April 21, 2013
ఘనంగా చంద్రబాబు జన్మదిన వేడుకలు
హన్మకొండ టౌన్: తెలుగుదేశం పార్టీ
అధినేత నారా చంద్రబాబునాయుడు 64వ జన్మదిన వేడుకలను శనివారం హన్మకొండ
హంటర్‌రోడ్డులోని జిల్లా పార్టీ కార్యాలయంలో ఘనంగా నిర్వహించారు. కేక్ కట్
చేసి స్వీట్లు పంపిణీ చేశా రు. ఈ సందర్భంగా టీడీజీ జిల్లా అధ్యక్షుడు
ఎడబోయిన బస్వారెడ్డి మాట్లాడుతూ చంద్రబాబు చేపట్టిన ఆర్థిక సంస్కరణల వల్ల
ఆంధ్రప్రదేశ్‌కు ప్రపంచ దేశాలలో గుర్తింపు లభించిందన్నారు. ముఖ్యమంత్రిగా
పరిపాలనలో తనదైన ముద్ర వేశారని అన్ని రంగాలను అభివృద్ధి పథంలోకి
తీసుకెల్లారని కొనియాడారు. ఎంపీ గుండు సుధారాణి మాట్లాడుతూ రాష్ట్రంలోని అవినీతి, అసమర్ధపాలనను అంతం చేయడానికి ప్రజా సమస్యల పరిష్కా రం కోసం 64 సంవత్సరాల వయస్సులో చంద్రబాబు పాదయాత్ర చేపట్టార
న్నా రు. 2014లో చంద్రబాబును ముఖ్యమంత్రిగా తీసుకురావడానికి ప్రతి కార్యకర్త కృషి చేయాలన్నారు. ములుగు ఎమ్మెల్యే సీతక్క మాట్లాడుతూ రాష్ట్రంలోని అన్ని ప్రాంతాలకు సముచిత స్థానం కల్పించి అభివృద్ధి చేసిన ఘనత బాబుకే దక్కుతుందన్నారు.సమావేశంలో నేతలు ఈగ మల్లేశం, జాటోతు నెహ్రూ, అనిశెట్టి మురళి, గుండు ప్రభాకర్, హరినారాయణ, హుస్సేన్, ఖాదర్అలీ, పుల్లూరి అశోక్, దశరథరామారావు పాల్గొన్నారు.
