వ్యాట్ ఎత్తేయకపోతే సర్కార్ బట్టలు విప్పుతాం: టీడీపీ

మోండా : వ్యాట్‌ను తగ్గించకపోతే సర్కారు బట్టలు విప్పుతామని టీడీపీ నేతలు అన్నారు. వస్త్ర వ్యాపార రంగం పై ప్రభుత్వం విధించిన 5 శాతం వ్యాట్‌ను రద్దుచేయాలని డిమాండ్ చే స్తూ వ్యాపారులు తొమ్మిది రోజులుగా చేస్తున్న నిరవధిక బంద్‌కు టీడీపీ మద్దతు ప్రకటించింది. ఆ పార్టీ ఎమ్మెల్యేలు, నాయకుల బృందం మంగళవారం సికింద్రాబాద్‌లో వ్యాపారులు చేపట్టిన నిరాహారదీక్షలను సందర్శించింది. ఈ సందర్భంగా టీడీపీ ఎమ్మెల్యే పయ్యావుల కేశవ్ మాట్లాడుతూ రాష్ట్ర వ్యాప్తంగా వస్త్ర వ్యాపారులు చేస్తున్న ఆందోళనకు తమ పార్టీ మద్దతు ఉంటుందన్నారు. వ్యాట్‌పై అసెంబ్లీ స మావేశాల్లో చర్చించాలని టీడీపీ నిర్ణయించిందన్నా రు. అనంతరం ఆ పార్టీ నాయకులు బొజ్జల గోపాలకృష్ణారెడ్డి, మండవ వెం కటేశ్వరరావు, పీఎల్.శ్రీనివాస్ మాట్లాడారు.