విశాఖపట్నం:
ప్రముఖ సినీ నటుడు, తెలుగుదేశం పార్టీ నేత నందమూరి బాలకృష్ణ శుక్రవారం
నగరానికి రానున్నారు. శనివారం పాయకరావుపేట నియోజకవర్గంలో ఆయన
పర్యటించనున్నారు. ఇందులోభాగంగా ముందుగానే నగరానికి వస్తారు. శుక్రవారం
మధ్యాహ్నం పన్నెండున్నరకు విమానాశ్రయానికి చేరుకుని పార్కు హోటల్‌లో బస
చేస్తారు. కాగా ఆయనకు ఘనంగా స్వాగతం పలికేందుకు నందమూరి అభిమానులు, టీడీపీ
కార్యకర్తలు పెద్దసంఖ్యలో ఎయిర్‌పోర్టుకు రావాల్సిందిగా బాలకృష్ణ అభిమాన
సంఘం అధ్యక్షుడు కాళ్ల శంకర్ ఒక ప్రకటనలో కోరారు.
