March 18, 2013
బాబు పాదయాత్రకు సన్నాహాలు
విశాఖపట్నం జిల్లాలో
వచ్చే నెలలో తెలుగుదేశం పార్టీ అధ్యక్షుడు చంద్రబాబునాయుడు
'వస్తున్నా..మీకోసం' పాదయాత్రను చేపట్టనున్నారు. అందుకు సంబంధించిన
షెడ్యూల్ను ఖరారు చేసేందుకు సమాయత్తం కావాలని ఆ పార్టీ నేతలు
నిర్ణయించారు. తమ పార్టీ కార్యాలయంలో
సమన్వయ కమిటీ భేటీ కావాలని పిలుపునిచ్చారు. వచ్చేనెల తొలి వారంలో చంద్రబాబు
తూర్పుగోదావరి జిల్లా నుంచి జిల్లాలోని పాయకరావుపేటలో అడుగు
పెట్టనున్నారు. చంద్రబాబు పాదయాత్రపై ఆ పార్టీ నాయకులు ఇప్పటికే
రూట్మ్యాప్ ఖరారు చేయాల్సి వుంది. దీనిపై నాయకులు కొంతజాప్యం చేశారు.
'తమ్ముళ్లు తలోదారి' అన్న శీర్షికతో శనివారం ఆంధ్రజ్యోతిలో కథనం రావడంతో నాయకుల్లో కదలిక వచ్చింది. వెంటనే అధినేత పాదయాత్రకు రూట్ను ఖరారు చేయాలని నిర్ణయించారు. సమన్వయ సమావేశంలో పాల్గొనాలని రూరల్, అర్బన్ అధ్యక్షులు తమ పరిధిలోని నియోజవర్గ ఇన్చార్జీలకు ఇప్పటికే సమాచారం పంపించారు. పాయరావుపేటలో చంద్రబాబు అడుగుపెట్టినప్పటి నుంచి చివరి వరకూ పాదయాత్రకు సంబంధించిన రూట్ను ఖరారు చేసి పార్టీ కేంద్ర కార్యాలయానికి పంపనున్నారు.
Posted by
arjun
at
6:16 AM