' కేసీఆర్.. భాష మార్చుకో... లేకుంటే ఉచ్చ చేతుల్లో
కాదు నోట్లో పోస్తరు ' అని టీడీపీ వరంగల్ జిల్లా అధ్యక్షుడు ఎడబోయిన
బస్వారెడ్డి అన్నారు. శనివారం జిల్లా కేంద్రంలోని హన్మకొండ హంటర్ రోడ్‌లోని
పార్టీ కార్యాలయంలో ఏర్పాటు చేసిన విలేకరుల సమావేశంలో మాట్లాడుతూ తమ
పార్టీ అధినేత చంద్రబాబు నాయుడును ఉద్దేశించి చేసిన వ్యాఖ్యలను ఖండించారు.
' కేసీఆర్‌కు భాష రానట్టున్నది. భాష తెలియకపోతే నేర్చుకోవాలి. ఆయనకు
సంస్కారవంతమైన భాష నేర్చుకోవడానికి వరంగల్‌లో కాకతీయ విశ్వవిద్యాలయం ఉంది.
భాషా నిలయాలున్నాయి. తెలంగాణ సంస్కతి విరుద్ధంగా కేసీఆర్ నోటికొచ్చినట్టు
మాట్లాడితే ప్రజలు ఊరుకోరు. ఉచ్చ చేతుల్లో కాదు నోట్లో పోస్తారు' అని
హెచ్చరించారు. ' కేసీఆర్ ! లుచ్చా రాజకీయాలను అందరిమీద రుద్దవద్దు. పొగరు
తగ్గించుకొని మాట్లాడు. అది నీకే మంచింది అన్నారు.
' కేసీఆర్‌కు
అంత నోటి దురద ఉంటే ఆయన ఫామ్‌హౌస్‌కు వెళ్ళి తీర్చుకోవాలి గానీ ప్రజల మధ్య
ఇలా నీచంగా మాట్లాడడం తగదు' అని హితోక్తి పలికారు. టీడీపీ తెలంగాణకు
కట్టుబడి ఉందని, మహానాడులో ఈ మేరకు తీర్మానం కూడా చేయిస్తామని ప్రకటించారు.
కేసీఆర్ తెలంగాణ తేస్తున్నానంటూ కాలాయాపన చేయడం తప్పా అది ఆయన వల్ల కాదని
అందరికీ తెలిసిపోయిందన్నారు. కార్యక్రమంలో నాయకుడు దొమ్మటి సాంబయ్య, ఎస్‌సీ
సెల్ అధ్యక్షుడు బొట్ల శ్రీనివాస్, జిల్లా కార్యదర్శి జన్ను మల్లయ్య
పాల్గొన్నారు.
