గల్ఫ్ బాధితుల సమస్యలు తీర్చడానికి ప్రభుత్వం పూర్తిగా నిర్లక్ష్యం చేస్తుందని అన్నారు. వీరి సమస్యల పరిష్కారం కోసం తమ ప్రభుత్వం అధికారంలోకి వస్తే ఒక మంత్రిత్వ శాఖని ఏర్పాటు చేస్తామని హామీ ఇచ్చారు. రుణా మాఫీని ఎలా మాఫీ చేస్తారని యువకుడు ప్రశ్నించగా. అమెరికా తరహాలో రాష్ట్రాన్ని అభివృద్ధి చేస్తానని, అమెరికాలో 40సంవత్సరాల పై బడ్డ వారికి ప్రభుత్వమే పింఛన్ సౌకర్యం కల్పించి అన్ని విధాలుగా ఆదుకుంటుందన్నారు.

ప్రభుత్వం కాంట్రాక్ట్ లెక్చరర్‌లకు ఉద్యోగ భద్రత కల్పించాలని డిమాండ్ చేశారు. ప్రభుత్వం రూపాయికి కిలో బియ్యం ఇచ్చి, గ్యాస్ కనెక్షన్ పేరుతో రూ.100 తీసుకుంటుందన్నారు. తెలంగాణ కోసం తాము కట్టుబడి ఉన్నామని అన్నారు. రైతులకు సబ్సిడీ పై రుణాలు ఇచ్చి యువతకు పరిశ్రమలు ఏర్పాటు చేస్తామన్నా రు. అవినీతిని అంతమొందించనప్పు డే దేశం అభివృద్ధి చెందుతుందన్నారు. రాష్ట్రంలో మొండిఎద్దు పరిపాలన కొనసాగుతుందని, కిరణ్‌కుమార్‌రెడ్డి కిరికిరి ముఖ్యమంత్రి అని చంద్రబాబు పేర్కొన్నారు. కార్యక్రమంలో ఎంపీ రాథోడ్‌రమేష్, పార్టీ జిల్లా అధ్యక్షుడు గెడం నగేష్, జిల్లా ప్రధాన కార్యదర్శు లు లోలం శ్యాంసుందర్, అబ్దుల్‌క లాం, నిర్మల్ నియోజక వర్గ ఇన్‌చార్జి బాబర్, తెలుగు రాష్ట్ర కార్యదర్శి భూషణ్‌రెడ్డి, నాయకులు కిషన్, రమేష్, కోర్టికల్ గంగారెడ్డి పాల్గొన్నారు.

గ్రామస్థుల బ్రహ్మరథం: పాదయాత్రలో భాగంగా కోర్టికల్ గ్రామానికి వచ్చిన టీడీపీ అధినేత చం ద్రబాబు నాయుడికి గ్రామస్థులు బ్రహ్మరథం పట్టారు. ఊరి పొలిమేర నుంచి మహిళలు మంగళ హారతులతో స్వాగతం పలకడంతో పాటు బంతిపూలు చల్లి రోడ్డు పై నడిపించారు.

(నిర్మల్/ఖానాపూర్/మామడ): గ్రామ స్థాయిలో పాదయాత్రలు నిర్వహిస్తూ సమస్యల పరిష్కారం కో సం కృషి చేయాలని, పార్టీని మరింత పటిష్టపర్చే విధంగా నాయకులు, కార్యకర్తలు శ్రమించాలని టీడీపీ అధినేత చంద్రబాబు నాయుడు అన్నారు. మా మడ మండల తిర్పెల్లి వద్ద చెన్నూర్ నియోజక వర్గ కార్యకర్తల సమావేశం నిర్వహించారు. ఈ సందర్భంగా పలువురు పలు విషయాలను ఆయన దృషి ్టకి తీసుకెళ్లారు. నియోజక వర్గ ఇన్‌చార్జిల నియమించాలని పలువురు సీనియర్ నేతలు కోరగా బస్సులో కర్చీప్ వేసినంత సులభంగా కాదని, తగిన సమయం వచ్చినప్పుడే నియమించడం జరుగుతుందని పేర్కొన్నారు. సింగరే ణి లాభాల్లో నడవడానికి తెలుగుదేశం పార్టీ చేసిన కృషేనని ఈ విషయాన్ని నాయకులు ప్రజల్లో తీసుకెళ్లి వివరించాలని సూచించారు.

