హైదరాబాద్ : ప్రజల సమస్యలను దగ్గరగా పరిశీలించడం కోసం... ఎంతదూరమైనా పాదయాత్ర చేయాలన్న సంకల్పంతో శ్రమిస్తున్న తమ అధినేత చంద్రబాబును విమర్శించే నైతికహక్కు కేంద్ర మంత్రి చిరంజీవికి లేదని టీడీపీ తెలిపింది. ఎన్టీఆర్ భవన్‌లో పార్టీ నేతలు సీఎం రమేష్, కాల్వ శ్రీనివాసులు, మండవ వెంకటేశ్వరరావు, బొజ్జల గోపాలకృష్ణారెడ్డి విలేకరులతో మాట్లాడారు.

చిరంజీవి సినిమాల్లో మాత్రమే మెగాస్టార్ అని, రాజకీయాల్లో ఆయనో దగాస్టార్ అని కాల్వ శ్రీనివాసులు విమర్శించారు. ప్రపంచంలో అతి పెద్ద రాజకీయ అజ్ఞాని చిరంజీవి అని బొజ్జల గోపాలకృష్ణారెడ్డి విమర్శించారు. కాంగ్రెస్ నేతల పంచెలు ఊడదీసి కొట్టాలని అప్పట్లో ప్రజలకు పిలుపునిచ్చిన చిరంజీవి.. తర్వాత అదే పార్టీలో ఎలా, ఎందుకు విలీనమయ్యారో ప్రజలకు సమాధానం చెప్పాలని డిమాండ్ చేశారు.