హైదరాబాద్ : టీడీపీ అధినేత చంద్రబాబును విమర్శించే హక్కు చిరంజీవికి లేదని టీడీపీ నేతలు బొజ్జల, సీఎం రమేష్, కాల్వ శ్రీనివాసులు వ్యాఖ్యానించారు. సోమవారం మీడియాతో మాట్లాడుతూ టీడీపీ బీసీ డిక్లరేషన్‌కు కాంగ్రెస్ భయపడే చిరంజీవిని ఉసిగొల్పుతోందని ఆరోపించారు. ఎన్నికల ముందు పంచలు ఊడదీసి కొడతామని, ఇప్పుడు పంచెల చాటున దాక్కున్నారని ఘాటుగా విమర్శించారు. పీఆర్పీది ఫెయిల్యుర్ పార్టీ అని, మార్పు, మార్పు అంటూ పార్టీనే మార్చేసారని టీడీపీ నేతలు ఎద్దేవా చేశారు.