అందులో 15శాతం లాభాల వాటా ఇవ్వడం కార్మికులకు తెలియజేయాల్సిన అవసరం ఉందన్నా రు. సంజయ్‌కుమార్ నాయకుడు మా ట్లాడుతూ పని చేసే నాయకులకు పదవులు ఇచ్చి గుర్తించాలని కోరగా, త్వర లో మంచి నిర్ణయం తీసుకుంటామని, కష్టపడిన వారికి తగిన ప్రాధాన్యత ఉం టుందన్నారు. బి. నర్సింగ్‌రావు మాట్లాడుతూ చెన్నూర్ నియోజక వర్గంలో అండర్ గ్రౌండ్ మైన్స్ అభివృద్ధికి పా టుపడాలని, సింగరేణిలో పని చేసిన వారికి వారసత్వపు ఉద్యోగాలు కల్పించాలని కోరగా, సింగరేణి అభివృద్ధి కృషి తెలుగుదేశం పార్టే కారణమని పు నర్ఘటించారు.

జగదల్‌పూర్ హైవే లైన్ పూర్తి చేస్తే నాలుగు వందల కిలో మీటర్ల దూరభారం తగ్గుతుందని చెప్ప గా, ఈ విషయం పరిశీలిస్తామని హా మీ ఇచ్చారు. ఎండి అబ్బస్ మాట్లాడు తూ మందమర్రి పట్టణంలో నాలుగు సంవత్సరాలుగా పార్టీ పటిష్టత కోసం పని చేస్తున్నామని, అయినా తమకు ఎ లాంటి గుర్తింపు లేదని చెప్పగా, ఈ విషయమై జిల్లా అధ్యక్షుడు నగేష్, ఎంపీ రాథోడ్ రమేశ్ దృష్టికి తీసుకెళ్లి సమస్య పరిష్కారికి కృషి చేయాలని సూచించారు. ఈ సమావేశంలో చెన్నూ ర్ నియోజక వర్గ నాయకులు చీర్ల రాజేశ్వర్‌రెడ్డి, శ్యాందాస్, పెద్దపెల్లి తిరుపతి, నర్సింగ్‌రావు, శ్రీనివాస్, సురేష్, నాయిని మధునయ్య పాల్గొన్నారు.

స్పందించిన బాబు అధికారంలోకి రా గానే రూ. 600 పింఛన్ ఇస్తామని చె ప్పారు. అనంతరం రూ.2వేల నగదును బుచ్చవ్వకు అందించారు. మరో రైతు సాయన్న ఆయన మాట్లాడుతూ గి ట్టుబాటు ధరలు రావడం లేదని, పంట పండించాలంటే కష్టంగా ఉంద ని వాపోయారు. మీ కష్టాలు గట్టెక్కేంచించేందుకు వచ్చానని, పంట రుణాల ను మాఫీ చేస్తామని బాబు చెప్పారు. రాచాపూర్‌కు చెందిన నడి పి పోసాలు (మాజీ సర్పంచ్) మాట్లాడుతూ మీ కోసం నేను ఇక్కడ వేచి ఉన్నానని, గతంలో ఉపాధ్యాయులు మోసం చేశారని, అందు వల్లనే ఒడిపోయామని,ఈ సారి మాత్రం టీచర్లను నమ్మవద్దని పోలింగ్ బూత్‌లో నిరుద్యోగులను నియమించాలని సూచించారు.

