విస్తృతంగా టీడీపీ సంతకాల సేకరణ

ఆత్మకూరు: పెంచిన విద్యుత్ చార్జీలకు నిరసనగా రాప్తాడు నియోజకవర్గంలో ఎమ్మెల్యే పరిటాల సునీత చేపట్టిన సంతకాల సేకరణకు మద్దతుగా మండల టీడీపీ నాయకులు విస్తృతంగా కార్యక్రమం చేపట్టారు. మండలంలో గ్రామ పంచాయతీల వారీగా నాయకులు బాధ్యతలు చేపట్టి సంతకాలు సేకరిస్తున్నారు. ప్రజలు స్వచ్ఛందంగా పెంచిన చార్జీలు తగ్గించాలని సంతకాలు చేయడానికి ముందుకొస్తున్నట్టు పార్టీ మండల నాయకులు వేణుగోపాల్, మనోరంజన్, వెంకటనారాయణ, సాయినాథ్, హనుమప్పచౌదరి, హనుమంతప్పచౌదరి, చికెన్ వలి, శంకరనారాయణరెడ్డి, రవీంద్రరెడ్డి, సుధాకర్‌రెడ్డి, నరసింహ తెలిపారు. తల్లి కాంగ్రెస్, పిల్ల కాంగ్రెస్ ప్రజల్లో నమ్మకాన్ని కోల్పోయాయని, దోచుకోవడం తప్ప ప్రజలకు సేవ చేసిందేమీ లేదని విమర్శించారు.