నా తెలివి మీ వద్ద పనిచేయలేదు.. చంద్రబాబు

నా తెలివితేటలు మీ వద్ద పనిచేయలేదంటూ ప్రత్తిపాడు నియోజకవర్గంలోని కొంతంగి టీడీపీ నాయకులను ఉద్దేశించి చంద్రబాబు అన్నారు. సమీక్ష సమావేశంలో కొంతంగి గ్రామానికి చెందిన మామా అల్లుళ్లు పార్టీ కార్యక్రమాలు తమకు చేరడంలేదంటూ వేర్వేరుగా చంద్రబాబు దృష్టికి తెచ్చారు. అ యితే వారిద్దరు మామా అల్లుళ్లనే విష యం తెలియక చంద్రబాబు కొద్దిసేపు క్లాస్‌తీసుకున్నారు. వారు మామా అల్లుళ్లు అని సభికులు చెప్పడంతో న వ్వుతూ చంద్రబాబు నన్నే క్రాస్ చేస్తూ మాట్లాడుతున్న మీ వద్ద నా తెలివితేటలు పనిచేయలేదన్న మాట అంటూ చమత్కారంగా అన్నా రు.

యువత మేల్కొంటే దేశం అభివృద్ధి బాటలో పయనిస్తుందన్నారు. యువతను ప్రోత్సాహించేందుకు తెలుగుదేశం పార్టీ నడుం కడుతుందనిచెప్పారు. కాపులను, ఒంటర్లకు రిజర్వేషన్ కల్పించాలని కోరగా తమ పార్టీ అధికారంలోకి వచ్చా క అగ్రవర్ణాలోని పేదలకు సంవత్సరానికి వెయ్యి కోట్ల రూపాయల నిధులు మంజూరు చేస్తానని ఈ సందర్భంగా చంద్రబాబు హామీ ఇచ్చారు.