అక్టోబర్‌లో ఎన్నికలు?

ప్రస్తుతం తనకున్న సమాచారాన్ని బట్టి అక్టోబర్, నవంబర్ నెలల్లో ఎన్నికలకు వెళ్లే ఆలోచనలో కాంగ్రెస్ ఉందని చంద్రబాబు చెప్పారు. అయితే, రోజురోజుకు రాజకీయాలు మారుతున్నందున ఎప్పుడు ఏమైనా జరగవచ్చని, ఎన్నికలు ఎప్పుడు వచ్చినా ఎదుర్కొనేందుకు టీడీపీ సిద్ధంగా ఉండాలని నేతలకు సూచించారు.

రాష్ట్రంలోనూ, కేంద్రంలోను ఒకేసారి ఎన్నికలకు వెళితే తప్ప కేంద్రంలో అధికారంలోకి రాలేమన్న అభిప్రాయం ఆ పార్టీ అధినాయకత్వంలో ఉందన్నారు. కాగా ఉదయం 10 గంటలకు ప్రారంభం కావాల్సిన టీడీఎల్పీ సమావేశం గంటన్నర ఆలస్యంగా ప్రారంభమైంది. బుధవారం రాత్రి చంద్రబాబు పాదయాత్ర ముగిసేసరికి అర్ధరాత్రి 1.30 గంటలు కావడం, కాళ్ల నొప్పులు విపరీతంగా ఉండడంతో ఆయన ఈ సమావేశానికి ఆలస్యంగా వచ్చారు. వివిధ జిల్లాలకు చెందిన సుమారు 40 మంది ఎమ్మెల్యేలు హాజరయ్యారు. వివిధ అంశాలపై సుమారు రెండున్నర గంటలపాటు చర్చించారు.