సరే అలాగే చేద్దామని చంద్రబా బు అన్నారు. లక్ష్మణచాందకు చెందిన భార్యభర్తలు రాజేశ్వర్, విజయలక్ష్మీలను బాబు పలుకరించారు. ఏ పంట వేశారా... దిగుబడి వస్తుందా... కరెంట్ వస్తుందా.. అప్పు ఎంత ఉంది అని అ డిగారు. సరైన దిగుబడి రాలేదని, మూడు గంటలు మాత్రమే కరెంట్ ఇచ్చారని, మక్కపంట ఎండిపోయిందని, రూ.లక్ష50వేలు అప్పు ఉందని, ఇద్దరు పిల్లలు చదువుకుంటున్నారని చెప్పగా, అప్పులు మాఫీ చేయిస్తాం. పిల్లలను చదివిస్తాం. కాంగ్రెస్ ప్రభు త్వం వల్లనే ఈ కష్టాలు వచ్చాయని చంద్రబాబు అన్నారు. కోర్టికల్‌కు చెందిన గంగవ్వను పలుకరించగా, ఒక బల్బుకే రూ.600 వచ్చిందని, నాయకులు దోచుక తింటున్నారని, మీ వెంట ఉన్నా నాయకులే మోసం చేస్తున్నారని ఆవేశంతో అనగా, నిజాయితీ పరులు ముందుకు వచ్చి పార్టీలో కొనసాగాలని గంగవ్వనుకు చెప్పారు.

ఈ సందర్భంగా గాళ్ల గంగవ్వ తన భర్త గాళ్ల రాజారెడ్డిని చంద్రబాబు నాయుడికి పరిచయం చేయించారు. తొలుత గంగవ్వ బాబు దగ్గరికి వచ్చి తన మాటలతో ఆకట్టుకుంది. దీంతో నీవు ఏ పని చేస్తావు. నీ భర్త ఏం చేస్తా రు.. ఇలా చురుకుగా ఉంటేనే ప్రజలకు న్యాయం జరుగుతుందని, అవినీతిని నిలదీయాలని అన్నారు. గంగవ్వ భర్త పొలాల్లో ఎడ్లు మేపుతుండగా బాబు పిలిపించారు. భార్యభర్త భూజాల పై బాబు చేతులు వేసి ఆవులను పెంచేందుకు లోన్ ఇప్పిస్తాం. ఆదాయం వస్తుంది చేసుకోవాలని చంద్రబాబు నాయుడు పేర్కొన్నారు.

ప్రభుత్వం సక్రమంగా విద్యుత్ సరఫరా చేయకపోవడంతో జిల్లాలోని వేలాది హెక్టార్లలోని పసుపు, పత్తి, వరి పంటలు ఎండిపోయాయనీ, లక్షలాది ఎకరాల్లో దిగుబడి తగ్గిపోయిందన్నా రు. కరెంట్ సక్రమంగా సరఫరా చేయకపోవడంతో నీళ్లు లేక పంట దిగుబడి తగ్గిపోయిందని, పెట్టుబడులు పెరిగిపోయాయని, దాంతో జిల్లా రైతాంగం అప్పుల ఊబి లో కురుకపోయిందన్నారు. అప్పుల బాధ భరించలేక ఎంతో మంది రైతులు ఆత్మహత్యలకు పాల్పడ్డారని ఆయన ఆవేదన వ్యక్తం చేశారు. రైతులు ఆత్మహత్యలకు పాల్పడవద్దనీ, టీడీపీ అధికారంలోకి రాగానే రైతులు తీ సుకున్న అన్ని రుణాలను మాఫీ చేస్తాననీ, పత్తి, వరి, పసుపుతోపాటు ఇతర పంటలకు గిట్టుబాటు ధర చెల్లిస్తానని ఆయన పేర్కొన్నారు. ఎరువుల ధరలను తగ్గించి వ్యవసాయాన్ని లాభసా టి మారుస్తానన్నారు.

ఎరువుల కోసం రైతులు పోలీస్‌స్టేషన్ల వద్ద రోజుల తరబడి క్యూలో ని ల్చున్నప్పటికీ ఒక్క ఎరువుల బస్తా దొరకలేదనీ, ఐదు లాఠీ దెబ్బలు తిం టేనే ఒక యూరియా బస్తా ఇచ్చారని ఆయన చెప్పారు. పెట్రోల్, డీజిల్ ధరలతో నిత్యావసర సరుకుల ధరలు విపరీతంగా పెరిగిపోయాయనీ, ధరలను నియంత్రించడంలో ప్రభుత్వం విఫలమైందన్నారు. విద్యుత్ సక్రమంగా సరఫరా చేయని అధికారులు, బిల్లులు మాత్రం అధికంగా వేస్తున్నారని ఆయ న విమర్శించారు.

