30లోగా శాశ్వత పరిష్కారం చూపకుంటే ఆమరణ నిరాహార దీక్ష

పులివెందుల టౌన్ : పులివెందుల మున్సి పాలిటిలోని తాగునీటి సమస్యకు ఈ నెల30వ తేదీ లోగా శాశ్వత పరిష్కారం చూపకుంటే ఆమరణదీక్ష చేపడతామని రాష్ట్ర తెలుగుయువత ప్రధానకార్యదర్శి రామగోపాల్‌రెడ్డి మున్సిపల్ అధికారులను డిమాండ్ చేశారు. స్థానిక టీడీపీ కార్యాలయంలో బుధవారం ఆయన విలేకరు లతో మాట్లాడుతూ తాగునీటికి నిధుల కొరత లేదంటూనే అధికారులు తాగునీటి సమస్యను పరిష్కరించలేకపోతున్నారన్నారు. మున్సిపాలిటిలో పాలక వర్గం లేకపోవడంతోనే సమస్యలు తలెత్తుతున్నాయన్నారు. అన్ని రాజకీయ పార్టీ నాయకులతో ఓ కమిటీని ఏర్పాటు చే సి సూచనలు, సలహాలు తీసుకుని తాగునీటి సమస్యను పరిష్కరించాలన్నారు.