ఎన్నికల్లో పోటీపై తుది నిర్ణయం అ«ధిష్టానానిదే - బాలకృష్ణ

తుని: తాను ఎన్నికల్లో పోటీ చేయడంపై తుది నిర్ణయం అధిష్ఠానందేనని సినీ నటుడు బాలకృష్ణ స్పష్టం చేశారు. శనివారం ఆయన తలుపులమ్మ అమ్మవారిని దర్శించుకున్నారు. అల్లుడు లోకేష్,కుమార్తె బ్రహ్మిణిలతో పాటు చంద్రబాబు దంపతుల పేరిట గోత్ర నామాలతో పూజాధికాలు జరిపించారు. విశాఖపట్నం నుంచి రోడ్డు మార్గం ద్వారా లోవ విచ్చేసిన బాలయ్యకు తుని వద్ద తెలుగుదేశం పార్టీ నాయకులు యనమల కృష్ణుడు,పోల్నాటి శేషగిరిరావు, సుర్లలోవరాజు, యినుగంటి సత్యనారాయణ, మేకా రామ్మూర్తి(చిన్నా), పప్పు సత్యనారాయణ, నడిగట్ల సూరిబాబు తదితరులతో పాటు అభిమాన సంఘాల నాయకులు బొబ్బిలి వెంకటరమణ, తిరుమలనీడి రాజు, నడిగట్ల రాజు, రామకుర్తి బాబ్జీ తదితరులు పూలమాలలతో ఎదురేగి ఘన స్వాగతం పలికారు.