బాబ్లీపై టీడీపీ ఆందోళన

జక్రాన్‌పల్లిలో తహసీల్దార్ కార్యాలయం ఎదుట ధర్నా నిర్వహించి వినతిపత్రం సమర్పించగా, బాబ్లీపై రివ్యూ పిటీషన్ వేయాలని బాల్కొండలో తహసీల్దార్‌కు వినతిపత్రం అందజేశారు. బోధన్ డివిజన్ పరిధిలోని రెంజల్, నవీపేట్, వర్ని మండలాల్లోబాబ్లీ ప్రాజెక్టుకు సంబంధించిన ఆందోళనలు కొనసాగాయి. రెంజల్‌లో టీడీపీ నాయకులు బాబ్లీ ప్రాజెక్టును కూల్చివేయాలని రాస్తారోకో నిర్వహించగా, నవీపేట్, వర్నిలో రాస్తారోకో చేశారు. బాన్సువాడ పట్టణంలోని అంబేద్కర్ చౌరస్తాలో, జుక్కల్‌లో రాస్తారోకో చేయగా, కామారెడ్డిలోని నిజాంసాగర్ చౌరస్తాలో, మాచారెడ్డి చౌరస్తాలో టీడీపీ నేతలు రాస్తారోకో చేశారు. రాస్తారోకో మూలంగా రోడ్లకిరువైపులా వాహనాలు నిలిచిపోవడంతో ప్రజలు ఇబ్బందులకు గురయ్యారు.