సుదీర్ఘ పాదయాత్ర చేస్తున్న చంద్రబాబుకు తోడుగా నిలిచారు. వస్తున్నా మీకోసం అంటూ మీరు వస్తుంటే మేము కూడా మీవెంటే నంటూ కొన్ని గ్రామాల్లో మహిళలు ఆయనకు సంఘీభావం ప్రకటించారు. మిమ్మల్ని ముఖ్యమంత్రిని చేస్తామయ్యా, మా కష్టాలు మీరే తీర్చాలంటూ మరికొన్నిచోట్ల వేడుకోలు వెరసి 169వ రోజైన సోమవారం చంద్రబాబు జనం మధ్యలో నిండు చంద్రుడిలా మెరిశారు. వెలుగులు చిందించారు. జిల్లాలో ఆయన ఉప్పుటేరు నుంచి పాదయాత్ర ప్రారంభించి కాకరపర్రు వరకు వంద కిలోమీటర్ల పాదయాత్రను ఆదివారం పొద్దుపోయిన తర్వాత పూర్తి చేశారు. తిరిగి సోమవారం కాకరపర్రు నుంచి బయలుదేరి 15 కిలోమీటర్ల మేర ప్రయాణానికి మధ్యాహ్నం మూడున్నర గంటలకే ఉపక్రమించారు. ఉదయాన్నే గోపాలపురం, తాడేపల్లిగూడెం నియోజకవర్గాల కార్యకర్తల సమావేశాన్ని పూర్తి చేసుకుని, ఆ వెంటనే విలేకరుల సమావేశంలో పాల్గొని వెంటనే పాదయాత్రకు సిద్ధమయ్యారు.

మునిపల్లిలో రోడ్డుపక్కన ఆయన ఆగిన వారిని పలకరించినప్పుడు అక్కడ ప్రజలు అసలు కష్టాలను ఆయన ముందుంచారు. ఏకంగా మహిళలు తమ గోడును ఉన్నది ఉన్నట్లుగా చెప్పుకున్నారు. 'కరెంటు బిల్లులు కట్టలేకపోతున్నాం. ఒక బుడ్డి (ఒక లైట్) ఉంటేనే ఐదొందలు వరకు బిల్లులు వేస్తున్నారు. కట్టలేకపోతున్నాం' అంటూ బావురమం ది. రూపాయి బియ్యం ఇవ్వాల్సిందే. లేకపోతే ఏదైనా తాగి చావాల్సిందే, ఎవరూ మమ్మల్ని లెక్కచేయట్లేదు. మీరే మాకు దిక్కు అంటూ తన మొరవినిపించింది. చంద్రబాబు ఆ మహిళను ఊరడించారు. నీకేం భయంలేదు. పార్టీని అధికారంలోకి తీసుకురండి మీ కష్టాలన్నీ పోతాయి. కరెంటు సమస్యలన్నీ తీరుస్తానని భరోసా ఇచ్చారు.

వంట చేసుకోవాలంటే గ్యాస్ ఇబ్బందులు, మీరు వస్తేనే మాకు న్యాయం జరుగుతుందని మరో మహిళ అన్నా రు. మీరు సుదీర్ఘ పాదయాత్ర చేస్తున్నారు, కానీ మేము ఆర్టీసీ ఛార్జీలు తట్టుకోలేక రోజూ పాదయాత్ర చేస్తున్నామని రాజేష్ అనే మరో విద్యార్థి తన గోడు చెప్పాడు. రైతులుగా మేము నీటి ఇబ్బందుల్లో ఉన్నాం. కాలువలకు సరిగ్గా నీళ్లు రావడం లేదు. ఏం చే యాలో అర్థమే కావడం లేదని పెం డ్యాల సెంటర్‌లో మరికొందరు రైతు లు ఆవేదన వెళ్లగక్కారు.

