ఇది దద్దమ్మ ప్రభుత్వం :కడియం శ్రీహరి

స్టేషన్‌ఘన్‌పూర్ టౌన్: విద్యుత్ సమస్యపై ప్రజలు, ప్రతిపక్షాలు ఎన్ని ఆందోళనలు చేసినా పట్టించుకోవడం లేదని, ఇది దద్దమ్మ ప్రభుత్వమని మా జీ మంత్రి, టీడీపీ రాష్ట్ర ప్రధాన కార్యదర్శి కడియం శ్రీహరి దుయ్యబట్టారు. సోమవారం రంగచారి కాంప్లెక్స్‌లో ని ర్వహించిన కార్యకర్తల విస్తృత స్థాయి సమావేశంలో ఆయన ముఖ్య అతిథి గా పాల్గొని మాట్లాడారు. 2004, 2009 ఎన్నికల్లో పార్టీ మేనిఫెస్టోలో వి ద్యుత్ చార్జీలు పెంచేది లేదని హామీ ఇ చ్చి గెలిచిన కాంగ్రెస్ ప్రభుత్వం 9 ఏ ళ్లలో 3 సార్లు విద్యుత్ చార్జీలు పెంచిందన్నారు. చార్జీలు, సర్ చార్జీలు పెంచి అదనంగా రూ. 31500 కోట్ల రూపాయల భారం మోపడానికి సిద్ధమైందన్నారు. రైతులకు రోజుకు 3 గంటల పా టు కూడ విద్యుత్ సరఫరా కాకపోవడంతో పంటలు ఎండిపోయి నష్టాల పాలవుతున్నారని ఆవేదన వ్యక్తం చే శారు. పంటలను కాపాడుకోవడానికి జనరేటర్లు, ట్రాక్టర్లు పెట్టి మళ్లు తడుపుకుంటున్నారని పేర్కొన్నారు.