కాళ్లు నొప్పి పుట్టినా పాదయాత్రను కొనసాగిస్తానని చంద్రబాబు తేల్చి చెప్పారు. పంటి బిగువున బాధను తొక్కిపట్టి ఆ యన ముందుకు సాగుతున్నారు. కాళ్ల నొప్పులు, చిటికెన వేలు వాపుతో రోజుకు పది కిలోమీటర్లు నడవడం మంచిది కాదని డాక్టర్లు స్పష్టం చేశారు. వారి సూచనను కూడా చంద్రబాబు పెడచెవిన పెడుతున్నారు. "సమున్నత లక్ష్యానికి చిన్న చిన్న సమస్యలు ఆటంకాలు కారాదు. నేను ఒకసారి నిర్ణయం తీసుకుంటే రాజీ పడలేను. కాళ్లు నొప్పి పుట్టినా పాదయాత్ర ఆపను. చిటికెన వేలు బాగా ఇబ్బంది పెడుతోంది. అయినా మీ సమస్యల ముందు నాది పెద్ద సమస్య కాదు'' అని బాబు అన్నారు

తెలుగుదేశం పార్టీ అధినేత చంద్రబాబునాయుడు ప్రతిష్ఠాత్మకంగా చేపట్టిన 'వస్తున్నా మీకోసం' పాదయాత్ర విశాఖపట్నం జిల్లాలో శుక్రవారం ప్రారంభమవుతోంది. ఆయన తూర్పు గోదావరి జిల్లా కోటనందూరు మండలం కాకరపల్లిలో యాత్ర ముగించుకొని సాయంత్రం విశాఖ జిల్లా నాతవరం మండలం గన్నవరం మెట్టలో అడుగుపెడతారు. అక్కడ ఆయనకు స్వాగతం పలికేందుకు జిల్లా నాయకులు భారీ ఏర్పాట్లు చేశారు. జిల్లాలో బాబు యాత్ర 12వ తేదీన మొదలై 27వ తేదీన ముగుస్తుంది.

ఈ 15 రోజుల్లో 112 కిలోమీటర్లు పాదయాత్ర చేస్తారు. మొత్తం ఆరు నియోజకవర్గాల్లో ఆయన పర్యటించి ప్రజల కష్టసుఖాలు తెలుసుకుంటారు. పాదయాత్ర ముగింపు చిహ్నంగా పైలాన్ ఆవిష్కరణకు పార్టీ నిర్ణయించింది. గాజువాక సమీపానున్న వడ్లపూడిలో 1000 గజాల స్థలంలో 70 అడుగుల ఎత్తైన పైలాన్ నిర్మాణానికి గురువారం ఉదయం శంకుస్థాపన జరిగింది.

చంద్రబాబు విశాఖపట్నం జిల్లా యాత్రలో అన్నీ విశేషాలే చోటుచేసుకోనున్నాయి. ఆయన పుట్టిన రోజు ఇక్కడే జరగనుంది. అలాగే 200వ రోజు యాత్ర కూడా ఈ జిల్లాలోనే జరుగుతుంది. శ్రీరామనవమి వేడుకలు కూబా బాబు విశాఖ జిల్లా వాసుల మధ్యే జరుపుకొంటారు. వస్తున్నా మీకోసం యాత్రను జిల్లాలోనే ముగించి, అందుకు చిహ్నంగా గాజువాకలో పైలాన్ ఆవిష్కరిస్తారు. పాదయాత్ర ముగింపు సందర్భంగా విశాఖపట్నంలో భారీ బహిరంగ సభ నిర్వహించనున్నారు. దీనికి ఆంధ్ర విశ్వవిద్యాలయం ఇంజనీరింగ్ కళాశాల వేదిక కానుంది.

