March 20, 2013
అద్భుతాలు చూపుతాం : బాబు
ఏలూరు:'జిల్లాలో
అద్భుతాలు చేసి చూపిస్తాం.. ఈ జిల్లా మనుగడ కోసం మా పార్టీ అన్ని విధాలా
కట్టుబడుతుంది.. అధికారంలోకి వచ్చిన తర్వాత అన్నీ చేసి చూపిస్తాం.. మీ
చిరునవ్వే మాకు దీవెనలు.. అందుకే మేమేమి చేయబోతున్నామో ముందుగానే
ప్రకటిస్తున్నాం' అంటూ తెలుగుదేశం అధినేత చంద్రబాబునాయుడు ఒక డిక్లరేషన్‌ను
ప్రకటించారు. ఈ డిక్లరేషన్‌లో వివిధ అంశాలను స్పష్టంగా ప్రస్తావించారు. పోలవరం దగ్గర నుంచి కొల్లేరు దాకా, రోడ్లు విస్తరణ మొదలుకుని రైల్వే లైన్ల విస్తరణ వరకు అనేక కీలక అంశాలను ఈ డిక్లరేషన్‌లో పొందుపరిచి ఆ మేరకు బుధవారం కొవ్వూరు బస్టాండ్ సెంటర్‌లో జరిగిన సభలో ప్రకటించారు.
