చంద్రబాబు ఎడమ కాలి బొటన వేలి గాయం తిరగబెట్టింది. ఆదివారం అర్ధరాత్రి ఉండిలో బహిరంగ సభను ముగించుకొని పెద అమిరంలో ఏర్పాటుచేసిన రాత్రి బసకు వెళుతున్న తరుణంలో గాయం తీవ్రమైంది. అప్పటిదాకా పంటిబిగువున బాధను అనుభవిస్తూనే ముందుకు సాగేందుకు చంద్రబాబు ప్రయత్నించారు.

ఉండి నుంచి కిలో మీటరు మేర ప్రయాణించాక గాయం బాధ తట్టుకోలేక రోడ్డు మీదే కుర్చీలో చాలాసేపు కూర్చుండిపోయారు. వెంటనే ఆయన రక్షణ బృందంలో ఉన్న వారు సపర్యలు చేశారు. అనంతరం రాత్రి బసకు బయలు దేరారు. గడచిన కొద్దికాలంగా బొటన వేలి గాయం వేధిస్తున్నా ఆయన పాదయాత్ర కొనసాగిస్తున్నారు. ఆదివారంకూడా అర్జమూరు నుంచి ఉండికి 11 కిలోమీటర్ల దూరాన్ని సుమారు ఐదున్నర గంటల వ్యవధిలోనే అధిగమించారు. ఫలితంగా గాయం తిరగబెట్టింది.