రాని కరెంట్‌కు బిల్లుల మోత మోగడంతో గుండె ఆగిపోయేలా ఉందన్నారు. ట్రాన్స్‌ఫార్మర్ కాలి పోతే చేతులు తడపందే కొత్త ట్రాన్స్ ఫార్మర్ ఇవ్వడం లేదన్నారు. జిల్లాలో లక్షలాది ఎకరాల్లో పత్తి, ప సుపు పంటలను సాగు చేస్తున్నారనీ, వీరి కోసం పొగాకు బోర్డు మాదిరిగా పసుపు, పత్తి పంటలకు అభివృద్ధి బో ర్డును ఏర్పాటు చేయిస్తానని ఆయన అ న్నారు. జిల్లాలోని పత్తి, పసుపు తదితర వ్యవసాయ ఉత్పత్తుల కోసం జిన్నింగ్, స్పిన్నింగ్ తదితర పరిశ్రమలను ఏర్పాటు చేసి జిల్లాలోని నిరుద్యోగులకు ఉద్యోగావకాశాలు కల్పిస్తామన్నారు. గ్రామాల్లో సాగునీరు. డ్రైనేజీ , పాఠశాల, ఆసుపత్రుల భవనాలను నిర్మించి, అభివృద్ధి కార్యక్రమాలు చేపడుతానన్నారు. ఆదర్శ రైతులు ఒక్కసారి కూడా పొలాలకు వెళ్లి వ్యవసాయ సలహాలు ఇవ్వకుండా, బెల్లు షాపులు పెట్టి మద్యాన్ని విచ్చల విడిగా విక్రయిస్తున్నారని విమర్శించారు.

పిల్లలకు ఉచిత విద్యను అందించి ఉపాధి అవకాశాలు కల్పిస్తామని, నిరుద్యోగ భృతి చెల్లిస్తానని ఆయన చెప్పారు. జిల్లాలో లక్షలాది మంది బిడీ కార్మికులు ఉన్నారని, బీడీ కార్మికులకు ఎక్కువ పని ది నాలు కల్పించి, వెయ్యి బీడీ రూ. 150 చెల్లించి, బీడీ కార్మికులందరికి లక్షన్నర రూపాయల వ్యయంతో ఉచితంగా ఇళ్లు కట్టిస్తామన్నారు. జిల్లాకు చెందిన లక్షలాది మంది ఉపాధి కోసం గల్ఫ్ దే శాలకు వెళ్లారని, అక్కడి కొంత మంది చనిపోతే వారి శవాలను తీసుక రావడానికి ప్రభుత్వం తన వద్ద డబ్బులు లేవని చేతులు ఎత్తేస్తుందని ఆయన ఆవేదన వ్యక్తం చేశారు. టీడీపీ అధికారంలోకి వచ్చిన తర్వాత గల్ఫ్ బాధితు ల కోసం మంత్రిత్వ శాఖ ఏర్పాటు చేసి, వారి సమస్యలను పరిష్కరిస్తామన్నారు. తాను తెలంగాణకు గతంలో, ప్రస్తుతం, భవిష్యత్‌లో వ్యతిరేకం కాదని ప్రజలను మనోభావాలను గౌరవిస్తానన్నారు.

