January 14, 2013
టీడీపీకి అధికారం మీ సమస్యలన్నీ దూరం
తాను అధికార పగ్గాలు చేపడితే అన్ని వ్యాధులకు వైద్యం అందించేలా ప్రత్యేక హెల్త్
ప్లాన్ రూపొందిస్తామని ప్రకటించారు. అసైన్డ్ భూములను ప్రభుత్వం మంజూరు చేసింది కానీ,
భూములు మాత్రం అప్పగించలేదని, ఆ భూములు ఎవరి అధీనంలో ఉన్నాయో కూడా తెలియదని ఓ ఎస్సీ
రైతు ఆవేదన వ్యక్తం చేయగా.. తాము అధికారంలోకి రాగానే దళిత రైతుల అసైన్డ్ భూములకు
పట్టాలిచ్చి లక్షాధికారులను చేస్తామని ప్రకటించారు. ఈ సందర్భంగా గ్రామంలో ఆయా వృత్తుల
వారి సమస్యలను తెలుసుకున్నారు. అనంతరం గొర్రెల కాపరుల సమస్యలు విన్న చంద్రబాబు తాము
అధికారంలోకి వస్తే గొర్రెల కాపరులకు ఉచిత బీమా సౌకర్యం కల్పిస్తామన్నారు. ఇందుకోసం
ప్రత్యేక నిధులు కేటాయిస్తామన్నారు.
వైఎస్ హయాంలో ఎస్సీ రైతుల భూములు పెద్దలకు కట్టబెట్టారని, ప్రాజెక్టుల నిర్మాణం
పేరుతో ఎస్సీ రైతుల భూములను లాక్కుని పరిహారం ఇవ్వలేదని ఆరోపించారు. ఎస్సీ వర్గీకరణ
విషయంపై చంద్రబాబు మాట్లాడుతూ.. వైఎస్ ప్రభుత్వ నిర్లక్ష్య వైఖరి వల్లే మాదిగలకు
అన్యాయం జరిగిందని, ఎస్సీ వర్గీకరణకు తాను పూర్తిగా సహకరించి 'చంద్రబాబు పెద్దమాదిగ'
అనిపించుకుంటానన్నారు. బాబ్లీ ప్రాజెక్టు విషయమై వైఎస్ ప్రభుత్వం న్యాయ పోరాటం చేయలేదని,
దీంతో రాష్ట్రానికి సాగునీటిలో అన్యాయం జరిగిందన్నారు. ఈ సభలో వైఎస్ హయాంలో జరిగిన
అవినీతిని, జగన్ అక్రమాలను, కిరణ్‌కుమార్‌రెడ్డి ప్రభుత్వ వైఫల్యాలను బాబు తూర్పారపట్టారు.
