తెలంగాణ రాష్ట్ర ఏర్పాటుకు టిడిపి పార్టీ వ్యతిరేకం కాదని పార్టీ
అధ్యక్షులు చంద్రబాబు నాయుడు వెల్లడించారు. పంచాయతీ ఎన్నికల నేపథ్యంలో పలు
జిల్లాలో టిడిపి ప్రాంతీయ సదస్సులు నిర్వహిస్తూ వస్తోంది. అందులో భాగంగా
ఆదివారం వరంగల్ జిల్లా కాజిపేట కాకతీయ ప్రాంగణంలో 'ఉత్తర తెలంగాణ' ప్రాంతీయ
సదస్సు నిర్వహించారు.
తెలంగాణ అమర వీరుల స్థూపం వద్ద
నివాళులర్పించిన అనంతరం కార్యకర్తలనుద్దేశించి బాబు ప్రసంగించారు. టిడిపి
అధికారంలోకి వచ్చిన తరువాత తెలంగాణ కోసం అమరులైన వారిని ఆర్ధికంగా
ఆదుకుంటామని హామీనిచ్చారు. కాంగ్రెస్, వైఎస్ఆర్ కాంగ్రెస్,టిఆర్ఎస్
పార్టీలపై బాబు విమర్శలు సంధించారు. ఒక పార్టీ అసమర్థత పార్టీ అని, మరొక
పార్టీ జైలు పార్టీ అని, ఇంకొక పార్టీ వసూళ్ల పార్టీ అని ఎద్దేవా చేశారు.
రానున్న పంచాయతీ ఎన్నికల్లో విజయం విజయం సాధించే దిశగా కార్యకర్తలు కృషి
చేయాలని సూచించారు. ఈ సదస్సులో వరంగల్, ఖమ్మం, అదిలాబాద్ జిల్లాల నేతలు
పాల్గొన్నారు.
