March 18, 2013
ఇంకెక్కడ రైతు బడ్జెట్!
ఆ ప్రాంతాన్ని చూసిన వెంటనే 'కోనసీమ' గుర్తుకు వచ్చింది. ఆ పచ్చటి
స్వర్గానికి ఇది ముఖ ద్వారమా? అని ఒక్కక్షణం అనిపించింది. విరగ్గాసిన
కొబ్బరి చెట్లు, గెలలు దిగిన అరటి, అక్కడక్కడా పచ్చటి రంగేసినట్టు వరి
పొలాలు.."ఏమి అందం'' అనుకుంటూ ఊళ్లోకి వెళ్లాను. తీరాచూస్తే.. దారితప్పి
వచ్చానా అనిపించింది. కానూరు శివార్లలో చూసిన దృశ్యానికి, ఊళ్లో
తారసపడుతున్న జనాలకు ఎక్కడా సంబంధం లేదు. ఆ విస్మయం నుంచి పూర్తిగా
బయటపడకముందే, ఆ ఆడపడుచు గొంతు వినిపించింది.
'అయ్యా! ఇంత దూరం వచ్చావు. మా ఇంటికి ఒకసారి రండి'' అంటూ వేడుకుంది. చెప్పకుండానే ఆమె దయనీయ స్థితి అర్థమవుతూనే ఉంది. సరే అని వెంట వెళ్లాను. 'ఇదే సార్! మా ఇల్లు' అని ఆమె చెప్పిన చోట పూరిపాక కనిపించింది. 'రేషన్ కార్డు ఉందా' అంటే..తీసుకొచ్చి చూపించింది. "ఐనా.. ఇందిరమ్మ ఇల్లు ఇవ్వలేదా' అని ఆరా తీశాను. 'ఎక్కడ సార్! ఎక్కడెక్కడి ఇళ్లూ ఊళ్లో కాంగ్రెస్ నాయకులకు చాలడం లేదు. ఇక మమ్మల్ని పట్టించుకునే నాథుడు ఎవడు?'' అని కసిగా ప్రశ్నించింది. 'కోనసీమ'లో కమనీయ అందాలకే కాదు..
డుపు తరుక్కుపోయే కథలకూ కొదవ లేదు!
ఒకప్పటి అరటి రైతు.. ఇప్పుడు కూలీ. నీలం తుఫాను ముందు దాకా సొంత సాగు చేసుకున్నవాడే.. ఆ తరువాత నుంచి పని వెతుక్కుంటూ గట్టుగట్టుకూ తిరుగుతున్నాడు. రైతాంగానికి సాయం మొదలు పొలానికి బీమా దాకా.. ఏదీ మాట్లాడటానికి లేదట! "పంట పోయినా తీసుకున్నది కట్టాల్సిందేనని బ్యాంకు వాళ్లు వేధిస్తున్నారు. వడ్డీ వ్యాపారుల బెడద తప్పిందనుకున్నాం. వీళ్లు అంతకన్నా ఘోరమయ్యారు సార్!'' అని ఆ రైతు వాపోయాడు. ఇంకెక్కడి రైతు బడ్జెట్!
