విద్యుత్ ఛార్జీలు తగ్గించాల్సిందే : టీడీపీ

విద్యుత్ కోతతో కార్మికుల జీవితాలు రోడ్డున పడుతున్నాయన్నారు. దాదాపు అరగంటకు పైగా ధర్నా, రాస్తారోకో చేయడంతో భారీ ఎత్తున ట్రాఫిక్ స్తంభించిపోయింది. పోలీసుల జోక్యంతో రాస్తారోకోను విరమింపజేశారు. అనంతరం టీడీపీ నాయకులు విద్యుత్ అధికారులకు డిమాండ్లతో కూడిన వినతిపత్రాన్ని సమర్పించారు. ఈ కార్యక్రమంలో తెలుగు దేశం నాయకులు ఆర్వీఎస్‌బోస్, ఆర్వీఎస్ బాలాజీ, డాక్టర్ కదిరప్ప, శ్రీనివాసులు రెడ్డి, శ్రీనివాసులు నాయుడు, ఆర్బీసి కుట్టి, అములు, సుబ్రమణ్యం నాయుడు , జగదీష్ నాయుడు తదితరులుపాల్గొన్నారు.

బంగారుపాళ్యంలో నిరాహార దీక్ష

బంగారుపాళ్యం : టీడీపీ రాష్ట్ర అధ్యక్షుడు చంద్రబాబు నాయుడు రాష్ట్రంలోని విద్యుత్ సమస్య పరిష్కారం కోసం కాకినాడలోని నిరాహారదీక్షకుపూనుకోవడంతో ఆయనకు మద్దతుగా మండలంలోని టీడీపీ నాయకులు, కార్యకర్తలు సింగిల్ విండో చైర్మన్ హేమచంద్రనాయుడు ఆధ్వర్యంలో బస్టాండు ప్రాంతంలో నిరాహారదీక్ష కార్యక్రమం నిర్వహించారు. ఇంకా ఈ కార్యక్రమంలో సింగిల్ విండో మాజీ చైర్మన్ నాగరాజు నాయుడు డైరెక్టర్లు మునిరత్నం రమేష్, నాయకులు లోకనాధం నాయుడు, సూరి, ధామస్, ప్రధాన కార్యదర్శి కోదండయాదవ్, హరినాయుడు, మునిరత్నంలతోపాటు పలువురు నాయకులు, కార్యకర్తలు పాల్గొన్నారు.