విద్యుత్ సంక్షోభానికి వైఎస్ఆరే కారణం

రాష్ట్రంలో విద్యుత్ ప్రాజెక్టులు ఏర్పాటుచేసేందుకు తన అనుకూలంగా ఉన్నవారికి అనుమతులు ఇచ్చారని దీంతో వారు తమ ఇష్టానుసారంగా వ్యవహరించడం వల్లే ఆవిద్యుత్ భారా న్ని ఇప్పుడు రాష్ట్ర ప్రజలు అనుభవించాల్సిన పరిస్థితి దాపురించిందని ఆయన ఆరోపించారు. ముఖ్యమంత్రిగా కిరణ్‌కుమార్‌రెడ్డి అధికారంలోకి వచ్చిన తర్వాత ఇప్పటికీ 11సార్లు విద్యుత్ చార్జ్జిలను పెంచారని దీంతో ప్రజలు కోట్లాది రూపాయలు నెలసరిగా బిల్లులు చెల్లిస్తున్నారని అన్నారు. రాష్ట్ర ప్రభుత్వంపై విద్యుత్ సమస్యలపై టీడీపీ ఆధ్వర్యంలో బ్లాక్‌పేపర్ రూపంలో కరపత్రాలను ప్రచురించి రాష్ట్ర వ్యాప్తంగా ప్రజలకు వివరిస్తున్నట్లు ఆయన అన్నారు.

సంతకాలు సేకరించిన పోట్ల

రాష్ట్ర ప్రభుత్వం ఇటీవల పదేపదే పెంచుతున్న విద్యుత్ చార్జీలను నిరసిస్తూ రాష్ట్ర వ్యాప్తంగా రైతుల నుంచి సంతకాలు సేకరించి రాష్ట్ర గవర్నర్ నరసింహాన్‌కు సమర్పించనున్నట్లు పోట్ల అన్నారు.

గత టీడీపీ ప్రభుత్వంలో రైతులపై ఎలాంటి విద్యుత్ చార్జీలను పెంచకుండా ఇతర రాష్ట్రాల నుంచి కొనుగోలు చేసి 9గంటల పాటు నిరంతరాయంగా విద్యుత్ సరఫరా చేసినట్లు ఆయన అన్నారు.

కార్యక్రమంలో మండల టీడీపీ అధ్యక్షుడు ఉన్నం వీరేందర్, మాజీ ఎంపీపీ బాణోత్ దేవ్లానాయక్, పాలిక సారయ్య, బత్తుల శ్రీనివాసరావు, అడ్డగోల ఐలయ్య, ఎండి హనీఫ్, ఆంగోత్ మత్రు, నూనావత్ వశ్రామ్, భూక్యా బాలాజీ, ఆంగోత్ శంకర్, భూక్యా కబీర్, చాగంటి కోటయ్య, తాత వెంకటేశ్వర్లు తదితరులు పాల్గొన్నారు.