వర్గ విభేదాలు...నాయకత్వ సమస్యలు

బాబు యాత్ర కోసం పార్టీ నాయకులు, శ్రేణులు చాలా ఉత్సాహంగా వేచిచూస్తున్నాయి. ఈ యాత్రను విజయవంతం చేయడానికి పార్టీ నాయకులు గత పదిహేను రోజుల నుంచి ఏర్పాట్లతో నిమగ్నమయ్యారు. జిల్లా ప్రధాన నాయకుల మధ్య సమన్వయం లేకపోయినా అటు జిల్లా కన్వీనర్ దాడి రత్నాకర్, ఇటు నగర కన్వీనర్ వాసుపల్లి గణేశ్‌కుమార్‌లు ఎవరినీ నొప్పించకుండా అందరినీ కలుపుకొంటూ యాత్రకు ఏర్పాట్లు చేశారు. పర్యటన సందర్భంగా పార్టీ అధినేత జిల్లాలోని పలు నియోజకవర్గాల్లో పార్టీ పరిస్థితులను సమీక్షించి తగిన చికిత్స చేయాల్సి ఉంది. ముఖ్యంగా కీలకమైన ఎలమంచిలి, గాజువాక, భీమిలి, పాడేరు నియోజకవర్గాల్లో నాయకత్వ సమస్యలు ఉన్నాయి. ఎన్నికలు దగ్గర పడుతున్న సమయంలో అందరినీ ఏకతాటిపైకి తెచ్చి కలుపుకొని వెళ్లేలా సూచనలు ఇవ్వాల్సిన అవసరం ఎంతైనా ఉంది. ఎలమంచిలిలో లాలం భాస్కరరావు ఇన్‌చార్జిగా వ్యవహరిస్తున్నారు. అయితే అక్కడ సుందరపు విజయకుమార్ కూడా ఉత్సాహంగా కార్యక్రమాలు నిర్వహిస్తున్నారు. హైదరాబాద్ నాయకులతో పాటు జిల్లా పార్టీ పెద్దలు కూడా సుందరపునే ప్రోత్సహిస్తున్నారు. ఇది సహించలేదని లాలం తాను ఇన్‌చార్జి పదవి నుంచి తప్పుకుంటానని గొడవ చేస్తున్నారు. ఈ సమస్యకు పరిష్కారం చూపాల్సి ఉంది. పాడేరులో పార్టీ పరిస్థితి అంత ఆశాజనకంగా లేదంటున్నారు. మాజీ మంత్రి మణికుమారి ఒంటరి కావడంతో పార్టీ కార్యక్రమాలు చురుగ్గా సాగడం లేదు. బొర్రా నాగరాజు, మాజీ ఎమ్మెల్యే ఎంవీవీ సత్యనారాయణ తనయుడు ప్రసాద్ ఆమెకు పోటీగా తయారయ్యారు. దాంతో పార్టీ నియోజకవర్గ ఇన్‌చార్జి బాధ్యతలు ఎవరీకి కట్టబెట్టలేదు. ఈ ముగ్గురితో కమిటీ వేసి కాలక్షేపం చేస్తున్నారు. దీనిపై నిర్ణయం తీసుకోవలసి ఉంది. ఇక నగరంలో కీలకమైంది గాజువాక. ఇక్కడ ఐదుగురు సభ్యుల కమిటీతోనే ఏళ్లుగా పార్టీ నడుస్తోంది. ఈ నియోజకవర్గంలో ముఖ్యంగా గుడివాడ నాగమణి, కోన తాతారావు, హర్షవర్దన్, కాకి గోవింద్‌రెడ్డి, పల్లా శ్రీను, లేళ్ల కోటేశ్వరరావులు పోటీ పడుతున్నారు. వీరు వర్గాలుగా విడిపోయి కార్యక్రమాలు చేపడుతున్నారు.

