచీమనపల్లె, లక్కనపల్లె, పెద్దచెల్లారగుంటలో గ్రామ కమిటీ ఎన్నికలు ఏకగ్రీవంగా జరిగాయి.

ఈ కార్యక్రమంలో టీడీపీ అధ్యక్షుడు, మాజీ ఎంపీపీ శ్రీనివాసులు రెడ్డి, నాయకులు సుభాష్ చంద్రబోస్, రామచంద్ర నాయుడు, రాజన్న, అమరనాధరెడ్డి, వెంకట్రమణగౌడు, వెంకటప్పగౌడు తదితరులు పాల్గొన్నారు.

ఇం దులో భాగంగా జిల్లా కేంద్రంలో సో మవారం రాత్రి ప్రత్యేక సంబరాలు జరుపుకున్నారు. టీడీపీ వ్యవస్థాపకు డు ఎన్టీఆర్ విగ్రహం వద్ద ఈ వేడుకలు ఘనంగా నిర్వహించారు. విగ్ర హం వద్ద 2500 కి.మీ పేరుతో విద్యు త్ వెలుగులు ఏర్పాటు చేశారు. అక్క డే కేక్‌ను కట్ చేసి ఒకరికొకరు తినిపించుకొని ఆనందాన్ని పంచుకున్నారు. ఈ వేడుకలకు టీడీపీ పొలిట్ బ్యూరో సభ్యుడు కాల్వ శ్రీనివాసులు ముఖ్య అతిథిగా హాజరయ్యారు. అనంతరం ఆయన మాట్లాడుతూ... కాంగ్రెస్ పా ర్టీ అధికారంలోకి వచ్చిన తరువాత రాష్ట్రంలో అభివృద్ధి కుంటుపడిందన్నారు.

అన్ని వర్గాల ప్రజలు అనేక సమస్యలతో అల్లాడిపోతున్నారని ఆవే దన వ్యక్తం చేశారు. దేవుడా మాకు రక్ష ఎవరంటూ బతుకులీడుస్తున్నారన్నా రు. ఈ పరిస్థితుల్లో వారి సమస్యలను తెలుసుకొని అండగా నేనున్నానని చెప్పి వారిలో ఆత్మస్థైర్యం పెంచాలని 63 ఏళ్ళ వయస్సులో చంద్రబాబు పాదయాత్ర చేపట్టారన్నారు. ఈ పాదయాత్రకు లక్షలాది మంది ప్రజలు అండగా నిలిచి ముందుకు తీసుకెళ్తున్నారన్నారు. ప్రపంచ చరిత్రలోనే చంద్రబాబు పాదయాత్ర చిరస్థాయిగా నిలిచిపోతుందని కొనియాడారు. 9 ఏళ్ళ పాటు సీఎంగా ఉంటూ మరో 9 ఏళ్ళ పాటు ప్రతిపక్షంలో ఉంటూ ప్రజల కోసం నిరంతరం పాటుపడుతున్న మహానాయకుడు బాబు అని కొనియాడారు. ఇంతటి మహాయజ్ఞం ఖచ్చితంగా విజయవంతం అవుతుందన్నారు.

వచ్చే ఎన్నికల్లో ప్రజలు తెలుగుదేశానికి పట్టం కట్టి చంద్రబాబునాయుడుని ముఖ్యమంత్రిని చేయడం ఖాయమన్నారు. దీంతో రాష్ట్ర ప్రజల తలరాతలు మారనున్నాయని జోస్యం చెప్పారు. కార్యక్రమంలో నియోజకవర్గం ఇన్‌చార్జ్ మహాలక్ష్మి శ్రీనివాస్, సీనియర్ నాయకులు బుగ్గయ్య చౌదరి, నెట్టెం వెంకటేష్, నదీం అహ్మద్, నగర అధ్యక్షుడు క్రిష్ణకుమార్, సరిపూటి రమణ, కూచే హరిప్రసాద్, నజీర్, సుబ్బారెడ్డి, మణికంఠ బాబు, సాయిరామయ్య చౌదరి, గుడిపూటీ శీనా, కాకర్ల ఆదినారాయ ణ, అశోక్ నగర్ శీనా, మణికంఠి జయ ప్ప, చెర్లోపల్లి రామక్రిష్ణ, అంకె చంద్ర, నంబూరీ రమణ, రామచంద్ర, పరమేష్, రియాజ్, బాలు, సైఫుద్దీన్, టీఎన్ఎస్ఎఫ్ నాయకులు నారాయణస్వామి, భాస్కర్‌యాదవ్, వెంకటప్ప, లాల్ బాషా, మహిళా నాయకురాలు, రమాదేవి, లక్ష్మిదేవమ్మ పాల్గొన్నారు.