ముస్లింల సంక్షేమం కోసం మరో రూ. 2500 కోట్లతో ఇస్లామిక్ బ్యాంకు ఏర్పాటు చేయించి వడ్డీలేని రుణాలు అందిస్తానని హామీ ఇచ్చారు. సమావేశాల్లో టీడీపీ పొలిట్‌బ్యూరో సభ్యుడు, ఆదిలాబాద్ ఎంపీ రమేష్ రాథోడ్, నిజాబాబాద్ రూరల్ ఎమ్మెల్యే మండవ వెంకటేశ్వర్‌రావు, టీడీపీ జిల్లా అధ్యక్షుడు, బోథ్ ఎమ్మెల్యే నగేష్, టీడీపీ సీనియర్ నాయకులు పాయల శంకర్, లోలం శ్యామ్ సుం దర్, బాబర్, యూనిస్ అక్బానీ, రాష్ట్ర పరిశీలకుడు అర్షపల్లి విద్యాసాగర్‌రావు, రాష్ట్ర నాయకులు శ్రీశైలం, కోటేశ్వర్‌రావు, అందుగుల శ్రీనివాస్, జైపూర్ మాజీ జడ్పీటీసీ పెద్దపల్లి తిరుపతి, నారాయణరెడ్డి, జుట్టు అశోక్, ఆ దిలాబాద్ నియోజక వర్గం నాయకుడు గణేష్‌రెడ్డి, రాజిరెడ్డి పాల్గొన్నారు.

బాబుకు నీరాజనం: నార చంద్రబాబునాయుడుకు గు రువారం ప్రజలు నీరాజనం పలికారు. కొరిటికల్ క్రాస్ రోడ్, కొరిటికల్, మామడ, పోనికల్ క్రాస్ రోడ్, డాంబర్ ప్లాంట్, దిమ్మదుర్తి వరకు పాదయాత్ర నిర్వహించిన చంద్రబాబునాయుడుకు ప్రజలు పూలమాలలతో, మంగళహారతులతో ఘనంగా స్వాగతం పలికి, తమ గ్రామాల్లో నెలకొన్న సమస్యలను విన్నవించారు.

కొరిటికల్ నుంచి దిమ్మదుర్తి వరకు ఉన్న గ్రామాల్లోని ప్రజలను, పొలాల్లో పని చేస్తున్న రైతులను, కల్లుగీత కార్మికులను, బీడీ కార్మికులను పలుకరిచారు. ప్రజల కష్టాలు తెలుసుకునేందుకే పాదయాత్ర చేపట్టాననీ, ఓపిగ్గా వారు చెప్పే సమస్యలు విని ఆ సమస్యల పరిష్కారానికి ఎలాంటి చర్యలు చేపడితే పేదలు బాగుపడుతా రో.. చెప్పాలని కోరారు. ఈత, తాటి వ నం పెంచుకునేందుకు భూములు ఇప్పించాలని కొరిటికల్‌లో కల్లుగీత కా ర్మికుడు గంగాధర్‌గౌడ్ కోరగా చర్యలు తీసుకుంటానన్నారు. వెనకబడిన కూ లాలకు చెందిన తాము కూలీ పని చేసుకుంటూ బతుకుతున్నామనీ,భూమి ఇప్పించాలని కోరారు. అధికారంలోకి వచ్చిన తరువాత బీసీలకు భూములు కొనుగోలు చేసి ఇచ్చేలా చర్యలు చేపడుతానని చంద్రబాబు పేర్కొన్నారు.

టీఆర్ఎస్ అధినేత చంద్రశేఖర్‌రావు ఫాంహౌజ్‌లో కుంభకర్ణుడిలా ని ద్రపోతున్నాడే తప్ప తెలంగాణపై చిత్తశుద్ధి లేదన్నారు. తెలంగాణ ప్రత్యేక రాష్ట్రం కోసం తెలుగుదేశం పార్టీ కట్టుబడి ఉందని, గతంలో లేఖను సైతం సమర్పించామని గుర్తు చేశారు. ప్రస్తుత ప్రభుత్వం తెలంగాణ కోసం నాన్చుడు ధోరణి అవలంభించడంతో పాటు తెలుగుదేశం పార్టీపై లేనిపోని అభాండాలు మోపుతున్నారన్నారు. మాజీ ముఖ్యమంత్రి వైయస్.రాజశేఖర్‌రెడ్డి చేసిన అవినీతిలో తన తనయుడు వైయస్.జగన్ అవినీతికి పాల్పడి జైలు జీవితం గడుపుతున్నాడన్నారు. పేద విద్యార్థులను దృష్టిలో ఉంచుకొని ప్రతీ విద్యార్థికి తమ పార్టీ అధికారంలోకి వస్తే ల్యాప్‌టాప్‌లు ఇస్తామని అన్నారు. ఎస్సారెస్పీ ముంపు బాధితులకు నష్టపరిహారం అందించేలా కృషి చేస్తామని పేర్కొన్నారు. ఈ సమావేశంలో ఎమ్మె ల్యే ఎర్రబెల్లి దయాకర్‌రావు, ఎంపీ రాథోడ్ రమేష్, జిల్లా అధ్యక్ష, ప్రధాన కార్యదర్శులు గెడం నగేష్, లోలం శ్యామ్‌సుందర్, అబ్దుల్‌కలాం, తలసాని శ్రీనివాస్ యాదవ్, నిర్మల్ నియోజక వర్గ ఇన్‌చార్జి బాబర్, రాష్ట్ర రైతు కార్యదర్శి కొరిపెల్లి భూషణ్‌రెడ్డి, నిర్మల్ పట్టణ, మండల అధ్యక్షులు గండ్రత్ రమేష్, ఆదుముల్ల గంగన్న తదితరులు ఉన్నారు.