కొన్నిసార్లు వివాదాలు కూడా తలెత్తుతున్నాయి. ఇక్కడ మధ్యేమార్గంగా ఏదో ఒకటి చేసి పార్టీని ముందుకు నడిపించాల్సిన అవసరం ఉంది. ఇక భీమిలి నియోజకవర్గం అనాధగా మారింది. ఎప్పటి నుంచో ఉన్న మాజీ ఎమ్మెల్యే అప్పలనరసింహరాజును కాదని గత ఎన్నికల్లో ఆంజనేయరాజుకు పోటీ చేసే అవకాశం కల్పించారు. ఆయన ఇటీవల వైఎస్ఆర్ పార్టీలోకి మారిపోయారు. దాంతో పార్టీకి ఇన్‌చార్జి లేకుండా పోయారు. తక్షణమే ఈ ఖాళీని భర్తీ చేసి ఇతర పార్టీలకు ధీటుగా కార్యక్రమాలు చేపట్టి భీమిలి తెదేపాకు కంచుకోట అని మరోసారి నిరూపించాల్సిన సమయం వచ్చింది.

ఇదిలావుంటే జిల్లాలో ప్రధాన నాయకుల మధ్య సఖ్యత లేదు. వీరంతా ఒకే కార్యక్రమానికి హాజరు కావడం చాలా అరుదు. ఈ నాయకుల్ని ఓ తాటి మీదకు తెచ్చి సభలు, సమావేశాలు నిర్వహించడం అటు జిల్లా కన్వీనర్‌కు, ఇటు నగర కన్వీనర్‌కు తలకు మించిన భారమవుతోంది. దీన్ని కూడా సరిదిద్దాల్సి ఉంది.

టీడీపీ జిల్లా అధ్యక్షుడు ప్రత్తిపాటి పుల్లారావు శుక్రవారం అందుబాటులో ఉన్న ఎమ్మెల్యేలు, ఇతర నాయకులతో రహస్య సమావేశం నిర్వహించారు. అలానే ఇతర ఎమ్మెల్యేలతో ఫోన్‌లో సంభాషించారు. అవినీతి ఆరోపణలు ఎదుర్కొంటున్న మంత్రులను తొలగించకుండా సీఎం తాత్సారం చేస్తుండటంపై టీడీపీ ఎమ్మెల్యేలు తీవ్ర ఆగ్రహావేశాలు వ్యక్తం చేస్తున్నారు. ఇప్పటికే మాజీ మంత్రి డాక్టర్ కోడెల శివప్రసాదరావు కిరణ్ కేబినెట్‌లో బందిపోటు దొంగలున్నారని తీవ్రమైన వ్యాఖ్యలు చేశారు. అలానే ఎమ్మెల్యేలు పుల్లారావు, యరపతినేని శ్రీనివాసరావు, ధూళిపాళ్ల నరేంద్రకుమార్ పలుమార్లు అవినీతి ఆరోపణలు ఎదుర్కొంటున్న మంత్రుల విషయంలో సీఎం తీరును ఆక్షేపించారు. సుప్రీం కోర్టు ఆదేశాల మేరకు ఆరుగురిని తొలగించాలని డిమాండ్ చేశారు. అలానే వారికి ప్రభుత్వం తరుపున అందజేస్తోన్న న్యాయసాయం పైనా అసంతృప్తి వ్యక్తం చేశారు.

ఈ నేపథ్యంలో శుక్రవారం ఫిరంగిపురంలో సీఎం పాల్గొనే కార్యక్రమాల వద్దకు వెళ్లి అవినీతి మంత్రులను తక్షణం తొలగించాలని డిమాండ్ చేస్తూ అడ్డుకోవాలని పుల్లారావు నేతృత్వంలో ఎమ్మెల్యేలు నిర్ణయించారు. దీంతో ఫిరంగిపురంలో ఉత్కంఠ నెలకొన్నది. సీఎం పర్యటనను అడ్డుకోవాలని టీడీపీ ఎమ్మెల్యేలు వ్యూహం రచిస్తున్నారన్న విషయం తెలుసుకొన్న పోలీసు, అధికారవర్గాలు ఎలాగైనా వారిని కట్టడి చేసేందుకు ప్రయత్నాలు మొదలుపెట్టినట్లు సమాచారం.

