బాబు పాదయాత్రకు విశేష స్పందన...

మాటే గాం సమీపంలో వ్యవసాయ కూలీలతో మాట్లాడారు. తమకు కూలీ గిట్టుబాటు అవుతలేదని చంద్రబాబుతో వా రు వాపోయారు. నిత్యవసర ధరలు పె రిగాయని ఏమి తినేటట్లు లేదని తెలిపారు. షిర్డికి పాదయాత్రగా వెళ్తున్న సా యిభక్తులు చంద్రబాబును కలిసి మీ లాంటి వ్యక్తే రాష్ట్రానికి మళ్లీ ముఖ్యమంత్రిగా వస్తే మంచి జరుగుతుందని అన్నారు. మరికొంతమంది వృద్ధులు తమకు పింఛన్లు రావడం లేదని గోడు వెళ్లబోసుకున్నారు. వీటిపై స్పందించిన చంద్రబాబునాయుడు టీడీపీని ఆదరించి గెలిపిస్తే ఇంటి పెద్దకొడుకుగా మీ కష్టాలన్నీ తీరుస్తానన్నారు.

చంద్రబాబు పాదయాత్రపైఇంటెలీజెన్స్ ఆరా...జిల్లాలో మూడు రోజులుగా కొనసాగుతున్న వస్తున్నా మీకోసం చంద్రబాబు పాదయాత్రపై ఇంటలిజెన్స్ అధికారులు ఆరా తీశారు. చంద్రబాబు ప్ర సంగించిన సమయంలో ప్రజాస్పందన ఎలా ఉంది.జనసమీకరణ తదితర అం శాలపై ఆరా తీశారు. చంద్రబాబు పై ప్రజల నాడి ఎలా ఉందో తెలుసుకు నే ప్రయత్నం కూడా చేశారు.