పాయకరావుపేట : తెలుగుదేశం పార్టీ పూర్వవైభవం తీసుకువచ్చేందుకు కార్యకర్తలు సిద్ధంగా ఉన్నారని ఆపార్టీ నాయకులు కంకిపాటి వెంకటేశ్వరరావు, మజ్జూరి నారాయణరావు అన్నారు. శనివారం టీడీపీ అధినేత నారా చంద్రబాబు జన్మదినం సందర్భంగా స్థానిక లక్ష్మీ ఫంక్షన్ హాల్లో పట్టణ, మండల టీడీపీ ఆధ్వర్యంలో పార్టీ శ్రేణ ులు బర్త్‌డే కేక్‌ను కట్‌చేశారు. ఈ సందర్భంగా వారు మాట్లాడుతూ, ప్రజల కోసం టీడీపీ చేపడుతున్న కార్యక్రమాలు, కాంగ్రెస్ ప్రభుత్వ వైఫల్యాలు గ్రామ స్థాయిలో ప్రజల దృష్టికి తీసుకెళ్ళేందుకు సిద్ధం కావాలని పార్టీ శ్రేణ ులకు పిలుపునిచ్చారు.

ఈ కార్యక్రమంలో పార్టీ నాయకులు పెదిరెడ్డి చిట్టిబాబు, గొర్రెల రాజబాబు, పెదిరెడ్డి శ్రీను, చింతకాయల రాంబాబు, కంచి మాణిక్యం, గుడబంటి శాంతమ్మ, గీసాల పద్మ, మల్లవరపు వీరభద్రరావు, యాళ్ళ వరహాలు, చిట్టూరి గోపీమఠాల్, చిట్టిమూరి రామారావు, భజంత్రీల శివ, సూరా సుబ్రహ్మణ్యం, పిన్నింటి సూరిబాబు పాల్గొన్నారు.

నక్కపల్లిలో..

నక్కపల్లి : టీడీపీ అధినేత నారా చంద్రబాబు నాయుడు జన్మదిన వేడుకలను మండలంలో ఘనంగా నిర్వహించారు. శనివారం స్థానిక పార్టీ కార్యాలయం వద్ద పార్టీ నాయకులు దేవవరపు శివ, టౌన్ అధ్యక్షుడు సత్యనారాయణ ఆధ్వర్యంలో ఏర్పాటు చేసిన కేక్‌ను కట్‌చేశారు. ఈ కార్యక్రమంలో మాజీ ఎంపీపీ దేవవరపు సత్యనారాయణ, నానేపల్లి రాఘవులు, కక్కిరాల అప్పారావు, దేవవరపు కొండలరావు, నానాజీ, ముద్దా నానాజీ తదితరులు పాల్గొన్నారు.