కాకినాడ: విజయనామసంవత్సరం. విజయాల వైపు దూసుకుపోదాం. ఇదే ఉత్సాహం, హుషారుతో ప్రజల్లోకి వెళ్తుంటే గెలుపు మనదే.. నంటూ టీడీపీ కార్యకర్తలు ఆనందం వ్యక్తం చేశారు. ఏటా ఎవరి ఇళ్ల వద్ద వారు చేసుకునే ఉగాది పండుగను ఈసారి తెలుగుదేశం కుటుంబ సభ్యులంతా కలసి చేసుకున్నామని సంబరపడుతున్నారు. ఈసందర్భంగా రాజమండ్రికి చెందిన ప్రముఖ పండితులు ప్రభల సుబ్రహ్మణ్య శర్మ నిర్వహించిన పంచాంగ శ్రవణాన్ని చంద్రబాబు ఆసక్తిగా విన్నారు. బాబుతోపాటు పార్టీ నేతలు యనమల రామకృష్ణుడు, గరికపాటి మోహనరావు, చినరాజప్ప, చిక్కాల రామచంద్రరావు, మెట్ల సత్యనారాయణ, యనమల కృష్ణుడు, కొండబాబు, వర్మ, అప్పలరాజు, కొండయ్యదొర, పలువురు మహిళా నేతలు, యువకులు, కార్యకర్తలు చంద్రబాబు సమక్షంలో పం చాంగ శ్రవణం ఆసక్తిగా ఆలకించారు.

అందరూ బాగుండాలి: చంద్రబాబు ఆకాంక్ష

ఆరుగాలం కష్టపడినా రైతులకు గిట్టుబాటురావడంలేదు. బడుగు, బలహీనవర్గాల జీవితాలు ఎఝ్కడవేసిన గొంగళి అక్కడే అన్నట్టు వుండిపోతున్నారు. శ్రామికులు, రైతులు, వృత్తిపనివారు, చిరువ్యాపారులు, చేనేత, కమ్మ రి, కుమ్మరి, అందరి జీవితాలలోనూ ఈ విజయనామ సంవత్సరం వెలుగులు నింపాలని కోరుకుంటున్నాను.. అని చంద్రబాబు అన్నారు.

గెలిచి తీరాలి! తెలుగు తమ్ముళ్ల ఆకాంక్ష

చంద్రబాబు సమక్షంలో ఉగాది ఉత్సవాలలో పాల్గొన్న టీడీపీ కార్యకర్తలలో ఉత్సాహం ఉకలేసింది. విజయనామ సంవత్సరంలో విజయం సా ధించాలని వాళ్లంతా ప్రతినబూనారు. టీడీపీ అధికారంలోకి వస్తే పేదల కష్టాలు పోతాయని పలువురు నేతలు ఆకాంక్షించారు.

సహజసిద్ధ జీవితాలకు వెనక్కిరావాలి: డాక్టర్ ప్రభల

ఆధునిక మానవుడు ప్రకృతిని నాశనం చేస్తున్నాడని, పూర్వీకుల ఆచారాలు, సంప్రదాయాలకు మళ్లీ మనం వెనక్కిరావాలని డాక్టర్ ప్రభల సుబ్రహ్మణ్య శర్మ అన్నారు. ఉగాది పచ్చడిలో ఉండే ఔషధ గుణాలను ఆయన వివరించారు. వేప వంటివాటికి అమెరికావాళ్లు పేటెంట్ పొందడానికి ప్రయత్నించారని, భారతీయులు వేల సంవత్సరాల క్రితంచెప్పిన వాటిని అమెరికా వాళ్లు కనిపెట్టినట్టు గొప్పలు చెప్పుకుంటున్నారని పలు ఉదాహరణలతో డాక్టర్ ప్రభల వివరించారు.

ప్రభల సుబ్రహ్మణ్యం నిర్మొహమాటంగా పంచాంగ శ్రవణం చేశారని చంద్రబాబు కొనియాడారు.