బాలికలకు ఉద్యోగం వచ్చే వరకు చదివిస్తాం: బాలికలకు ఉద్యోగం వచ్చేంత వర కు పూర్తిగా ఉచితంగా చదివిస్తానని టీ డీపీ అధినేత చంద్రబాబు నాయుడు బుధవారం అన్నారు. పాదయాత్రలో భాగంగా బుధవారం వెల్మల్‌లో జరిగి న బహిరంగ సభలో ఆయన మాట్లాడారు. బుధవారం నిర్మల్ మండలం మూఠాపూర్ నుండి 1.10 నిమిషాలకు బయలుదేరిన ఆయన సాయంత్రం 3 గంటలకు వెల్మల్‌బొప్పారం గ్రామాన్ని చేరుకున్నారు. అనంతరం అక్కడ జరిగిన బహిరంగ సభలో మాట్లాడుతూ బీసీలకు వందసీట్లు కేటాయించిన ఘన త తమదేనన్నారు. బాబు మాట్లాడుతుండగా స్థానిక ఉన్నత పాఠశాల బాలిక నిఖిలకు మాట్లాడమని మైక్ ఇచ్చారు. ఆమె మాట్లాడుతూ సార్ మీ తొమ్మిదేళ్ల పాలన ఎంతో బాగుందని, అయితే మా గ్రామం పక్కనుండే గోదావరి వెళ్తుందని, కానీ మా గ్రామానికి తాగునీరు అందడం లేదని తెలిపింది. అలాగే మా పాఠశాలలో బా ల బాలికలకు మరుగుదొడ్లు లేవని తెలిపింది. దీంతో ఆయన మాట్లాడుతూ ఎంపీ నిధులతో ప్రత్యేక మరుగుదొడ్లు ఏర్పాటు చేయడంతో పాటు లిఫ్ట్ సౌకర్యం కల్పించడం ద్వారా వెల్మల్ గ్రామానికి తాగునీరు అందిస్తామన్నారు.

పదో తరగతి పరీక్ష కేంద్రాన్ని సోన్‌లో కాకుండా న్యూ వెల్మల్‌లోనే ఏ ర్పాటు చేయాలని విద్యార్థులు కో రడంతో చంద్రబాబు ప్రసంగ స్థలం నుండే కలెక్టర్‌కు ఫ్యాక్స్ ద్వారా సమాచారాన్ని అందించారు. బొప్పారంలో ఎస్సారెస్పీలో ముంపుకు గురైన గ్రామాల యువకులు భూము లు కో ల్పోయిన వారికి భూములను, ఉద్యోగాలను కల్పించాలని కోరారు. దీంతో బాబు వెంటనే కలెక్టర్‌కు ఫ్యాక్స్ ద్వారా లేఖను పంపారు.వెల్మల్ గ్రామంలో ప్రారంభమైన బాబు పాదయాత్ర పీచర, ధర్మారం, మల్లాపూర్, లక్ష్మణచాంద మీదుగా సాగింది. పాదయాత్రలో ఆయన వెంట మండల తెలుగుదేశం పార్టీ అధ్యక్షులు భీంరెడ్డి, ఆదిలాబాద్ ఎంపీ రాథోడ్ రమేష్, నిర్మల్ నియోజక వర్గ ఇన్‌చార్జి బాబర్ బేగ్, టీడీపీ నాయకులు లోలం శ్యామ్‌సుందర్, భూషణ్‌రెడ్డి, ఎమ్మెల్యే నగేష్‌లతో పాటు పలువురు టీడీపీ నాయకులు పాల్గొన్నారు.

