పొలం పనులు చేసే కూలీల నుంచి ఉద్యోగుల వరకు తాము ఎదుర్కొంటున్న సమస్యలను ఆయనకు నివేదిస్తున్నారు. మీరు సీఎం అయితేనే మా కష్టాలు తీరుతాయంటూ తమ నమ్మకాన్ని వ్యక్తపరుస్తున్నారు. ప్రజలకు తనకు నివేదించే సమస్యలను ఎంతో ఓర్పుగా వింటోన్న చంద్రబాబు ఎక్కడికక్కడ స్పందిస్తున్నారు. ఆయన ఇస్తున్న హామీలతో సంతోషం చెందుతూ మీకు ఓటేస్తే బాధ్యత మాది అని మాట ఇచ్చి మరీ సాగనంపుతున్నారు.సోమవారం జిల్లాలో 12వ రోజు పాదయాత్రను వేమూరు నియోజకవర్గంలోని కూచిపూడి గ్రామంలో శ్రీరామలింగేస్వారస్వామి దేవస్థానం వద్ద నుంచి చంద్రబాబు ప్రారంభించారు. దేవాలయం ఎదుట పురోహితుల దీవెనలు అందుకొన్న చంద్రబాబుకు స్థానిక మహిళలు 'విజయీభవ... దిగ్విజయీభవ' అంటూ స్వీయరచనలో రూపొందించిన గేయాన్ని ఆలపించి దీవించారు. అక్కడి నుంచి కూచిపూడి గ్రామంలోని ప్రధాన కూడలికి చేరుకొని ప్రసంగించారు.

'కూచిపూడి ఎప్పుడూ టీడీపీకి కంచుకోట... అందులో మరో ఆలోచనకు తావులేదు... గ్రామంలో ఎటు చూసినా మీ అభిమానం కనిపిస్తోంది... మీ రుణాన్ని ఎన్ని జన్మలెత్తి ఎంత సేవ చేసినా తీర్చుకోలేనిదని'' కృతజ్ఞతలు వ్యక్తం చేశారు. కూచిపూడిలో సభకు మహిళలు పెద్ద ఎత్తున రాగా వారిని చూసి చంద్రబాబు 'ఏవమ్మా... బాగున్నారా! మిమ్నల్ని చూస్తేనే మీరు కష్టాల్లో ఉన్నారని తెలిసిపోతోంది. ఆరోజున నేను ఉచితంగా సిలిండర్లు ఇస్తే మీరు కాంగ్రెస్ వాళ్లు వచ్చి అన్నం వండి పెడతారని ఆశించి ఆ పార్టీకి ఓటేశారు. ఈ రోజున ఒక్క వంట గ్యాసే కాదు సన్నబియ్యం, నూనె, కందిపప్పు, పంచదార, ఉప్పు, ఉల్లిపాయలు ఇలా అన్ని నిత్యవసర సరుకుల ధరలు మీకు అందుబాటులో లేకుండాపోయాయి.

మీ మగవాళ్లకు పప్పేసి అన్నం పెడుతున్నారా లేక నీళ్లరసం పెడుతున్నారా? అని ప్రశ్నించారు. మీరు ఆరోజున ఏమారకుండా ఉండి ఉంటే ఈ రోజు కష్టాలు ఉండేవి కావు. హాయిగా సుఖపడాల్సిన సమయంలో కష్టాలు కొని తెచ్చుకొన్నారు.నాకు అధికారం ముఖ్యం కాదు. కష్టమైనా ఫర్వాలేదని మీతో ఉండి సమస్యలు తెలుసుకొని సంఘీభావం తెలిపేందుకే పాదయాత్రతో వచ్చానన్నారు. నాకు వ్యక్తిగతంగా కష్టాలేవి లేవు. మా అబ్బాయి బాగా చదువుకొన్నాడు. కోడల్ని కూడా పెళ్లి అయిన తర్వాత చదివిస్తున్నాం. నా భార్య 25 ఏళ్ల నుంచి వ్యాపారం చేస్తుంటే ప్రోత్సహిస్తున్నానని చెప్పారు. చదువుకొన్న వాళ్లు డబ్బుకు అమ్ముడుపోతున్నారు ఆయారామ్... గయారామ్‌లు రాజకీయాల్లోకి వచ్చారు.

చదువుకొన్న వాళ్లు డబ్బుకు అమ్ముడు పోతున్నారని ఆవేదన వ్యక్తం చేశారు. గతంలో నీతి కథలు చెప్పేవారని, ఈ రోజున నీతి గురించి మాట్లాడేవారే కరువవుతుండటమే సమస్యలకు మూలం అవుతోందన్నారు. లక్ష కోట్లు దోచుకొన్న వైఎస్‌కి లక్ష విగ్రహాలు పెట్టి ఏమి సంకేతాలిస్తారని ప్రశ్నించారు. జైల్లో ఉన్న వాళ్ల ఫోటోలను పెట్టుకొంటారో మహనీయులను ఆరాధిస్తారో మీరే తేల్చుకోవాలన్నారు.త్రివిక్రమరావు ఆదర్శం నా హయాంలో ప్రకాశం జిల్లాలోని ఒక మారుమూల గ్రామానికి చెందిన త్రివిక్రమరావు అనే వ్యక్తి ఇంజనీరింగ్ చదివి మంచి సాఫ్టువేర్ ఉద్యోగం సాధించాడు. నేడు నెలకు రూ. లక్ష సంపాదిస్తున్నాడు. అతను వారంలో శని, ఆదివారం నా పాదయాత్రకు వ చ్చి సంఘీభావం తెలిపి వెళుతున్నాడు. అతను తన నెల జీతంలో ఇంటి అద్దె, ఖర్చులు పోను రూ. 78 వేలు పార్టీకి విరాళంగా ఇచ్చారు.