చంద్రబాబు సీఎం కావాలి

- అజ్మీర్‌లో మొక్కిన గన్ని

చంద్రబాబు నాయుడు ముఖ్యమంత్రి కావాలని టీడీపీ రాష్ట్ర కార్యనిర్వాహక కార్యదర్శి గన్నికృష్ణ మొక్కుకున్నారు. రాజస్థాన్ రాష్ట్ర అజ్మీర్ దర్గాకు వెళ్లిన ఆయన అక్కడ ప్రత్యేక పూజలు చేయించారు. అజ్మీరు నుంచి తీసుకువచ్చిన తలపాగాను ఉగాది వేడుకల్లో చంద్రబాబుకు బహుకరించారు. ముఖ్యమంత్రిపీఠం అధిరోహించాకా..మీరు అజ్మీర్ వస్తారని మొక్కుకున్నాను.. సార్ మొక్కుతీర్చాలి.. అని చంద్రబాబుకు గన్నికృష్ణ విజ్ఞప్తి చేశారు.

కొందరైతే ముందస్తు ఎన్నికలు జరుగుతాయనే ప్రచారం కూడా మొదలెట్టారు. దీంతో ఆయా పదవులు ఆశిస్తున్న రాజకీయనేతలంతా తమ నక్షత్ర, జాతకబలాలు చూసు
కుని రకరకాల అంచనాలు వేసుకుంటున్నారు. అవమానాలు, గౌరవాలు, ఆదాయా లు, వ్యయాల అంచనాలు తెలుసుకోవడంతో పాటు తమ భవష్యత్ కోసం తహతహలాడుతున్నారు.సుమారుగా ఆదివారం నుండి ఇదే పరిస్థితి. అందరిలోనూ ఒకవిధమైన ఆనందం.. జా తక బలంలో తమకు రాజకీయయో గం వుందని, అందువల్ల వచ్చే ఎన్నికలలో ఏదో పదవి లభిస్తుందనే మనోబలంతో చాలామంది నేతలు జ్యోతిష్య పండితులను ఆశ్రయిస్తున్నారు. ము ఖ్యంగా విజయనామ ఉగాది ఖచ్చితంగా తమ జీవితాలలో విజయాలు తెస్తుందని భావిస్తున్నారు. ఎమ్మెల్యే పదవులు ఆశించేవాళ్లూ, ఇతర రాజకీయపార్టీలు ఆశించే వాళ్లు కూడా ఇదే ఆనందంతో ఉన్నారు. అంతేకాక ప్రత్యుర్థుల జాతకాలు తెసుసుకోవడానికి కూడా ఎక్కువ సమయమే కేటాయిస్తున్నారు. మొత్తానికి నేతలంతా ఈ ఉగాదిని రాజకీయ ఉగాది చేసేశారు.

'అమ్మ హస్తం' పథకంలో తొమ్మిది వస్తువులు ఇచ్చి కిరణ్ కుమార్ రెడ్డి దానకర్ణుడిలా ఫోజుకొడుతున్నారని, పేదలకు ఉపయోగపడే పనులు చేయలేని ముఖ్యమంత్రి ప్రజలపై పెత్తనం చెలాయించాలని చూస్తున్నారని ఎద్దేవా చేశారు.

టీడీపీని గెలిపిస్తే తునిరూరల్ మండలంలో పలు గ్రామాలకు తాండ వ నుంచి తాగు, సాగునీరు వచ్చే ఏర్పాట్లు చేస్తామని చంద్రబాబు హామీ ఇచ్చారు.

శెట్టిబలిజ నేతలతో సమావేశం

గురువారం చంద్రబాబు నాయుడు జిల్లా శెట్టబలిజ నేతలతో సమావేశమయ్యారు. ఈసందర్భంగా తమ సామాజిక వర్గానికి ప్రాధాన్యత లేదని కొంతమంది నేతలు చంద్రబాబు దృష్టికి తీసుకువచ్చారు. గత ఎన్నికలలో కాకినాడ పార్లమెంటు, కొత్తపేట, కాకినాడ రూరల్ అసెంబ్లీ సీట్లిచ్చినా వాళ్లను ఎందుకు గెలిపించుకోలేకోయారని చం ద్రబాబు ప్రశ్నించారు. టికెట్ల ఎంపిక జాప్యం కావడం వల్ల ఇబ్బందులు తలెత్తాయని పలువురు నాయకులు చంద్రబాబుకు చెప్పారు. సమావేశంలో వాసంశెట్టి సత్య, రెడ్డి సుబ్రహ్మ ణ్యం, పిల్లి సత్యనారాయణ తదితరులు పాల్గొన్నారు.