ఈ గ్రామం ఎంతో చల్లగా ఉంది: మూఠాపూర్‌లో చంద్రబాబునాయుడు మాట్లాడుతూ ఈ గ్రామం ఎం తో చల్లగా ఉంది. ఇక్కడే పడుకోవాలని పిస్తోందని అన్నారు. జిల్లాలో పాదయాత్ర చేసినప్పటికీ ఇంతటి చల్లని వాతావరణం, చెట్లు ఎక్కడా కనిపించలేవని, తాను నడిచి అలసిపోయినప్పటికీ ఈ చెట్టుకింద నిలబడి మాట్లాడడం ఆనందాన్ని కలిగించిందన్నారు.

బీసీల రాజ్యాధికారం కోసం కృషి: బొప్పారం గ్రామ పంట పొలాల్లో ఏర్పాటు చేసిన సిర్పూర్ కాగజ్‌నగర్ ని యోజక వర్గస్థాయి సమావేశంలో చంద్రబాబు మాట్లాడారు. వెనుకబడిన తరగతులకు రానున్న ఎన్నికల్లో వంద సీట్లు ఇస్తామని ప్రకటించామని, మహిళలకు కూడా 33 శాతం సీట్లు ఇచ్చే ప్ర యత్నం చేస్తామని అన్నారు. పార్టీ కోసం పనిచేసిన వారిని విస్మరించబోమని, తగిన సమయంలో తగిన గుర్తిం పు ఇస్తామని కార్యకర్తలను ఉత్సాహ పరిచారు.సిర్పూర్, కాగజ్‌నగర్, కౌటాల, బెజ్జూర్‌కు చెందిన కాం గ్రెస్ కార్యకర్తలు పెద్ద ఎత్తున చంద్రబాబు సమక్షంలో చేరారు.

బాబుకు బంతిపూల సైకిల్: ఖానాపూర్: లక్ష్మణచాంద మండ లం కొత్త వెల్మల్ గ్రామంలో మీకోసం పాదయాత్రలో మాట్లాడుతున్న చంద్రబాబుకు తెలుగుదేశం పార్టీ వీరాభిమాని ఒకరు బంతి పూలతో తయారు చేసిన సైకిల్‌ను బహుకరించారు.

చంద్రబాబుకు వినతుల వెల్లువ: నిర్మల్ మండలంలోని మంజులాపూర్, తాంస గ్రామాల మధ్య గల స్వర్ణ ప్రాజెక్టుపై బ్రిడ్జి నిర్మించాలని తాంస గ్రామస్థులు టీడీపీ అధినేత చంద్రబాబునాయుడికి చిట్యాల్‌లో వినతి పత్రం సమర్పించారు.చిట్యాల్ గ్రామ సమీపంలో గల డాంబర్ ప్లాంట్‌ను తొలగించాలని, దీంతో కాలుష్యం తలెత్తి అనేక అనారోగ్యాలకు గురవుతున్నామని చం ద్రబాబుకు వినతి పత్రం సమర్పించారు. దిలావర్‌పూర్ మండలం లోలం గ్రామ ఎస్సారెస్పీ ముంపు బాధితులకు నష్టపరిహారం కోసం వినతి పత్రం సమర్పించారు.