రూపాయి బియ్యం తీసేస్తే తీసేశారుగానీ, కరెంటు బిల్లులు తగ్గించండి, మా కేమీ వద్దంటూ ఇంకో మహిళ చంద్రబాబు కు విజ్ఞప్తి చేసింది. టీడీపీకి ఓటేస్తాం. మిమ్మల్ని అధికారంలోకి తీసుకువస్తాం. దాని కోసం ఇంటింటికీ తిరిగి ప్రచారం చేస్తామని మరో మహిళ బాబుకు మద్దతు ప్రకటించారు. అలాగే కలవపల్లి, ముప్పవరం గ్రామాలతో సహా అన్ని చోట్లా ఆయన సాగే మార్గంలో వందలాది మంది ఎదురేగి ఇలాంటి సమస్యలనే వినిపించారు. బాబు కూడా కాంగ్రెస్ అసమర్థత, అవినీతి కారణంగానే ఇలాంటి పరిస్థితి దాపురించిందని పార్టీ గెలుపు ఒక చారిత్రక గెలుపు అయ్యేలా మీరు సహకరించి దీవెనలు అందిస్తే ఈ కష్టాలన్నింటినీ తొలగిస్తామని భరోసా ఇచ్చా రు.

ఆయన పాదయాత్రకు సోమవారం జనం బ్రహ్మరథం పట్టారు. అన్నిచోట్లా వందలాది మంది ప్రవాహంలా ఆయన వెంట సాగారు. అన్నింటికంటే మించి పల్లెల కూడళ్లలో కూడా ఉత్సాహం వెల్లివిరిసింది. ఎమ్మెల్యే శే షారావు, పార్టీ జిల్లా అధ్యక్షురాలు సీ తారామలక్ష్మి, పార్టీ కన్వీనర్లు ఆయన వెంటే ఉన్నారు. తెలుగుదేశం కార్యకర్తలైతే ఉత్సాహం పట్టలేకపోయారు. మోటారు బైక్‌లతో సందడి చేశారు. ప్రతి ఊళ్లోనూ పార్టీ పతాకాలతో, ఫ్లెక్సీలతో పసుపు మయం చేశారు. సోమవారం యాత్రలో బాబు కూడా దారిపొడవునా అనేక వర్గాలను కలిశారు. లారీ ఎక్కి ఒకసారి, స్కూటర్ నడిపి ఇంకోసారి వారి ఉత్సాహాన్ని రెట్టింపు చేశారు.

మధ్యాహ్నం నుంచే యాత్ర ప్రారం భం కావడంతో ఆయన పర్యటించే ప్రాంతాలన్నీ జనంతో పొద్దుపోయేంత వరకు కిక్కిరిసి కన్పించాయి. చిన్నారులు సైతం బాబుతో షేక్‌హ్యాండ్ ఇచ్చేందుకు పోటీలు పడ్డారు. బడి పిల్లలు పువ్వులతో ఎదురేగి బాబుపై తమకున్న అభిమానాన్ని చాటుకున్నారు. నిడదవోలు నియోజకవర్గంలో రెండవ రోజు పాదయాత్ర జనసంద్రం మధ్య సాగింది.

తెలుగుదేశం అధ్యక్షుడు చంద్రబాబు నాయుడు వచ్చే నెల మూడో తేదీ రాత్రి తూర్పుగోదావరి జిల్లా తునికి చేరుకుని అక్కడ బసచేస్తారు. మరుసటి రోజు ఉదయం పాయకరావుపేట నుంచి పాదయాత్ర ప్రారంభిస్తారు. అక్కడి నుంచి తాండవ, మాకవరపాలెం, కన్నూరుపాలెం, తాళ్లపాలెం, నర్సింగబిల్లి, సోమవరం, చూచుకొండ, గణపతి, హరిపాలెం, తిమ్మరాజుపాలెం, మునగపాక, అనకాపల్లి టౌన్, సబ్బవరం, పెందుర్తి మీదుగా విశాఖ నగరంలోకి ప్రవేశిస్తారు. అనంతరం గోపాలపట్నం, ఎన్ఎడీ జంక్షన్, కంచరపాలెం, జ్ఞానాపురం, పూర్ణామార్కెట్, జగదాంబ, ఆర్టీసీ కాంప్లెక్స్, మద్దిలపాలెం, హనుమంతువాక మీదుగా భీమిలి నియోజకవర్గంలోకి అడుగు పెడతారు.విశాఖపట్నం