జూనియర్ ఎన్టీఆర్ తండ్రి, టీడీపీ ఎంపీ నందమూరి హరికృష్ణకు కేంద్ర మంత్రి యోగం ఉందని జ్యోతిష పండితుడు, టీడీపీ నేత ఏలూరి కోటేశ్వరరావు చెప్పారు. ఉగాది సందర్భంగా ఆయన గురువారం ఇక్కడ హరికృష్ణ చేయి చూసి జోస్యం చెప్పారు. 2014 సంవత్సరంలో ఇతర పార్టీల మద్దతుతో చంద్రబాబు ప్రభుత్వం ఏర్పాటు చేస్తారని, ఆయన ముఖ్యమంత్రి కావడంలో హరికృష్ణ ప్రముఖ పాత్ర పోషిస్తారని కోటేశ్వరరావు పేర్కొన్నారు.

పాదయాత్రలో ఉన్న టీడీపీ అధినేత చంద్రబాబు ఈ సారి ఉగాది వేడుకలను తూర్పు గోదావరి జిల్లా తుని మండలం ఎన్ సూరవరంలో.. పల్లె జనం, పార్టీ కార్యకర్తల మధ్య జరుపుకొన్నారు. ఉగాది పచ్చడి ఆరగించి, పంచాంగ శ్రవణం అనంతరం చంద్రబాబు మాట్లాడారు. పేదలు, రైతులు, కార్మికులు, మహిళలు, చిన్నారులు, వృద్ధులు, ఉద్యోగులు అందరికీ మంచి జరగాలని.. ఈ విజయనామ సంవత్సరం మనందరికీ విజయాలు చేకూర్చాలని ఆకాంక్షించారు. బతికున్నన్నాళ్లు ధర్మబద్ధ జీవితం గడుపుదామని కార్యకర్తలు, ప్రజలకు ఉద్బోధించారు. తెలుగువారు ఏ దేశంలో ఉన్నా.. ఏ ప్రాంతంలో ఉన్నా జన్మభూమిని మర్చిపోవద్దని.. తమ ప్రాంతాలకు సేవలు అందించాలని చంద్రబాబు విజ్ఞప్తి చేశారు.

బలహీనవర్గాల అభ్యున్నతి కోసం పాటు పడిన మహనీయుడు జ్యోతిబా పూలే అని టీడీపీ అధినేత చంద్రబాబు కొనియాడారు. 187వ జయంతి సందర్భంగా ఫూలే చిత్రపటానికి పూలమాల వేసి నివాళులు అర్పించారు. ఎన్టీఆర్, తాను ఫూలేను ఆదర్శంగా తీసుకుని రాజకీయాలలో బీసీలకు ప్రాధాన్యత ఇచ్చామని చెప్పారు. అందులో భాగంగానే యనమలకు ఎన్టీఆర్ తొలిసారిగా ప్రాధాన్యత ఇచ్చారని పేర్కొన్నారు.

బాబు పాదయాత్ర తూర్పుగోదావరి జిల్లాలో శుక్రవారంతో ముగుస్తుంది. మార్చి 20న రాజమండ్రిలో ప్రారంభమైన యాత్ర.. కోటనందూరు మండలం కాకరాపల్లి తర్వాత విశాఖ జిల్లాలో ప్రవేశించనుంది. శుక్రవారం రాత్రి 7 గంటల సమయంలో.. నాతవరం మండలం గన్నవరం మెట్ట వద్ద విశాఖజిల్లాలోకి చంద్రబాబు అడుగుపెడతారు. మొత్తంగా ఈ జిల్లాలో చంద్రబాబు సుమారు 112 కిలోమీటర్లు నడవనున్నారు. పాదయాత్ర విశాఖపట్నంలో 27వ తేదీన నిర్వహించే బహిరంగ సభతో ముగించనున్నారు.