అవినీతిని అంతమొందించడమే లక్ష్యం: నిర్మల్/ నిర్మల్ అర్బన్/ లక్ష్మణచాంద : రాష్ట్రంలో పెరిగిపోతున్న అవినీతిని అంతమోదించడానికి కంకణబద్ధుని అయ్యాయని టీడీపీ అధినేత చం ద్రబాబునాయుడు అన్నారు. బుధవా రం రాత్రి పాదయాత్రలో భాగంగా లక్ష్మణచాంద మండలంలోని మల్లాపూర్ గ్రామంలో ప్రజలను ఉద్దేశించి మాట్లాడారు. తమ పార్టీ అధికారంలోకి వస్తే ఎస్ఆర్ఎస్‌పీ ప్రాజెక్టులో ముం పునకు గురైన గ్రామాల బాధితులకు నష్టపరిహారం అందేలా కృషి చేస్తామన్నారు. కాంగ్రెస్ హయాంలో రైతుల పరిస్థితి దయనీయంగా మారిందన్నారు.

వృద్ధురాలు: అన్ని ధరలు పెరిగా యి. లిసలెండర్ ధర కూడా పెంచారు. చక్కెర కేజీకి రూ. 42, పప్పు కేజీకి రూ. 75, ఉప్పు రూ.10, నూనె రూ. 100కు పెంచారు. మేమెట్ల బతికేది.

చంద్రబాబు: కాంగ్రెస్ ప్రభుత్వంలో ప్రజలు ఎంతో నష్టపోయారని, వారిని ఆదుకోవాల్సిన బాధ్యత నాపై ఉందని, తులం బంగారం రూ. 5 వేలు ఉంటే అప్పుడు, ఇప్పుడు రూ. 40 వేలు చేశారని, నాకు అవకాశం ఇస్తే పూర్వ వైభవం తీసుకవస్తా.

వృద్ధురాలు: ఒక బల్బుకు రూ. 400 బిల్లు వస్తుంది సారు..

చంద్రబాబు: కాంగ్రెస్ ప్రభుత్వం ఉచిత విద్యుత్ అని చెప్పి నాటకాలు ఆడుతుంది. 18 గంటల కరెంటు ఇస్తామని మోసం చేశారు. వేరే రాష్ట్రాలకు మిగులు విద్యుత్‌ను అమ్ముకుంటున్నా రు. ఇప్పటికైనా మీకు న్యాయం చేసేందుకు కృషి చేస్తా. నాణ్యమైన విద్యుత్‌ను సరఫరా చేయిస్తా.

విద్యార్థి: మాకోసం పాదయ్రాత చేస్తున్నందుకు ధన్యవాదాలు.. మా పాఠశాలలో మరుగుదొడ్ల సౌకర్యం లేక ఇబ్బందులు పడుతున్నాం. ఎవరికి చెప్పినా పట్టించుకోవడం లేదు. పక్కనే గోదావరి నీరు ఉన్నా ఉపయోగించుకోలేక పోతున్నాం. అన్ని కష్టాలే ఉన్నా యి. మా బాధలను తీర్చండి.

చంద్రబాబు: పాఠశాలకు ఎంపీ ఫండ్ కింద మరుగుదొడ్ల నిర్మాణం కోసం నిధులు మంజూరు చేయిస్తా, గో దావరి నీరు అందరికీ అందే విధంగా లిఫ్ట్ పెట్టించి తాగునీటి సమస్య తీర్చు తా. భవిష్యత్తులో విద్యార్థులకు ఎలాం టి నష్టం జరుగకుండా ఉచితంగా పూ ర్తిస్థాయిలో చదివించి ఉద్యోగం ఇప్పి స్తా. ఉద్యోగం రాకపోతే నిరుద్యోగ భృ తి అందజేయిస్తా. గతంలో విద్యార్థుల సౌకర్యం కోసం సైకిళ్లు ఇచ్చాం. ఇప్పు డు కూడా మళ్లీ అందజేస్తాం.

విద్యార్థి: తెలంగాణకు మద్దతు తెలపాలి.

చంద్రబాబు: తెలంగాణ విషయంలో స్పష్టంగా తెలియజేశాను. కాంగ్రెస్, టీఆర్ఎస్, పీఆర్పీ కుట్రలు పన్ని మోసంతో అధికారంలోకి వచ్చా రు. లేకపోతే ఎప్పుడో తెలంగాణ వచ్చేదన్నారు.