రెండు నెలల కిందట పెందుర్తిలో జరిగిన సంఘటనను విభేదించానే తప్ప పార్టీపై ఎప్పుడూ తాను పోరాటం చేయలేదని తెలుగుదేశం పార్టీ పొలిట్ బ్యూరో సభ్యుడు చింతకాయల అయ్యన్నపాత్రుడు స్పష్టం చేశారు. పార్టీ కార్యాలయంలో ఆదివారం జరిగిన కార్యకర్తల సమావేశంలో ఆయన మాట్లాడుతూ, టీడీపీపై కానీ, వ్యక్తులపై గాని పోరాడే వ్యక్తిత్వం తనది కాదన్నారు. అయితే సంఘటనపై విభేదిస్తానని చెప్పారు. కాగా గతంలో జరిగిన సంఘటన వివాదం ముగిసిందని, ఇకనుంచి అందరం కలిసికట్టుగా జిల్లాలో పార్టీని బలోపేతం చేసి 2014 ఎన్నికల్లో అధికారంలోకి తీసుకువచ్చేందుకు పనిచేయాలని సూచించారు. వచ్చే నెలలో జిల్లాలో చంద్రబాబు చేపట్టనున్న పాదయాత్రను విజయవంతం చేయాలని పిలుపునిచ్చారు. కార్యాలయానికి అయ్యన్న 'రీ ఎంట్రీ' అంటూ 'ఆంధ్రజ్యోతి'లో వచ్చిన కథనంపై ఆయన స్పందిస్తూ... 1983లో పార్టీలోకి ఎంట్రీ అయ్యానని వివరణ ఇచ్చారు.

రూరల్ జిల్లా అధ్యక్షుడు దాడి రత్నాకర్ మాట్లాడుతూ, వచ్చే నెలలో చంద్రబాబు పాదయాత్రకు అందరూ సహకరించాలని కోరారు. సుమారు పది రోజుల పాటు జిల్లాలో అధినేత పాదయాత్ర చేస్తారని, మే ఒకటితో చంద్రబాబు పాదయాత్ర ముగుస్తుందన్నారు. పార్టీ నగర అధ్యక్షుడు వాసుపల్లి గణేష్‌కుమార్ మాట్లాడుతూ, రెండు నెలల కిందట జరిగిన సంఘటన తర్వాత మళ్లీ కార్యకర్తలు రాకతో కార్యాలయం కళకళలాడిందని ఆనందం వ్యక్తం చేశారు. చంద్రబాబు పాదయాత్రను విజయవంతం చేయాలని కోరారు.

సమావేశంలో సీనియర్ నేతలు పప్పల చలపతిరావు, ఆర్ఎస్‌డీపీ అప్పల నరసింహరాజు, గుడివాడ నాగమణిలతో పాటు కోన తాతారావు, పీలా శ్రీనివాసరావు, లాలం భాస్కరరావు, గుడివాడ అమర్‌నాథ్, పైల ముత్యాలనాయుడు, కళ్లేపల్లి విజయలక్ష్మి, కేకే రాజు, బొట్టా వెంకటరమణ, టాక్సీరాజు, పోతన్నరెడ్డి, పాశర్ల ప్రసాద్, మళ్ల అప్పలరాజు, విజయకుమార్, అన్నంరెడ్డి వాణి, తోట రత్నం, నర్గీస్, ప్రభావతి, గొర్లె వెంకునాయుడు, కాళ్ల శంకర్, సుజాత, పులి వెంకటరమణారెడ్డి, నీలాపు వెంకటరమణ, స్వర్ణలత నక్కా కనరాజు, నడిగట్ల శంకరరావు తదితరులు పాల్గొన్నారు.