అలాంటివారు ఎంతోమంది టీడీపీపై విశ్వాసం ప్రదర్శిస్తున్నారు. ప్రజలు ఇచ్చిన విరాళాలతోనే టీడీపీ కొనసాగుతుంది తప్పా ప్రభుత్వ అవినీతి సొమ్ముతో కాదని చంద్రబాబు స్పష్టం చేశారు.చంద్రబాబు రోడ్డుకు ఇరువైపులా పచ్చని మొక్కజొన్న పొలాల మధ్యన కూచిపూడి నుంచి మూల్పురుకు పాదయాత్రను కొనసాగించారు. మధ్యా హ్నం భోజన విరామం అనంతరం మూల్పూరులో జరిగిన సభలో ప్రజలను ఉద్దేశించి ప్రసంగించారు. అక్కడి నుంచి ఎస్‌సీ కాలనీకి వెళ్లి దళిత ్రకైస్తవులను ఎస్‌సీల్లోకి చేరుస్తానని హామి ఇచ్చారు. ఆ తర్వాత పోతులమర్రి, జంపనిలో ప్రసంగించారు.

ఉపాధ్యాయుల సంక్షేమం, నిరుద్యోగులకు ఉపాధి కోసం శ్రమిస్తానన్నారు. తాను చేపట్టిన కార్యక్రమాలకు స్వచ్ఛంధ సంస్థల నుంచి కూడా సహకారం లభించిందన్నారు. మరోసారి సేవ చేసుకొనే అవకాశం కల్పించాలని విజ్ఞప్తి చేశారు. చిగురుపాటి వెంట టీడీపీ నగర అధ్యక్షుడు బోనబోయిన శ్రీనివాస్‌యాదవ్, మాజీ ఎమ్మెల్యే ఎస్ఎం జియావుద్దీన్, పశ్చిమ నియోజకవర్గ ఇన్‌చార్జ్ యాగంటి దుర్గారావు, పార్టీ నగర నాయకులు కొమ్మినేని ప్రసాద్, మీరావలి, రఫీ, ఖలీలుద్దీన్, మున్వర్, రషీద్ తదితరులు పాల్గొన్నారు.

ఈ నేపథ్యంలో జిల్లా ఎన్నికల అధికారి అయిన కలెక్టర్ సురేష్‌కుమార్ వారం క్రితమే ఈ విషయాన్ని టీడీపీ జిల్లా అధ్యక్షుడు ప్రత్తిపాటి పుల్లారావుకు తెలిపారు. అయితే తాము ఆయా తేదీల్లో ఎలాంటి కార్యక్రమాలు నిర్వహించబోమని, చంద్రబాబుకు మాత్రం జిల్లాలోనే బస చేసేలా అనుమతివ్వాలని విజ్ఞప్తి చేస్తూ లేఖ రాశారు. ఆ లేఖను కలెక్టర్ ఎన్నికల సంఘానికి నివేదించగా సోమవారం సాయంత్రం ఈసీ నుంచి లేఖ వచ్చింది. చంద్రబాబు బస చేస్తే ఎ లాంటి అభ్యంతరం లేదని, అయితే కొ న్ని షరతులు పాటించాలని స్పష్టం చే సింది. ఎలాంటి ప్రచారం, రాజకీయ కార్యకలాపాలు నిర్వహించరాదని తెలిపింది. నిషేదిత సమయంలో ఆయన పోలింగ్ కేంద్రం, గ్రామానికి కొన్ని కి లోమీటర్ల దూరంలో ఉండాలని పే ర్కొన్నది. ఒక సీనియర్ అధికారితో వీ డియో చిత్రీకరించాలని ఆదేశించిది.

చంద్రబాబు వేమూరులోనే బస చేసేందుకు ఈసీ అనుమతి రావడంపై టీడీపీ నాయకులు హర్షం వ్యక్తం చేశారు. తాము ఇప్పటివరకు ఎక్కడా ఎన్నికల నిబంధనలను ఉల్లంఘించలేదని, ఎమ్మెల్సీ అభ్యర్థికి అనుకూలంగా ప్రచారం కూడా నిర్వహించ లేదని, దీని వలనే ఈసీ తమ విజ్ఞాపనకు సంతృప్తి చెందిందని పుల్లారావు తెలిపారు. 48 గంటల విశ్రాంతి నేపథ్యంలో వచ్చే ఆదివారం కూడా పాదయాత్ర జరుగుతుందని, అలానే 21వ తేదీన సాయంత్రం కూడా ఐదు నుంచి ఆరు కిలోమీటర్ల పాదయాత్రకు ప్రణాళిక సిద్ధం చేస్తున్నామని పార్టీ వర్గాలు తెలిపాయి.

ఇది ఇలా ఉంటే ఎండలు పెరిగిన నేపథ్యంలో చంద్రబాబు పాదయాత్ర ఉదయం పూట త్వరితగతిన ప్రారంభించే యోచన కూడా చేస్తున్నట్లు సమాచారం. ప్రస్తుతం ఉదయం 11 గంటలకు పాదయాత్ర ప్రారంభమౌతున్నది. మధ్యాహ్నం 2 గంటలకు విశ్రాంతికి నిలిచపోతున్నది. ఆ తర్వాత సాయంత్రం నాలుగు గంటలకు ప్రారంభమై రాత్రి 10 గంటల వరకు సాగుతోంది. ఎండలు, 21వ తేదీతో ఎన్నికల కోడ్ ముగియనుండటంతో పాదయాత్ర మొదలయ్యే వేళలు, ముగిసే సమయంలో మార్పు ఉండొచ్చని తెలిసింది.