అక్కడి పాయకరావుపేట, నర్సీపట్నం, ఎలమంచిలి, అనకాపల్లి, పెందుర్తి నియోజకవర్గాల మీదుగా విశాఖ నగరంలోనికి పాదయాత్ర సాగుతుంది. నగరంలోని నాలుగు నియోజకవర్గాల్లో పాదయాత్ర చేసిన అనంతరం భీమిలిలోకి ప్రవేశిస్తారు. ఇక్కడి నుంచి విజయనగరం జిల్లాకు వెళతారని ప్రాథమిక సమాచారం.

జిల్లాలో చంద్రబాబు పాదయాత్రపై ఆదివారం విశాఖలోని పార్టీ కార్యాలయంలో జరిగిన సమన్వయ కమిటీ సమావేశానికి రూరల్, అర్బన్ కమిటీల అధ్యక్షులు దాడి రత్నాకర్, వాసుపల్లి గణేష్‌కుమార్, పొలిట్‌బ్యూరో సభ్యుడు చింతకాయల అయ్యన్నపాత్రుడు, చోడవరం ఎమ్మెల్యే కేఎస్ఎన్ఎస్ రాజు, నాయకులు పప్పల చలపతిరావు, ఆర్ఎస్‌డీపీ అప్పలనరసింహరాజు, గుడివాడ నాగమణి, కోన తాతారావు, పీలా శ్రీనివాసరావు, లాలం భాస్కరరావు, ఆడారి ఆనంద్, దేవరపుశివ, వినోద్‌రావు, బొలిశెట్టి శ్రీనివాసరావు, పాశర్ల ప్రసాద్, పుచ్చా విజయ్‌కుమార్, పోతన్నరెడ్డి, ఆవుగడ్డ అప్పలనాయుడు తదితరులు హాజరయ్యారు.

ఈ సందర్భంగా 'వస్తున్నా మీ కోసం' పాదయాత్రకు సంబంధించి తాత్కాలిక రూట్‌మ్యాప్‌ను ఖరారుచేశారు. దీనిపై నియోజకవర్గాల వారీగా నాయకులతో మంగళవారం నుంచి సమావేశమై మరింత విపులంగా చర్చించనున్నారు.

తూర్పుగోదావరి జిల్లా నుంచి విశాఖ జిల్లాలోకి ప్రవేశించే ప్రాంతం పాయకరావుపేట కాకుండా నాతవరం మండలానికి మార్చాలని కొంతమంది నాయకులు కోరుతున్నారు. తుని నుంచి కాకుండా కోటనందూరు నుంచి చంద్రబాబు జిల్లాలోకి అడుగిడేలా రూట్ మార్చితే పాయకరావుపేట, నర్సీపట్నం అసెంబ్లీ నియోజకవర్గాల్లోని ఎక్కువ గ్రామాలు కవర్ అవుతాయని వారు అభిప్రాయపడ్డారు. ఈ విధంగా మార్చితే చంద్రబాబు విశాఖ జిల్లాలోకి ప్రవేశం మరో ఒక రోజు ఆలస్యమయ్యే అవకాశం వుందని భావిస్తున్నారు.

జిల్లాలో అనకాపల్లి నుంచి సబ్బవరం మీదుగా పెందుర్తి వచ్చి నగరంలోకి ప్రవేశించేలా మరో ప్రతిపాదన చేశారు. ఇది కాకుండా అనకాపల్లి నుంచి పరవాడ, ఉక్కు నగరం, గాజువాక మీదుగా మరో రూట్ పరిశీలనలో వుంది. నగరం నుంచి భీమిలి నియోజకవర్గంలోకి వెళ్లాలంటే హనుమంతువాక నుంచి బీచ్‌రోడ్‌లోకి వెళ్లాలా? లేక ఆరిలోవ మీదుగా నీళ్ల కుండీల వైపు వెళ్లాలా? అన్నది పెండింగ్‌లో పెట్టారు. పెందుర్తిలో పాదయాత్రపై ఇన్‌చార్జి బండారు సత్యనారాయణమూర్తితో చర్చించిన తరువాత నిర్ణయిస్తారు.

ప్రస్తుతం రూపొందించిన తాత్కాలిక షెడ్యూల్‌ను పార్టీ అధినేత చంద్రబాబుకు, పార్టీ కేంద్ర కార్యాలయానికి పంపనున్నారు. సాధారణంగా రూట్ వివరాలను చంద్రబాబే స్వయంగా పరిశీలించి అవసరమైన చోట మార్పులు చేస్తున్నారు. అందువల్ల ఆదివారం సమన్వయ కమిటీ సమావేశంలో రూపొందించిన రూట్ మ్యాప్‌లో మార్పులు చేర్పులు వుంటాయని రూరల్ అధ్యక్షుడు దాడి రత్నాకర్ తెలిపారు.

తొండంగి: మండలంలో చంద్రబాబు జరపనున్న వస్తున్నా మీ కోసం పాద యాత్ర రూటును ఆదివారం టీడీపీ పొలిట్‌బ్యూరో సభ్యుడు యనమల రామకృష్ణుడు పరిశీలించారు. బెండపూడి మీదుగా చంద్రబాబు మండలంలోకి ప్రవేశించనున్నారు. అవసరమైతే రాత్రి బస ఏర్పాటు నిమి త్తం పీఈ చిన్నయ్యపాలెం సెంటర్ సమీపంలోని హైవే వ ద్ద పొలాలను పరిశీలించారు. రాత్రి బస ఎక్కడ ఏర్పాటు చేయాలన్నది ఇంకా ఖరారు కాలేదని యనమల తెలిపారు.

పీఈ చిన్నయ్యపాలెం, ఎ.కొత్తపల్లి, శృంగవృక్షం, పి.అగ్రహారం మీదుగా ఒక రూటు, అన్నవరం, గోపాలపట్నం, ఎ.కొత్తపల్లి, శృంగవృక్షం పి.అగ్రహారం మీదుగా మరొకరూటు పరిశీలనలో ఉంది. దీనిలో ఏదో ఒక రూటు ఖరారు కానున్నది. ఆయన వెంట యనమల కృష్ణుడు, పోల్నాటి శేషగిరిరావు, పాలచర్ల సత్యనారాయణ,(ఎర్రబ్బు) తదితరులున్నారు

టీడీపీ జిల్లా ప్రధాన కార్యదర్శి అబ్దుల్ కలాం, జిల్లా ఉపాధ్యక్షుడు ఆత్రం భగవంత్‌రావు, కనక తుకారాంలు మాట్లాడారు.ప్రభుత్వ, ప్రజావ్యతిరేక విధానాలను ఎండగట్టాలన్నారు. అవినీతి ప్రభుత్వానికి బుద్ది చే ప్పే సమయం అసన్నమైందన్నారు. కా ర్యక్రమంలో రాజారాం,బోజ్జురావు, భ లిరాం, గణపత్‌నాయక్, షేక్ కలీల్, జంగు, భీంరావు, నాందేవ్, గుణవంత్‌రావు, కిషన్, హతిరాం, ఆత్రం ఓంప్రకాష్, అ ర్క నాగోరావు, మెస్రం శేకు, తదితరులు పాల్గొన్నారు.

గతేడాది కన్న ఈ సారి విద్యుత్‌కు కేటాయింపులు తగ్గించారని టీడీపీ ఎమ్మెల్యే అశోకగజపతి రాజు తెలిపారు. గత బడ్జెట్‌లో వ్యవసాయానికి 4.1 శాతం నిధులు ఇవ్వగా ప్రస్తుతం 3 శాతమే కేటాయించడం దారుణమన్నారు. టీడీపీ ఎమ్మెల్యేలు బడ్జెట్‌పై తీవ్ర అసంతృప్తి వ్యక్తం చేశారు.